رقم الهاتف


جراسا -

انا بنت عمري 24 سنة تعرفت على شب عالنت وبحكي معه من فترة طويلة...الحقيقة انو جربت احكي معو اكتر من مرة باكتر من اكاونت بالاخير تجاوب معي باكاونت معين ما بعرف السبب يمكن عجبته صورة البنت يللي حطيتها
هو من غير بلد وانا قلتله اني من بيروت
و مشي الحال
المشكلة انو طلب رقم تليفوني كيف بدي اعطيه رقمي الاردني وهو مفكرني بلبنان
و ماحدا يقللي صارحيه لانو ما رح ينفع
رجاءً بدي حل مو مواعظ



تعليقات القراء

الحل
الحل بسيط

منه العوض وعليه العوض

وحده عمرها 24 سنه بتعمل هيك

ما بدها حل

بدها عصايه تلبلب عليها اتلبلب

شو تركتي للمراهقات

.....

واللي هيك صفاتها وتصرفاتها ولاديه

بتقدر تلاقي كذبه تانيه وادبر حالها

ما انتو التنين عارفين انكم قاعدين بتخرطوا على بعض

وبين النور ما في تكليف .

24-08-2011 03:15 PM
المخنوق
تريدي اختي ان تبدأي حياتك بكذبة , اذن لست ناوية على الاستمرار في العلاقة , او بلهجة اكثر فظاظة انت تلعبي بمشاعر هذا الشخص , سأجاريك الله لا يرده , لا تصارحيه , ماطليه باعطائه ارقام تبدأ بمفتاح لبنان لكنها خطأ, اكذبي عليه واخبريه انك ستكوني في الاردن بعد فترة بسيطة !!!

ونصيحتي لك من اجل فقط الامل ان تحبيه في يوم من الايام وتستحقي حبه وتستري على نفك .

لاحظي اختي انا اساعدك على الخطيئة بحقه !!!

الله يسامحني ويسامحك , وشوفي التعليقات من غيري يا ويذاوت مواعز !!!!
24-08-2011 03:17 PM
نبع الوروووووووووووو
ما عندي حل عندي موعظه حره انتي اذا بدك تقرايها او لأ
انت وقعتي باول حفره من حفر الشيطان اللي بجهزهم الك يوم ورى يوم وانتي ماشيه وما بتطلعي تحتك بس هسا حفرتك صغيره بتقدري تطلعي منها اذا سمعتي النصيحه اما اذا كملتي مع الشيطان رح تقعي وقعه وساعتها ما حدى بسمي عليك
عفكره حرام اللي بتعمليه من كذب وفسوق وبتخلي ذئب بشري يستمتع بنهش كرامتك ............اتركي هاي السواليف لانها ما بجيبلك الا الدور وجع الراس وقلة القيمه وسخط الرحمن.
24-08-2011 03:18 PM
سري للغاية
عادي ... في خدمة عدم اظهار الرقم
بس مع احترامي الشديد الك ...
كوني عاقة وفهمانه ولا تعطي رقمك لأي بني آدم ..
وانتي حرة
24-08-2011 03:21 PM
وحيدة كالقمر
انتي بتحبي ؟؟؟؟؟؟؟؟؟
او هو بحبك ليش بدو الرقم وانتي كل يلي هامك انو الرقم اردني شو خليتي للمراهقات المراهقة بتستحي تعمل هيك وبعدين هو حاطط على تيليفونو كل ارقام البنات انتي ليش تجيبي لحالك المصيبة وتنفضحي بسبببو انا بحكي اتركي احسن وصارحي ليش بخبي وبتكزبي علية زي ما بيحكو الصراحة راحة
24-08-2011 03:43 PM
؟؟؟؟؟؟؟؟
لا اله الا الله وحده لا شريك له الملك وله الحمد يحي ويميت وهو علي كل شي قدير
24-08-2011 03:45 PM
المهندس صهيب
فعلا والله مشكلة.....!!!!!!!!!!!
24-08-2011 03:48 PM
احلام ق
كيف بتحبي واحد وانتي ما بتعرفيه وكيف انت مقتنعه بحب النت اذا الشباب في هالوقت بضحكوا وبكذبوا على بنات عمهم يعني بكذبوا على عرضهم كيف البنات الغريبات الله يهديك بلا حب بلا بطيخ الحمد لله
24-08-2011 03:50 PM
نونا
انا ما بامن بالتعرف عن طريق النت كله حكي فاضي ديري بالك
24-08-2011 03:51 PM
ابو العريـــــــــــــــف
بسيطـــــــــــه اعملي حالك اردنيه واتعرفي علي ع اساس انك اردنيه ,,, وهيك بتحرقي قلبــــــي على لبنانيه ههههههههههههههههه :))))))))))
24-08-2011 03:57 PM
شمس الشتا
هاي نهاية الكذب ومابني على باطل فهو باطل بعدين علاقة علنت شو مستنيه منها زواج مثلا اعقلي عمرك24 سنه متى ناويه تطلعي من حالت المراهقه هاي
24-08-2011 04:31 PM
وراك وراك
خلص الحل عندي اعطيني رقم تلفونك خلينا نحكي انا وانتي وانسيه لهذاك الشب
24-08-2011 04:44 PM
الى 1 معك حق
انا المراهقه ستحيت اعمل متلك :)
والله معك حق يا رقم 1
24-08-2011 04:58 PM
ابن الكزره
قولي له انك اتيتي للاردن لزياره خالتك واشتريتي خط اردني بس الكذب ........
24-08-2011 05:06 PM
دودو المتوحشه :)
تعالى يختى احكيلك بما انو مفكرك هناك و ساحبه على اعملى خطك برايفت و احكيلو لانو خارجي بطلعلك برايفت :) و ازا طلب الرقم احكيلو اليوم و بكره و بعدو او احكيلو بابي بيئتلنى انا بس برن عليك كيف بس :)
24-08-2011 06:27 PM
4x
لايوجد بعد الصراحة فعليك تصحيح المعلومة و اذا هو وا عي يتقبلها بصدر رحب افضل من اغش و اخداع
24-08-2011 06:32 PM
chris
عادي يا ما تعرفت ع بنات ع النت وكل مرة شخصية شكل مرة انا لبناني مرة اردني متغرب في امريكا,مره كنت سعوجي من اصل اردني مليونير عندي اكثر من 22 تلفونات صبايا ..قابلت كتير والامر عادي كله مرح تسلبة ..بجوز هو كمان بشخصية مختلفة؟ 90% يكون متزوج وطفران معوش يحلق...فا الامر عادي الفي قصة جديدة علية ..have Fun ..Chris
24-08-2011 06:59 PM
ليل المساااافه
اختي صاحبة المشكله



مابني على باطل فهو باطل

24-08-2011 07:52 PM
هبوولة الى صاحبة المشكلة
اهااااااااااااا لهيك بحكوا حبل الكزب قصييير
24-08-2011 08:03 PM
كركي حر
الحل انك تبعثي رقم تلفونك على اميلي ---- ياهوو.. بحل مشكلتك
24-08-2011 08:21 PM
ليل المسافه
ماهكذا تورد الأبل اخي 17 وليس (عادي)

ماتقوله اتقي الله في مشاااااعر الناس

وهل من (العادي)عندك ان يأتي احدهم

ويتلاعب بمشاعر احدى محارمك ؟؟؟؟؟؟

ـــــــ فكما تدين تدان ــــــــ
24-08-2011 08:24 PM
محمود
فعلا اللي استحوا ماتوا -- و عليها شهود ارجو النشر
24-08-2011 08:36 PM
اختصر
ليه حزفت التعليئ كان بيعئد دلني وين المشكل؟؟؟
ما بسير شوهالحكي هيدا

هع هع هع
24-08-2011 09:07 PM
الوردة الحمرا
احكيلو بدنا نستقر بالاردن الاسبوع الجاي زمان كنا نخطط عنا بيت بالاردن (ضللك احكي معا عبر الايمل وبعد اسبوع رني علية من رقم اردني كككككككككككيف ههههههههه
24-08-2011 10:02 PM
Ginger
يعني الموضوع كله غلط بغلط .. بس سؤال .. ليش خبرتيه انك لبنانيه؟؟ ليش ما حكيتيله من اول انك اردنيه .. والا ما بيلبق؟؟؟ بعدين عفوا يعني 24 سنه .. والله كبيره على هالحركات
24-08-2011 10:04 PM
نصيحه مني واعتبريني اختك الصغيره
لا تكملي معو لأنه ما في شب بآمن بهيك علاقات ولا تعطيه رقمك لأنه انتي اللي رح تضيعي وبعدين رح تيجي وتحكي ياريت اللي جرى ما كان وهاي نصيحتي حطيها حلقه باذنك الشب دائما بترخصله البنت اللي بحكي معها على النت والله ما في شي غالي عند البنت غير سمعتها انا سمعت قصه شب تعرف على بنت على النت وحكا معها بطريقة محترمه بعدين الشيطان صار يلعب بيناتهم ويزينلها العمل الغلط لحتى صار اللي صار بينها وبينه وبعدين تهرب منها وبالاخير بعتلها مسج حكالي مو مستعد ارتبط ببنت سهلة المنال .. اي رخيصه فلا تجعلي نفسكي سهلة المنال وابعدي الشيطان من طريقك لعل الله يهديكي الى الشي الافضل تقبلي مروري واتمنى ان تعملي بنصيحتي
24-08-2011 10:29 PM
اانا صاحبة التعليق رقم 27
اسفه مخربطه بكلمة بدل ما اكتب حاكيلهاكتبت حكالي انا رويتها عن لسان شخص حكالي ياها اسفه مره تانيه وحبيت انوه لأنو رح يصير الشك انه انا هيه البنت بس مو انا لأني لساتني صغيره بس الحياه بتعلم من كتر ما بنسمع فيها
24-08-2011 10:39 PM
سوسو الاموره
انا برأيي احكيلو انك من الاردن واعطيه رقم موبايلك لأنه هذا الشي رح يسعده كثير لانك قربتي عليه المسافه هو بهمه انه انتي تكوني قريبه عليه وفهمك كفايه
24-08-2011 11:47 PM
موفق راسين
لأ احكيلوا انك جاية زيارة على الاردن وبدك تكملي دراسة هون واهلي حبين يستقروا وزبطي البائي مابدي اعلمك كيف ؟؟؟؟؟؟؟؟؟؟؟؟؟؟؟؟
24-08-2011 11:56 PM
رااااايق
ماشالله عليكوا

بتتفننوا بالكذب وكل واحد عامل فيها حلال مشاكل .
25-08-2011 01:32 AM
ساره
لازم تعرفي انك غلطانه من الاساس يعني عم تحكي مع حد اول شي لشو تكذبي عليه انك من لبنان تاني شغله ليش بدك تحكي معه ع التلفون ما بكفي النت يعني...وكل واحد عقله براسه بيعرف خلاصه ...عمرك 24 سنه المفروض تكوني بتتصرفي احسن من هيك
25-08-2011 01:37 AM
احلاهم واتحدهم
بنات آخر زمـــــــــــــن
هسا هاي المشكلة ما بتستحق تنزل ع هيك جريدة محترمة
25-08-2011 03:15 AM
نصيحة من أختكـ (أردنية دقولي التحية )
الله يهديك يا أختي ويهدي بنات المسلمين ويحفظهم من كيد الشيطان و كيد أتباعه من الرجال
25-08-2011 03:18 AM
بالله عنجد
نعتذر...
25-08-2011 04:41 AM
ابو غازي
اجكي معي واكيد الجل عندي
25-08-2011 04:51 AM
مش لاقي شغل
انا متاكد انك شنعة جدا ومش لاقية اشي تتسلي فيو وجاي تمزي علينا
25-08-2011 05:37 AM
الدغري
بتعرفي انا لو اخوكي اوابوكي لاربطك بعمود واجيب سوط واضل اجلد فيكي لما يغمى عليكي هاد احسن حل
25-08-2011 10:02 AM
الي صاحبة المشكلة
مشكلتك .....وغير مناسبة ان تطرح كموضوع
25-08-2011 10:27 AM
ع
الحل بسيط انطيني رقم تلفونك واعتبريني هو
25-08-2011 10:55 AM
قرفان كثير
العلاقة اللي بتبلش بكذب بتنتهي بسرعة , من اولها بلشتي تكذبي ؟؟؟؟ وبتسألينا كيف نكذب معك ؟ يا بتصارحية وبتقوليله انك هيك هيك هيك عاملة ورح يحب صراحتك ويحترمك ويشوف كم انتي مهتمة فيه لدرجة انك عملتي اكثر من اكاونت , يا باي باي لندن
25-08-2011 11:22 AM
عبد
بسيط اعطينه تلفونك وخلص .........
25-08-2011 11:26 AM
كتكووووت
اعطيه تلفونك وفهميه انك من الاردن مش من لبنان وفهميه ليش حكيتي انك لبنانية واكيد هو رح يتفهم السبب وانشاءالله خير
25-08-2011 11:44 AM
لاوي بوزي
احكي فوفو
25-08-2011 12:57 PM
ما بتنازل لإنسان
{إن كيدهن لعظيم}.اكثر اهل النار من النساء
25-08-2011 01:01 PM
ورده نيسان
وليش مش عاجبك يعني تكوني اردنيه حتى تحكيله لبنانيه , وبعدين علاقه عالنت ومن بدايتها كذب
25-08-2011 01:06 PM
الاعرابي
يابت للشمس في جلدي حروق وعلى سموم القيض تزهر حياتي اط

رد سراب اللال في مرتع النوق ومن الضما يجرح لساني لهاتي عاري جسد والليل حتال وبروق دفاي انا والبرد سمل العباتي /هي يابنت بلا نت بلا شباب بالنسبة الي انا شب ونظرة 90% من الشباب لأي بنت تنتنت معهم وخصوصا حب وما حب نظرة واطية كثير حتى لو كانت المسكينة ما عندها نية غلط المه انتبهي لحالك واذا بدك تعطي رقمك لشباب روحي على مكة مول وشغلي البلوتوث والعياذ بالله /اجتنبو خطوات الشيطان يا اخت الاسلام الحياة تافة والموت قريب تخيلي بكرة تموتي شو رح تحكي لناكر ونكير قضيتها احكي مع شباب طبعا انا مو شريف مكة بس الله يتوب علينا اجمعين امين يا رب العالمين
25-08-2011 01:53 PM
كرموش الى ليل المسافة
كيفك مشتاقلك ونفسي احكي معك
25-08-2011 01:57 PM
الدلوعه
هههههه ولله انا عمري 17 سنه عملتها مره بس ما كزبت كنت سادئه وصريحه من أولها بس بتعرفي يا حلوه شو صاررر طلع أبن عمي ولله ستر كان بدو يحكي لبابا بس انا ترجيتو :( وما حكى نصبحه صارحي وأخلصي بس ليكون حدا من ولاد خالتك او عمامك
25-08-2011 02:30 PM
جلكسي وجاي الدنيا عكسي
الى تعليق رقم 36 ابو غازي بدي احب اعرفك بطلب صاحبة المشكله هي بها حل لمشكلتها مش جل لشعرها
25-08-2011 02:45 PM
الى صاحبة المشكله
نعتذر....
25-08-2011 03:20 PM
الحل باختصار
الحل باختصار اقطعي لان اللي عملتيه غلط مش صح .... وسلامتك مش مواعظ لكنك ما .... على طريق صحيح باختصار شديد وبدون زعل
25-08-2011 03:43 PM
اســــــــ؟ــــــــم,,
انا لاحظت شي ,, انو صاحبة المشكله هي اللي بتلف عالشب يعني غيرت اكتر من اكاونت عشان تعجبو ,,يعني محدده الهدف ,,

الله يعينوا عليكي شيليه من راسك و تاخديها نصيحة مني كله كلام فاضي
25-08-2011 03:46 PM
مدهشة
قلة .....
افففف من البنات بس !
حكيكو فاضي !
سزالفك فاضية
25-08-2011 04:01 PM
عزاز
حرام عليكي ولاد الناس مولعبة خلص اتركوا الشباب بحالهم
25-08-2011 07:47 PM
زهكان
اي روحي انصاخي ما اتفه مشكلتك كال مش عارفة شو اساوي ساوي شاي اما ناس
25-08-2011 09:23 PM
شامل
بنات اليوم ابعجبهمش العجب كل هالمواصفات وما وحدة كابلة اي روحن انا بسواكن كلكن ليش اصلا اتزوج من هالخماخم اي بصافر عا روسيا وبجيب اكدع و احلى وحدة لو تلفن الاردن ما بتلاكن مثلها
25-08-2011 09:25 PM
بنت الاردن ودمي فلسطيني الى شامل
انت ضامن شو البنت الروسيه اللي بدك تحطها ببيتك ؟ بس بدي منك جواب
25-08-2011 11:30 PM
شامل الى بنت الاردن
انا كامل مكمل و الكمال لله حليوي و مكرش و عظلنجي و فايع و نزلت اعلان بدي اتزوج كلهن رفضن ووحدة مسميا حالها المدهشة بتكوللي انتي بتكاكي و انا ما بحب الي بيكاكن وبتكوليلي لليش
26-08-2011 12:31 AM
عاشق بيروت
صارحيه بالشغلة اذا حاسة انو هو رح يتقبلها
26-08-2011 01:16 AM
القصر
انتحري نصيحه
26-08-2011 12:08 PM
الكيلاني لصاحبة المشكله
يعني بدايتك خطأ وطريقتك في جدبك اله خطأ وهو ما بدو اياك من الاول طب لوين بدك توصلي معاه والاساس في علاقتكم غلط....اعقلن يا بنات واتقلوا شوي والله الشب سار هالايام يخاف تبلاه وحده قد ما برخصوا حالهم والحكي مش للجميع لانه في بنات كمان محترمات
26-08-2011 01:26 PM
الكيلاني الى شامل
ما شاء الله على الكتابه كيف.........اهدا يا زلمه ليش معصب ومين مانعك ما تاخد روسيه وليش التهجم ع بنات بلدنا.بعدين فش بنت بترفض شب عالمواصفات الي بتحكيها
26-08-2011 01:29 PM
متابع
بتفق مع السيد شامل بمعظم اللي تفضل فيه بخصوص الزواج من خارج هالبلاد,والسبب انو عناطقوس واجراءات الزواج معقدةاجتماعياومكلفةماديا,بعكس دول كتيرالزواج فيهابتم بالحب والتفاهم ودبلتين وبيت
26-08-2011 03:07 PM
ابو ريان
اخذيني انا غيره
26-08-2011 05:18 PM
مستغربه
ههههههههههه انتي اكيد بتتخوثي
مو القيه الكي قصه
شو رأيك تحكيله انك رجعتي ع الاردن يما وبالمره تحكيله انه جدتك لبنانيه
...............................................
مسخره والله
26-08-2011 06:18 PM
عبيدات - كفرسوم
لا حول ولا قوة الا بالله ....
26-08-2011 07:48 PM
معجب
هههههههههههههههههههههه..............
26-08-2011 10:38 PM
اكلنا هوى شب نفسو يتجوز
عمرك 24 سنه يا حبيبي والله الواحد صار خايف يتجوز هاي الايام يطلعلو بنت الها على هاي الالوان الله يجيرنا ويصبرنا
27-08-2011 05:26 AM
جيلان
شو هاد الحكي جد عيب جد انك ... يا بنت
27-08-2011 06:59 AM
عبيدات --كفرسوم
اغلب بنات اليوم مظحكة للشباب ...بعيشها باوهام وهي بتصدق وبالاخر بتروح عليها ....لانة سمعتها بتصير تحت الارض السابعه
27-08-2011 11:43 AM
بنت العدوااان
الحل مو بالمسدس ولا الكليشن الحل بدك خرطوش يفجر راسك تفجيررررر
اخص والله
27-08-2011 01:07 PM
محمود
وبعدين مع هبل البنات
27-08-2011 01:25 PM
متابع
الى 68,70اوافقكم الرأي تماما,ومشان هيك بقترح نفتح المجال للمستورد,وهيك بضل البلدي مكوم!!!!!!!
27-08-2011 03:46 PM
فاعله خير
في خدمه ازا رئمك ببدأ ب 77 از خدمتك اورانج بتحطي * 131# وبهاد الشي بيئدر رئمك يكون عنده از رنيتيله رئم خاص يتصل بك او الخدمه 1 وبهاد الشي لازم يكون عندك رصيد كافي لانه كل شهر لاوم تحدثيها بتحطي *131# ( نجمه مئه وواح وثلاثين بعدين مربع ) والله يستر عليكي ويبعد عنك الشيطان
27-08-2011 03:49 PM
♥ نبضات قلب ♥.
وليش من الاول كذبتي ؟!!
27-08-2011 04:54 PM
الى فاعلة خير
بدي استعمل طريئتك في التعليء

ازا انتي فاعلة خير وئاعده بدليها على الغلط

كيف لو انتي فاعلة شر

لا والشي اللي بدحك انه بتئولي باخر تعليئك

الله يستر عليكي ويبعد عنك الشيطان

ما انتي اشتغلتي محل الشيطان

واعطيتها حلول حتى ما تنستر

عجبتني ئللي وئللته والئاف تبعتك

حلوه عوجة اللسان وبما انها ليالي فضيله

انا بئول لو تدعي لنفسك بالمره لانه انتي بحاجه الله يبعد عنك الشيطان

والشيطان شاطر ومرات تلميز عند

الانسان .
27-08-2011 05:34 PM
الى 76
ليش بتنقهروا من الآل وئلنا
لانكم ما بتعرفو تحكو فيها.. طيب خلص اقتنعي بحالك واتركي الناس بحالهم
مو ضروري الغيرة بهيك اشياء
27-08-2011 08:20 PM
الى تعليق 63 متابع
انت زلمة بتفهم وكل حكيك عا راسي اذا يا رجل البنت بتظل توكيل في حالها بدها تتزوج و لمن يجيها العريس بتكعد تتعزز تكول ولدانة بكصر الاليزيه و مع هيك احنا كابلين و مستعدين لكولشي و كمان مش عاجبين و السيد الكيلاني بقولي في تعليكو ما تيجي في بنات هالبلد اي اذا بنات البلد متكبرين على ولاد البلد شو نغمل
27-08-2011 08:48 PM
متابع........الى شامل
يسعدمساك سيدشامل,واضح انك زلمة ناضج والحياةعركتك بحلوها ومرها,وبحييك عصراحتك وفهمك للامور,ورأيي انوبرغم التغيرات الجتماعية الكبيرة ,الا انه مازالت البنت بتنظر للزواج باعتباره طريق باتجاه واحدعنوانه(هات),يعني بدها زواج عطريقة(مهند ونور)! وللاسف هاد المفهوم المغلوط لفكرة الزواج عم تدفع البنت نفسها ثمنه من خلال تزايد ظاهرة العنوسةواللي وصلت لارقام مقلقة(100000فتاة تجاوزت ال30)!!!حتى يحدث التغيير,المجتمع بحاجة لثورة على معظم المفاهيم التقليديةالفاسدةالمتعلقة بفكرةالزواج,على غرار الثورات العربية:),واسف للاطالة.
27-08-2011 09:55 PM
سلطي
عقدو انفصام شخصية مش طبيعي
27-08-2011 10:59 PM
متابع.......الى سلطي
انا اسف اذا ما وصلت فكرتي بالشكل الصحيح,انا كان قصدي اقول انو لازم نبسط امور الزواج ونقتدي بسنة رسولنا بهالموضوع,ونيسر عالشباب,(اقلهن مهورا اكثرهن بركة),صدق رسول الله.كلامي فيه غلط اخي سلطي؟
27-08-2011 11:33 PM
ليل المسااافه الى كررررررررموش 47
الى اخي كررررموش 74

مساء الخير لعيونك واسف للتاخير توني اشوف تعليقك (ياابيض) واتشرف

فيك اخوي بس كيف البطيخ معك زي

ماهو معك ابيض ياابو قلب ابيض



(( كل عاااام وانت بخير واهلك واحبابك ونااااسك بخير ) تحياااتي
28-08-2011 01:21 AM
بثقشس
له له له والله مشكله كبيره محتاجه لحل
28-08-2011 03:42 AM
مراد
...........
28-08-2011 09:08 AM
نك نيم
والله ما الك حل الا توخذي رقمي وتحلقيله 000000000000000000000000000000000000
28-08-2011 09:30 AM
ج(ن)
طنشيلوا مين حكالك تكذبي دائماً حبال الكذب قصيره
28-08-2011 11:52 AM
احمد القبطاوي الى صاحبة المشاركة
يارب بهذا الشهر الفضيل تأخذ كل جبار عنيد وعاص متحدٍ خذهم اخذ عزيز مقتدر
انك عزيز ذو انتقام
اين تكون المصيبة , المصيبة ليست في المعصية فالكل تمر عليه اوقات ويخطأ هذا لا يختلف عليه اثنان
ولكن المصيبة عندما يخطأ الشخص ويستمر
في عصيانه لله العظيم
وهو يدرك تماما بأنه عاص ومدرك ايضا بأن عذاب الله من الممكن ان يأتيه الآن
وتجده غير مبالٍ, هل امنتي مكر الله
لحقي حالك وتوبي بتعرفي ليش شايفة امة البشر هاي كلها الي بالعالم لو اجتمعو كلهم بدون استثناء وظيفي معاهم الجن
وجميع المخلوقات لن يستطيعوا ان يوؤخروا
موتك دقيقة واحدة, اذا لمن اخلص ؟ من اعبد؟ لمن اسلم؟في سبيل من اجاهد ؟
سبحانك ربي
اسأل الله العظيم رب العرش العظيم..
لا حول ولا قوة الا بالله
الله يهدينا ويهديك

28-08-2011 01:25 PM
طايش
يعني زي ما حكيتيلو انك لبنانيه هو اكيد برضو مش من برا .. تلاقيه ابصر من اي خرابة بحكي معك وانتي مكيفة عليه
28-08-2011 01:40 PM
مواطن واضح وصريح
نعتذر....
28-08-2011 01:51 PM
اااااااااا
لا تخافي اعطي الرقم لانه هو كمان من الاردن مه كلو كذب رح تشوفي رقم اردني برن عليك
28-08-2011 02:57 PM
في سبيل الله نسير
من الأول ليش تحكي معه عالنت وهي مساوئ البنات بقولو انو عالنت ما رح يعرفني بس ما بعرفوا انو مداخل الشيطان بيدخل من كل الجهات ومن جميع الطرق

ويا جماعة شو هالحلول هي ؟؟؟ كل واحد بياعد وبقلا هاتي رقمك واحلقيلوا او بيقطرح عليها كيف تكذب كذبة أكبر

نصيحة اعملي ايميل جديد وكل الايميلات اللي عندك انسيهم وما تفتحي عليهم وما اضيفي شباب عندك على الإيميل وما تبقي تكذبي مرة تانية وبطلي حكي مع الشباب لأني ربنا شايف كل شي

وبكرة بيوم القيامة اتزكري انو رح تسألي عن كل لحظة كيف قضيتي فيها وقتك

أخيرا اتركي كل ما يعصي الله وألزمي نفسك بالمضي في طريق الله وطريق الصواب وحماك الله من الشياطين الجن والإنس وحمى الله شباب الأمة الإسلامية
28-08-2011 02:58 PM
وجدي الكرك
البين عالدايه والندايه
28-08-2011 03:30 PM
ما دخلك
خليها بتستاهل ولا حدا يحكيلها الحل
28-08-2011 08:24 PM
فاعله خيرررررررر الى تعليئ 76
هلأ الي فهمته انا من حكيك وردك ع تغليئي انك مئهور من طريئه حكيي هههههه مو لاني ساعدتا للبنت ايه الله يغزك اكتررررررر واكترررررربعدين شوف لاالئلك انت ما دخلك اوكز ما دخصك ازا بعلئ انا حر بعلئ كيف ما بدي وبطريئه الي بتعجبني انا اوكز بعدين لتكون اخوا مزاجي شي وانا مابعرف احي ازا انت اخو ل مزاجي ههههههههل شي بضحك انا ما بحب الحشريين اوكز مره تانيه ما تتدخل اوكز بايز
28-08-2011 08:25 PM
فايروس
الله الملك الوطن
28-08-2011 11:40 PM
عسولة الى سري للغاية
دايما كلامك بعجبني يا سري .
29-08-2011 03:01 AM
البلدوزر
ايش يا ابو بلد والله مو زابطه الامور معنا لوتعرف على قلبي غلاك........
29-08-2011 10:21 AM
فارس بلا جواد
وأسفاااااااااااااااااا على هذا الزمان

زمن المجاهرة بالمعصية

يَقُولُ رَسُولَ اللَّهِ صلى الله عليه و على آله و صحبه و سلم :

" كُلُّ أُمَّتِي مُعَافى إلاَّ المُجَاهِرِينَ ، وَ إنّ مِنَ المُجَاهَرَةِ أنْ يَعْمَلَ الرَّجُلُ باللَّيلِ عَمَلاً ،

ثُمَّ يُصْبحُ وَ قَدْ سَتَرَهُ اللهُ عَلَيهِ ، فَيقُولُ : يَا فُلانُ ، عَمِلت البَارِحَةَ كَذَا وَ كَذَا ،

وَ قَدْ بَاتَ يَسْتُرُهُ رَبُّهُ ، وَ يُصبحُ يَكْشِفُ ستْرَ اللهِ عَنْه "

مُتَّفَقٌ عَلَيهِ

المجاهرون: الجهر ضد السر ،

أي المعلنين بالمعاصي المشتهرين بإظهارها الذين كشفوا ستر الله عليهم
29-08-2011 12:19 PM
يا حسرتي
و الله اشي بضحك اي انا بنت و مش متزوجة و عمري 26 و بخاف من خيالي ما بسترجي اعطي رقمي لحدا و لا حتى انه اسمح لشب يتمادى معي بالحكي و الله بشتغرب منها و بدها حل ؟؟؟؟ الحل انه انت كل شي سلويتيه غلط سكري الطابق و الله ما بعرف هالبنات من وين بجيبوا الجرأة و الله غريب
14-09-2011 03:04 AM
اياد
عندي الحل ،،، انا بعمان واعطيني رقمك وبنضل نحكي مع بعض هههههه
27-09-2011 11:14 AM
اتقوا الله
مشكله .. من وحده .. مثل هاي بيرد عليها 100 تعليق والله لغير تنسئلو عن وقتكم هذا الي قاعدينه بس لصف الحكي

الي مثلها اهملوها احسن 24 سنه ولسه دايره ورى السواليف ...
03-10-2011 01:07 PM
مني الى تعليق 99
هاي مش جرأه هاي بعيد عنك ..
03-10-2011 01:09 PM
مش عارف شو اعمل
انا مش عارف وين انشر مشكلتي لهيد دلوني كيف بقدر انشر مشكلتي لاني جد بدي حل

03-10-2011 01:09 PM
ابو الحباب




ممكن اعرف ليش اخترتي بيروت من دون كل الدول ؟؟؟؟ظ على الرغم من ... الي تدور حول البنات الي يحكو انهم من بيروت ؟؟؟؟

صفي النيه كيف بدي اصفيها
04-10-2011 10:00 AM
ايتيان
معلش يعني همه بنات بيروت احلى من بنات الاردن
08-10-2011 04:11 PM
سوسو
انا عمري 14 سنة استحية اعمل متلك
14-10-2011 03:00 PM
فاطمه الغرابلي
ازا بتحبيه صارحيه وازا بحبك بسامحك وبكفي اردنيه بتمنالك التوفيق
18-10-2011 08:53 PM
مهند كسواني
الله يهديكي والجيئي الى الله
31-10-2011 08:04 AM
Dr.kholio
iiiiiii
12-11-2011 08:38 AM
مجروح من حبيب الروح
والله شكلك مش حلوه عشان هيك حكيتيله انا من لبنان عشان يحكي عنك حلوه
15-11-2011 01:53 AM
موسى الحمايده
.....
رد من المحرر:
نعتذر...
15-11-2011 09:32 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

آخر الأخبار

الأكثر قراءة

رياضة وشباب

محليات