سبحان الله وبحمده عدد خلقه ورضا نفسه وزنه عرشه ومداد كلماته

بتعرف/ي يا عصفور النار ؟؟؟!!!!

انا بدي احكي عن حالي :

اول تجربة كنت مراهق وفعلاً وعدت بالزواج , وما وفيت بالوعد لانه اجى الاكبر والاغنى وشال البيعة ( طبعاً هذا اعتبار الاهل مش افتراضي انا ).

ثاني تجربة بالجامعة , طالب وكنت اشتغل وادرس , وطبعاً مش كل الفصول كانت تزبط معي اشتغل , يعني يا دوب مكفي حالي وشرح الاولى اجى الفحل ذو الوضع المرتاح وشال .

التجربة الثالثة ايضاً في آخر سنة الي في الجامعة , وهذه بالذات ما راح احكي عنها لانها سبب خنقتي للآن بس بدي المح ( الرفض اتى من الاهل طبعاً طلبتها بعد التخرج لكن دق ابوها على وتر

((( معروف للكل وملوش دخل بالمادة والمصاري , رفضاً جذورياً ))).

وبس

..........

دعني هنا أختلف معك ,,

فالفتاه لها اليد الطولى بما يحدث لها

من قبل الرجل الذي يسيء معاملتها
أو يتنكر لها ولحبها
ولوعوده التي وعدها إياها

هي الملامه بكل ما يحصل لها

معظم الفتيات في وقتنا الحالي والراهن متعلمات مثقفات نوعا ما خبرتهن الحياتيه لا بأس بها ,,

يخرجن الى دور العلم والعمل تفتحت عقولهن وأصبحن قادرات على تمييز الغث من السمين بما يخص حياتهن والحكم على كافة الأمور ,,,

يمتلكن حنكه وخبره وأغلبهن يمتلكن الحكمه

النساءواسمح لي أن اقول بشكل عام ’’’ولكل قاعده شواذ,,,

لم يعدن ذلك الانسان الضعيف والمخلوق الذي يقاد بدون إراده ,,

ولم تعد قصة أن المرأه رومانسيتها هي من تجعلها تفكر بقلبها

وأن عواطفها متأججه وملتهبه تمنعها من التفكير المنطقي والحكم على الأمور بمنظار الواقعيه ,,,

ولم يعد هناك مريدين لهذه الأقوال,,,

الا البعض الذي يحلو له أن تبقى المرأه انسانه مسلوبة الاراده ومسلوبة الرأي,,,

فهي الان مطلوب منها أن تتعلم وبعد أن تحصل على شهادتها الجامعيه تعمل وتساعد في إعالة اهلها وتتزوج وتقوم بنفس الرساله من العمل ومساعدةو الزوج وتربية الأبناء

اذا نحن ننظر الى انسانه عاقله بالغه لها وجود وعندها قرار وصاحبة رأي سديد ,,,


لكن هناك من النساء من تتخفف من القيود الأخلاقيه التي حث عليها دينها والعرف في مجتمعها ,,

تسمح لرجل في فتره من حياتها أن يملي عليها الحب بشروطه هو وما عليها الا التنفيذ ,,

تنسى أن القياد لها وأن الأمر بيدها ,,

الحب مشروع لكن له ضوابط

ومن ضوابطه أن الانسان عليه أن يحكم عقله وقلبه في هذا الحب ,,

من تحب عليها أن لا تلغي المسافه بينها وبين من تعتقد انها تحبه ,,,

عليها أن ترسل له إشارات في كل وقت وحين وخلال فتره قصيره ووجيزه,,

أن البيوت تدخل من أبوابها ,,,
وأن الحب ابوابه مشرعه ليدخلوا منه الى بوابة الزواج ,,

أما من تستبيح نفسها وتستبيح قلبها لأجل الحب
والحب المسكين بريء ومظلوم من تلك التهمه التي ألصقت به زورا وبهتانا ,,

وتم الاعتداء عليه وكان ضحية حفنة من مدعي الحب ,,


فهذا جني يداها ,,,

كل الرجال ونتكلم هنا عن الرجال بحق

كلهم يرغبون بإمرأه صعبة المنال ,,

لأنهم هم أنفسهم كانوا صعبي المنال من قبل كثير من النساء
والخلوقه والتي تعمل ألف حساب ,,, لنفسها ولأهلها وتحترم نفسها وتحترمهم

هي من تجعل من أحبها يعد الثواني والساعات ليهرول مسرعا بدون أن تتعثر خطواته لملاقاة عائلة المحبوبه ,, ذات الخلق والأدب الرفيع

والتشرف بنسبهم ومصاهرتهم ,,

شكرا لصاحب المشاركه وتحياتي للجميع

والله لو كل حد من الشباب والصبايا موقن بانه هاي الامور قسمة ونصيب وكل واحد ما بياخد غير نصيبه كان ما بصير هيك امور ولا بتتدمر نفسيات اهم شي الواحد يكون مع ربنا عشان يكون معه ...ومن الاول ما حد يربط حاله لحد سواء بنت او شب لانه ما حد بضمن الظروف انا هون ما عم بدافع عن شخص الشب بس احسن شي انو الواحد ما يمشي بطريق مو معروف اخره لحتى ما يتعب نفسيا ومعنويا ....

عن جد هاد الكلام في منه وكتييييييييييييييير بسمع فيه وعشان منه كتيييييييير بهالبلد مش ضروري يالبنات تهيني حالك ومش حتموتي لو ما اخدتي عن حب بس هاد جد ان كان صح والنيه صح برضو الحب بحسه مالو وئت واكييييييييد من اي تصرف حيكون اله نهايه جد مو هيك الحب الحب بعد الزواج وهااااااد رأيي واكيد الصح

سؤال مهم ,,

لكن اسمحلي اوسع المجال اكثر بالاول الشب و الفتاة بعيشوا في بيئه محافظه تمنع الاختلاط وذات قوانين صارمه و خصوصا للفتاه ,, لذلك عندما يصبح لديها الوعي القليل و يبدا كلا الجنسين بملاحظه الاخر وان هناك اشياء تدور حولنا لا يبقى اهتمامها منصب على الالعاب و الهدايا ,, فاول ما تتفتح عينها ترى الدنيا بعين اما ابن الجيران او اقاربها و يبداوا هذه المرحله التي تستمر للجامعه ,,,
عندما يلتحقوا بالجامعات و اماكن مختلطه يتاكدون بان ما حصل (مراهقه) و لا يكون في بالهم الا البحث عن الحب و طبعا في هذه الايام اقول و بصوت عالي بان الحب اصبح جريمه ,, لاختلاف المفهوم الان,, لانهم سيدخلون الى اجواء كانت محظوره فكل ما سيرونه سيكون شي جديد
المهم يبقوا مع بعضهم لانتهاء مرحله الجامعه و كل شاب له (صديقه , حبيبه) 90% منهم تتوقف علاقتهم لهذه النقطه ,,

اثناء العمل يصبح هنا في نضج للطرفين الكل يبحث عن استقرار وما كان مستباحا في الماضي ليس مسموحا الان فيضع الرجل قوانين و شروط لزوجه المستقبل و الان ارى اتجاها ان الرجال يشترطون فتيات غير جامعيات ,,,

من جهه اخرى اوافق تعليق رقم 4 ,, حتى بنات المدارس لديها و عي و خبرة بامور لو قارنها باجيال سابقه تجد بانها امور كانت ممنوع الخوض بها ,, و بدخول الانترنت و التلفاز لم يصبح ما يسمى بفتاه جاهله ,,
هناك وعي لجميع هذه الامور

الله يخلي المسلسلات ما تركت شي ما حكت فيه و الكل بتابع والكل لديه وعي ,,

لكن مع هذه الامور بنجد انه نسبه تزداد و لا تنقص ؟؟؟ هذا ما يحيرني!!

ممكن تقليد اعمى تجربه لا ادري بماذا يسمونها لكن اكيد هناك طرف خاسر بالنهايه..

قمله ,,,,,صباح الفل كلامك راائع

مخنوق ,,, يا خوي الاغلب هيك ماا بعطي لاسباب (بالجذووور) لا تختنق و لا على بالك افكار قديمه ما حد بتركها ان شاء الله بتلاقي بنت حلال تسر خاطرك ,,

هاد الحكي مش مزبوط ويمكن تكون تجربة شخصية إلك .. ولا تعمم...

وانا مرتي وعدتها بالزواج وضلينا سنتين اصدقاء.. بعدين صار النصيب..

وشي تاني كل البنات عندهم نفس المشكلة ؟؟؟ الكذاب وعدني بالزواج وطلع خمسين حجة وضليتني استناه وخلاني احبه واتعلق فيه ومن هالحكي ..

المشكلة بالبنت نفسها ..يا ما تدخل بالعلاقة بالاصل ..يا بتلعب نفس لعبته .. واحسن من هالحلين ؟؟؟ إضلها صاينه نفسها وتستنى نصيبها

مش هيك والله انا مثلا اقسم بالله اني احببت انسانه ومازلت منذ 5 سنوات وفعلا مش شدة الظروف وصعوبة الحياه التى فعلا لاتطاق وضع مادي جدا جدا صعب وديون وعمل غير مستقر حال الكثير من الشباب , فعندما تقدمت لها لكن المال كان اساسا في ان نؤجل الموضوع الى فتره من الزمن ,, لكني مع ذلك لن اتنازل عنها ابدا باذن الله لاننى وعدتها ووعد الحر دين وانا ارغب بها زوجه لي فهذا يجعلني وفيا جدا جدا ولابعد الحدود ولاافكر اطلاقا في اي فتاه غيرها , بالمقابل يوجد الكثر مما لايوفون مع الفتيات عند الزواج اما لتضييع الوقت وهذه مشكله كبرى . شكرا لك عصفور النار

والله يا صـــاحبي حكيـــت كل اشي بدي



احكــيه...



قصــتي زي قصــتك مع اخـتلاف بسيـط!!!

بصراحة هي مشكلة لكن اساسها البنت

ليش تحب من الاصل وتحاول تعمل علاقات

اولا غباء وقبل الغباء حرااااااااااااااااام

فما في داعي للمكالمات والمقابلات الي ما من ورائها الا المشاكل والخيانة والغدر

واهم شي انو كلها كذب وبالنسبة الي الي بيكذب باستطاعته ان يفعل كل ما يشاء

وانا من النوع الي ما بئيد الحب قبل الارتباط لانو شو ما كان ماحد بيوخد الا نصيبو





سلام

الجواب:1-وقت الجد وده زوجة محترمة وتربي بنته على الفضيلة مش وحدة بترضى تقعد مع الغرباء2-لانه .... وهدفه يتسلى في البنات الغبيات 3-ضعف الوازع الديني والاخلاقي عند الاثنين

هوه في هيك شباب وهدول بيكونو ما عندهم مبداء بس كمان في شباب مناح وانا حبيبي وزوجي حالياً هيك حبينا بعض من الصف التامن وهو كان بعاشر وتزوجنا وهلئ عنا ولد وبنت

شباب احكوا بصراحة انتوا لما بتحكوا مع بنت بتتزوجها ولا لا بس حكي انتوا بتحكوا

وين المعلقين اللى تعودنا عليهم مش شايف اسماهم كل يوم بغيب واحد منهم

الشب لما يحب يصاحب بصاحب أي وحده وحتى إذا كانت كبيرة في عينه أول ما تجلس معه بخس إنها ما بتستحق إنه يتزوجها لإنها جلست معه بدون أي علا قة شرعية وبالتالي مثل ما جلست معه بتجلس مع غيره وبتصاحب على التلفون واحد ثالث وفي العطلة ممكن تطلع مع واحد رابع فبسير الموضوع بالنسبه إله تسلاي مش أكثر وفي هالأيام اللي بلاقي وحده ما صاحبت ومحافظة على حالها يتزوجها قبل ما تظيع لإنها عمله نادره

لان الشب اول حب بكوووم مراهق و بعرفش شو بحكي بس همه يتسلاى و هي بس يصير هيك من اول مرة بتتزعوع ثقتها و بتصير تحب تعمل زيو توعد و تبطل و بس يكبر شووي بنشغل بالجامعة و بكووون صداقات كثير و بوعد وحدة و بقدرش يكمل من كثر المحبات الصديقات و بعد الجامعة بصير بدو وظيفة تا يقدر يتجووز لان الايام هاي فيش اهالي بتصرف ع ولادها و البنت بكوون طلبها غالي و بدي و بدي و مش ملاحقة ع حالها تقووول الشب قاعد ع بنك و هو فعلا لو قاعد ع بنك ما اجى خطبك انتي و امه الها دووور و ام البنت الها دووور بتموون و بتشوور و هوون البنت بتعنس و الشب بخد وحدة اول مرة بسمع فيها. و شكر

مهو المصيبة لو ما قعدت معة انتي معقدة انتي بتخافي انتي شايفة حالك و انتي و انتي و هاااات تا تخلص منو و اذا قعدت مرة بعجبو الوضع و بصير بده يطلع و بدو يقعد بفكر الدنيا سايبة

لسبب واحد فقط أنه بطبعه الغدر والخيانة وعدم الوفاء. غدًار بطبعه الغدر بمشي بعروقه بدل الدم.

يعني ليش مابرجع بتزوجها؟؟؟؟؟؟؟؟؟
بكون خلص تسلايه وبده يشوف بنت غيرها للتغير فقط
وبس يجي يزوج قال يعني صار زلمه بروح بركض عاامه وبحكيلها بدي بنت مااحدا شافها ومااحدا سمع صوتها.........

يمكن التعبير عن الموضوع في بيت شعر.

أجيك وياقف في وجهي الأصل والذوق

والمجتمع والعرف والفقر واهلك...

يا ريت ان الزمن يرجع والله كل انسان مر بتجربة عندما يأتي موقف ويذكره اقسم بالله ان العبرة تكون خانقة والندم وبنهاية كل يرجع للظروف

انتي قصتك نادرة عمو و هو اكيد قرابتك لهيك لا تشجعي ع الحب من صف ثامن و هاي السووالف

انداااري كلو ...... من كلوو و كلوو داير ع مصلحتوو

الى اســــ؟ـــــــم :

عادي يا كبير انا الآن جداً متصالح مع خنقتي , والايام كفيلة تنسي لو جزء من (( الهبل اللي كنت فيه )).

الى لاميـ؛ـ؛ـ؛ـ؛ـ؛ـ؛ـيرال :

خليني احكيلك شغلة , البنت تزوجت وعندها اولاد الآن , ويشهد الله اني ما تواصلت معها بعد الزواج بس صدق انها بتتمنى لو اخذتني (( الله بيوخذ الجميع ))

, بس شو بدك تحكي بالتخلف اللي عند البعض , يعني هو الاب لما يعطي بنته لواحد ماخذها استثمار بيكون فرحان بعيشة بنته ؟؟

البنت اللي قد حالها و الله لو 100000000 شب ما بقدرو يضحكو عليها بس للأسف هذا نووع من البنااات نادر جدا

هييييييييييك الدنيا بتوخذ مننا نااااااس وبتعطينا ناس وان شاءالله يعوضك الاحسن منها

ههههههه عجبتني الله بوخذ الجميع معناتوه ع شوو مستعجل !! عيش حياتك بعدين بوووخذك ..الله يقوويك و هي الخسرانة اللي ما اخذتك انت شوو نقص عليك؟

و الله كل كلمة حكيتيها صح بس الا ما يكووم في شباب غير هيك بخافو ع بنات الناس زي خواتهم و لا شوو رائيك؟

مطوول تا تمووت؟

لا تعليق

يمكن الا في ما بتخلا الدنيا

الى الصبايا صاحبات القلوب الطيبة :

لا الصح هي ما عليها ذنب انها عايشة بمجتمع بيفرض عليها وعلى الشب اشياء تحت مسميات العادت والتقاليد والاعراف السائدة , مع انه كثييييييير من العادات والتقاليد بتتعارض مع الاديان كلها , بس حسبي الله ونعم الوكيل

لو انها حبتك حتي لو اطرت بتقدر ترفض بس هي الله و اعلم بحالها

الى 30 :

يا زلمة انا قاعد من رصيدك ؟؟؟

ليش متذايق ؟؟؟!!!

لأ مش هيك بس انا حبيييت اريحلك احسن ما تضلك مخنوووق هيك بترتاح و بتريح

اتريح يا اخوي ما عليك مني انا متريح , وصدق لو تعرفني ما بتحاول تتحركش فيي , بس عادي ما بتلتام اللي ما بيعرف الصقر بيشويه

لأنها البنت لما بدها تعمل صحبة وعلاقات بتكون قليلة حيا واللي بتكون سهلة وهي بنت قبل الزواج بتكون أسهل بعد الزواج

كيف بده يركن عليها ويطلع من بيته ويسافر ويكون واثق من اخلاصها؟



اللي بده يتزوج بيدور على البنت اللي ما عندها علاقات وخبصات بنت ناس اوادم وراكزين ومحترمين مو هاي كلاس وفري

ههههههه ايش يا صقر انته ما عرفتك و الله بالمناسة المادح نفسه كذاب

ولله يا عمو لا قرابتي ولا أشي انا من الدعجه وهوه من السرحان وسكان المفرق صيحيح قصتي نادره بس حصلت وانا كمان مثلك ما بشججع على الحب من صف ثامن بهاي الأيام وبعدين من شب لشب بتفرق انا زوجي تربايت المفرق يعني زلمه من زغر وقد كلمتو مع احترامي للجميع

والله ياخوك في ناس بتبين فهمانه و في ناس ....العوض بوجه الكريم لا تدق الباب لتسمع شي ما يعجبك شكلك مخنووووق منه عالاخر

اسمع عمي (رحم الله امرء عرف قدر نفسه) كمان يا صادق

وليش معصب المشكله بسيطه انت بس غير اسمك ول يهمك ماحدا بقرب عليك خليه متلا مفرفش

طيب انتوا يا الشباب لما بتحكوا مع بنت وبتتطلعوا معها بتحبوا انها تكون مرتك في المستقبل ولا لا ما بتحبوا البنت يلي بتتطلع نع الشب وانتوا مع الزواج التقليدي ولا عن حب

الى اســـ؟ــــم :

عادي يا اول هاي زلومية النت , وانت مش غشيم فعفطة بعرفش ليش , عاد والله عمري ما غلطت في بني آدم على النت , بس خلص فاضي وبده يعمل زقرت لابس شورت

انا ما بحب اني اعمل علاقة حب مع شب ولا عمري حكيت مع شب لانوا اكترية الشباب بلعبوا مع البنات بحيلها انا بحبك والبنت بتسدق وهو لا بحبها ولا شيء بتسلى فيها انا ما بامن بالحب لانوا بيجي من وراه وجع الراس

من المشاركين من يريد ان يمنع الحب.
لا يريد ان يعترف ان الحب يجري في العروق مجرى الدم.
لا يريد ان يعترف اننا نولد والحب ملتصق بجيناتنا وكروموزوماتنا.
انه جزء لا ينفصل عنا.
يريدون ان يمنعوا الفتاة من ان تحب.
وهيهات.
لن يحدث.
وستحب الفتاة وتغرق في الحب الى شوشتها سواء عرف الأب ام لم يعرف.
سواء عرف الأخ ام لم يعرف.
سواء عرف الذكر ام لم يعرف.
فهي عندها الف طريقة وطريقة لتتحايل على الذكور في عائلتها وتغرق في الحب .
وهم غافلون.
انها تعرف انها تعيش في مجتمع رجولي ابوي ذكوري تسلطي .
لذا تستغفلهم وتتحايل عليهم.
تجري كل اتصالاتها مع الحبيب في الشارع على التلفون الخلوي.
راقبوا شوارعنا وطرقاتنا.
من كل عشر فتيات ، وفي اي لحظة ، يسرن في الشارع ، فأن تسعة منهن تتكلم على التلفون.
وقبل ان تصل البيت بثلاثين مترا تقفله وتضعه في الشنطة وتدخل بيتها وكأنها مثال الشرف والعفة والفضيلة.
لماذا؟
لأنها لا تستطيع اجراء تلك المكالمات في البيت.
ففي البيت رقيب.
والرقيب مرتبط بالعقاب.
وهي لا تريد ان تعاقب .
هل هناك في العالم اغبى من ذكور مجتمعنا؟

مع اني بنت بس معروفة الاجابة يعني

نعتذر

بصرااااحه عجبني كتير كتير السؤال واكييييييد الجواب رح يكون للشب (هاي بنت مش مربيه ومش رح تعرف تربي ولادي عشان ما تربيهم علي كانت تتعمله )بس انا مع الزواج التقليدي ووعن حب بس حب من حب بيختلف وانتو عارفين

ما هذا الكلام يا اختي اتقي الله اذا 9 من اصل 10 من البنات مو محترمين فعلى مجتمعنا السلام ارجوك لاتتذرعي بقولك هذه حقائق ليست من الحقيقة بشئ مجتمعنا تحكمه عادات وتقاليد واهم شئ الدين وحتى لو اخطأتبعض الفتيات لم ولن تصل لهذه النسبة

تعليق51الى نور سلام

الحياة ختلفت كتير
بس حابه قول عندي صحبات كتير كانو بحبو وهلا متزوجين من اشخاص غير وهدول الازواج بفكرو انهم اول شخص بحياتهم.الكل بضحك ع بعض ماعاد تفرق بين الناس.صحيح بلجأو لزواج تقليدي بس هاد لا يعني انو الي بتتزوج تقليدي ما حبت.

قال تعالى

(( واذا سألتموهن متاعا فسألوهن من وراء حجاب ))

وذلك لما فيه فتنة للمرأة على الرجل وفتنة من الرجل على المرأة فكان هاد الحديث لأزواج النبي العفيفات الطاهرات أمهات المسلمين فكيف بنسائنا في هاد الوقت العصيب ...

كيف تبيحين للفتاة بأن تتكلم مع الرجل الأجنبي وتعتبرين ذلك بأنه تقدم ورقي وتصفين الفتاة بأنها رقيقة المشاعر نعم إنها رقيقة بينها وبين زوجها ليس بينها وبين جميع الرجال يا نور الإسلام أو يا من تدعين بانك نور الإسلام لا والله لا تملكين من النور سوى إسمه وأنا من متابعي تعليقاتك الهدامة الناشرة للفساد في مختلف الزوايا ...

قال تعالى

(( فلا تخضعن بالقول فيطمع الذي في قلبه مرض ))

وهادي الآية تدل على رقة الكلام من المرأة فيه فتنة لأصحاب القلوب المريضة التي تنتهي بفاحشة الزنا فأنت تريدين من فتيات المسلمات بأن يذوبن في الفساد .... يا نور الفساد

حقا أعتذر عن هاد اللقب المزعج لك ولكن هي حرقة القلب بما تتكلمين به من تضليل لفتيات المسلمين ...

لأنو الشباب مابعرفوا معنى الكرامة مشان هيك بفكرو انو البنات متلهم ماعندهم كرامةومشان هيك بيحكو مع الشباب بس ما بعرفو قديش البنات بكونو ياحرام مصدقين (( وعلى فكرة كل شب يروحو يدور ورى اختو بلاقيها بتحكي مع شب وبكون وعدها بزواج وبكون كزاب .كما تدين تدان))

ساعدوني مرة كنت بالجامعة زيارة و قعده مع الشباب انا و صحبتي و هدوول الشباب زي اخوواني و انا بنت استاذهم و جبنا سيرة الخيانة و الحب و هالسوالف و انا بلغلط حكيت قدام الشب اللي قبالي ليش انتو الشبااب كلاب ! و هوو تدااايق كتيير و بس طلعنا برى حسسني صاحبو انو زعل و هيك و انا صرت احكي مو قصدي و جد انا ما كان قصدي انو يزعل لأنو بحبش حد يزعل مني و هدوول الشبيين عزيزين علي

شكري الجزيل لمن طرح هذا الموضوع لانة موضوع مهم جدا وخصوصا للجنس اللطيف وهي الفتاة انا بالنسبة لي لا اومن بالحب اصلا ليس لاني معقدة بل لاني تعلمت من تجارب صديقاتي واقنعت نفسي ان الحب كلمة اخترعوها الشباب مشان يتخوثوا على بنات الناس للاسف واما الي بتزبط معها بكون حظها ونصيبها فقط ولو كل شب فعلا حط حاله بهاد الموقف ما كان في بنت بالدبيا انجرحت ابدا وبالنهاية لا شي عند اللله يضيع.........