وحياة شواربكو اللي الفسفس معشعش بيها غير تشوفوا اشي عمركو ما شفتوه ... قال كازينو قال

اذا وقفّت لحد هون وبس معليناش خطية ولا عطية ... الوزير الدباس اكلها بجلده .. ومعروف البخيت نفد

بريشه ... وكل واحد من اللي بالكو بيهم قبض الثمن ... يا اما وظيفة لابنه ... يا سكرة بتعمي الضو ..يا

تزبيطة من هون ومن هون ... انا مسطوح من اللي بسموا حالهم التيار الاسلامي .. ولكو يا عمي البلد

خربانة وانتو بعدكو بتقولوا الاسلام هو الحل ... يخرب صنوجكو .. مهو ابن الخامس ابتدائي بيقول اللي انتو

بتقولوه ... اسكتوا احسن الكو ... ما دام الخوف مقطعكوا ناموا بدوركوا وعند نسوانكو احسن الكو .

انا مفلوق من وزير الاوقاف البلد ( انتلت ) وساخة .. وهو ولا عند قريش خبر .... انا طاير عقلي من بني

حسن ومن بني صخر ومن الطفايلة والسلطية والمعانية ... البلد بلعبوا بيها الهمل الكورة .. واحنا

ولا كأنا هون ..... يا اردنيين .... دخيل على مالكو وعيالكو الحقوا حالكو ... الهمل مش ملاقيين حدا

يرفش ببطونهم ...... مش عيب بالاردن النوادي الليلية عددها اكثر من عدد المدارس ... وين الشرف

والناموس ... مش عيب السفالة وقلة الحيا بالبلد عينك عينك ... مين قال انه الهاملات معبيات عمان

ول ... لحّد ... لهالدرجة وصلنا ... سنحك من عيشة ... صار الواحد يشوف الغلط وما يقدر يفتح ثمه

قال سياحة قال ... ملعون ابو السياحة اللي بتوطي الراس .... يا اردنيين خليني اكون انا واياكو بساط

احمدي .... الرزقة اللي بتيجي من ورا الحرام الله يلعنها من رزقة .... عارفين قديش بيه بيوت دعارة بعمان

....... استغفر الله العظيم .... شو هالعيشة المقرفة ... صارت كلها حرام بحرام .... ياجماعة انا مش عارف

هالمسئولين بهالبلد .. مالهمش ولايا ... ملهمش عرض ... ملهمش خوات ...

يفضح حريشهم ... لطخوا سمعتنا وبهدلونا ....والله لو واحدكو يسمع شو بيقولوا الغربا

عنا ... غير توطووا رووسكو .... بصراحة طفح الكيل ... مجلس النواب حطوه عالرف ... مجلس الاعيان

لا بهش ولا بنشّ .... الشعب الاردني ثلثينه ميّت من الطفر ومن الجوع .... انا بحكي عن حالي

ومعي خمس ملايين اردني بنطالب فورا بتسكير كل بيوت الهمالة اللي رخصتها الدولة ... و بنطلب فورا

تسكير كل الخمارات... واللي بده يسكر ينقلع يسكر بدار اللي خلفوه .... مطلوب فورا تسكير الملاهي

واللي بحب الرقص والعربدة ... يشوف له وحدة من مستواه ويقلب وجهه برا البلد ... بلا سياحة بلا

قلة حيا .... عالحساب محنا طول نهارنا نغني هاشمي .. ها شمي .... والله النبي محمد بري منا

 

مطلوب من الشعب الاردني يعيد الكرامة والطهارة لهالبلد اللي طول عمره طاهر ... والله حرام اللي

بنشوفه هون .... احنا مش بفرنسا ولا ببانكوك ... احنا هون بالاردن بلد المقدسات ... شو اللي صاير

الناس منجنة... ... والمسؤولين ماكلين روح الخل ... قال دين الدولة الاسلام ... انو دين بتحكوا عنه

لو كان هالحكي صحيح ما وصلنا للي احنا بيه .... يا اردنيين ... السفالة والسفلة معبيين البلد .... عتبي

فعلا على نوابنا .. من يوم يومهم وهمه غايبين فيلة ... ولكو ياعمي مستقبل البلد بايديكو انتو ....

فكونا من عاش ويعيش ... ودام ويدوم ... وسلم ويسلم .... الاردن اكبر من كل ازلام الدنيا ..ما عاد

الوضع يتحمل اكثر من هيك .... الناس بدها تنفجر من اللي بتشوفه ... اطلبوا الرضا من الله احسن الكو

واهو اللي بعز وهو اللي بذل ..... عليّ الطلاق لو اني نائب ما بظل بالمجلس ساعة وحدة ... شو

قصتكو يزلام .... والله ما بقطع الراس غير اللي ركبه ..... الاعيان امر الله شاربين ماكلين نايمين

 

شامين الهوا .... وكيفين ومعاشات فوق الريح .... طيب انتو شو مغلوي على قلوبكو .... اسمعوني مليح ترى

لما الشرف بيضيع ... ولما الكرامة بتنفقد ... ولما الهمل يفحّجوا على ارقاب اصحاب الشومات .. ترى ما

بظل طعم لهالعمر .... واذا مش مصدقين اسألوا ا دلعّوبا .. واسألوا دنداش ....

 

ملاحظة : رجاء من يعرف من هو دلعوّبا ؟؟؟ ومن هو دنداش ؟؟؟ الاتصال مع كاتب المقال

وله جزيل الشكر .