ضرب مطارات بسوريا ..
من قبل المحتل..
فطور العرب اليومي صحن ملطشه!!
على كل الجبهات شغال المحتل طخطخه ..
عجيب امر العرب شو بتحملوا ضرب من كل الاتجاهات ..!!
الكل بصفع بهم ..
وآخر القول ذكاء رقمي شاغلين بسواليف هامله!!!
شغالين تمكين المرأة
تمكين الطفل .
وفن الطبخ .
جروبات سياحية .
جلب مطرب لساعة غناء بمبلغ بكفي تزرع ١٠٠٠ دونم !!.
ببساطة العرب مشغولين بتجميل واقع زفت ...
ويتقبلوا الضرب مع إصدار بيان تنديد استنكار ولنا الحق بالرد متى مش معروف من (٦٧) بنتظار الرد المناسب ..
المفرح على بعض الشاشات بمليون ذكاء تصوير وهو نقل ساعة وقوع الصاروخ على عماره او برج دقيقة بدقيقة شوف قديش لدينا قدرة على تصوير صاروخ يقصفنا ولا نملك قدرة لرد الصاروخ عنا فنون معجزات.!!!
تابع وشوف الشاشات العربية تجد العجب كل المسؤولين العرب بحالة اجتماعات لقاءات زيارات ما عندهم وقت لعمل إشي مهم غير التصوير والكلام على ورق اتفاقيات علاقات نشاطات تقارير تتحدث عن نمو اقتصادي سياحي إشي بجنن عروض أسعار لسلع تنافس معقول نسرح بعيد عن محيط ملتهب ...
وساعة الجد لا نملك الدفاع عن بعض .
ملطشه .
نرفع امر الأمة لله الواحد الأحد.
من هون ودز..
روحوا يخرب مطنكم هلكتونا..........
ربي ينصر عبادة الله المرابطين على أرض الأنبياء .
ويحمي مملكتنا والهواشم.
والجيش والأجهزة الأمنية درع الوطن .
والمرابطين بالقدس والاقصى.
كاتب شعبي محمد الهياجنه