جراسا -

الكاتب: مجهول حتى يفرجها الله

انا فتاة ملتزمة نوعا ما لا احب مفهوم الخيانة ولا العشق الكاذب، احببت شخص اثناء دراستي في الجامعة وكنا نقضي اوقاتا طويلة سويا مع العلم اننا جيران في نفس الحي الا انه كان لطيفا وعشنا قصة حب ليس لها مثيل، وعند التخرج فرضت علينا العادات المجتمعية ان اتزوج وكان يجيني عرسان لكن كنت ارفض عشان كنت استنى "حبيبي" يجي ويخطبني ونكمل قصة هوانا.

كل مرة ارفض فيها عريس كانت تصير مشاكل مع امي انه ليش ومتى بدك تتستري، وانا كنت رافضة الفكرة تماما من غير الشخص الي بحبه، لحد ما اجى يوم اختفى فيه حبيبي وقعدنا فترة ما بنحكي مع بعض.

وبيوم ما لقيت الا هو واهله عنا بالبيت طرت من الفرحة والدنيا ما وسعتني ولما دخلت امي علي تخبرني انه جيرانا جايين يخطبوكي لابنهم وافقت على طول بس ما كنت اعرف انه العريس هو الاخ الاكبر وطلعت وقعدت معه وصارحته بقصتي مع اخوه حكالي هذا صغير لسه وفي اثنين قدامه يعني من 15 سنة ما بلحقه دور يتزوج،

وضغط ابوي علي واخواني وامي وكوني وافقت وقراوا الفاتحة قبل ما نجلس الخلوة الشرعية ما قدرت انسحب .

 للامانة نسيت كل الماضي ومع الحياة الجديدة والاولاد تاقلمت مع زوجي بس كنت اشوف حبيبي السابق اتذكر واشعر بالالم وبعد فترة تزوج واجاه اولاد وكانوا الاولادنا يلعبوا مع بعض من يومها تحول بطريقة مجنونة صار يضرب ولادي ويسبهم ويشتمني قدامهم بحكيلهم امكم خاينة .

وصارت جنونه ينعكس على اولادي وصاروا خايفين منه وانا خايفة احكي لزوجي عن اخوه لانه من النوع الشكاك شوي وممكن يعمللي مشاكل شو اعمل لانتهي من هالكوابيس اليومية بحياتي؟