كيف اوصل له شعوري؟!؟
جراسا - انا عندي مشكلة يمكن ما تكون هي بذاتها .. يمكن تكون المشكلة عندي انا لأني ما بعرف كيف اتصرف.. بدي تساعدوني بالأول انا بنت عمري 23 سنة .. معجبة بشخص ساكن بغير ها البلد و هو ما بعرفني بس انا بعرفه يمكن هو ما بعرفني لانه بعرف كتير ناس وانا عمري ما كنت حدا مميز بحياته حتى اني اشك انو لو حكيتلو مين انا وشو اسمي يمكن كمان ما يعرف او ما يتذكرني ابدا كان يدرس هون وتخرج ورجع على بلدو .. بس انا دورت عليه عالفيس بوك وحكيت معو شوي يعني يا دوب تشات لمرة واحدة فقط... بس الصدفة خلتني اعرف رقم موبايله جربت ارن عليه اكتر من مره مع اني ما بعرف شو بدي احكيله بس هو من الاساس ما رد علي لانه رقم غريب ودولي بعتله مسج قلتله " انا متأكدة انو ما في شي مستحيل" رد علي قللي "اكيد ما في شي مستحيل..بس عن شو عم تحكي؟؟" ... ما رديت لاني ما عرفت شو بدي اقله بس الغريب انو ما سالني حتى مين انتي سؤالي .. شو اعمل لحتى اخليه يحكي معي ويصير في بيناتنا اخد وعطى لحتى اوصل لمرحلة احكيله كل شي عني بصراحة طي على الاقل شو ارد عالمسج .... او شو ابعتله مسجات كمان لانه ما بدي احل عنو وبحكيها بكل صراحة باختصار بدي يصير في بيناتنا حكي عالاقل ما بدي شي تاني عالاقل حاليا مو مستعجلة رجاء حار ... بدي حلول مو نصائح لانه سمعت نصائح كتير .. اذا بضحك علي او العلاقة فاشلة او عيب علي مش مهم .
انا عندي مشكلة يمكن ما تكون هي بذاتها .. يمكن تكون المشكلة عندي انا لأني ما بعرف كيف اتصرف.. بدي تساعدوني بالأول انا بنت عمري 23 سنة .. معجبة بشخص ساكن بغير ها البلد و هو ما بعرفني بس انا بعرفه يمكن هو ما بعرفني لانه بعرف كتير ناس وانا عمري ما كنت حدا مميز بحياته حتى اني اشك انو لو حكيتلو مين انا وشو اسمي يمكن كمان ما يعرف او ما يتذكرني ابدا كان يدرس هون وتخرج ورجع على بلدو .. بس انا دورت عليه عالفيس بوك وحكيت معو شوي يعني يا دوب تشات لمرة واحدة فقط... بس الصدفة خلتني اعرف رقم موبايله جربت ارن عليه اكتر من مره مع اني ما بعرف شو بدي احكيله بس هو من الاساس ما رد علي لانه رقم غريب ودولي بعتله مسج قلتله " انا متأكدة انو ما في شي مستحيل" رد علي قللي "اكيد ما في شي مستحيل..بس عن شو عم تحكي؟؟" ... ما رديت لاني ما عرفت شو بدي اقله بس الغريب انو ما سالني حتى مين انتي سؤالي .. شو اعمل لحتى اخليه يحكي معي ويصير في بيناتنا اخد وعطى لحتى اوصل لمرحلة احكيله كل شي عني بصراحة طي على الاقل شو ارد عالمسج .... او شو ابعتله مسجات كمان لانه ما بدي احل عنو وبحكيها بكل صراحة باختصار بدي يصير في بيناتنا حكي عالاقل ما بدي شي تاني عالاقل حاليا مو مستعجلة رجاء حار ... بدي حلول مو نصائح لانه سمعت نصائح كتير .. اذا بضحك علي او العلاقة فاشلة او عيب علي مش مهم .
تعليقات القراء
انت من طلب رايك وبعدين يعني اففففففففففففففففففففففففففففف>-(
( بدي حلول مو نصائح لانه سمعت نصائح كتير .. اذا بضحك علي او العلاقة فاشلة او عيب علي مش مهم )
يعني أي واحد بفهم من كلامك انك بس بدك تعملي معه علاقة وخلص
وبدك نساعدك في هالمصيبة ؟؟؟؟؟؟؟؟؟
لا حول ولا قوة الا بالله
حطي مخافة الله بين عيونك وبلاش الشيطان يسيطر عليكي
قال كيف اوصل لاله شعوري عمره ما يوصله كانك بتركضي وراه ومستينة رحمته
عيشي حياتك خلي الناس تركض وراكي مش انتي
Y3NE MN ELSHAB HEK 5OTWAH BTKON A7LA
BS ENTE B WAD3K HADA 3L A2AL 5ALEEH Y3RAFEK AWAL W E7KO BS MA T3TRFE B 7OBK YMKN LMA TT2ARABE MNO TKTESHFE ENO MO 7LM 7YATK
MA TTSARA3EE W ROOO2EEE:-)
انا معك وجد لو بدها تشتي كان غيمت يعني لو انه معجب فيكي لو شوي رح يجي يحكيلك طمني ف حافظي على مية وجهك كتير احسن بلاش يسمعك كلمتين حلويين
ارائك كتير بتعجبني عن جد بحسك قوية وواثقة من حالك بحييك
انتي عموه مش لازمك حل مشكلة , انت لازمك ابو أو اخو..... يعلمك الحب على اصوله. قال وشششوه الحجة بتحب واحد في بلد تاني , ياييييييييييييييي
عموه سيبك من هالسوالف هالبايخة و اتقي ربك القادر انه يبعثلك ابن حلال بتعيشي معه ما بقي من عمرك. البلد مليانه شباب محترمين و بقدددرو الحياه الزوجيه مش حياة الفيس بوك تبعك.
:-(
التقيلة بتضل تقيلة والرخيصة بتضل رخيصة
لا تفوتي حالك بمتاهة
الشب اللي بتقله بنت انها بتحبه بتنزل من عينة وبيعايرها بهالشغلة طول عمرها
أما
اللي بتتقل حالها بتكون صعبة المنال هي اللي بتعجب الشب وبيحارب الدنيا لاجلها
لو كان شو ما كان الشب ديري بالك تفكري انك تلحقي وراه لان بالنهايه انتي بنت واحلى شيء في البت ثقلها وكرامتها وبعدين انتي متاكده اذا ما في بنت بحياته يعني انسي هادا الشب ولا حتى تفكري فيه
وان شاء الله بجيكي نصيب كتير منيح
بالتوفيق
اختنا بالله بدها يصير بينها وبين الشب اخد وعطا يعني بالعربي مش عارفة كيف تعلقوا للشب !!!!!! جاية تسألينا احنا ليش ال MBC شغالة بالمسلسلات التركية عشان مين ؟؟؟؟!!!
الناس وصلوا للقمر وانتي بتفكيرك وصلتي لقمة السخافة مع كل الاحترام لشخصك الكريم
والله انك سخيفه انتي ومشكلتك
بدل ما تحلمي وتتعلقي بحبال الهوى اعملي لكي عمل مفيد واشتغلي
بجوز حدا يشوفك ويتزوجك على سنه الله ورسوله
وشوعرفك ان الشاب بجوز متزوج او خاطب او له حبيبه ؟؟؟
شو بعرفك بوضعه؟
اعقلي يا بنت الناس واهمدي بلكي ربنا يفرجها عليكي
سويتي قصه واشغلتي العالم بكيف اوصله شعوري
وعزيزتي صاحبه المشكله اصعب شي الحب من طرف واحد وحبيبتي حبك ميؤوس منه انتي ببلد وهو ببلد....... صح العولمه ما خلت للبعد مطرح بس حبيبتي انسيه ....
شوفي بالليل وقفي قدام المراي احكي انا بدي انسا بدي انسى ولازم انسى وخلص ما تفكري فيه
ويا عمري بلا فيس بوك بلا بطيخ....
واشغلي حالك بدراستك او شغلك او أي شي مفيد وعن جد تنسي...
واحلى شي بالبنت انه تكون عندها عزت نفس وكرامه والبنت بدون هدول ولاشي......
ما تحكي بحبه زمن الحب من اول نظره راح
والدنيا بلا حب والله أحلى.......
وانا حابب انه نكون صديقتين انا وانتي اذا حابه ايميلي عند جراسا عزيزتي اسمع اغنيه كاظم الساهر سيده عمري الفاظله........( التضحيه والمحبه من طرف واحد قاتله......الخ))
ما تخلي عواطفك تغلبك وما تظلي تكتبي مشاكلك هون وهون لاني قرأت هاي المشكله فب موقع تاني ......
ماتزعلي مني.
شوفي مارح احكيلك ضلك وراه وما بعرف شو بس ازا بدك نصيحتي ... بالعقل !!!! بسسسسسسس
يعني صحيح ما انتي معك رقمه !!!! والله لو انا محلك وبدي شب ... بعمل عمايل لحتى اوصله والحمد لله ما شب بدي ياه الا بجييييييييبه
كلها يمكن بعرفني ويمكن مابعرفني///// انا ما فهمت شي وانتوووووووووووووو
وما بهمو مين اتصل ومين لا يعني حتى اارقام الغريبه ما برد عليها
شكلو شاب راكز وبيعرف مصلحتو وعملي اكتر من شغلات الحب والتسلايه
ويمكن يفكر بمستقبلو وحب ما بدو هلا او في حد بحياتو فنصيحتي الك انك تركزي شوي ومشاعرك هي مشاعر عابرة او متوترة لانك عارفه انك معجبه فيو
فالحل براي انو ادا كان وضعو منيح وفي امل لزوج مو لحب وغرام وما بعرف شو حد من الكبار يلي بتعرفيهم يدخل ويشوف مشاعرو وشو بفكر غير هيك انسي وفكري مستقبلك احسن وبحياتك ولي ما تدعي ربنا يبعتلك احسن منو ولا تتعلقي فيو نصيحه بعدين بتبطلي تشوفي غيرو وانت الخسرانه خاصه ادا اكتشفتي انو ما بفكر فيك كزواج ومابدو ياك
وفي جهاز اسمو تيفور استعمليه عشان تسحبيه لعنك وتوصليلو شعورك طبعاً هاد ازا ما زبط البربيش
بس ديري بالك تسحبينا معك
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
يعني لو كان في احتمال يتطلع عليكي كان علقتي بباله
بس هو مش متذكرك حتى
استسلمي وارفعي الراية البيضا والعبي على قدك