عادي طلقها بلنهاية راح ترجعع على بلدك وتعيش هون وتتزوج هون

يعني اللي مشكلتك متزنه حتى انعلق تعليقات متزنه

قال من زمان بحب وحده امتى يعني وانت لسه بالبيضه قبل ما تفقس عنك

بس مين المريض النفسي خاف الله انت .

يعني فكر بحالك شوي معئول تكمل حياتك مع وحدة امريكية ومابتحبها؟؟؟
فكر بمستقبلك وبعقلك بعيد عن العواطف

اسمع انا بوافق المعلق رقم 1 طلقها لانه الاجنبيات مالهم امان و أخرتك ترجع لبلدك و تتزوج بنت من بلدك بعدين سدقني الاجنبيات ما عندهم روح المسؤوليه يعني ممكن هيه بأي وقت تتركك

شو هاد 21 سنه رايح تدرس ولا تحب وتتمعشق اكيد اهلك بيصرفوا عليك عشان دراستك وانت داير تتسرمح مع هالامريكيات
يعني قبل ما تنبلي وتتزوجها كنت تحب غيرها .......بكرا بجيك ولاد والعب ياحمد

يعدمني اياك
بدك الجنسية انما الاعمال بالنيات
بتستاهل

طيب رد علي عشان ارد عليك.. سولافتك مسخره يله رد علي

تتجوز وتعيش مع واحدة ما بتحبها ومش مرتاح معها.؟
وتارك البنت اللي بتحبها وممكن تعيش معها.؟
ولك يا اهبل الشباب العرب بيدفع 500 دولار لأي وحدة امريكية هناك ويتجوزها عشان الهجرة ، وبيكون بينهم اتفاق على هالموضوع.
روح للبنت اللي بتحبها وطلق الأمريكية ، فالكرت الأخضر صار معاك وسبب زواجك من الأمريكية ، اللي هو زواج بيزنس مصلحة ، انتهى.

هـآي مو مششكآـه حتى تطلب آلمسسآعده
وصرآحة آلمشكآـه سخييفه جدآ

:-[]

سخيييييييييييييييييييييييييييييييييييييييييف

الحب مو كل شي

من خبرتي في الحياة وصدقني انه مهما تكون الاجنبيه منيحه ما راح تفيدك في شئ بعدين في المستقبل
لذلك اتركها شوي شوي وعلى مهلك وخلي يكون في سبب يعني مو هيك لاقي سبب انه هي تكرهك وتبعد عنك
وبعدين اخذ الي بتحبها وبعدين بتضل بنت بلدك وفي المستقبل بتصونك وبتصون اولادك وبناتك وبتكسب دينك وممكن تدي الك او ممكن تربي بناتك واولادك تربيه منيحه ويدعو الك

MHMA B3D EL TEEER BYRJA3 L BLADOOO
AHM SHE MA T7AWEEL YKON 3NDK AWLAD MNHA LAENO BL A5R R7 TA5ODHOM MNK
TANI SHE ENTA LSSA S'3EER TAL2HA
W 5OD MN BNAT BLADK
BS ANA MO MWAF2A MA T7AWEL:-P

شوف يا اخوي ....
انت اعرض عليها انها تدخل للاسلام ...
واذا رفضت ...
احكيلها أحسن أجت منك ما أجت مني .... وساعتها طلقها عادي بكون الك حجة :-P
بس دير بالك بلاش تبلغ عنك انك من تنظيم القاعدة :-P
ـــــــــــــــــ
لا جد يا اخوي بما انها كويسة معك وما عملت اشي غلط معك .... ليش حتى تجرحها :-(
حاول تحبها معلش عشان اولادكم :-)
واحتمال اصلا البنت اللي كنت تحبها تكون متزوجه وعندها اولاد ... الله اعلم طبعا :-)
وبتمنالك التوفيق حبيبه لقلبي ;-)

قال و بحكو ليش سمعتنا برا البلد زي الزفت؟!!
مهو من ورا الشباب الي زيكو , هي الامريكية مش بني ادمة؟ توخذو الي بدكويا منها و ترموها؟
الزلمة عمرو ما بعض الايد الي بتساعدو....
الله يلعن الطمع و المصلحجية بس... وشرفي انتو ناس ما بنعمل معاكو خير

اخس على الرجال اخذت الجنسيه وخلص

اول شي بحب اشكر كل التعليقات مع انه في البعض منها جارح بس انا لهلا خايف من الله انه اتركها والبنت الي بحبها ما بتعرف واحنا كبرنا مع بعض و فانا مفكر انه بس اقضي حياتي مع البنت هاي والله يسامحني عالي فكرته قبل الجواز وانا ما بحب اظلم حد عشان ما انظلم بعدين وعارف انه دينها غير ديني وعقلها غير عقلي بس انا بعرف كتير ناس عاشوا والنساء حولو دينهم لاسلام

انت عنجد بتحكي انك مش عارف تساوي روح نام احسنلك

رووح اتجوز الي بتحبها.....بلاها المثاليات الي انت عايش فيها....ما انت الك تلتيين الخاطر تطلقها ...

والله يا اخي مش شو احكيلك تعمل هو ظل حب هالايام اذا كانت زوجتك مسلمه خلك معها واذا مش مسلمه طلقها بغض النظر بدك واحده تانيه ولا لا لانه الدين مطلوب بشريكة حياتك ....والله يحميك

روح تجـــــــــــــــوز التــــــــــانية ولا تتــــــــــرك الاولــــــــى وهيك بصيـــــر عندك تنتيـــــــــن بــــــس عنجـــــد تفكــــــر بالجيــــــزة لانك صغيــــــــــر عمـــــــرك 21

اخي صاحب المشكله والله اذا كنت مش حابب زوجتك صارحها لان هيك انت بتخونها بالمشاعر
حرااام عليك

i dont know how you are still with her until now are you creazy man?
american women are very boring and duscusting
you should leave here as soon as possible

Look, ur problem is not that easy as many would think. I understand that this wasn't the agreement between you and the American girl. People here fail to understand that the nature of girls is all the same, whether American, Jordanian or Chinese especially in love and relationships. I have a similar issue but with a girl from China. We're in love and we've been together for a few years now. I was planning to leave her but I couldn't accept the idea that I would break somebody so hard and just leave her behind after I was done with her. I even felt a good Muslim would not do this and you might not know happiness later in your life. Talk to her openly about how you feel and see if you guys can make things work out. She's also a human being with the same feelings and emotions Jordanian girls have. You wouldn't know, she might turn to be a very good girl for you, don't just give up on reforming her and also reforming yourself.

اعتقد ولا بد من ذلك.. عشان تقول التعليق متزن

شو رايك تتعرف عوحده ثالثة
ورابعة
وخامسة
وسادسة
وسابعة
وبعدين برن الجرس وبتروح
ههههههههههههههههههههههههههههههههههههههه

كيف حالك!!!!


مشاللللله حنوون و اللله.......و اللله انك فاضي اشغال يا مان !!!!!!!

akeeed 6l2ha akeeeed ...
o erja3 laleee bt7bha o bt7bk ...o n9e7a ma tfk o e'9y3 w2t
o lama trj3 lale bt7bha bt3w'9k

انا من راي اتطلقها
وجوزني ايها

خليك عالامريكية احسن لك من الاردنية .....شو ناقصك هم تتزوج اردنية

خليها على الله يا رجل بكفي الامريكية حلوه واموره وبتدله وبتطعج وبتغنج

الاردنية شغل طبخ وغيبه ونميمة واكل وشرب وزيارات ومناسبات ورحلات ....وجلطات لقي عن حالك...الله يكون بعونا احنا الي متزوجين اردنيات هم وغم ونكد وسكري وضغط

اسمع مني النصيحة :تمسك بالامريكية بايدينك ورجلينك حتى توخذ الجنسية بعدين ..تجوز لك وحدة شامية .....

اولا أخي انت مازلت صغيرا في العمر بالنسبه لموضوع الزواج
ابقى مع زوجتك حتى تكمل دراستك الجامعيه وهذا عزيزي فيه تحصين للمسلم انت لم تفعل شيئا مخجلا او يتفافى مع العادات الاسلاميه او العربيه
وبعد ذلك يكون تفكيرك قد نضج واصبحت تتفهم الامور الحياتيه بشكل سليم وواضح
اخي الكريم..... لا تفكر بالحب بل بالحياة عامه
لا تستسلم للحب من اجل ايا كان ....
مستقبلك المهني اهم على الزواج من عربيه والاولاد والمسؤوليات
انتهي من دراستك وبعدها انظر فتعرف انك كنت مخطئا

تعليقي ويييييييينووووووووو

انا من راي حلوه بس في تعليق صغير يعني الشب العربي ما بهموا يوخذ امريكية واحنا عارفين انهم حياتهم فري بس لما بدو يجوز عربية بصير يهتم في موضوع تاريخها وماضيها انا عارف مش مقتنعة

الحقيقة انه انا منذهل بطريقة تفكيرك.. وبصراحة اكثر انا بحاجة بنت واعية مثلك..

ممكن سؤال؟ لو اخذت بنت اصلها رقاصة اتوقع مافيها مشكلة؟؟؟ تابت هسا ...

you are still young,your life in front of you ,real love and real life do not come now,stay as you are, and don't bring any children.
time will solve your problem ,
you have to start praying to God he is the only one who can help you , do not lessen to all those peapele ,most of them are looser,and empty in there life ,
believe in God and in your self ,

انا برائيي انك تطلقها احسن الك والها وترجعها على بلادها وهيك تحلو المشكلة من وترتاح من المشاكل وبتحكي للبنت انك تحبها وبتطلبها من اهلها من دمن لف ودوران

Just a little question, you said that your wife is mentally ill,, did you discover that before or after marriage? i think the solution to your problem is there, but you don't want to admit it

والله يا ابني قصتك ماره عراسي وفي احتمال واحد من التالي
يا إما انا بعرفك
أو
كل الامريكيات الي بتزوجوهن العرب بطلعوا مريضات نفسيا
بس ما تكمل القصه انو عندك ولد ؟.
وكل الاحوال اصبر 3 سنين تانيه واعطيها أفترشيف يعني احلقلها بالعربي
وخود وحده من بلادك يابا

الى رمثاوي عايف السلطة ...او عايف حاله ...او عايف بنطلونه ...او عايف اي شيئ....؟؟؟

دعني (ادحش )حالي بهذا الحوار ....والدحش في اللغة يعني المشاركة في الحوار بغض النظر

عن موافقة الطرف الآخر .....

المشكلة يا عزيزي في مجتمعنا .... اننا ننظر الى المرأة على انها يجب ان تكون ملاك ...والخطأ غير

وارد عند الملاك ....وننسى في الوقت نفسه انها من البشر الذي يخطأ ...

هل سألت نفسك ...كيف اصبحت الفتاة هكذا ..... الراقصة راقصة مثلا ...وال ....هكذا

في الحقيقة يا رمثاوي عايف الي هو عايفة ...اذا تعمقت في قصة الراقصة فلن تجدها

مثيرة للضحك ...على العكس بل ستجدها تحمل في بذورها مأساة مكتملة الجوانب .....

واذا كانت حكاية هذه الراقصة او هذه ال...بالي بالك ....مضحكة فحكياتنا الآن جميعا مضحكة

ايضا ...فهل يرضيك هذا !!؟؟؟؟..

ان الله يغفر ويسامح (وينسى ) اما المجتمع فأنه لا يغفر ولا يسامح ولا ينسى ....

ويبقى المذنب في نظره مذنبا حتى لو لو ثبتت برائته ....اي ان المجتمع الذي يدعي

انه يخاف الله ....ينصب نفسه مكان الله ....وينتزع صفات الرحمة منه

ويحكم على الناس دون ان يغفر او يسامح يعفو ....

فهل يرضيك هذا ...؟؟؟!!!

لا اريد ان ابدوا بهذه الجدية فالجدية ليست تستهويني .....

ولكي اكون جادا يجب ان اكون ملاكا محترفا ....وقتها سأطلب من الطرف الآخر ان يكون

ملاكا ....فهل يرضيك هذا ....؟؟؟؟

تحياتي

تصحيح لمفهوم ورد بالخطأ عندك ؟؟

الله ما بنسى

والنسيان مش من صفات الله

بسامح

بغفر

نعم

لكن النسيان كلمه غير وارده ابدا وغلط استعمالها ولا يجوز

مجرد تصحيح لغلط وسوء فهم منك وعدم درايه في الدين .

يا ريت بتعرفوا بالدين زي ما بتعرفوا بالاشياء التانيه .

كنت اعرف ان جرندايزر سيظهر فجئة ...

لهذا وضعت الكلمة (بين قوسين )......جرندايزر تأخرت هذه المرة ...تحياتي

بدك كم درس في الاملاء

قبل ما تدخل في دهاليز الكتابه والتعليقات يعني اقلها تعرف تكتب عربي كويس .
سلم على جرانديزر تبعك تحياتي

يالله ما اخف دمك افففففففففففففففففففف

قالوا لنا في المدرسة وفي درس العلوم بالذات ان الحصان اقل ذكاءً من الحمار فقلنا لماذا ؟؟

قالوا لأنه ( اي الحمار )....يسير بحذر في المسالك الوعرة والشعاب الجبلية ....

اما الحصان فيندفع كالزوبعة يجتاح المسافات ويعرض حياته وحيات راكبه للخطر ...

ومادمت على ظهر الجواد فأنت واقف على حافة الموت ...فقلت للمعلم هذا بالذات

ما يجعل الجواد اقرب الى القلب من الحمار ...فقال المعلم لي لماذا تتخذ هذا الموقف من الحمار ؟؟

قلت ببساطة لأنه حمار .....

يستطيع الله ان يغفر اخطاء اكبر حجما من الاخطاء الاملائية ....اما الناس فلا تغفر اقل الاخطاء

حتى الاملائية منها ....وهذا ما تحدثنا عنه في التعليق الاول ...وبعد هذا ظهر متبرع او متبرعة

ليثبت صحة كلامي ....

الآن اشعر بخيبة امل متكاملة ....فقد ذهب ما كتبت ادراج الرياح ...وذهب الحصان وبقي الحمار

يمشي بحذر ليتجنب الاخطاء الاملائية ... فهل يرضيكم هذا....!!؟؟؟

تحياتي

انا احي فكرك و احي اسلوبك واحي سلاسة تدفق الفكره عندك ...منذ فتره امتنعت عن التعليق ولكن ليس قراءة التعليقات ...باتت جميع التعليقات متشابهه و لكن بنكهات مختلفه و اقنعه مختلفة الالوان ...تعليقاتك تستفزني...احيانا سطحيه واحيانا عاميه و احيانا فلسفيه ولكنها دائما تحمل شيء بين السطور ...رسائل خفيه كتبت بماء لا يقرءها الا كل ذي فكر عميق ..تترك لنا الحريه في تفصيل تعليقاتك كما يروق لنا فكل يفهمها على طريقته ...ردك بالتعليق رقم 44 كان شافيا و وافيا وكم وددت لو ردت عليها بهذه الطريقه ولقد شفيت غليلي بردك ....لماذا نترك الجوهر للفكره و نهتم بالزخارف .. لماذا نهتم بالشكل المطروح من حيث الاملاء و التركيب اللغوي و النحوي ولا نهتم ببيت القصيد ...
جدتي كانت جاهله و لكن كنت اقف مشدوهه امام بعض تعليقاتها لما كانت تحمل من فكر عميق نابع عن خبره رغم سطحية الاسلوب و ضحالة الطرح ....

عناد انت اسم على مسمى فل تبقى عنيدا في الحق ...كما عهدت

تحيه وسلام
بالنسبه للاملاء فعليها السلام بالنسبه الي نسيت العربي من متابعتي لمعلقي .
اما الحصان والحمار الحصان مندفع والحمار بليد
يعني الاثنان اتيس من بعض
واضيف مش ضروري تنتظر ان ينسى البشر اخطاءنا
عالم معجون بالخبث والكذب والرياء
عيش ضمن اخلاقنا الاسلاميه وما تراه لايحيد عن قيمنا الحميده
وطز بالناس لانها لا ترحم ولاشئ يرضيها
بشر متلونه تتصيد وتتسلى بمصائب حتى من تعتبرهم احبائها
ارض رب العباد وانسى البشر لان رضاهم صعب
ولاني من البشر ما في شي عاجبني في هذه الدنيا كله غلط بغلط
حتى نفسي وتكويني مش راضيه عليه يعني غلط بغلط

لا يا بو شيخة صاير صاير شخصية و بتحكي
وشو رايك بلا من الياء الثانية ؟؟
هههههههههههههههههههههههههههه

والله يا عناد الرمزيه الحميريه بقصصك لا تنطبق الا عليك .

عندما الحوار خاصتك يتحول الى لغه بهيميه وحماريه .

فعلى الدنيا السلام ..

اهنؤك بحمارك ومجموعة البهائم التي تعيش بينها لانها علمتك هذه اللغه الدونيه ,

من حديث وهمسات البهائم ....تحياتي لك ولكل كر في مدرستك وتحيه كبيره..
لذلك الجحش الذي كان من الافضل أن يكون جحشا في حديقة الحيوانات وليس في المدارس ...
كأن حري بك أن ترتقي بلغتك بدلا من لغة البهائم والحمير والتيوس والبغال...

أم ان غزوات البعير والجمال والحمير قد أثرت على أفكارك الحماريه ؟؟؟!!!!!!!!!!!!!

بهائم والحمير والتيوس والبغال

طلئها عادي وترجع لبلدها

Good Day,
Let me start by saying that its your own choice and i am pretty sure that you didnt even think twice about what you will face, your main concern was getting the green card or what so ever.
and now after you have achieved your goal you want to leave her!!! man the first thing to do is put your self in her shoe, if its OK with you to be dumbed then go ahead, but just know one thing, what goes around comes around.

صرلي زمان ما فتت هالموقع قلت لحالي بغيب فترة وارجع بتكونو كبرتو وصرتو بني آدميين ومزوقين اتاريكو متل ما انتو يعني صمنا صمنا وافطرنا على ....
.. لإيمتى رح يضلو يطفشو فينا ؟؟
سلامي لمعلمي الغالي ابو حمزة والى الاخت عمان والساهر وعصبي ودودة او بنت ابوها والى الي داحشة حالها بالحوار خخخخ
كيفكم يا جماعة مع انو انا بالعادة ما بسأل وما بحب اسأل عن حدا بس حبيت مر وسلم عليكم

Yes, this is what i was talking about in my previous comment. We normally treat foreign girls as if they were machines with no feelings and emotions. U're right, What goes around comes around. Hope he stays with this girl and make a good example about the true nature of Islam, the nature that so many "Muslims" forgot. Thx for ur comment

نعتذر

الى الي داحشة حالها بالحوار .. اعذريه على الاخطاء الاملائية ف لغته العقلية متأزمة بسبب الهبوط المفاجىء للعملة التايوانية لديه فتأجل عقد المؤتمر للسلام حتى تنخفض اسعار الدواجن وذلك بسبب انقراض الصحف من الجرائد وتبعها ازمة نفسية ادت الى ركوب القطار الحافلة بعدما حط في مطار الهند الذي اعقبه هروب صاعد في الاسواق المالية حتى اغدق عليه السور وبات يهاجر مع الحمام ليحمل اكياس الذرة ليطعم بها ذوي الاحتياجات الخاصة بعدما كان يسافر ويتناقر مع موظفين الهيئه عاد لبيع التوابل وسرقة الدروع ونبش القبور فطارده قطاع الطرق لنهب المقال المعلق بالجدار ويتعاقب مع المسكنات المتحولات يشربون ويتسابقون لنيل الفرات وزميله بالسكن ...جزء من النص مفقود*

الى عندند .. صاحب مقولة .. ان الله لا يلعب بالنرد
اذا كنت مهتم لتعليم اللغة العربية لغير الناطقين بها لطفا وليس امرا
اعد قراءة هذا التعليق مرة اخرى ..

جراسا يا مرآه الحقيقة .. هيك بتستقبلو الضيوف ؟؟
.. حطو التعليق خلص حذفت نصه .. شو بدكم اكتر

جراسا :نزلونا مشكلة جديدة لنتمكنك عليها ,!!

جراسا ما عندهم مشاكل اليوم شو رأيك تكتبيلنا مشكلتك ؟؟
اوعي تكتبي مشكلة عاطفية اوكي
ناطرينك ..

هههههههههه يخرب فنك يا يارا الحليب بروب ويارا عن مشاكلها ما بتوب :-D
وليه انتي بتغيبي وبترجعي زي ما انتي لسانك طويل الله يعينه اللي بده ينبلي فيكي :-D
طمنينا عنك لساتك شعنونه وطايشه ولسانك فالت وما اتجوزتي :-D:-D لك مين اللي بده يفكر يتجوز وحده لسانها متبري منها لينتحر تاني يوم او يدور بالشوارع فارع دارع مصاب بحاله نفسيه بتخلي يزغرت وهو راكض بالزلط .:-D:-D

مساء الخير للناس آخر الرواق
والله يا يا حلوة ,انا ما عندي مشاكل,إذا عندك أنتِ مو غلط ,ليش لأ ,بستمتع كتير وأنا بحلل,وبعطي حــل ,
يلا بسرعة ,,قبل لا حد بنزل مشكلة ,وبعتها ,,

إلى 58 :
عندي إحسااس إنها ياارا ,مو أكييييييييد ,

الى 58 : يا نيالي :)
الجنادب والسحالي والقوارض تعرفني .. والعث والبق والنواميس والقمل
الله لا يحرمك الهبل

الى 60 : يب يب وهل يخفى القمر

ANA ZEALT ALEKOM GARASA MA TALATO TAALEE MPAREH

نعتذر

الى تعليق 45
رحم الله جدتك أكانت على قيد الحياة او فارقتها ....مستريحة ...
لأنها بالتأكيد كانت من اصحاب النيات الحسنة ...فأصحاب النيات الحسنة
هم الذين يلقون عذابا كثيرا في دنياهم ...فمثلهم كمثل الشمس ...تنير حتى للذين
لا يحبونها وحتى للذين لا يرونها ...اعني قبيلة (العميان ) ... وهم أي (اصحاب النيات الحسنة )
يحاولون ان يضيئوا الطريق حتى للذين لا يعرفونهم ولا يقدرون فضلهم .....شكرا لك
على الاطراء ....تحياتي


تعبانة ....لأول مرة امتلك وقت لهذا الكم من الردود ...ورغم ان الوقت الذي اكتب لك به
اضيق من سراويل هذه الايام.... الا انني اصررت على الكتابه في الوقت الضائع ولا اخفيك
انني (سرقت بعضه )....لأقول لك ...
انه لمن الاجحاف والظلم ان نساوي بين الحصان والحمار ...وان من قال لك هذه المعلومة
كذب عليك (كذبة سوداء ) لاتمحيها منظفات هذه الايام مجتمعة ......لذى ارجوان تعيدي النظر
بهذه المعلومة ....لأننا اذا عشنا بهذه المقاييس ...لأصبحت الحياة لونا واحدا ولأصبح الموت
مطلبا جماهيريا عاما ....
وبالنسبة لي اعيش حياتي كما اشتهي لا افكر بأرضاء الناس ابدا ولا امانع ببعض المجاملات
الاجتماعية والتي لا بد منها احيانا ...وتعليقاتي اكبر دليل على هذا ....
اما بالنسبة لآخر سطرين ...كتبتهما (انت ) ....فصدقيني ...انني منذ فترة ليست بعيدة كنت على نفس
هذا الحال احمل سلالمي الخشبية وامشي بها عرضا في شارع ضيق ....لقد كانت هذه السلالم التي
حملتها ...ثقيلة ومؤلمة ...وكلما زادت طول هذه السلالم زاد المي ايضا ...كنت اتألم لأبسط الامور
فأذا بصق شخص ما في الشارع اتألم واذا رمى شخص ما ورقة في الشارع أتألم واذا نظرت الى نفسي في المرآة اتألم
واذا نظرت الى احوال الناس بشكل عام أتألم ....كانت سلالمي هذه كأبر صينية لا تسبب الا الكآبه ....
الى ان استشرى الألم العبقري في جسدي فأصبحت حياتي جحيما لا يطاق ....
قلت في نفسي (وبعدين هي مطوله معك ).... حملت السلالم في البداية طولا ....وبعد هذا رميتها
تخلصت منها... بعتها...لمن يشترون الاشياء القديمة ...حتى انني بعت وجهي البائس لهم ايضا ...
برغم الثمن البخس الذي دفعوه لي ....لو نظرت الي الآن لوجدتني طفلا صغيرا ...يضحك دائما
يبصق بالشارع ويرمي الورق مع وخز بسيط للضمير ...يهتم بأمور العامة بشكل لا يؤثر في حياته الشخصية ابدا .....
استمتع بحياتي ...واتعامل مع الموقف بحسب حجمه ....واهم هذه الاشياء انني تخلصت من ابر الكآبة تلك
وضحكاتي الطفولية لا تفارقني ابدا ... ولو انني ممن يحبون الظهور لأمسكت بيدك وأرشدك الى
الى طريق آخر مختصر او لربت على كتفك مواسيا ...ولكن حب الظهور لا يستنفر همتي ابدا
لذى عليك ان تختصري الطريق على نفسك وان ترمي سلالمك الخشبية او تبعيها لمن يشترون
السلالم القديمة وهم كثر هذه الايام وهناك مجموعة لا بأس بها تتابعنا الآن ...ضعي سعرا بخسا ...وستجدينهم
يصطفون امامك طوابيرا طوابير..... عزيزتي تعبانه.... ليس في هذه الدنيا ما يؤسف عليه .....

تحياتي

مازال اسلوبك يعجبني ..السهل الممتنع ..العميق الضحل ..كم يعجبني هاذا التضاد و هذا الفكر و هذه البساطه في الطرح ....تحياتي عزيزي ...علما اني حطمت كل سلالمي وكل سلاسلي ...

يا اخي مافي مشكله ما الها حل حاول انك تطلع منها بتتدريج خليها تكرهك من خلال اسلوبك معها حاول انك تعاملها بجلافه خليها تكرهك لا تعطيها كلام حلو ولا تهتم فيها ولا تحسسها بوجودك والاشياء اللي ما بتحبها افرضها عليها حاول انك تعمل هيك اذا بدك تتخلص لانك انتا هيك بتجرحها بسكوتك اكتر خليه اباسلوبك لدرجه انها هي بتحكيلك خلص روح ما بدي اياك B-)>-(وارجع لبلدك وازوج اللي بتحبها وعيش حياه سعيده وخليك مع رب العالمين والح بدعاء الله ما بينسى حد;-)بنت

هذا نتيجة الطمع بدك تشوف حالك انك متزوج وحدة معها جنسية اجنبية روح نام

الصحيح انا قرات المشكلة بتمعن وتمحيص ووجدت الحل وهو ان غراب البين لازم يغير اسمه ويشوفلو اسم شيك وسمبتيك زي اسمي (دعجم) مع ترقيق الجيم....................... عشان صاحبنا يقدر يطلع بحل لمشكلتو

خذ الحكي المفيد وسيبك من العواطف خليك لابد الى ان تاخد الجنسية وبعدين اللي بدك اياه اعملو بلا حب بلا حكي فاضي اساسا سعاد بتلاقيها زمان اتجوزت وصار وراها قبيلة ولاد :-P

:-) لا تتزوج من لا تتقن طبخ المنسف
فمهما كان شكلها جميلا او مقلعطا
لكن شكلها لا يشبع البطون

الى جميع الاخوان اللي رده رد سخيف مشان تخففوا دمكم لو ما تردوا احسن كيف بتكتبوا نصائح وانتوا ما عندكم احساس بالنسبه للشاب الفاضل اللي طالب النصيحه اناعايش بايطاليا من 20 سنه وما زلت وتزوجت بنت بلادي اللتي تنطق لغتي ومن طين بلادك حط عخدادك والفرق كبير بين العربيه والاجنبيه وستلاحظ الفرق فنجان قهوه مع ام اولادك العربيه بسوى الدنيا بكفي بتذكرك ب لا اله الا الله وبتعينك عالحياة اكثر من الاجنبيه اخي العزيز خذ العربيه المسلمه مشان الخلفه واولادك اللي ستسال عنهم وصدقني انها راح تنسى لانه النسيان احدى نعم الله عز وجل ادعو الله لك القرار الصائب الحكيم وقوي قلبك وتوكل على الله وحده

اترك قلبك يحتار لانه الحب بيجي مررررررررررررررررررره واحده

اترك قلبك يحتار لانه الحب بيجي مررررررررررررررررررره واحده

باختصار ولن اطيل . اطرح لها فكره العوده الى الوطن واذا وافقت احضرها وانا ااكد لك انها لن تحتمل اسبعوع فهي ستفرح باول 3ايام وتعتبرها سياحه ثم بعد ذلك ستشعر بالممل واختلاف الحياه هنا وستطلب الطلاق هي بلسانها فانت ان اجلا ام عاجلا عائد الى وطنك , ونصيحه لا تنجب منها لاتنجب منها لا تنجب منها

والله يا يصديقي اللله سمحلك باربعه وانته قلبك مو مطاوعك تترك مرتك وبنفس الوقت بدك تعيش مع الي بحبها قلبك والله انا من رأي سوي الى قلبك بدو اياه مصيبه ابوها الله يوخذك يا ود يابنت يدمني اياكي

استعن باالدعاء الله يستر عليك:-D

مرحبا للجميع ........حرام تظلم حدا بخصوص مرتك بس اذا بتقدر تعادل بينا الاثنين مش غلط إذا بتتزوج اللي بتحبها وهيك ماتظلم حدا لانو اصعب شي الظلم واذا تركت مرتك واخدت حبيبتك ماراح تعيش مبسوط راح تحس بذنب .. الله يوفئك

اولا انتم ليش رخيصه عندكم مشاعر الناس الزلمه تعبان وبده حل انتم هيك بتزيدو عليه حرام عليكم