جراسا -

انا بنت عمري 23 سنة ومتعلمة بس اسفة مش راح احكي شو تخصصي

لما خلصت جامعة اشتغلت بتخصصي بشركة خاصة وكان يشتغل معنا ابن صاحب الشركة وكان كتير يعمل اشياء عشان يتحركش فيني ويلفتلي انتباهي وانا ولا انا هون ما كنت حبو كنت حتى اقرف منو وقدمت استقالتي عشانو لاني بكرهو ومابدي اياه يحبني او يتعلق فيني اكتر من اللازم وبعد ماطلعت من هي الشركة رحت توظفت بشركة تانية .


صار يبعتلي امسجات انو هوة بيحبني ومستحيل يعيش بلايي وانا كنت اقول لحالي مش معقول هالبني آدم مابيفهم وماعندو اخلاق ولا ضمير وبس صرت انا كمان ابعتلو بالمسجات اني بكرهو ومابدي اياه حكالي انا بدي اتجوزك وللعلم هوة متجوز وعندو ولدين وهوة عمره 26 سنة وانا حكيلو اني مش مفكرة بالزواج وحتى لو فكرت اني اتزوج مش راح اوافق عليك لاني بكرهك ومش متصورة عيش باقي عمري معك آخر شي الشب قفد الامل وبعتلي مسج حكالي فيه انو هوة مسافر وماعاد اشوف وجهو عشان ما يدايقني وبعد ما سافر غاب 6 اشهر ولا رن عليي وبعدها حسيت اني مستحيل اعيش بلاه وشوي شوي تعلقت فيه كتير بغيابو وصرت اتعذب كل ما اتذكر اني كنت احكيلو بكرهك او اتذكر انو سافر عشاني وبعد مارجع من السفر بعتلي مسج انو هوة رجع اذا حابة اتطمن عليه وانا بس شفت رقمو على تلفوني طرت من الفرحة ماعرفت شوبدي ساوي وكيف بدي خبرو اني انا بحبو خفت يصدني متل ما أنا صديتو مرقوا شهرين وانا بعدني على نفس العذاب وعلى نفس التفكير اني كيف بدي اصارحو بحبي الو وكنت كتير خجلانة ومترددو وبعد ما ستنيت كل هي الفترة رنيت عليه ولاَ هو كان راجع من السفر ومارد عليي كنت كل يوم رن عليه فوق 50 مرة ومايرد بعد ما فقدت الأمل رد عالتلفون حكيتلو انا بحبك ومافيني عيش بلاك قلب الموضوع مسخرة وبعدها سكر تلفونو فترة طويلة وبعد ما فتحو حكينا مع بعض صار يحكيلي انو لو صرنا أصدقاء بيكون أحسن بس أنا هون تدمرت ورغم اني بموت فيه وعارفة لو حكيتلو آه موافقة رح كون بضحك على حالي وعليه وهلأ بدي الحل انا شو بدي ساوي كيف بدي عيش بلاه ولمين بدي قول حبيبي وانا مستحيل أقبل بحدى غيرو