يارجل الله يسامحك !!!!! هو في سمنة عندنا بالاردن؟؟؟؟؟ ماهي الحكومة عامليتلني روجيم مجاني لمعضم الشعب..وبدون اشتراك شهري...

بنصحك لاتروح على نوادي ولا على غيره...اتبع الحمية والوصفة المقدمة من حكومتنا الرشيدة.

الله يكون بعونك وهاي فرصة نعرف مين ...الضعبف ......ومين ...الناصح .............

ما عندي اي حل بعتذر

اعتذاري مقبول

صراحة يا اخي خسارة الوزن بدها ارادة قوية جدا و صبر و عزيمة يعني ما في اشي اسمو حاولت شتى الطرق انت ارادتك مش قوية يا اخي ... قريبي كان وزنو 120 و عاش عالسلطات و الرياضة و خلال 6 شهور صار بني ادم تاني و نحف 40 كيلو لانو من جواتو ناوي ... الا ازا كان عندك مشكلة بالهرمونات .... ان شاءالله بتنحف و بتتجوز

ارجو من الاخوه المعلقين ممن لديهم تجربه في العمليه الجراحيه او من هم على معرفه باحد الاصدقاء او الاقارب قد اجرى العمليه ان يطلعني على سلبيات العمليه الجراحيه وهل مضاعفاتها تكون كبيره
وصدقا سوف اتخذ قراري باجراء العمليه بناء على تعليقاتكم
مع الشكر الجزيل الى جراسا

الله يكون بعونك
و الله حرام 150 كيلو
بدك تحرم حالك من كل شي عشان تنحف

الى صاحب المشكله .......خليني انصحك نصيحه صادقه لا تجرب العمليات هاد النوع من العمليات خطير كتيييير و النتائج مو مضمونه ....ما الك الا تحاول تنحف بدك اراده قوووويه كتييييير و تشجيع من الناس اللي حولك .....العب رياضه الرياضه كتييير منيحه و بتخفف الوزن ...كل 6 حصص باليوم فواكه و خضروات ...انت ما بنقصك شي بتقدر تعملها و بتقدر تنحف بس بدك ارادة بس هاد اللي ناقصك ....انا بحكي من تجربه انا كان وزني 120 كيلو اتكلت ع الله و صممت انو انحف اشتركت بنادي رياضي و ما كنت اكل الا خضار و فواكه و بعد 3 شهور شفت نتيجه كانت مبهرة .....صار وزني 85 كيلو والله بتندم عالايام اللي ما كنت نحيف فيها المشكله مو بس مشكله صحيه كمان مشكله نفسيه و غير نظرة المجتمع الك اللي بتقصر العمر
والله هاي نصحيه من قلبي لا بدك عمليات و لا شي مو مستاهله تفوت غرفه العمليات عشان موضوع بايدك بتقدر تحله .....(اذا عشان وزنك مستحي تفوت مركز رياضي انا مجرب رح احكي بصراحه) بما انك بتتغير لا تهتم بشي
اخر شي توكل ع الله .....ارااااااده قوووويه تغير حالك ...جرب و ادعيلي
انا ستناك بعد شهر من هلا تحكيلي كم وزنك ازا طبقت اللي بحكيلك عنو

ما الك الا تروح على نادي FITNESS FIRSTبعبدون او بمكة مول وتسجل هناك

نصيحه اخويه
انا كان وزني 110 بعمر الـ 18 سنه يعني مش وزن طبيعي ابدا
ومن ورا الدخان صار وزني 68 كيلو حاليا بـعمر الـ21 سنه :)
نصيحه ابلع الدخان بلع وشوف كيف بتكت كته وحدهـ :)

اخي العزيز،
لقد شهدت بعيني صديق لي جرّب العمليّة (عمليت ربط المعده) وهذا قبل ما يقارب السبع سنوات، والحمد لله نجحت العملية، وخرج صديقي من غرفة العمليات بسلام، ولكن العملية لم تنزل وزنه، بل هي قامت بتصغير معدته فقط.
ربط المعده قام بعمل رائع، بجعل صديقي يشعر بالشبع كلما اكل وجبة من الوجبات الرئيسية من كميات اقل بكثير من قبل، ولكن الاطباع اجبروا صديقي على ممارسة الرياضة، لان ربط المعده لا يكفي.
فاصبح صديقي يقوم بالمشي من منطقة الارسال قرب مرج الحمام إلى رأس العين كل يوم، ثمّ يعود بالباص الى الارسال.
وفعلا اصبح صديقي زو وزن اقل بكثير، حيت انني لم اعرفه بعد شهرين فقط من العملية.
وهنالك سئلته عن قصته، فقال: "لقد قال لي والدي خذ هذه نقود العملية ضعها في جيبك، ولك الحرية على ان تعمل العملية او تقوم بأي امر آخر، ولكنني اصريت على عمل العملية، وعندما خفّ وزني اكتشفت ان العملية لم تقم بتقليل الوزن، بالمسير الى رأس العين كل يوم هو السبب الرئيسي، ولكن العملية اعطتني الاراده للقيام بهذا النشاط".

إذا اخي ما اريد ان اقوله، ان العملية ليست إلا سبب مساعد لتخفيف الوزن، يجب عليك تغير عاداتك الغذائية، وممارسة الرياضة.

وهنا بعض النصائح التي قد تساعدك بإذن الله:
1- سجّل بنادي قريب جدّا من المنزل. (واذهب اليه كل يوم).
2- عند الاستيقاذ من النوم، اشرب 4 كؤوس من الماء يوميا.
3- يا حبّذا لو اضفت ملعقة من الخل الى اي كوب من الماء وشربته.
4- افطر باكرا.
5- قم بتناول اي نوع من الخضراوات 3 قطع قبل اي وجبه، (اي مثلا 3 قطع من الخس او الخيار او البندورة او الفليفه، .... الخ...) حتى لو كانت الوجبة خفيفه.
6- قم بشرب الشاي او الاعشاب (بابونج، ميرامية، نعنع) او الحليب 3 مرات باليوم (ضع قليل من السكّر، اقل من المعتاد بقليل فقط)
7- احرص على شرب 12 كباية ماء في اليوم.

اخي هذه الخطوات سوف تساعدك كثيرا في تخفيف وزنك، ما لك إلا الدعاء
واعلم اخي بأن الله سوف يكون معك، اذا كنت صاحب نيّه صادقه، وصدق النية يصاحبة العمل، والثبات.

احي صاحب المشكله انا بنصحك تعمل العمليه انا قريبي عملها و نزل وزنه من 150 الى 80 و ماشالله عليه ازا بدك بعطيك رقم امه وانت احكيلها بدي احكي مع ابنك رامي و اسأله ردلي جواب بعطيك رقم التلفون

والله العظيم انه 150 مصيبه انا وزني 50 وبفكر اني اعمل رجيم وانحف ......
:-[] ونصيحه مني انك تعمل العمليه

طيب يا اخي انا نحيف متل فزعاة العصافير
وزني 65 وطولي 177 والله اني بستحي من حالي وبخاف تيجي يوم عاصفة هواء واطير على سلك كهرباء

مرحبا" بعرف انو جارنا عمل العملية قبل سنة تقريبا" بس كان وزنه تقريبا" ومن دون مبالغة 200كغم نقص وزنه وصار حجمه مقبول بس بده يتبع نظام غذائي ويحرم حاله من بعض الماكولات وخاصة الدهنيات

طيب يا اخي انا نحيف متل فزعاة العصافير
وزني 65 وطولي 177 والله اني بستحي من حالي وبخاف تيجي يوم عاصفة هواء واطير على سلك كهرباء

والله شاهد على الي بحكيه بس والله والله انك بترفع الراس يا هيك التعليقات يا بلا والله هلا اعرفت انه لسا بالدنيا خير
الى صاحب المشكله:
انا شب متغرب بأمريكا والله بشوف برنامج عالتلفزيون اسمه I used to be fat المهم هدا برنامج لطلاب المدارس الي بكون وزنهم زائد بس مو زي حضرتك لا والله اكثر بكثير
هدا البرنامج هدفو انه يخليهم ينحفو عن طريق التمرين والمشي والله والله يا صاحبي بنحفو من 200 و 250 كيلو لل 60 وال 70 بخلال 3 شهور بس التمرين الي بتمرنوه عن 10 اضعاف الانسان الطبيعي وانت عارف قصدي عشان ضيق النفس بالنسبه الهم بس والله في نتائج
انا بكل صلاه انشالله رح ادعيلك انك الله يقويك ويعطيك الهمه

هل جربت تسأل عن العلاج بالابر الصينية ؟ ممكن يكون فيها علاج . وانا سمعت في مركز متخصص بهذا العلاج اسمه المجمع المتكامل للطب الصيني الحديث د. بركات عوجان عملوا معاه لقاء على قناة 7 ستار وكمان هذه الطريقة ما الها اعراض جانبية . بتمنالك الشفاء العاجل وتعيش حياتك بشكل طبيعي

اه اعملها

وبس تقص منها اعطيني اللي بتقصو اركبو عندي بلكي صرلي كسم وتبحبحنا شوي

نفوت على طول زوجه احد اقاربي عملت عمليه ربط معده والحمدالله العمليه ناجحه وخسرت
الكثيير من وزنها

لازم تشوف طبيب بالأول وتشوف اسباب السمنه ؟
بتعمل فحوصات وفحوص للهرمونات
بعدها الطبيب بنصحك شو تعمل
السمنه مشكله جديه

والنحافه زي حالاتي مشكله تانيه يعني انا بنفع يحطوني على اعلانات المجاعه في افريقيا

لازم تشوف طبيب بالأول وتشوف اسباب السمنه ؟
بتعمل فحوصات وفحوص للهرمونات
بعدها الطبيب بنصحك شو تعمل
السمنه مشكله جديه

والنحافه زي حالاتي مشكله تانيه يعني انا بنفع يحطوني على اعلانات المجاعه في افريقيا

والله انه الصورة بتضحك يا اخوان ههههههههههه
ـــــــــــــ
والله حد علمي انه خل التفاح عالريق بحرق الدهون
والله في كمان عشبة بحكوا انها بتنزل الوزن بس راحت عن بالي الحين ..... بس اتذكرها ببعثلك بكتبلك اسمها .. :-P

شوف عزيزي العمليه كويسه ومضمونه انا صديقي عمل العمليه ونزل بشكل كبير بس في شي مهم جدا جدا جدا بدك تعرفه عشان تكون بالصوره اول 3 اسابيع من العمليه حتعاني وحتكون ممنوع من اكل اي شي ممكن اتوصل معمك الشغله لدرجة البكاء والندم انك عملة هالعمليه بس صدقني نتيجتها كويس وكمان في نقطه مهمه لازم تعرفها لانه بعد سنتين المعده بترجع ترتخي فهون بجي دورك لحتى اتحافظ على خسارة الوزن الي سويتها وشكرا ;-)

شوف عزيزي العمليه كويسه ومضمونه انا صديقي عمل العمليه ونزل بشكل كبير بس في شي مهم جدا جدا جدا بدك تعرفه عشان تكون بالصوره اول 3 اسابيع من العمليه حتعاني وحتكون ممنوع من اكل اي شي ممكن اتوصل معمك الشغله لدرجة البكاء والندم انك عملة هالعمليه بس صدقني نتيجتها كويس وكمان في نقطه مهمه لازم تعرفها لانه بعد سنتين المعده بترجع ترتخي فهون بجي دورك لحتى اتحافظ على خسارة الوزن الي سويتها وشكرا ;-)

ويـــــــــــن Shadi عاشــــــق شمــــــس الحيـــاة عـــــن الـمــــوضــــــوع

في اخصائيه تغذيه اسمه الن اذا بدك العنوان بعطيك
مجربه بس بدك طول بالك يعني رجيم طويل بيوخد وقت معك وكل اسبوع عندك مراجعه الها ومكلفه يعني 10 دنانير كل اسبوع بنعطيك كل اسبوع انك تنزل 4 او 5 كيلو ببرنامج اسبوعي
الا ان توصلك للوزن الي هيه بتحدده الك اول ما تشوفك بظل متابعه معك بعد ما ينزل وزنك بطريقه التثبيت

اسمعــــــــــــــــــــــي شـــــــــــــــاركي ببــــــــــــــــرنامج الرابــــــــــــــح الاكبـــــــــــــــر ع mbc

مساء الخير للجمــيــــع
صاحب المشكلة :أنا صدقاً,,ما إلي حد مرّ بهيك تجربة ,,لأحكيلك شو صار معه ,,بس بتذكر شخص,,كان ساكن بنفس الحي,عمل عملية ربط معدة ,,وبصراحة حاله,هو هو ,للعلم لإنه هو بشرب غازات بشكل فظيع ,يعني البيبسي والمشروبات هاي
على كل حــال :رح أحكيلك شغلة ,شوف إذا أنت كنت متدايق من موضوع السمنة ,وحابب تضعف,ومتدايق كتير,فرح أحكيلك إنك مش رح تنحف,يعني إذا كل يوم بتضل واقف قدام المراي وبتحكي نحفت ,ما نحفت ,ما رح تنحف ابداً رح احكيلك على شغلة ,كون واثق بإنه أنت رح تعمل تمارين ,وأنك ,بدك تنحف ,يعني متأمل خير,وما تطلع ع حالك كثير,خلي اللي حواليك يحسوا ويلاحظوا ,أنت مو بحاجة لعمليات ,ولا لغيره,أنت بدك عزيمة ,وأصرار,والشي نابع من ذاتك أنت ,كون قــوي,وتوكل على الله,وأعمل العملية بإيدك ,بالتمارين ,والمشي,ووضع خطة لوجباتك اليومية,
وبنصحك إنك تشرب ميرمية مغلية,لأنه فوائده منيحة وكويسة كثييييييير ,بس تكون هي أول شي بصل معدتك ,الصبح ,,

اول شي بتروح لدكتور تغذيه وبتحكيلو قصتك
بعطيك حميه غذائيه بتمشي عليها
بعدين بتشترك بنادي رياضه اولها رح تتعب كتيـــــــــــــر
بس بعدين بتتعود وبتصير انت والملكان واحد
بس لازم يكون عندك عزيمه

اولا بحب اشكر جميع المعلقين وجراسا
وانا فعلا استفدت من اراء المعلقين وطبعا انشاء الله راح ابقى متايع التعليقات بكل اهتمام حتىاطلع بنتيجه واخذ قراري في اجراء العمليه
وشكرا للجميع

الأخ صاحب المشكلة:؟أنا قمت بإجراء هذه العملية وكان وزني 149 والان بحدود 125 وعملتها قبل 6 سنوات وهي عملية ربط المعدة تحديدا وعمري الان 49 سنة لمزيد من المعلومات اتصل بي على الرقم 0795556942 مابين الساعة 12 ظهرا وحتى الحادية عشرة ليلا خلال الاسبوع الحالي لأنني مسافر بنهاية الأسبوع.

ما بنحفك غير الهموم....... بنصحك تقرأ جرايد و أي أشي عن الفساد... روح على قرية الحكومة ناسيتها شوف أطفالها... بنصحك تشوف حال المدارس الحكومية و مستوى التعليم.... كمان بنصحك تستنى دورك على المياه وتراقب الخزان كيف بنقط و المياه ضعيفه ... و أحسن طريقة مظمونه روح أتفرج على أسعار لحم الخاروف البلدي- بتبطل ألك نفس للأكل... و هيك رح تنحف ١٠٠ بالمية

أيوا أيوا .... اتذكرتها ......
أشرب زنجبيل ..... جد بحكوا انها بتضعف ......
مع تمنياتي لك بالحصول على جسم رشيق ;-)

يا عزيزي اولا بدعولك من كل قلبي الله يعطيك الشجاعه و الصبرو العزيمه لحتى تنحف مو عشان المجتمع ولا الزواج ولا الشكل ولا كلهاي الاسباب اهم سبب عشان الصحه انت لسا عمرك اصغير و بنخاف عليك من الامراض ...لو للحظه قبل ما تاكل فكرت انو يلي عمتاكلوا عم يضرك كانوا سم رح يقضى على حياتك كان اكيد فكرت ....
العمليه ضروريه لان الوزن عندك عالي و الطريق بدون عمليه طويل مو مستحيل بس صعب و طويل وبدوا صبر و عزيمه و احيانا الانسان عزمته بتخونوا بنص الطريق فما بكمل وبخسر تعبوا و جهدوا وبرجع لنقطة الصفر ...
الشكل الخارجي بعزز الثقه بالنفس بس كمان الداخل اساسي لانو بينعكس على الخارج حب نفسك من الداخل واشعر انها عزيزه و غاليه و بتستاهل انك تتعب شوي عشانها ...
الله يوفقك و ياخد بايدك وانا مستعده اني ادعمك معنويا..والله معك

الف سلامه عليك
اتوكل على الله واعملها لاني بعرف وحده عملتها وحاليا ما شاء الله عليها

الأخ صاحب المشكلة، تحية طيبة وبعد: من منطلق طبي وعلمي بحت فأنا لا انصحك بإجراء العملية، لأن العملية هي ربط للبوابة المعدة وهذا وإن إفادك في إنزال الوزن، فإنه سيأتي لك بالعديد من المضاعفات، على كل حال أنصحك بعمل برنامج رياضي يتزامن مع برنامج غذائي متوازن، والأهم الجري اليومي لمسافات طويلة......

يا اخي ما حدا بفيدك و بطمنك اكتر من الدكتور المتخصص لانو هو ادرى بحالتك وهو اعرف بايجابيات و سلبيات هالعملية

العمليه لها ايجابيات ولها سلبيات
لكن اذا نضرت الى السلبيات وقارنتها بالامراض التي تسببها السمنه خصوصا بعد سن الاربعين ..
سوف تجد ان هذه السلبيات محموده جدا بالمقارنه مع امراض القلب والضغط والسكري اللي بتسببهم السمنه .
المعادله بسيطه ... احسبها صح ... ومن ثم اتخذ قرارك ..

أعرف واحد محامي عمل عملية ربط المعدة و مات بعد 3 أيام من العملية بسبب حدوث تلوث بكتيري
أرى أنه من الأفضل أن تبتعد عن العملية وتتبع وسائل أخرى من نظام غذائي و تمارين رياضية و نوادي وأجهزة رياضية و غيرها.

بدك رأيي بكل صراحة... مافي شي راح يكون أخطر من وزنك الحالي.. لاسمح الله انت عرضة لأمور كتير خطيرة. منها مخاطر الضغط والسكري وارتفاع الكلسترول.. ونصيحة لله بأنك تعمل العملية بأسرع وقت ممكن على يد أخصائي شاطر في الدكتور محمد خريس كتيير شاطر بهاي العمليات.. والله يوفقك ويكون معك..

نعتذر

انا لا انصك باجراء العمليه لاني بعرف شخصيين عملوها وتوفوا وانا والله اني جاد ما بمزح

الى بنت ابوها اتوقع انه موقع جراسا مسجل بسمك على كل حال اذا فيه خبر بخص بنت بده نصيحتي يا ريت تبلغيني على اميلي عشان انصحها واذا شب بده نصيحه لا تبلغيني خليه يدبر حاله واميلي مزروع في كل التعليقات

يا رب تنحف اول شي
وتاني شي
انا اختي كان وزنها 137 كيلو وعملت عملية ربط معدة في المدينة الطبية عند دكتور اسمه وائل نعسان
وكتير دكتور رائع وما شاء الله عليه
والحمد لله وضع اختي هلأ احسن طبعا مع استمرار تطبيق توصيات الدكتور
وعملية ربط المعدة مش خطيرة من اللي شفتو بعيني
انصحك تروح على المدينة الطبية وتشوف الدكتور وائل نعسان
وهو بقرر شو لازمك
والف سلامة عليك

والله انا بنصحك انك تمل العملية انا صاحبيتي عماتها كان وزنها 115 هلاء صار وزنها 62كيلو طبعا هي لو بدير بالها على حالها اكتر بتضعف رح تكون اولها صعبة عليك بس بعدين بتصير تضعف شوي شوي وازا مو ناوي عملية اعمل رجيم والهب رياضة انا بعرف واحد كان وزنه 125 عمل رجيم ضعف 33 كيلو وبعدو مستمر لانه عنده ارادة على الجهتين بتضعف ازا عملية اوا رياضة

ازا في مجال ميل علي و خدني بطريئك لاني انا دبه :)


و بنصحك تعملهاة 100% و سوووي صلاة استخارة قبل متعملها .....

يا صديقي ما ترد علي بحكيلك دخن. روح عند دكتور متخصص اسئل منيح عنه في ناس بتفيدهم هالعمليه وناس بتسببلهم مضاعفات حسب كل جسم في وحده بعرفها استفادت من العمليه وفعلا نزلت بس مع حميه وفي انواع اكل ما كانت تناسبها وفي وحده خربت عمليتها وصابها التصاق بالامعاء واضرو يعكسو العمليه في دكتور اسمه سامي سالم في مستشفى الاستشاري جرب اسئل عنه يمكن تستفيد.

هذا الموضوع يجب أن تسأل الأطباء فيه لإنه موضوع عمليه ومش مزحه يعني وبصراحة بعرف وحدة سلفها عمل العملية وصار وزنه 70 كيلو يعني نزل بس مع حمية وبعرف وحدة بتعرف وحدة عاملة هاي العملية صار معها التصاقات فعشان هيك لا أنا ولا غيرنا بقرر العملية إلا الطبيب لأن الأجسام تختلف عن بعضها في التحمل وشكرا

انا عملت عملية ربط المعده وهي عملية ناجحه 100%اول اسبوع صعبه شوية بس بتتعود عليه انا عملت العمليه في سوريه مشفى العباسين الكلفه كانت ثلث الكلفه في الاردن الي 5 اسابيع عامله صرت نازل 20 كيلو بتقدر تعرف معلومات كثير عن العملية من الانترنيت تحت تدبيس المعده

اخي مهما عملت دايت وريجيم راح بتنزل وترد يزيد وزنك انصحك بعمل عملية تصغير المعده ولقد عملتها احدى اقاربي وهي بصحة جيدة وامورها ممتازة والعملية اللي انصحك بها اسمها عملية تحوير مسار المعده اقرا بالانترنت عليها واعرف بنفسك كل ايجابياتها وسلبياتها

شكرا لجميع المعلقين والى جراسا
انا حقيقه قمت بمراجعه طبيب اخصائي وقد تم تحديد موعد لاجراء العمليه
ولكن سمعت من الكثير عن قصص بخصوص سلبيات العمليه .. مما سبب لي بعض التردد
واخيرا قررت ان السلبيات مهما كانت ... لن تكون بمقدار الضرر النفسي والجسدي الذي تسببه لى السمنه . بالاضافه الى التشجيع الذي لمسته بالتعليقات. فقد حزمت باذن الله على اجراء العمليه .
ادعولي بالشفاء انشاء الله .
وشكرا للجميع

انشالله بالشفاء و تقوم بالسلامه يا رب

ارجوا اعلامي باسم الدكتور و تكلفة العمليه لاني ارغب ايضا بعمل العمليه ارجوك .عاجل

الدكتور وائل النعسان -- الدينه الطبيه -- بالنسبه للتكلفه لا اعرف لاني مؤمن هناك - بس اللي بعرفه انه ممكن الحصول على اعفاء .

الى صاحب الوزن الزائد أولا يجب ان تفصح عن نفسك هل انت ذكر ام انثى ، انا مجال عملي في تدريب اللياقة البدنية وخلال عشرون سنة في الخدمة تعاملت مع اشخاص اوزانهم تقارب وزنك فعندما ترى في نفسك القدرة على التصميم على التخسيس ارسل لي وسأفيدك ان شاء الله ، انت ليس بحاجة الى عملية وتحتاج الى ارادة ومدة زمنية من سنة الى سنة ونصف حسب قدرة جسمك على الاستجابة ليعود وزنك الى 85

انا بنصحك رد ع تعليق رقم 43 و اتو اصل مع الدكتور
ما في زي ديانا كرازون و هيها نحفة من و را العمليات :-o

شكرا اخي علىالمعلوما بس انا بسمع انها بتكلف من 3 الى 4 الافدينار هل صحيح؟؟؟
هاد مبلغ كتير اكبيريا خساره

ماالك الا الدكتورة سيرين الجمل اخصائية تغذية رائعة الزرقاء شارع السعادة مقابل صيدلية فلسطين

آمممممممم آنآ بنصصصحك تعممل آلعمممليه لآنو كل شي بآمر الله وشو مآ صآر هآد إشي الله بدو آيآه B-)B-)

سمعت عن شفط الدهون وتضييق المعدة وسلامتك..وللدعابة اقول لك السنين المقبلة سنين عجاف من شر الللصوص ستأكل الاخضر واليابس..سيتمنى الجميع لو يملك احتياطا لحميا مثل حضرتك مع تحياتي..

مرحبا خيي كيفك انا صديقاتي وبعض قرايبي عمله عملية تصغير المعدة وما واجهتهم اي مشاكل بعد العملية والحمد لله كان وزن وحدة منهم180 وهلا سارت 81 طبعا بعد تقريبا شي سنة ومع متابعة الراياضة وازا وضعك المادي ما بيسمح لانها بتكلف بتروح عطبيبي بتخليه يوصفلك عملية وتاني شي عالديوان الملكي وبيعملوها ببلاش انا قراباتي عملو هيك واي خدمة من عيوني

اهم شى وقف وجبة العشاء اجعل اخر وجة فبل النوم ب 6 ساعات مع تخفيف اكلك والمشى السريع شى نصف ساعة يوميا وسلامتك

الى كركي
شكله يا عندك فراغ عاطفي
يا عندك عزة نفس فوق الخيال
يا انت مغرور
مو حلو الرجل يكون مغرور

اسمع يابا كل يوم صبح ومغرب اشرب كاسة ليمون معصور وزنجبيل مطحون
بشهر راح تنزل 20 كيلو وطبعا بدك تخفف اكل
جربها وازا ما ضبطت علي انا بعملك العمليه

صلي صلاة الاستخاره واعمل العمليه

انصــحك بالتعليق رقم (9) جزاه اللـــه كل خير
والحمد لله انه في خير بالدنياااااااااااا
وان شاء الله بتنحف والله بيعوضك عن هذه الاياااااام

اول اشي لازم تتعود على نمط حياة جديدة يعني السهر ممنوع لان الواحد لما يسهر بضل ياكل الفطور اهم وجبة والغدا لا تكثر فيه اكل وبلاش منه العشا وكثر من اكل الفواكه والخضار خصوصا في انواع من الفواكه بتساعدك على هيك اشي وبعدين كثر من الحركة ولا تضلك قاعد وحاول انك تمشي كثير لان المشي بنحف هي مش سهلة بس الشغلة بدها صبر وحب لان الحب بنحف ههههههه ومع سمات بدن ياعيني ريجيم مزبوط وابعد عن اكل الحلو اذا بتحب الحلويات كل تمر او اشي زي هيك ما بنصحك بس بغنيك عن الحلو واستعين بخبير تغذية رح يفيدك (على فكره انا عكسك بعاني من النحافة اعطيني من عندك شوية)

طب ليش ماتجرب تنحف

او انك بتجرب تضعف

والله يا اخي العزيز انا شخصيا انصحك بعملية تصغير او ربط المعدة , لاها مفيدة جدا لحالات السمنة الزائدة واللي حتى الارادة القوية ممكن ما تكون كافية لعلاجها ,عشان هيك انصحك انك تعمل عملية عند دكتور اجرى مثل هيك عمليات مثل الدكتور محمد خريس بمستشفى الاستقلال

كمان الأرداف والمؤخره والأفخاد والبطات

8 مرات


كمان8 مرات لكل رجل


العدد إللي بتقدورا عليه بس مو أقل من 100 ههه أمزح 30 تكفي


8 مرات لكل رجل





8 مرات لكل جهة





للمؤخره ممتاز ولشد البطن

هدا ما بنصح فيه للي عندها الام في الظهر

هدا التمرين لعضلات الحوض والأرداف والأفخاد



هدا التمرين بينفع للخصر والأرداف والأفخاد



(((ملاحظه)))
يفضل انه التمارين تكون 8 مرات لكل جهة

**تمارين تانيه**

1. كل يوم اجراء التمرين من 20 الى 30 مره ونزيدها من ثانى اسبوع
(سيكون فى آلام من ثانى يوم فى منطقة المعده والظهر)

الطريقه هى وضع اليدين خلف الرأس وقبض عضلات البطن ورفع الرأس والارتخاء التام

بالتبادل بلا أخذ راحه ولا تمديد..رفع ارتخاء..رفع ارتخاء..وهكذا



2. وهذا التمرين يمكن اجراء 20 مره وأخذ راحه ثم 20 مره أخرى

وطريقته هى رفع الرأس واخذ نفس عميق والعد 1..2..3..4..5..6..7..8..9..10 والارتخاء التام

3. وهذا يمارس 20 مره يوميا مع تثبيت الرجلين للاعلى

وهو يقوى عضلات الخصرين والظهر والمعده والفخذين

ويعمل على تسطيح شكلهم وشدهم وتنسيق الشكل العام للجسم



4. هذه التمارين بالرغم من سهولتها لكن تأثيرها رائع لخصر واضح ومشدود

وكما يسمى وسط كمنجه ولجسم ينضح بانوثته ورقته





5. هذا التمرين فى البدايه يحتاج لمخده حتى تسند منطقة الظهر

وكلما استلقينا على ظهرنا كلما اجهدنا عضلات الظهر والبطن للوقوف

وبالتالى شدها يحافظ على مرونتها ويعمل على شد عضلات الساقين والفخذين

والاهم فى التمرين عدم صلب الظهر لدرجة 90

يجب ان يكون الظهر مثل الصورة مائل للخلف والمؤخره على طرف الكرسى فقط

وعند الوقوف اعتمدى على عضلات البطن والظهر فى سحبك للوقوف وليست اليدين

لان اليدين سترفع كما فى الصوره

وهذا التمرين روعه لبطن مسطره بلا تيوب ولاكاوتش

يكر كبداية 10 مرات وبعد اسبوع نزيدها لــ 20 مره



ودائما ابدئى تمارينك بحمام دافىء وانهيه بحمام بارد لشد العضلات وتنشيط

الدورة الدمويه لنتائج افضل وقلب قوى ونفس طويل.وستحصلين على نوما هادئا

اتمنى انك اتجربها
تحياتي
:-)

مرحبااااااا ‏
اخباركم ‏؟؟ بصراحه انا اول مشاركه لي واول دخول لي تكفووووووووون ساعدوني لكل بنت او شب اطلب منكم المساعده مثل
ماتعرفون من لقبي انا سعوديه بصرااحه ووووزني جدا معقدني انا بصراحه طول
ي١٥٥‏ ووزني بس لاتستغربون٧٥‏ بس راح تقولون مش سمينه وانا راح اقولكم بالعكس غلطانين انا حيل سمينه خلوا الوزن ع جال انتم احسبوا الكتله الدهنيه كم جسمي مليان دهون لاتقولولي اعملي رجيم جربت لمده سنه رجيم+رياضه+اعشان+‏ حبوب كل شي حرمت نفسي من كل شي انا مستغربه انو ماينزل يعني مثلا يوصل٧٠‏ وبس مستحيل ينزل اكثر من كذا مدري ليه انا اقولكم بصراحه اكلت حبوب كبد الحوت لتطويل الشعر والاظافر بس ياليتهن مااكلتهن احس ثبتن وزني وحسبي الله ونعم الوكيل ع الي قالتلي كوليهن ورطتني المهم انا الحين طالبه مساعدتكم عملت رجيم لمده سنه كامله ومانفع وبكل اراده مستحيل انزل تحت ال٧٠‏ وبصراااحه اخوي من النوع المعقد يعني مستحيل تدخلين جيم او نادي رياضي قال شو مايحب هالسوالف انا طالبتكم تكفون ساعدوني ناويه اعمل عمليه تحويل مسار المعده عند الدكتور محمد الخريس شو رايكم ؟ومين عمل عنده هالعمليه يفيدني؟تكفووووووون يالنشامى ساعدوني وارشودوني الي طريق الصواب انا راح استخير لان الرسول صلى الله عليه وسلم قال وشاورهم بالامر فطلبتكم قاعده اشاوركم هل اعمل هالعمليه وش رايكم بالدكتور كويس انا بصرااااحه خايفه بس شو اعمل ا!ذا اخوي حارمني ادخل نادي فمظطره اعمل عمليه اي احد سمع عن اي شخص عمل عند الدكتور عمليه تحويل مسار المعده قولولي او تكفوووون يالنشامى او اذا في احسن من الدكتور هذا كمان ارشدوني وقولولي اسماء دكاتره بس بالاردن يكونون شاطرين
تكفووووون ساعدوني ياالنشامى ياديررره خوالي

بصراحة انا بنصحك تعمل عملية ربط معده ابن عمي عملها كان وزنه 109 وهلا صار وزنه 70 وهاد رح يكون الحل الانسب

الى صاحب المشكلة ارجوك احكيلي شو صار معك لأني حابه اعملها

لو سمحتو حدا بعرف عنوان ورقم أخصائية التغذية الين الناشف ؟؟؟ ضروووووووووري

لاتعملها ياخوي بدك تقعد 6 شهور علي العصاير وازا اكلت شي بتراجع بتطلع روحك لو تقعد شهر بدون عمليه عالعصير لتنحف لحالك بنت حماي عملتها وصار معها تسريب وتوفاة بعد 3 شهور صبيه متل الورده بلله عليك لاتعمله