رسالة عاجلة على طاولة وزير التربية الاكرم ..
من بعض اولياء الامور..

ابناؤنا يا معالي وزير التربية ذهبوا الى المدارس باول شتوه ..ولو انها متاخره شوي ..يرتعدوا من البرد وترتجف اوصالهم من برودة الغرف وثفوب في الجدران والابواب والشبابيك..هنا وهناك..تسيل منها المياه اين استعدادات الابنية والطوارئ معاليكم…..يا ريت تعملك لفه على بعض المدارس النائية مو بالعاصمة طبعا وتشوغ بعينكى البلاوي … البرد عاطل معاليك ويجيب النزلة والإسهال والرشح والانفلونزا وممكن الكورونا ...دير بالك على ولادنا تراهم امانة برقبتك ليوم الدين … احنا علينا دفيناهم ولبسناهم وطلعناهم شبعانين يوم الاحد مع المطر والبرد الشديد..رجعولنا الله وكيلك يتكففوا ويتأففوا .. وجوههم حمراء ووردية و حدثونا عن الغرف الصفية وبرودتها وعن الشبابيك والابواب ..وحدثونا عن الصوبات في غرف الإداريات والمعلمات والإداريين و حدثونا عن بريق الشاي الساخن والقهوه والسندويشات ..واالاهم انهم معهم سدويشه بارده مدسوسة جوا الشنته... الله الله على هبك صفوف ومدارس اقصد البعض مو الكل والبعض خارج عمان وهم ثلثين المدارس... خاصة الاساسية والصغارفيها ..وكمان المعاقين يا حرام لدمجهم والاستراتيجية اللس نسيت تحسب حسابهم بالبرد ..اطفال توحد معاقين ذهنيا صعوبات تعلم اعاقة سمعية ومكفوفين.. كلهم معاليك يمسوا ويصبحوا عليك ويشكوك ل الله من الصباح ..ومع اول شتوه دير بالك عليهم الله يخليك ...اكثر من نص طلاب المدارس ما معهم يشتروا ويدفعوا أجسادهم النحيله من الفقر وقلة الحيلة.
لا تكابر معاليك ومسؤولينك في الوزارة ولا تقولوا زمان كنا وكنا...حاليا غير زمان ..زمان أول حول ..طلابنا بعصر غير عصرهم...احميهم من الإساءة ومن العنف المطري والعنف العمراني وعنف البرد...والله ما يستاهلوا فلذات اكباد الاباء والامهات...الليلة التعليلة على سواليف البرد والمطر والمدارس معاايك ...تعال اسمع اللهم اقصد الطلاب والاهالي...وشكرا الك ..بالله عليك ابعثلك اكمن الف صوبه ..ما رح تخسر الوزارة شي واكيد الميزانية فيها..
ان اردتم ذلك