ما عاد هناك ثقة ببعض فكيف نثق بكلام المسؤول وخطط وبرامج المسؤول وهي لا تهبط على الأرض !!
جميع البرامج مجرد ورق ولن تخرج من درج المكتب الفخم نوع هاي فاي .
والحديث عن الإصلاح الإداري مجرد تنفيس لواقع مازوم مهزوم معزوم
يعاني من اربك غير مسبوق وكافة انجازات المسؤول تتلخص بكلمة إرفع فوق وشوف الحصالة.
برفع الأسعار والضرائب والمحروقات مع بقاء المواطن مزنوق طول ايام الشهر مع فتح الأبواب لكل عابر سبيل حتى أصبحنا حشوة أرقام .
ازدحام بكل مكان بالشارع بالرصيف بالمدرسة بلقمة العيش مع بقاء الفاتورة الشهرية تخضع لهيكلة مزنوق اخلع والخوف الكل يخلع .
وراح نخلع على الدقة والنص.
ماعاد إشي يمنع من الخلع .
وبقولك مش عارف ايش وساعة تعرف ياريت تحكي علشان نعرف ايش هو ايش
ياعمي سيبك من فلترت الافلام المحروقة
تخيل كيف اصبحت علية السردين والطن بعد الانخساف ووصل الأمر لعلبة جبنة المثلثات بتفتح ما بتجد إشي مجرد عينة بكل علبة.
وبقولك مواصفات ومراقبة الأسعار!!!!!!
ورعاية الشباب انو شباب شباب الشارع او الأسواق او المجمعات او على ابواب المدارس او شباب الارجيلة او الحبوب والقنينة بعد يوم على عرابة او بسطة ايش نحكي عن رعاية الشباب..
والنشطاء بكل مناسبة تجدهم هم هم وبقولك مبادرات وندوات لمين حد يقول بصراحة نفس الحضور نفس الديكور ...
من يشوف برامج الطبخ والمطبخ صباح كل يوم بتشعر ان أمورنا عال العال على الشاشة وما تبقى بين الصخور والقبور جدد يومك بابتسامة وهي صدقة
وماعليك القادم هو أفضل بعون الله
رجعت ساعة الشتوية قبل الشتوية.... وتشكيل للجان المجالس بالعافية.
تحية لكم............
حمى الله مملكتنا والهواشم