جراسا -

انا متزوجه الحمد لله وعندي اولاد بحس انه الناس بغاروا مني وبحسدوني عشاني متزوجه ومخلفه وبحس كمان انه معمولي عمل وسحر وبضل خايفه على حالي وعلى زوجي من عيون الناس ومن جديد بطلنا نروح عند حدا وسكرنا الباب عحالنا ولا عند اهلي ولا عند اهله كمان وزوجي بروح عالشغل بنضارات وطاقيه علشان ماحدا يشوفه ويحسدوا المهم امبارح اتصلت علي سلفتي بدها تيجي تزورني وانا اعتذرت منها وهاي المره الخامسه الي بعتذر منها فيها وسارت تقولي على شو خايفه من السحر والحسد على براطيمك الكبار ولا على منخارك زي زيتونه مرة باباي ولا جوزك الي منخاره لنص وجهه وكرشه كله شحوم وسكرت الخط بوجهي وحكيت لزوجي وزوجي حكالي لا تعبريها بس لسه مقهوره منها بدي افكار انتقم منها وبليز المعلقين ما تحسدونا وشكرا