هل طول أظافر الفتاه يلغي الزواج ؟؟


جراسا -

للكاتبة مها احمد

اخذت ابحث عن فتاه لأكمل نصف ديني ، وجدت زميله لي في العمل حيث كانت غايه في الجمال من عائله محافظه والذي زاد اعجابي فيها أنها ملتزمه دينيا تعلقت بها ولم أعد أستطيع البعد عنها واصبح خيالها لا يفارقني.

فقررت التقدم لها ، أخبرت امي حفظها الله وطلبت منها أن تذهب وتطلبها لي، وكم كانت فرحة أمي كبيره عندما طلبت منها ذلك ، ذهبت مسرعه إلى بيتها، في البداية عندما رأت امي الفتاة أعجبت بها وقالت هذه العروس التي افتخر أن تكون زوجه لابني اعجبت امي بجمالها حيث كانت شقراء ذات عيون زرقاء وأهلها من عائله معروفه، ولكن بعد ساعه من الجلوس تغيرت نظرة أمي تجاه العروس ورفضت التكلم معها وخرجت من بيتها.


اصابني الذهول من تصرف أمي لماذا فعلت ذلك؟ ما هو سر تغير أمي فجأه اتجاه الفتاه، وعندما وصلنا بيتنا قالت لي الوالده اسمعني يا بني، انا امراه كبيره في السن وعندي تجربه بالحياه وانت ما زلت في مقتبل العمر ، الذي اعرفه لا تعرفه انت ، انا والدتك واحب أن تكون أفضل واحد في الدنيا اسمعني يا بني سأقول لك كلمه ، هذه الفتاة لا تناسبك ابتعد عنها
قلت لها ما السبب يا امي قالت: هل لاحظت طول أظافرها ،أن دل على شيء يدل على أنها لا تستطيع القيام بأعمال المنزل بل ان الخادمه هي من تقوم بذلك، وانا اريد زوجة ابني 
ان تكون نشيطة . وتعمل أعمال البيت

انا أرى ان ابنة خالتك هي من تناسبك لا يهم الجمال يكفي انها نشيطه وتستطيع اسعادك وتلبية متطلباتك بنفسها
وانا لا اجبرك عليها، واذا كنت لا تريد ابنة خالتك فسوف أبحث لك عن غيرها دعك من تلك الفتاة فانها لا تناسبك ،

فأصبحت في حيره من امري هل اترك حبيبتي وارضي أمي وانا إعلم جيداً أن أمي تريد مصلحتي

ام اتزوج الفتاه وارضي قلبي الذي يحبها
لست أدري ماذا أفعل قلت استشيركم لعلي اجد حلا



تعليقات القراء

منار
اذا اظافرها مثل صاحبه الصوره
اتزوجها ولا تسمع كلام امك
يعني كل وحده اظافرها طويله بتكون
مشلوله عن شغل البيت مثلا
لا
يا طخه يا اكسر مخه
رد بواسطة إلى منار
هل تريدين ان تكون أظافرها أطول من أظافر صاحبة الصورة ؟؟

و السؤال مرة أخرى ما هي مظاهر الزينة أو الجمال في الاظافر الطويلة ؟؟؟؟؟
رد بواسطة منار
لا شو اطول !!
والله لو انها اسد ولا نمر
انا قصدي اظافر تركيب وعليهم اكسسورات
مرتبات ونظاف يعني
هيك قصدي
مو كل وحده اظافرها طويله بيكونو حلوات
في اظافر بتقرف
08-05-2021 02:12 PM
الصقر الجارج
اذا كانت اظافر الزوج اطول من اظافر الزوجة فلا يلغي الزواج
وذلك نظرا لتغليب او لتساوي الاسلحة البيضاء وقت المعركة
08-05-2021 02:20 PM
مها الى منار
قلبي انا اكتب شعر كوميدي فقط للضحك اما شعر بالمعنى شعر لا اكتب
رد بواسطة منار
المهم المبدأ مها
انا فاهمه عليك
شو ما كتبتي حلو منك
رد بواسطة الى مها
بصراحة

هل الشعر الكوميدي الذي تكتبيه منقول أم غير منقول ؟؟؟؟؟
08-05-2021 02:57 PM
مها الى منار
منار انتي نوارة الدار الكل يحبك لانك تحبين عمل خير ونشيطه بعملك تطبخين وتوقدين النار ، وان شاء الله اللي يكرهك يكون بالشارع مار ما يحس طالع عليه فار ويفقد الاحساس ولا يعرف البارد من الحار
08-05-2021 03:21 PM
هناء..
انا من رأي امك... بالنسبة الي بشوف كثير فتيات برفضن يشتغلن بعض الشغل... قال شو بكسر اظافرهن... عدا عن ذلك الاظافر الطويلة مقرفة وتتجمع فيها الاوساخ....كمان بتخاف تتهاوشوا تروح تخرمشك بأظافرها......يعني امك خايفة عليك.. ههه ..بس ممكن تطلب منها تقلم اظافرها...
رد بواسطة مها ال هناء
انا مع الام الاظافر الطويله يدل على وسخ وعدم نظافه وغير انها غير نشيطه في الاعمال البيت يعني لو قصت لاظافر بضل مشكله موجوده
رد بواسطة رائقة
والله يا حبيبتي مش واجب الوحدة تشتغل بأعمال البيت بس اذا انتوا عندكم الأنثى مهانة و بتشتغل بالبيت و ما عندها خدامة فلا تحكموا عالجميع ..
و شو حشر أمه بزوجته
هاي من هسا هيك فكيف بعد الزواج والله لتظل تحشر حالها بينهم.
البنت بتستاهل واحد أحسن من هالشب و أمه .
08-05-2021 04:14 PM
المستشار /١
قص الأظافر من خصال الفطرة
و قد نهى الإسلام عن تطويل الأظافر لمدة تزيد على ٤٠ يوما
و قد ثبت ان الاظافر الطويلة تكون ملجأ و مأوى للميكروبات و الجراثيم التي تؤذي الانسان
كما أنها تعيق صاحبتها عن أمور النظافة و أعمال المنزل
رد بواسطة منار
صحيح والاغلب الاظفر لقبل هالمده بيكون اصلا انكسر حتى لو اهتمت فيه
اليوم على الاغلب الصبايا بتركب الاظافر
الوان واشكال وبيجننو
وحتى لو الاظافر طبيعه في فرشاه لتنظيف الاظافر من الداخل
يعني مو قصه
رد بواسطة منار
تصحيح
الاظافر قبل
رد بواسطة بلله شو !!
تعليقك مستفز
كيف بتحكي انها بتعيق الأعمال المنزلية و انت عارف انه شغل البيت مش من واجب المرأة و يجب على الزوج تأمين خدم لزوجته .
عفكرة البنت بتستاهل واحد اعلى من صاحب الموضوع و امه خليه يتزوج وحدة من مستواه اما هايي الحلوة خليها لواحد بستاهلها ..
نسوان آخر زمن اقسم بلله
لا حول ولا قوة إلا بلله .
رد بواسطة الى بلله شو ( صاحبة التعليقات الاعتراضية كلها
ااحمد لله الذي جعل بيننا و بينك مسافات و إلا كنتِ قد سفكت دماءنا

الرسول صلى الله عليه و سلم قسم العمل بين ابنته فاطمة و زوجها علي رضي الله عنهما فعلي يعمل في الخارج و فاطمة في الداخل
الرسول كان يطلب من نسائه خدمته
يتبع
رد بواسطة .....
لا تقعد تحرف بالحديث الله يرضى عليك
روح خلي شيخ ثقة يحكيلك قصة علي و فاطمة كيف رسولنا علمهم يعملوا اشياء خير لهما من خادم .
خدمة المرأة لزوجها فهي مش واجب من واجباتها الشرعية .

واجبها تجاه زوجها تحمل و تخلف و ترضع و تصون زوجها و تعفه و تدير بالها عاولاده بغيابه.. بس الأعمال المنزلية فهي عالاثنين و الإنفاق فهو واجب على الرجل وحده .
08-05-2021 06:09 PM
المستشار / ٢
و بالنسبة للقصة فإن تصرف الام في بيت أهل الفتاة غير سليم فمان باستطاعتها ان تنهي الزيارة بشكل طبيعي و كأن شيئا لم يكن
و في البيت توجه كلامها لابنها
سؤالي لكل فتاة تطيل اظافرها ما هي مظاهر الزينة و الجمال في اطالة
الاظافر غير التليقد الاعمى للآخرين؟؟؟؟
رد بواسطة شكلك ختيار يا مستشار
شكلك ختيار يا مستشار مثل أمها ههههه
رد بواسطة المستشار الى شكلك ختيار
العقول لا تقاس بالأعمار !!
08-05-2021 06:13 PM
المستشار / ٣
أما بالنسبة للزواج وبإمكان إحدى قريباتك أن تلفت نظر الفتاة لموضوع أظافرها و بعد الزواج ان رفضت الفتاة تقصير أظافرها تستطيع أمك ان تحضر مقص تقليم الشجر او مقص قص صوف الأغنام و قص أظافر زوجتك
و ينتهي الموضوع !!
08-05-2021 06:18 PM
دبابيس
الضيقــه اللــي تكتـــم الصـــدر بالبــــوح
عــجزت احصـل في الوسيعـــه دواهــــاا
احيــان اقـــول الضيقــه شـوي وتــــروح
واحيـــان اقـول البــوح يـــروي ضماهــــاا
08-05-2021 07:13 PM
عبود....
الاخ القبطان
تحية خاصة لك يا طيب
وانت راعي الاوله
وحياك يا ابن الاصول الطيبة
08-05-2021 08:07 PM
أصيل الطراونه
انقرضت شغلك الاضافر ما بربرها غير الرقاصات
رد بواسطة منار
اليوم في تركيب لساعه وبتشيلهم
انظف وارتب
08-05-2021 08:30 PM
المستشار ١
الى الأخت مها
في التعليق رقم ٢٠ في القصة السابقة
عند جدتي و جدتك تقول الفطرة و تقصد صدقة الفطر و هي في الاردن ١،٨ دينار
أما فدية الافطار فتسمى كفارة الصيام أو كفارة الافطار و هي للمرضى او كبار السن الذين لا يستطيعون الصوم و هي في الاردن دينار واحد عن كل يوم
اما في الامارات فلا أدري مقدار كل منهما
مع التحيات
رد بواسطة منار
طلعت جد دينار
انا اتوقعت انه على حسب ثمن الوجبه
وهي على الاغلب اغلى من دينار
رد بواسطة مها
اخي شكرا كثيرا وانا بقصد دينار واحد عن الافطار في يوم كبار السن الذين لا يقدروا يصوموا هذا الذي قصدته وشكرا لك
رد بواسطة المستشار / تصويب
هي فدية الصيام او فدية الافطار
و ليس كفارة
مع الاعتذار
08-05-2021 08:59 PM
مها الى منار
قلبي هاي فطره في اليوم دينار كبار السن اللي ما بقدروا يصوموا
بدفعوا 30 دينار عن كل يوم دينار غير فطرة رمضان تختلف تدفع عن شخص 180
رد بواسطة منار
ايوه
فهمت علبك
شكرا للتوضيح مها
08-05-2021 10:40 PM
السوسنة السوداء
الي اظافرها هيك..مابتكون نظيفة
لانه تحت الاظافر بكون في جراثيم واوساخ صعب تتنظف واذا طبخت ممكن تدخل بالطبيخ

كيف بتنظف اظافرها من الحراثيم بعد ماتدخل دورة المياه

الا مايظل عالق اوساخ تحت الاظافر
يع
رد بواسطة الى السوسنة
بس انتوا شعب بتحبوا انكم تعيبوا كلشي عالأنثى مش من ناحية مبدأ لا والله صدقيني
بس انتوا بتحبوا تعيبوا عليها كلشي و اي شي بسرعة بتلاحظوه عليها و بتعملوا مبررات لأقوالكم .
إخص عليكم شو بتحبوا تساهموا بذكورية مجتمعكم
منتوا شايفين كم في ذكور بتغلط بحق الإناث بهالمجتمع و ما حدا محرك ساكن بس بتلتهوا بأشياء تافهة .
رد بواسطة السوسنة..الى السوسنة
الى ردت علي اكتبي اسمك
مثل ما انا عندي ثقة بكلامي واكتب اسمي
النظافة من الايمان

وين النظافة بتربية الاظافر
والاوساخ تحتها والحراثيم

وين الجمال بهالمنظر

هاد رأيي..شو دخل ذكر وانثى
لسى ماقرات القصة بس من العنوان


همنا بس نقلد الغرب بكل شي حتى بالاظافر
رد بواسطة سعع
يع وع يع يع
رد بواسطة دبابيس
على مآ يبدوا إنك من موديل ألسبيعينات هههههههههه
رد بواسطة السوسنة
ان شاء الله موديل الاربعينات كمان

الصح صح باي وقت وزمن

تصوري تدخل ام اظافر دورة الحمام ويبقى الوسخ اسفل اظافرها مع الجراثيم
....يع يع يع
لو بموت ماباكل من وخدة اظافرها طويلة
تربينا عالنظافة والحمد لله
رد بواسطة السوسنة
الي عم بعلقوا باسماء ما الها معنى مجهولين

خلص وقتكم انتهى

علقوا مارح ارد

بكفي ثقتي بنفسي اني بكتب اسمي
09-05-2021 12:37 AM
منار
اي زودتيها يا مها وحرقتي بنها
مشينالك كثير
لكن هاي كبيره صراحه
رد بواسطة مها الى منار
هذا تعليق لكي يا منار ام من منتحله
رد بواسطة المستشار ١ إلى منار
هي لم تحرق بنها فقط
بل حرقت الحقيقة كاملة بأخضرها و يابسها !!!!!
رد بواسطة منار
مين كتب باسمي ؟؟
09-05-2021 02:55 AM
السوسنة محرر
وين تعليقي محرر
رد بواسطة يغونك
كثير تعليقات تروح بلع موبس انت
09-05-2021 06:44 AM
هههههه
انت من عقلك بتسأل ؟
عفوآ منك أمك ختيارة و تفكيرها بدل على إنها كاينة بزماناتها هيك كلشي ممنوع و مفكرة انها ما زالت بجيل زمان .
هاي شغلة و الشغلة التانية انها أمك مفكرة إنه المرأة مجبورة بشغل بيتها بالشرع مع انه الصح انه الابن يجيب لزوجته خادمة بس شكلها ذكورية جدآ .
الله يعينك بصراحة .
لو انا مكانك بحكيلها انا البنت عاجبيتني اظافرها و بموت على اظافر البنات الناعمات .
رد بواسطة الى هههههه
وين النعومة بتربية الاظافر

انا بشوف انه الحيوانات الشرسة والمفترسة بس الي الها مخالب
اما الهادية والكيوت لاتمتلك مخالب

هههه
رد بواسطة منار
انتي صح ١٠٠%
عجبتني افكارك
09-05-2021 10:36 AM
الى مها
مها ءنتي قلتيللي رح تعرضي مشكلتي
يلي ءنا كتبتها بتعليق على مشكلت
شتمت هيفاء وهبي قام زوجي طلقني
ءنا كتبتها و تعبت بكتابتها
ءرجعي لو سمحتي ءغلبك ءكتبي مشكلتي لءني ما بعرف كيف ءبعثها للموقع هون .
ءنا يلي بدي عاروس دارسا و مش راضيات يوافقن عليا الجامعيات .
رد بواسطة مها
اخي تكرم حاضر باذن الله ساكتب لك مشكله بس شوية وقت لاني مش ملحق طلبات

بس سؤال انت تريد فتاه دارسه جامعه وانت مش متعلم
طيب ليش بدك جامعيه اي فتاه تكون كويسه،، بس مجرد سؤال
رد بواسطة مها
اخي بدك اكتب مشكله عن غلاء المهور ام اكتب مشكله عن شاب يريد فتاه دارسه جامعه وهو غير متعلم ماذا تريد بالضبط حتى اكتب يا ريت توضح وانا بالخدمه
09-05-2021 10:54 AM
هي مشكلتي يا مها انشريلي اياها
ليش بنات يلي عليهن عين دايمآ مهرهن غالي ؟ مشان الله حد يحكيلي
يلي يحكي لأ يكون يضحك عحالو
ياجماعا ءنا شب مثل ورده بس طفران
حاب ءتزوج مثل ما كل هشباب يتزوجو لهيك ودي ءستغل جاحت لكورونا يلي ءجا من صالح الطفرانين طبعن مثل ما بعض شباب الاردن يعملو و يتزوجو من لقروض
كل اصحابي و هشباب تزوجو و ودي ءصير مثلهم بدل ما ءتفرج ودي ءشابههم بس مش طالع بئيدي و ءحب تكون زوجتي حلوا و متعلما رغم ءني مش متعلم صحيح
بس عادي مش شرط ءني ءكون قاري لئنه التعليم ، ما يعني إنه الشخص مثقف أو يعرف بلحياه الئجتماعيا و لا يعني إنه مش فهمان بلعكس في كثير قاريين و ما يفهمو و في مش قاريين بس يعرفو بكل ءشي و يفهمو و صحيح ءني مش قاري بس والله ءعرف من هل حياه كثييييير ءكثر من واحد دارس دراسات عليا
بس أنا ودياها دارسا عشان تقري اولادها بدل ما ءجيبلهم معلمت خصوصي او ءوديهم لبيوت معلمات خصوصي
بس للئسف كل ما ءروح ءخطب متعلما يصيرو يتمسخرو علي و يحكولي لو ءنك عنجد مهتم بالتعليم كان ءنت درست قبل ما يدرسو اولادك يلي بعدهم مش جايين يا دخيل ربي دايمن ءحسهم يصيرو يتمسخرو مسخرة علي و علا امي يلي تيجي معي كل ما نطلب عروس ، بس ءحسهم يغارون غيره لهيك يتمسخرون
ءنا قرفت من كل بنات و ءهاليهن والله العظيم
كل ما ءسمع ءنه في بنت ممكن توافق عليي بمهر رخيص ءنا ءروح اخطبها و ءنا مبسوط و ءهلها يستقبلوني استقبال حلو و كإني ءبن ليهم بل حتا يتذللو ءلي
ءنا و ءهلي و يستقبلونا و كئنهم مستقبلين الملك من كثر ما هم مبسوطين ءنه في عريس جاي لبنتهم و معبرها و يقدمولنا فواكه و حلويات و كلشي و كءنهم يقولولنا بس مشان الله وافقو على بنتنا ودنا السترة ءرجوكو
بس للئسف لما العروس تفوت بطلع شكلها يع ءعوذ بلله من اشيطان ارجيم او يطلع ءنفها كبير او يطلعن عيونها صغيرات او في بوجهها حبوب أو شامات او يطلع شعرها خشن او طويلا كثير او اسنانها صفر و دايمن يلي هيك ءلا يكون عندها عيوب جسديا او في وجهها أو يطلعو ءهلها طفرانين لهيك يقولون بينهم و بين حالهم مشان الله ودنا عريس لبنتنا يخفف عنا مصاريفها و انا صراحتن ما ودي وحدا طفرانا ودياها شبعانا من دار ابوها مش اجي ءنقذها و ءنتشلها من الفقر و العيشه المقرفا
لهيك ءنا غصب عني ودي ءرفضهن يلي هيك
بس ءغلب يلي نروح عليهن هن يلي يرفضني هن و ءهاليهن حتى المطلقات ءهاليهن يتمسكو فيهن بدل ما يجوزوهن لحيالله واحد لا صار العكس يرفضو يزوجوهن شو هاظا يلي يصير معي يا ناس والله ءني قرفت
مع ءني عزابي و أفضل من بناتهم المطلقات بس سبحان الله لما تكون الوحدا حلوة شويي تشوف حالها علي
و لو حدا وده يوافق على بنته المتعلما إنها تتزوجني يكون مهره غالي و بنته شكلها مقرف و سمرا أو ءلها كرش و منا عارف شو
بعدين مع هشغله متا رح تزبط معي
و لو ءنها بنته حلوا شويي
بس تطلع مش متعلما بس مو مشكلا انا ءتغاضا عن قرايتها بس ءهم شي ءنها تكون حلوا و تجنن و يفضل تكون موظفا او تشتغل حتا و لو شغل خاص
لحتا تساعدني عهل حياه لءنه وضعي تعبان و صعب ءقدر أبسطها بدون فلوس ، و عشان تكون جيبتي و جيبتها واحد
للئسف كلهن طماعات و جوعانات مصاري و علم ودهن واحد معه فلوس و دارس و منا عارف شو
على شو يتدللن بلله جايهن عريس و يحكن عنو ءعور
طايشات على شبر ميي ما يهمهن ءخلاق العريس
بس للئسف الحلوا دايمن بطلع مهرها عالي بالخيال و والله لو نيجي للصحيح ما وحدا حلوا بهلوطن العربي كل العربيات بدون ستثناء مقرفات بخلقتهن استخفر الله العظيم و اذا شفناها وجهها حلو يطلعن كسماتها بشعات و لو كان جسمها حلو يطلع وجهها مقرف و هاكذا ... لئميت يا رب لئميت
صرت زاير فوق ال١٠٠ بيت و شويي و وده يصير معي اكتئآب والله العظيم
بنات ما بدهن السترا و انا بدي السترا بس مش راظيين يحسوا فيي ليش ما تحسو فينا حنا الشباب يلي ودنا نتزوج و ننستر بس انتو يلي ما ودكو بناتكو ينسترن انتو يلي ودكو بنات المجتمع يعنسن انتو السبب بعنوست بناتكو و احنا بتطلبو منا نشفق عليهن و نسترهن و تقولو عن شباب ءنهم سبب عنوست بناتكو لما نتطلع عالءجنبيات
مع انهن بنات العرب كثيرات بس الحلوات و القاريات شايفات حالهن و ما ودهن جيزتنا منهن يعتبرن حالهن يستحقن الءفضل و الغني و المتعلم رغم ءنه مثل ما قلتلكو ءنه المتعلم مش يعني ءنه فهمان و الغني مش يعني ءنه رح يبسطها بلعكس دايمن الغنياء عايشين في مشاكل بينهم ما يرتاحون نفسين
و احنا ودنا مصلحتهن لحتا نسترهن بس انتو يلي تحبو عنوستهن
كلهن ودهن مظاهر و ودهن واحد معه مصاري لحتا يقدر على حاجياتهن و متطلباتهن و ودهن واحد عنده مأوى
جيل اليوم من البنات عنجد جيل بلمره
ودهن واحد عليه العين او يرحبن بلعنوسه و هن مبسوطات ودهن واحد معه مصاري يبسطهن اما ءنا
لما اكون ودي وحدا موظفا و معها مصاري يصيرو يتمسخرو علي مع ءنها حياه ودها مساعدا و تعاون بين الئزواج
مش يحكولي لعاد ساعدها بشغل دار مثل ما رحت على جماعا و حكولي ما دام تحكي ءنها لحياه ودها مساعدا لعاد ساعدها بشغل دار و يعتبرو انه شغل دار مش من واجب المرءة مثل ما الشيوخ يقولو
غلاء المهور هو سبب عنوستهن و مبسوطات عحالهن
ليش تغلو مهور الحلوات بلله شو ذنبا احنا
ياخي ما ودنا نتزوج من البشعات حرين احنا
ءذا ءنتو تفكرو حالكو هيك يعني تعاقبونا ليش ما نتزوج من البشعات اتطمنو ما رح نتزوج بشعات و هذا قدرهن و نصيبهن و لازم يرضن بلقدر غصب عنهن هيك هي خلقتهن ما يقدرن يغيرنها خليهن يرضن بنصيبهن
بس غلا المهور سببه عنوست الحلوات
يا ربي ءنا مش رح ءعايرها لبنتهم بمهرها الرخيص بس ليش هلقد مهور هالناس غاليه
المفروض انتو يا ءهالي البنات توقفو ضد بناتكو يلي ما ودهن السترا مش توقفو معهن و تحكو للعريس روح تزوج من وحدا مناسبا ءلك و تغاضا عن عيوبها يا الله ليش هيك يصير معي شو هل حظ يلي مثل عما .

قال ودهم ءني ءتزوج من حيالله وحدا حتا و لو ءنها مش دارسا او مش حلوا ودهم ءتغاضا و حظرتهم يحكولي شو ودك فيها حلوا المهم تكون خلوقا مثلك يعتبروني متطاول و شايف حالي مع ءنه ءنا مش شايف حالي بس ءنا ودي وحدا عليها العين بمهر رخيص بس هايا هي مشكلتي الوحيدا ءنا ودياها خلوقا و حلوا كثير و متعلما و ما عمرها حكت مع شباب بلحرام و لا حتى بلحلال طبعن يعني مش مطلقا حتا و لو ءني حكيت مع بنات بلحرام يطلعلي طبعن و هذا حقي لئني شب و شب ما ينعاب عنا بقبيلتنا و عاداتنا هيك علمونا ءهالينا بس البنت هي يلي تنعاب طبعن و لو ما كانت حلوا فهي معيوبا
و لو
ما كانت متعلما فهي معيوبا و لو ما كانت خلوقا فهي معيوبا
كلشي يعيبها و هشي معروف بقريتنا
بس انا لأ ما في شي يعيبني
لهيك حقي ءدور عن يلي ودياها
بس مشان الله رحموني ليش مش لاقي
انا تعبت قد ما دورت بس مش لاقي
قال بعض ءهالي بنات يحكولي اتزوجها بشعا و يحكولي ءني ما ءتطلع علمظاهر الخارجيا بلعروس المستقبليا
بذات لءني طفران لكن هم عارفين ءنه الطفر مش عيب و مش بئيدي فليش يعيبوه عليي فشروا كلهم ءهالي هل بنات يلي شايفات حالهن
والله غير اتزوجها حلوا كثير و دارسا غصب عنهم رح اتحدا الجميع و اجيبها زوجه صالحا ارتاحلها و تكون عارفا ءنها الفلوس مش مهما حتا و لو ءني كنت زباله بس ءنا استحق و الحمد لله امي و جدتي هن يلي يشجعني عهل شي و يظلن يرفعن معنوياتي و رح ءكون قدها و ءتزوج من الحلوا و رح ترضا فيي طبعن و بمهر رخيص
و انا ءتحداكو و اتحدا كل يلي تمسخرو و شفقو علي والله لئخليهم يباركولي و يحكولي والله ءنك قدها و يطلعلك تتجوزها حلوا و قاريا لحتى ءظهر بمظهر اشاطر اطموح قدام الجميع خاصتن يلي كثير نصحوني ءتنازل عن شروطي التعجيزيه
بس ادعولي يا جماعا و اترجاكو يا ءهالي بنات حلوات ترخصو مهورهن لءني والله العظيم صرت مسخرة لقرايبي و معارفي
حاس نفسيتي تعبت كثير بس مش رح ايئس و إن الله مع الصابرين ، و لكل واحد يحكيلي انت سبب تعب نفسيتك و انتا بئيدك يلي تقدر ترتاح
ءنا ءحكيله روح الله يسامحك ءنا انسان مكافح و طموح و رح ءظل ءسعى لحتا ءلاقيها الحلوا يلي رح تخلي كل ناس يغارون مني
انا قاعد ءفضفضلكو لءني بعض ءحيان ءفكر ءني مسحور عنجد لنها مش زابطه ءموري و في نفس الوقت ءطلب منكو إنكو تغيرو نظرتكو لطفران و تخلو بناتكو الحلوات يتغاظن عن الطفر و ما ينتبهن للمضاهر الخارجيا بلعريس لئنه الطفر شي مش بئيدو هيك هو قدرو شو يعمل و المهم يكون ملتزم بدين و ءنا ءعرف ءنه في حديث نبوي شريف يقول أقلن مهورن أكثرن بركا
و ما تخلوهن يسمعن من صاحباتهن يلي ماخذات واحد غني او قاري و يشفقن عليهن اذا وافقن علينا
والله ما خرب البنات إلا صاحباتهن المبسوطات مع ءزواجهن الءغنياء مفكرات ءنها المصاري كلشي
مع ءنها المصاري هي زبالت الدنيا و مش مهما و بعمرها المصاري ما كانت سبب لسعادا بل حتا بلعكس المصاري شي كمالي مش ءساسي
ءهم شي تفاهم بين الءزواج و الراحه نفسيه مش النظر لممتلكات الزوج و الحاق ورى شب الموظف الغني مثل طماعات اجوعانات يلي يلهثن ورى شب الغني ولمظاهر عشان مصالحهن اشخصية
رد بواسطة مها
شوف يا اخي انا قاعده بكتب مشكله كوميديه ومن اجلك رايح اترك مشكله واكتب مشكلتك بس يا اخي حابه احكي لك شغله انا لما اكتب مشكله بزيد فيها او بنقص حتى اعملها صالحه لنشر هل فهمت علي لان مش كل شيء بنحكى بقدر اكتبه
رد بواسطة مها
خلص باذن الله رايحه اكتب لك مشكله بس سؤال كم ساعه وانت تكتب المشكله تعرف لو انت كتابتك ضعيفه بس فهمت كل كلمه كاتبها ، حاضر بس شوية وقت بتكون جاهزه ان شاء الله
رد بواسطة السوسنة
مين كاتب المشكلة

مها...كثير فيها اخطاء املائية


وكم حلوة عنست وراحت عليها عشان تغلي مهرها..والجمال بعد فترة بروح

شى اهلها عاملينها تجارة يعني
عشان عندها عيون غير ملونة
رد بواسطة الى صاحب المشكلة
هل هذه مشكلة أم رواية ساق البامبو ؟؟؟؟؟؟؟
رد بواسطة جمانه طلال
عجبي الرجل يكون مش متعلم ويطلب بنت معها شهاده طيب حقها للبنت ان تتزوج شخص متعلم انا بالنسبه لي مااتزوج رجل مامعه شهاده ابدا لان تقكيرو يكون فيه جهل وكل شي عيب عندهم وهاي من تجربه حوليا
رد بواسطة السوسنة
اختصروا ..المشكلة كبيرة وماحد عنده وقت
خير الكلام ماقل ودل
بلا كثر لت وعجن
رد بواسطة منار
طيب ليش تظل تلطم تقول ارمله
اصبر كم سنه ورتب امورك
اتعب اشتغل اجمع مصاري
بعدين تزوج وحده على كيفك
رد بواسطة ابحث ..
في معلمات كبار وعمرهن كبير ابحث عنهن........ بتكون فقدت الامل انها تزوج
رد بواسطة المستشار الى جمانة
التكافؤ التعليمي بين الأزواج أمر ضروري
لأن هذا التكافؤ يؤدي الى التفاهم بينهما و يقلل الاختلافات في وجهات النظر !!!
رد بواسطة القبطاان
ياصديقي لا غاليه ولا شي بس هي الحياه تكاليفها صعبه .. يعني بدك تتجوز بدون حفله ماشي لكن العروس ما بدها صالون ؟؟؟ حط 500 اه ما تستغرب هيك الصالونات ,,, بدك البنت ماتطلع بشنته فيها ملابس ؟؟؟ احسبها اكم فستان وكم بيجاما وكم طقم مكياج وكم قزازه عطر تلبسهم قدام قرايبك ,,, يارجل العبايه ب70 دينار ,, الشنته كم بدها ؟؟؟ مابدها كم قطعة ذهب انت رح تبيعهم اول ما توصلك ؟؟؟ حط حقهم على اللي ذكرته فوق ,,, خطوبه ما بدها تعمل ؟؟؟؟ حفله ,,, فستان للخطبه ,,, كم حبة كنافه انا بحكي عالضيق جدا ,,,,
طيب خذ الموضوع من ناحيه ثانيه ,,, بتعرف البنت المتعلمه كم كلفت ابوها عشان انت تتطلع بوجهها ؟؟؟؟ اقل جامعيه كلفت ابوها 20 الف دينار ,,, وبده يعطيك اياها وانت ما كلفت ابوك 20 دينار ,,,,
رح تتوضف وانت توخذ على راتبها قرض وهذا السيناريو معروف ,,, حافظينه ,,, احسب اللي حكيته رح تطلع ب4 -5 الاف دينار ,,,
مابدك تدفع هيك مبلغ وطفران ,,, ابوها ما رح يجوزها يصرف عليها عندك وهمها زياده ,,, وراتبها الك ,,,
طيب بتعرف ابوها انه رح يدفع مبلغ كبير مش موجود بهاي الحسابات ,,, على اساس هو المليونير يعني ,,,, ؟؟؟؟
كل خواتها صالونات على حسابه ملابس وامها واذا في عمات مقربات زيدهم على الحسبه ونقوط للعروس وعزايم للضيوف وحلويات كل ما ييجي حد يهني ,,,
من الاخر خذها من اخوك مأمون
اللي مو قد الحمرا وعليقها ,, يجنب عن طريقها ,,,
يعني اللي مو قد الجيزه من بنات الناس ,,, يظل عند امه استر اله واستر لبنات الناس ,,,, وناسي البيت والاثاث ,,,؟؟؟ ولا كمان على فرشه مثل جدتها ؟؟؟؟ ياخوي اللي بنفع زمان ما بنفع بهالوقت ,,, واللي ما بطلع مع العروس ما بلحقها ,,,, واللي بده يجوز بنته ويرجع يصرف عليها عند جوزها ,, لا والله يخليها عنده تدرس اخوانها عالاقل ههههههههههههه
رد بواسطة مها الى السوسنه
تعرفي مش قصه طويله اللي كتبها بس لو تشوفي قديش حبيت اقرا لان هوايه عندي حب كتابه وقراءه
رد بواسطة ءنا صاحب لموضوع ءلى مها
مها ءترجاكي ءنك ما تزيدي و لا تنقصي علمشكلا تاعتي
ءو خلص ءذا ما ودكي خلص لا تكتبيها
بس ءذا ودكي تكتبيها ءكتبيها مثل ماهي ءو لا تكتبيها وءلك خالص شكري يامها
رد بواسطة نعم نعم نعم ؟!؟!؟؟!؟
انا قرأت المشكلة كلها .. بس اقسم بلله إنه الموضوع مستفز جدآ
بلله مجرد واحد مش متعلم و بده متعلمة و بحكيلك التعليم مش يعني انه الواحد يكزن مثقف بس يا الله هو برحم حاله انه مش متعلم اما البنت لازم تكون متعلمة من وجهة نظره المحدودة ..
و بده موظفة تصرف عليه و ما بدوياها تحكي بدها واحد معه مصاري
بدوياها حلوة و متعلمة و مهرها رخيص
و مش زابطة معه و بده أهالي البنات يجبروهن يتجوزن لواحد مش من مستواهن منشان حضرة جنابه يرضى ..
شو هالمسخرة بلله ؟
عنده انانية ذكورية بشكل رهيب ..
مش داري عن حاله شو قاعد بكتب .
رد بواسطة هههههه
بحكي متل الاولاد الصغار و عامل حاله مثقف ... بثيرلي شفقتي من كثر أنانيته عنجد هههههه
قاعد بتشرط و هو مش مؤهل للتشريط
و احنا كلنا بنعرف انه الزلمة لازم يكون متعلم اكثر من زوجته .بس هو ابصر وين عايش
منقهر من اهالي البنات ليش ما انهم يرخصوا مهورهن .
اقسم بلله لو كل واحد تزوج من مستواه بدون ما يتطاول امثال هذا
كان الكل تزوج و ما ظل عنوسة بهالبلد
و قال بحكيلك انه غلاء المهر سبب عنوسة البنات
لا غلطان
سبب عنوسة البنات هي أشكالك يا فهيم
لإنك بتترك يلي من مستواك يعنسن و انت بتركض للي اعلى من مستوياتك كلها إخص يلي علمك انه الشب ما بعيبه شي عنجد إخص .
رد بواسطة يا جماعة
يا جماعة لاحظوا إنه الموضوع مبالغ فيه و شغل مسخرة و بعمرنا ما شفنا واحد اناني لهالدرجة .. بس هو قاعد بده يشوف ردود افعالنا .

قال بده وحدة دارسة و هو مش عارف يكتب كلمتين على بعض و بحكي عن نفشه مثقف .. الموضوع مجرد استفزاز صدقوني .
رد بواسطة يا إلهي
شو هالتخابيص يلي بمشكلتك انت صاحي و لا بس هيك مجرد هبل و استهبال و استخفاف فينا ؟؟!؟!
اتقي ربك يا زلمة الدنيا رمضان
رد بواسطة لبنى العزام
أول مرة بحياتي بعلق بس موضوعك استفزني ييل عامل حالك مهتم بالعلم و التعليم و مش قادر تكتب كلمتين على بعض يا مثقف زمانك ...
والله لو أعنس للأبد و لا أتزوج واحد بحكي بطريقتك المستفزة.
رد بواسطة .....
إعترف إنك بتركض ورى المظاهر و ما بدك بنات الناس يركضن ورى مصلحتهن
بدكياها حلوة قلتلنا ؟ بدكياها معها مصاري ؟ بدكياها متعلمة ؟ بدكياها مهرها رخيص ؟؟!؟!؟؟!


عاهاتك يا وطني
09-05-2021 11:05 AM
منار
مها هاي المنتحله
انا ما بكتب هيك
طخيها لانه زودتها
رد بواسطة مها الى منار
بلاش طخ لان الدنيا رمضان وحرام الجرائم في رمضان هههههه
رد بواسطة مها الى منار
قلبي انا بعرف انك مش انتي لان مستحيل تحكي هيك كلام علشان هيك سالتك منار انتي من سكان اي منطقه
رد بواسطة يا مها
اسلخيها بيت شعر من بيوت شعرك يحلحل عظامها للمنتحلة ويجيب هويدها
09-05-2021 02:17 PM
السوسنة
قرات القصة

فيها تناقض
البنت ملتزمة دينيا ..اذا بتلصق اظافر فهاد بمنع ماء الوضوء من الوصول لاظافرها

بعدين وين النظافة بتربية اظافر
النظافة من الايمان


كمان البنت شقرا وعيون زرقاء

احنا العرب عنا عقدة

المثل بحكي
يمرة ونغشة ولا بيضة دفشة
رد بواسطة لوحدك
إنتي عندك عقدة وليس العرب كلهم ...
رد بواسطة السوسنة
كل واحد بدور شقار وعيون غير ملونة بكون معقد ...يمكن عشان يعوض عن البشاعة الي عنده
رد بواسطة سمراء
هههههه الله يعينك على عقلك يا السمرا والنغشة ....... اذا بتعتبري حالك نغشة هههههه
رد بواسطة ابو محمد
اخت سوسنة انا اختلف معك لو خيروني اختار البيضاء والدفشة المهم امتع عيوني .
رد بواسطة السوسنة السوداء
كلنا نعرف ان الواحد بدور على الشي الي ناقصه

فهمكم كفاية

انتهى وقتكم

مارح ارد
مش فاضية الكم
رد بواسطة يا هملالي
اقسم بلله صدقوا المعلقين يلي ضدك
والله العظيم عندك عقدة
يعني عينك عينك بتخالفي بالنفس البشرية و بتحكي عن الرجال يلي ببحثوا عن البياض و الجمال انهم هذول بشعين و مش حلوين و عندهم عقد نفسيه ؟
وحدي الله يا بنت الناس احنا فهمنا انك بشعة و فضحتي حالك بكلامك بس خلص الك الله و لا تتفزلكي على زوقنا . و اذا مش عاجبك روحي ادفني حالك بالتراب بدل ما تدعي عالناس و حالتك حاله بحب احكيلك الحسد حرام و الغيرة مكروهه و الغيرة بتأدي للحسد الحرام و شو بدهن ينفعنك البنات الحلوات بهاي الساعه .خلص ابلشي بحالك الله يرضى عليك و سيبك من زوق الرجال شو بحبوا و شو بكرهوا
09-05-2021 03:52 PM
المتزن
حبيب قلبي خلك ورا امك فعلا ام لظافر اطوال تالي الزمان ماتقدر تتطعمك خبز ... الجوف هو الجوف لكن الاختلاف فالوجوه ... دور لك وحده غيرها ههههه
09-05-2021 04:58 PM
مها الى المستشار ومنار
مالكوا علي يا اصدقاء
رد بواسطة منار
مها لازم تعرفي لما
بيكون هيك تعليق في اي اساءه
الك انه مستحيل يكون انا
ولا يمكن انا اكتبلك هي شي
رد بواسطة المستشار الى مها
لك كل الاحترام و التقدير
رد بواسطة مها
فعلا احب الشقر مثلي
09-05-2021 05:16 PM
منار
طلع موضوع الاظافر موضوع حساس
لانه مش كل بنت نظيفه وبتعرف تنظف
هيك اشياء
يلي بتترك الاوساخ تحت الاظافر هاي اصلا
بتكون مو نظيفه ولا بتعرف شو النظافة
او يمكن الاختراعات لهيك امور ما وصلتها اصلا
ف الحل عندها تقص اظافرها اريح الها
حتى لو اصابعها شبه اصابع عبدو
بس هذا لا يعني اذا هي هيك
تفترض كل البنات هيك بيكونو
اذا هي بتقص اظافرها بس لانه هي ختياره او ناقصه او ما بتعرف شو الترتيب بيكون
لا تعمم على كل البنات انهم مثلها
رد بواسطة الى منار
ما ابشع المخالب
رد بواسطة هههههه
في ناس استيعابها ضعيف للأسف

وبتحب المخالب
رد بواسطة الصورة حلوة عفكرة
الصورة حلوة عفكرة بس انتوا قاعدين بتبالغوا ..
بتوقع يلي علقوا على اظافر هالعروس فهذول ناس رجعيين و متخلفين بصراحة و بحبوا يهينوا البنات بأي طريقة سبحان الله
09-05-2021 05:43 PM
مها
من صبح وانا اكتب مشاكل وكتبت بحدود 50 مشكله ومنهم منار اللي طلبتهم ابي وحيد وجاره عامله مشاكل وايضا كتبت مشكلة الاخ
رد بواسطة منار
يعطيك العافيه
رد بواسطة مها الى منار
الله يسلمك يا سكره انتي
09-05-2021 05:47 PM
الاميرة
ربنا يتقبل طاعاتكم
رد بواسطة منار
منا ومنكم صالح الاعمال
رد بواسطة الاميرة
جميعا
09-05-2021 08:55 PM
منار
اللهم انصر اهلنا في فلسطين
09-05-2021 09:25 PM
منار
اللهم انصر اهلنا في فلسطين :((
رد بواسطة هناء..
ااامين ...
رد بواسطة الى منار
اللهم أمين .... جزاك ألله خيرا
رد بواسطة الاميرة
امين يارب العالمين
09-05-2021 10:23 PM
مها
كلمات مرعبة يقولها الزوج للزوجة وتسبب أمراض نفسية وجسدية مدمرة :

1 (لا يمكنك الذهاب إلى السوق) تسبب هبوط وارتفاع بالضغط وبالتالي جلطة دماغية وتلف في الخلايا العصبية وقد تسبب أيضاً وهج في الغدة الدمعية مع الم في الجمجمة.

2 (لن تذهبي لزيارة اهلك) تسبب شعور بالوحدة والانعزال النفسي والكآبه المدقعة وقد تؤدي الى الانتحار..

3 (لماذا لاتودين زيارة اهلي) تسبب حالة رهاب وخوف مفاجئ وتأتأة وتلعثم فموي واحتمال فقدان ذاكرة و زهايمر مبكر.

4 ( لا يوجد مال) .. هذه تسبب ارتجاج دماغ وانخفاض سكر الدم و قد تؤدي إلى غيبوبة .. أو إلى نوبة هيستيرية و النتيجة سيكون المرحوم ضحية لأعماله.
رد بواسطة منار
انا رقم واحد
رد بواسطة مها
انتي عسل يا منار
09-05-2021 11:43 PM
القبطاان
اذا كانوا اضافرها هيك ,, انا بتجوزها وبتحمل الذنب كمان
رد بواسطة مها
اخي اظافر الطويله بدل على وسخ وعدم النظافه كيف تدخل دورة المياه وهي بتلك الاظافر
رد بواسطة فهد
والله انك يا قبطان صادق
و انا لو اشوف بنت بهالنعومه و الجنال بروح اخطبها و اجيبلها خدامه و خلي الغيرانات منها يطقن و يفقعن
والله لو عمرها ٤٠ سنه و تكون حلوه لأفضلها على بنت العشرين بهاي الساعه والله العظيم
المهم المتعة الحسيه و يكفي انك تحس انه شكلها انثى مش جعفر
10-05-2021 02:33 AM
ههههههه
يع يع يع
10-05-2021 04:20 AM
ههههههههه
في وحدة بتحب المخالب
الرجاء لاتعمم على كل البنات في بنات كيوت وهاديات مابحبوا المخالب
10-05-2021 04:21 AM
السوسنة السوداء
هي المشكلة بالنسبة الي انتهى موصوعها مارح اعلق بشي

مافي وقت اصلا لكثر الحكي
بكفي انه في وحدة مقهورة ومغيوزة
مني
مسكينة ...رح يطق الها عرق


وانا مستمتعة بتعليقاتها وعم اضحك

ماهو مابغار منك الا الي مش قادر يصل لرجلك
رد بواسطة للسوسنة
الله يعينك على عقلك ..... خلص يا تيتا روحي نامي .... السهر الك متعب ..... خلص انتي ما في منك ....
10-05-2021 04:27 AM
السوسنة السوداء
عفوا
انا ماجيت بحد ولا علقت على حد معين
انا حكيت رأيي بالاضافر للمشكلة

ولقيت ناس عم تدخل باسماء وهمية وترمي كلام

مابحكي غير حسبي الله ونعم الوكيل ..والكلام الي انحكى عني او اي تعليق علي.. ان شاء الله برتد عليها
دعاء مارح ادعيه هون...الدعاء رح يكون بالصلاة


محر ر لو سمحت تنشر تعليقي
رد بواسطة مش قاادر
اكلنا هوى رحماك يارحمان دعوه بالهداية تكسبين الاجر والثواب هههه
رد بواسطة السوسنة السوداء
الي رديتي علي وبتظلي تعلقي ضدي باسماء مجهولة

الله ياخذك اخذ عزيز مقتدر بهالليلة الي ممكن تكون ليلة قدر
رد بواسطة انتي ..
وياخذك قادر يا كريم اول شي انتي ....
10-05-2021 04:32 AM
المشكلة مش راكبة على بعض
المشكلة مش راكبة على بعضها
مستحيل تكون أم عريس تافهة لهالدرجة إلا لو كانت من العصر الحجري .
10-05-2021 11:02 AM
إلى السوسنة السوداء
يختي سواء إنك عرفتي إسمي أو لأ شو بتستفيدي ؟
و هل يا ترى بتتوقعي إني أخاف منك ؟ بالهقل يعني
اذا انت قصدك عن النظافة و ما نظافة فهيك شي ثاني رغم إنهن يلي بربن أظافرهن بالعادة بكونن نظاف و شغل إيتيكيت و كذا ... خلينا نحكي بالواقع
بس انت بجزملك انها امه حكت هيك لأجل مجرد عادات و تقاليد ذكورية فقط لا غير
رد بواسطة السوسنة
الي بتحدث بالمجهول طبعا خايف وهاد نوع من الجبن
والثقة لما الواحد بحط رايه والناس تعرف لمين الرأي

اما امه حكت هيك لانه مجتمع ذكوري ..شو دخل مجتمع ذكوري بهيك موضوع
الموضوع اصلا والعنوان مش لايق
لانه هل الاظافر وطولها تلغي الزواج

الموضوع اله علاقة صار برضى الام
وانا مابقدر افتي بهيك موصوع
رد بواسطة السوسنة
قال الي بربوا اظافرهم نظيفات
ممكن البعض مش الكل
وشو ماحاولوا الا تبقى جراثيم تحت الاظافر

على رأي المثل من برة هالله هالله ومن جوه يعلم الله
رد بواسطة السوسنة
بنصحكم المرة الجاي ادخلوا باسماىكم
ولاترموا حكي انتوا مش قده
رد بواسطة فعلا صادق يا تاع هالتعليق
فعلآ كلامك صح ١٠٠% يا صاحب هالتعليق
10-05-2021 03:11 PM
برقية عاجلة الى سالي....
طمنينا عنك وعن صحتك ان شاء الله اتعافيتي وصرتي احسن اليوم ؟
10-05-2021 03:48 PM
مها الى صاحب المشكله
اخي مش كل شيء بنشوفه بنقدر نكتبه احتمال نزيد على مشكله او نعمل عليها بعض التعديل حتى تصلح للنشر مع تحياتي لك
10-05-2021 03:51 PM
السوسنة السوداء
الله ينصر الفلسطينيين...الشعب الي بقاتل اعزل امام الاجرام الصهيوني وبدافع عن كرامة المسلمين والعرب وعن المسجد الاقصى الي بخص كل مسلم
اولى القبلتين وثالث الحرمين ومسرى الرسول عليه السلام
رد بواسطة على فكرة
لو المسجد الاقصى ببلدنا بندافع عنه ...
واجبهم انهم يدافعوا ....
رد بواسطة المتزن لفكره
المسجد الاقصى واجب على كل مسلم يدافع عنه حتى لو مش ابلدنا فهو في بلد مسلم هي فلسطين ..استغفر ربك الدفاع عن اماكن عبادة المسلمين فرض علينا
رد بواسطة السوسنة.. على فكرة
على فكرة
لازم تستحي من تعليقك
رد بواسطة السوسنة...على فكرة
على فكرة

هيهم بستنوا فيك لتشرف وتساعدهم
رد بواسطة السوسنة متزن
متزن

كلامك صحيح...مقدساتنا الاسلامية واجب علينا نحميها ونفديها بارواحنا

ماقصرت يا أصيل
10-05-2021 04:13 PM
هل تعلم ؟؟؟؟؟
هناك ٩ تعليقات / ردود لإحدى المعلقات و لكن بأسماء مختلفة !!!
رد بواسطة طولي بالك يا سوسنه
انت مكبره الموضوع رغم تفاهته
في بنات كيوت و بتربي اظافرها بشكل نظيف و حضاري و مش موضوع يلغي الزواج الا للناس المتخلفين حاشاك
البنت بريئه من تخلف هالغجر و صحيح مثل ما قال معلق او معلقه انه شغل البيت مش واجب المرأه وحدها فمش منطق انهم يلغوا الزواج لاجل اظافرها طويلة و ما بتقدر على شغل البيت
هاي دليل على انهم بدهم حراثه و تشتغل و تنظف و تفقد انوثتها بشغل البيت و يروح المحروس ابنها لهالحمايه انه يخونها مع بنات حلوات اظافرهن طويله
رد بواسطة الى المحقق كونان
كونان
بدنا التعليقات ارقامهاواسم المعلقة
ههههههههههههههه
رد بواسطة المحقق كونان
اللي على رأسه ريشة بحسس عليها


يبدو أنك صاحبة التعليقات !!!
10-05-2021 06:19 PM
الى صاحب المشكلة
بالشكل المباشر رح احكيها
أمك رجعية مش بتحكي هيك لأجل النظافة و ما نظافة لإنه كلنا بنعرف انها المرأة مش مجبرة بشغل بيتها بالشرع
فهايي مش حجة انها ترفضها
احتمال كبير تكون امك غارت منها و هالشي وارد
او انها لإنها لما كانت بعمرها ما عاشت حياتها متل جيل اليوم من الصبايا لهيك قاعدة بتتفشش فيها من خلال الرفض.
بس انا بحكي رحمة للبنت انها ما تتناسب معكم بصراحة .
رد بواسطة أجمل تعليق
فعلا أكثر تعليق واقعي و صحيح
رد بواسطة الى صاحبة التعليق
يد واحدة لا تصفق !!!!

أما عملت والدتك في بيت والدك ؟؟؟؟

أما عملت جدتك في بيت جدك؟؟؟
رد بواسطة الى صاحبة التعليق
و إذا كان الزوج لا يملك أجرة الخادمة أفلا يأكل أهل البيت و لا يشربون و لا يغسلون ملابسهم إذا لم تعمل الزوجة
و هل يصبح البيت مكرهة صحية اذا لم تنظفه الزوجة ؟؟؟؟؟؟؟؟؟؟؟؟؟؟؟؟؟؟؟؟
10-05-2021 07:06 PM
السوسنة السوداء
في وحدة هون تم نعتها بالعجوز من قبل احد المعلقين وانا والله شفقت عليها ودافعت عنها
بس غلطت لانها فعلا تستحق واكتشفت انها عجوز لان دماغها متصلب..تلواحد لما بكبر دماغه بتحجر
اللهم نسالك العفو والعافية
10-05-2021 08:30 PM
السوسنة السوداء
استودعكم الله

عندي امور اهم

وقتكم انتهى
10-05-2021 08:31 PM
ساالي......
ادعولي
رد بواسطة الاميرة
ربنا يرزقنا ويرزقك مالا حلالا طيبا
ويفرجها علينا وعليك
رد بواسطة الى سالي... الغالية
اسأل الله العظيم رب العرش الكريم ان يشفيكي
10-05-2021 11:19 PM
الاميرة
تسحروا
11-05-2021 03:52 AM
المتزن
اللهم احفظ وانصر القدس واهل القدس #
11-05-2021 04:31 AM
إلى السوسنة
من إسمك و طريقة كلامك واضح جدآ إنك سمرا و بتغاري من البنات البيض ههههه
لا تلوميني على كلامي لومي طريقة كلامك يلي بتدل على إنك كتييير مهتمة باللون للبشرة و مش طالع بإيدك
على كل حال هاي خلقة ربنا و لا اعتراض
بس الله يرضى عليك اضحكي عحالك لا تضحكي علينا
ذكرتيني بالطفران يلي بظل يحكي إنها المصاري زبالة الدنيا و هو بالأساس مش مقتنع بهالحكي بس هو بظل يكابر ههههه
11-05-2021 11:32 AM
فهد
انا قريت تعليقاتكو كلكو
يبدولي انك يا سوسنه مكيوده
و ما عندك و لا اشي من النغاشه
و يلي حكولك رجعيه عنجد معهم حق
اذا البنت اظافرها طويلة و نظيفه و جميله انا بروح اخطبها و انا مغمض عيوني و بجيبلها خدامه
هاي يلي هيك تستحق الدلال لانها عايشه عالدلال من الاصل
11-05-2021 11:39 AM
السوسنة....على فكرة تعليق ٣٩
تعليق ٣٩ الي
في ناس ردوا علي بتعليق على فكرة

بحب احكيلهم...اخص وياعيب العيب

الي مابهتم بأمر المسلمين مش منهم
مش ضروري تكون فلسطيني لتهتم باللي بيحدث بالاقصى ..بكفي تكون انسان وعندك دم لتشعر باللي بصير

كثير كان في تعليقات تكون ضدي وما اهتميت اعرف مين كتبها
لكن شو متمني اعرف صاحب هالتعليق

حراس الاقصى مش محتاجين دفاعك عن مسرى رسولك ولا عن قبلتك الاولى

بالدم بدافعوا عن الاقصى ومسرى الرسول عليه السلام

محرر انشر تعليقي وشكرا الك
11-05-2021 12:25 PM
السوسنة سالي
سالي

الله يشفيك..شو صار معك...طمنينا
11-05-2021 12:58 PM
مها
اللي بزعل السوسنه بزعل رجاءا ما بحب ناس يزعل صديقتي الحلوه
11-05-2021 02:50 PM
السوسنة السوداء
في تعليقات تافهه من ناس الي اترفع عن الرد عليها
حتى ما انزل لمستوى اصحابها
رد بواسطة مسكينة ..
إانتي خلص وقت صارلك مليون سنه بتشحدي سلام من العجرمي
وهو ما عبرك إلا في الاعياد.... مسكينة أنا صراحة حزنت عليك ...... خصوصا بس عرفت انك سمرا ونغشة هههههههه
11-05-2021 04:32 PM
السوسنة متزن
اصيل

كلامك صحيح بالرد على فكرة

شكرا الك يا أصيل
رد بواسطة المتزن للسوسنة
هي مبادىء .... وهذه مبادئنا اكيد
يسعد مساك
فكره قد تكون حبت توصل فكره لكن يمكن خانها التعبير هيك اتوقع ... القدس الكل معها
رد بواسطة للمتزن
لا متزن انا عارف شو كتبت .... ليش هم اصلا شو عاملين كله كلام بكلام ..... بدهم غيرهم يعمل وهم قاعدين برا كل واحد لسانه مترين
......
رد بواسطة السوسنة لفكرة
انت يافكرة
شو قدمت لمقدساتك...ومسرى نبيك
جميلتك حالك...اصلا ماحد طلب مساعدتك
الاسود لوحدهم عم بدافعوا عن مقدسات المسلمين واحنا قاعدين نتفرج

بكفي ان الله معهم وانهم شهداء
رد بواسطة السوسنة فكرة
فكرة بعد هيك شو ماتكتب ما رح ارد وقتك انتهى
قلة الرد عليك رد

لاتستحق الوقت الي بضيعه بالرد عليك
11-05-2021 04:35 PM
السوسنة ...فكرة
لولا الإسلامُ لمَا كان لفلسطينَ قيمةٌ ولا لبيت المقدس قُدسيةٌ!

الإسلامُ (الذي هو دين الأنبياء جميعاً) هو الذي أضفى على هذه الأرضِ البركةَ والقدسيةَ والقيمةَ، والنصوصُ في ذلك من القرآنِ والسنَّةِ معلومةٌ.

لذلك فإنَّنا عندما نتحدَّثُ عن فلسطينَ والأقصى وبيتِ المقدسِ، فإنَّنا لا نتحدث عن قطعةِ أرضٍ رسمَ حدودَها أعداءُ الأمةِ، ولا نتحدَّثُ عن أرضٍ لسانُها عربيٌّ!

لولا الإسلامُ لمَا كانتْ هذه الأرضُ مختلفةً عن غيرها من الأرض، ولولا الإسلامُ لكان مكانُ المسجدِ الأقصى مجردَ حجارةٍ وأعمدةٍ !

• أرضٌ باركها الله ﴿سُبحانَ الَّذي أَسرى بِعَبدِهِ لَيلًا مِنَ المَسجِدِ الحَرامِ إِلَى المَسجِدِ الأَقصَى الَّذي بارَكنا حَولَهُ لِنُرِيَهُ مِن آياتِنا إِنَّهُ هُوَ السَّميعُ البَصيرُ﴾ [الإسراء: ١]

• وقدَّسها الله ﴿يا قَومِ ادخُلُوا الأَرضَ المُقَدَّسَةَ الَّتي كَتَبَ اللَّهُ لَكُم وَلا تَرتَدّوا عَلى أَدبارِكُم فَتَنقَلِبوا خاسِرينَ﴾ [المائدة: ٢١]

• وجعلها الله قبلةً للصلاة ﴿..وَما جَعَلنَا القِبلَةَ الَّتي كُنتَ عَلَيها إِلّا لِنَعلَمَ مَن يَتَّبِعُ الرَّسولَ مِمَّن يَنقَلِبُ عَلى عَقِبَيهِ ..﴾ [البقرة: ١٤٣]

فما باركها الله ولا قدَّسها ولا جعلها قِبلةً حتى تُخطَب بعد ذلك لمُفسدٍ أو كافرٍ ملحدٍ أو مشركٍ، بل هي مظهرٌ لشريعة الله.

وما ضاع الأقصى ولا استُعبدتْ الأمةُ لأعدائها إلا بسبب تغييب الإسلام وإحلالِ دعوات الفسادِ والكفرِ والشركِ محلَّه، وتمزيقها بدعوات الوطنية والقومية!

الخلاصة: فلسطينُ والأقصى جزءٌ من ديننا وعقيدتنا..

ومن ينظرُ إلى فلسطينَ من منظورٍ وطنيٍّ أو قوميٍّ، فهذا قد أخطأ وضلَّ.. ومن هنا أتت الانتكاساتُ.

معركةُ الأقصى معركةُ إسلامٍ وتوحيدٍ وقرآنٍ في مواجهةِ الكفر والشرك.

#
11-05-2021 11:06 PM
السوسنة السوداء
رجعت لقيت مجموعة تعليقات عني للاسف بتخزي رح انقلها هون


لاتفكروني هناء ورح اترك


مع احترامي لصديقتي هناء .
13-05-2021 11:27 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات