جراسا -

في ختام "بودكاست إليسا" خصّصت إليسا آخر حلقة لأشخاص استطاعوا أن يعملوا فرقًا كبيرا بحياتها، ولولا وجودهم لما كان مشوارها رائعًا وناجحًا إلى هذه الدرجة.

في البداية قالت إليسا "اليوم عم بتلاقى معكم بالحلقة الأخيرة وكانت حقيقة تجربة فريدة من نوعها عشتها معكم ومع "أنغامي" خلال 3 أشهر ويلي كان الي الشرف كون أول فنانة عربية بتعملو وبفضل هالتجربة تعرفتو عليي أكتر، تواصلت معكم أكتر وتواصلت معكم بكثير مواضيع إنسانية وفنية واجتماعية وحتى السياسية".

محظوظة بحياتي

وتابعت إليسا "أنا بقول انو أنا شخص محظوظ بحياتي التقيت بأشخاص اضافولي كتير، وأغنوا مسيرتي من جميع النواحي وخاصة مسيرتي الفنية وهون عم بحكي عن ملحنين وفنانين ومنتجين".

وأضافت اليسا "أنا دايمًا بحب حيط حالي بأشخاص ناجحين ومتفوقين بحب أتعلم من هؤلاء، وبحطن هدف ولهيك في حوالي أشخاص كنت استفيد منهم على كل الاصعدة وأي فكرة تعجبني أكتبها وكنت آخد برأيهم بمقابلاتي وحتى بلبسي وبآمن انو إيد وحدة ما بتزقف" .

أسماء مهمة بحياتها

وحكت إليسا عن قائمة أسماء كان لهم تأثيرا كبيرا على مسيرتها الفنية، وقالت "أول شيء رح احكي عن شخص توفى هو الملحن سمير قبطي تعرفت عليه بعد ستوديو الفن وكان كل ما يشوفني يقلي رح تصيري نجمة وحرام ماعاش ليشوفني، وسمير قطبي عرفني على جان صليبا، وجان وجعني غيابو لانو راح بكير وحياتي المهنية بدأت مع جان وأول منتج كان قلي وحتى وقتها اختلفنا بس ولامرة كرهتو لانو انسان طيب وبس نتلاقى نضحك وهيدا الشي يلي خلاني اتعامل معو لآخر لحظة".


وتابعت اليسا "ناصر الاسعد بحبو كتير وخلوق وكان من الناس الاساسيين بحياتي واشتغلت معو بكل ألبوماتي وناصر اغلب الاغنيات التركية هوي ملحنها ووزع (يا مرايتي) و(نفسي قلو) وما بنسى الياس ناصر وللاسف عم نترحم كتير اليوم، وكتبلي انجح اغنياتي باللهجة اللبنانية من (قلبي غنيت) و(شافونا اتنين) والحلو كان يكتب السهل الممتنع كان قدوتي وساعدني كتير".

وحكت إليسا عن مروان خوري وقالت "بدي احكي عن مروان المبدع عطاني أجمل الالحان والكلمات وبحس انا ومروان في كيمياء بيننا واحساس الكلام تبعو بيشبه احساسي وبقلكن انشالله قريبا رح نقدملكم اعمال حلوة".