على سيرة الضبع وخراريف لضباع صارت حكومتنا مثل المثل اللي ما خلى شئ وما قاله ...
فلقد إستطاعت اليوم وعلى لسان احد أعضاء لجنة الأوبئة ان تفحم إعلامي متمكن بسؤال غريب جوابه خيارين كل واحد ألعن من الثاني في حرسيه ودرسيه لما سأل وفي معرض رده على سؤال المذيع حول فتح واغلاق الحدود فكان الرد جاهز بسؤال وعلى سبيل المثل " لو دخل عليك ضبع عالدار بتسكر الباب ولا بتخليه فاتح السؤال مش بس وقف لسانه للمذيع انا متأكد وقف شعر راسه كمان لأنه بصراحه سيرة الضبع تصتك لذكرها الأسنان وترتعد لها الفرائص ، ويقشعر لها البدن يا رجل احكي غير هيك إحنا مرعوبين خلقه من الكورونا بتاعكم ومش ناقصين ، انا بصراحة لو محل عامر بجاوبه اني بحكي للضبع روح البس كمامتك وعقم حالك قبل ما تدخل وبهيك بكون طبقت مبادئ السلامة العامة وضمنت الموت من الضبع مش من الكورونا ....
وصدق من قال اللي بيخاف من الضبع بطلع له .... يا ولد سكر هالباب ترى والله الواحد صار يتولوس