نزلوا الأسواق واشتروا ملابس وهدايا وعيديات وقللو من الحلويات.. ايش بدنا أكثر من هيك. توضينا وصلينا ودعينا وكبرنا وهللنا وعيدنا ...ايش بدنا أكثر من هيك. تزاورنا وتصافحنا وتباوسنا وعبطنا بعضنا وضحكنا وانبسطنا وابتسمنا.. ايش بدنا أكثر من هيك. ارتفعت أسعار البنزين والسولار وملينا سياراتنا ولفينا كل أسواقنا وحاراتنا.. ايش بدنا أكثر من هيك. طلعنا رحلات وجولات وما خلينا حد يعتب علينا..ايش بدنا أكثر من هيك. شغلنا جوالات وبعثنا احلى البوستات مسجات وكلمات وما ظل حد عالفيس الا هنيناه..ايش بدنا أكثر من هيك. أرسلنا من الغربه حوالات ومصروفات ومعايدات..ورنينا للي مسافر مكالمات ايش بدنا أكثر من هيك. ذبحنا أضاحي خرفان وجمال وبقرات ومابقى غير عظمات وكرشات تتسلى فيها الستات..ايش بدنا أكثر من هيك. سيدنا.. احلى عيد مر علينا لا قروض ولا سلف ولا عالعيد اي مديونات... ايش بدنا أكثر من هيك. كل كل اللي اتمناه من ربي ان يحفظك ويزيدك ويديمك ذخرا وسندا للاردن وشعبك الطيب الكريم وكل عام وانت والعائلة الهاشمية بالف خير.