مصطلحات لبنانية


جراسا -

هاي كيفكن يا حلوين أنا حابة عرفكن على بعض مصطلحات بلدي

*لبنان *

اللهجة اللبنانية هي:

من ارق اللهجات ..ناعمة ...خفيفة...دافئة...وكلها دلع

 


فطورأو طعام بشكل عام = ترويئة
بدي روح برى البيت = بدي اضهر
بدي روح = بدي فل
مجوي=وسخ
مألعط=كمان وسخ
سلم=درج
كباية=كاسة
مزنطر=لباس ملفت للنظر
سأيل= غليظ
كبجاية=معلقة السكب
بسينة=قطة
حاصلو=خلاصة الكلام
حمة اللي بتنئرك نئر =للذم
توئبورني=للمدح

حايص: يعني اممممممم كيف بدي فسرها
يعني محتار قلقان
معتر : فقير ـــ مسكين
برندا: شرفة
زت او كب : رمى
بأوسي.... يعني بيفاجأك من الخلف
أوضة : غرفة
تخت: سرير
مبلى =نعم
دغري= مباشرة
لَيك=انظر
بعتل همك=بحمل همك
تِصْطِفِل :على راحتك
جُوا:في الداخل
سكَربينة:حذاء نسائي
صبّاط:حذاء رجالي
اشَطِت:وقعت
شَرْشَح:بهدل:وبخ
مكَرْكَب :فوضوي
عَجْأَة سير:زحمة
اقصفتلي ركبي : خوفتني او رعبتني
استحليت : عجبني
بيلبقلي : بيناسبني
تقبرني : تتطلع على قبري .
و بدي الفت انتباهكن انه نحنا اللبنانيه بنقول فصل الصيف بفتح الصاد و سكون الياء " َصيف " .
الشتي : الشتاء .
الدني : الدنيا .
امتين : متى ؟ .
بكي شي : فيكي شي .
عيطيلها : نادي عليها .
بعد : متل كلمة " احكي بعد " : يعني كمان .
بهداوة : بهدوء
ولدنة : حركات اولاد .
ما حدا لحدا : كل واحد بحالو و نفسه
حدا : شخص او انسان .
حدي : جانبي او جواري
نحنا عنا لما بدنا نحكي مع مجموعة بنضيف حرف النون بآخر .
متل : كيفكن ؟ شو اخباركن ؟ اشتقتلكن كتير ؟ وينكن ؟؟ زمان ما سمعنا عنكن .
ببقى : يظل
قلبي انكوى : احترق
الجنينة : الحديقة
يعبي : يملأ او يكمل .
جوانح : اجنحة .
خبرني : انقل لي الاخبار .
جايي : قادم
طلع : انظر
الحكاية : القصة
شو بتريدي : شو بدك
بعلمي : انا بظن
يفضى : يصبح فارغ
نطرني : انتظرني .
صبية : فتاة
ازاز : زجاج
حنية : حنان
صغيورة : صغيرة
حاكينا : احكي معنا
رفيق : صديق
نبرم : نلف
الضيعة : القرية
ستي : جدتي
سهرياتنا : حفلاتنا .
ميكانسيان : ميكانيكي سيارات
مرسال : رسالة
تعا : تعال
العربيي : السيارة
افادة : معلومة
بيي : ابي
امي : امي
حشورة : متدخلة

مشاركة من رفيقة "جراسا نيوز".........................كارول



تعليقات القراء

لميس
:-D:-D:-D:-D
توقعت انه يكون منك
لكي جزيل الشكر ويسلمو على الموضوع
وتحياتي للصبايا الحلووووووووين
06-05-2010 11:28 PM
shadi
نور جراسا بوجودك يا احلى بنات لبنان
زمثل ما بتحكوا
تؤبريني يا كارول انتي ومشكلجية هههههه

بدنا نشوف مشاركاتك وتعليقاتك كارول
06-05-2010 11:32 PM
خالد
ما ازنخ اللهجة اللبنانية
06-05-2010 11:58 PM
ريم
ههههههه كثير حلو , في كلمات كثير قريبه من لهجتنا
احلى كلمه بسينه =قطة:-D
يسلمو كارول يعطيك العافيهتحياتي الك لرور وفلسطينيه وسموحه ولميس
07-05-2010 12:44 AM
قلبي مثل قبري
كارووول مرسيه كتير ............... ممكن كيف بدي انشر خبر هون بهاي الزاويه بليز ردولي خبر
07-05-2010 01:04 AM
nice smile
يسلملي الحكي اللبناني ما احلاه
ههههههههههه
بصراحه لما قرأت الموضوع واتذكرت حكياتي هههههههههه
كركي من الاخررررررررررر هههههههههههههه
07-05-2010 01:05 AM
الفارس
انا بعمل في شركة ابنانية و أول ما اشتغلت عندهم نادالي المدير العام وبحكيلي يا خيي متى فليت امبارح , رديت عليه وبحدة :-[] معلم انا ما بفل من الدوام الا بعد انتهاء العمل وعندك ساعة الدوام راجع كشف امبارح وشوف اي ساعة انا روحت ما اتعودت افل من داوامي ماشي وما وصلتو اني مش فاهم عليه ورد علي يا خيي انا ما حدا بفوتني بلحيط مفهوم:-[] , رديت شو حيط وما حيط يا رجل شو بتخربط انته , ورديت عدت حساباتي سريعا انت معلم شو قصدك بفليت , رد علي يعني روحت يا خيي وضحكنا من قلوبنا على الموقف وافوتك بلحيط طلع معناها تضحك علي .
وهوة الان من اعز اصدقائي

مشكورة رفيئتنا كارول كلك زووووووء ....................الفارس
07-05-2010 01:06 AM
عابرة سبيل
اللهجة اللبنانية حلوة وقريبة ع القلب واول ما جاب الواحد الدش وصار يسمع الحكي لسانو انعوج شوية وصار يحس اي لهجة تانية غريبة وشكرا يا كارول
07-05-2010 01:11 AM
???????الى كارول
سو يعني بسبوس ما حكتيلنا اذا انك شاطرة احكيلنا بستنة ردك يا حلوة
07-05-2010 01:39 AM
الصيدلانية سماح
يا عيني عليكي يا كارول
غبتي غبتي ورجعتي باحلى المواضيع... الله يمسي بلدي الحبيب بالخير لبنان الاخضر
07-05-2010 01:41 AM
عليان المهستر
شكرا عالموضوع
07-05-2010 02:02 AM
محمد رفيق
الى الصديقة كارول تحية طيبة واشكرك على هذه المشاركة ولا شك ان الشعب اللبناني من الشعوب المميزة بلهجته الرقيقة وكلامه العذب واسلوبه المميز واتمنى لك التوفيق
07-05-2010 08:24 AM
¤@عاصمكو البدوي@¤ الى كارول الأنيقه
صباح الخير
صباحك سكر كارول
شو أخبارك
زمان هالقمر ما بان

عنجد استحليت موضوعك

رح اظيفكم عالبنان بشهر 7 ان شاء الله
07-05-2010 08:25 AM
قلبي مثل قبري
كاورول الموضوع كتير بجنن وانتي زوؤق كتير والشعب اللبناني حبيب البي............ اخواني ممكن كيف نزل موضوع بهاي الزاوية افيدوني رجاء
07-05-2010 09:24 AM
م. الدبابسه
بجد لهجه بتجنن بتجنن يسلمو كثير ياكارول
07-05-2010 10:07 AM
ابن المخيم
ياربي دخليلك علبنان واهل لبنان شو مغنجين وزووووء احلى تحية من كل ابناء المخيمات الى احلى كارول من اسمك شكلك حلوة يا بنت ومواضيعك حلوة تجوزيني هههههههه


بمزح معك لاتزعلي
07-05-2010 10:47 AM
محجوب ابو كف
قريبه كثيير من اللهجه الفلسطينيه وخصوصا اهل شمال فلسطين الناصره وصفد وحيفا وعكا
07-05-2010 12:44 PM
dena
سلمو كارول وفي كتير من لهجتنا
07-05-2010 01:01 PM
الى قلبي متل قبري
شو هالاسم غريب
انا مش كارول
بس حاب اساعدك
اطلع على اول الصفحة مكتوب ارسل خبر
اضغط عليها بتدخل
وبعدين بتحط الي بدك اياة واعمل ارسال
وجمعة مباركة
07-05-2010 01:23 PM
arabisck
والعروسه: سندويشه على السريع
07-05-2010 01:23 PM
اردنية وافتخر
هههههههههههههههههههه
ادام كتييير واصلا احلى لهجة اللهجة الاردنية يا كارول
والله بعد الاردن احفر وطم
07-05-2010 03:04 PM
لين
موضوع كتير حلو يا كارول هينا تعلمنا لغة جديدة بدل من اللغة الاردنية
بس في نظري اجمل لغة بلادي الاردن و شكرا الك يا كارول عى الموضوع الحلو
07-05-2010 03:12 PM
ريم الى قلبي مثل قبري
اخي يوجد في اعلى الموقع كلمه ارسل خبراضغط عليها بالماوس
بعدين تظهر صفحه تكتب اسمك في اول مربع والثاني اميلك وثم تضع الموضوع واخر مربع تضع صوره بالضغط على كلمه browse ثم تختار الصوره وبعد ما تنتهي اضغط ارسل فتظهر لك صفحه مكتوب ارسل الخبر بنجاح....وان شاء الله بنشوف مشاركاتك تحياتي الك
07-05-2010 03:17 PM
فلسطينية وافتخر

الى كارول

تؤبريني حبيبة البي على هيدا الحكي اللي بجنن متلك . بس ليش ضهرتي ابل فترة وما خبرتينا وحكتينا . كان بعتيلنا مرسال او افادة خلص مو مشكل .حاصلو ما تحكي عني حشورة .(كنت حابة احكي معك بمصطلحات وبلهجة بلدك الحبيب)على كلن انشالله ضلك هون ع طول لتنورينا بمواضيعك. واوعك تضهري او تفلي من جراسا بدون سابئ انزار اوك عيوني . ع فكرة انا كتير استحليت موضوعك وشكرا لالك .

الى الجميع

ازا في حد من سوريا هون من اخواني بجراسا بطلب منو يشاركنا بموضوع تحت عنوان مصطلحات سورية . لانو بموت بالحكي السوري انا.ومن المصطلحات اللي بحبها (تؤبشني) و(تدعس على ابري الهي ) (تمشي على رموشي ) (الله يخليلي اياك يا حئ) .ههههههههههههههه.

تحياتي للجميع
07-05-2010 04:41 PM
الصيدلانية سماح الى فلسطينية وافتخر
في مصطلح سوري يا فلسطينية حلو كمان
((تشكل أسي )) ويلي ما بيعرف شو هو الاس ..
هو نبتة مشهورة في سوريا كتير توضع على القبور اكتر شي .. وهذه الجملة تشبه تؤبرني او موتني بحبك هههههههه
((كيف حلوة صح ؟؟))
07-05-2010 05:16 PM
الجارة
مسالخيرات للجميع اهلا وسهلا يا كارول طولتي الغيبه وما عدنا شفنا منك اي تعليق الحكي اللبناني مهضوم زي صحابه وفي كلمات كثير متشابهه بنحكيها بس نسيتي تخبري الجميع
السوفاج يعني التدفئه
البرتيل يعني فانيله
صح ؟؟ تحياتي لك وللجميع واهلا وسهلا بهالطله الحلوه اسمك حلو واكيد انتي حلوه
07-05-2010 05:55 PM
بتعقد
:-D:-D:-D:-D:-D:-D:-D:-D:-D
07-05-2010 08:11 PM
محجوب ابو كف
اذا بدكم الصح البدوي اذا حكى معاي ما بفهم عليه لانو بحكي بسرعه وببلع نص الكلمه والرجاء من الجميع ما يزعل
07-05-2010 09:14 PM
???????كارول
ماحد جاوبني ايش يعني بسبوسي شو يا كارول ما بدك تحكيلنا شو معناها
07-05-2010 10:10 PM
لولو الصغيرة
اللهجة العربية ما في منا وخصوصي اللبناني يقبرني بس اتخيلو واحد رجال بشنب بدو يقولا
كيف بتزبط معه تقيلة شوي ما
08-05-2010 07:35 AM
CAROL
هاي بعتزر إنو تأخرت عليكن ، تؤبشوني ما ألزكن بشكركن على هيدي التعليقات يلي بتدخل القلب بسرعة ...
08-05-2010 01:09 PM
CAROL
هاي بعتزر إنو تأخرت عليكن ، تؤبشوني ما ألزكن بشكركن على هيدي التعليقات يلي بتدخل القلب بسرعة ...
08-05-2010 01:12 PM
فلسطينية وافتخر الى احلى سموحة
ههههههههههههه. يبعتلي حمى كيف نسيتها لاني بعرفها بس راحت عن بالي . مو حلو وبس وبتجنن. تشكلي اسي انشالله يا احلى سموحة وتحياتي لالك ولجميع خواتي واخواني وصباحكم فل
08-05-2010 03:17 PM
سوسو
اللهجة اللبنانية حلوي كتير والاردنية بتجنن ;) ;) :D
31-05-2010 02:04 PM
سوسو
اللهجة اللبنانية حلوي كتير والاردنية بتجنن ;) ;) :D
31-05-2010 02:05 PM
مهدی
الموضوع حلو اکتیر و مفیدة.
بس یاریت تعلمینا شو هي الاصل لکل کلمة.
یعنی قصدی انه مثلا : من وین اجا کلمة مالعط. مع انه مافي بالمعجم کلمة مالعط و اکتیر کلمات اتدورت علیها بس ما لقیت اصلها.شکرا.
22-08-2015 04:09 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات