في القرن الواحد وعشرون وبعدنا بنضحك على بعض ايوه بنضحك على بعض، طبيب الاسنان يدرس طب الاسنان فقط ويتعلم الحشو والخلع ... طيب النوريات بخلعن اسنان ويركبن الحشوات و بركبن اسنان الذهب ولا عياده ولا سخام بين ...على باب الدار وبتقعد على تنكة سمن مصدية وبتوخذ نيرتين وكباية شاي ... وبتفتح بخت كمان ... ما علينا من النوريات امبارح بروح طالب على دكتور الاسنان بالمركز الصح الشامل تا يصلح اسنانة ومن ضمن التصليحات فيه شيل عصب شو كان جواب الدكتور ... اسمع يا ولد روح على عيادة خاصة عشان يشيلوا العصب انا رح احطلك حشوة الان لانة انا مش تخصص ازالة عصب سال والد الطالب الدكتور
طيب يا تكتور في طبيب مختص بازالة العصب في الحكومة لانه ما معي مصاري ... اجاب التكتور طبعا يا سيدي في اثنين واحد في مستشفى البشير وواحد في الزرقاء ...

يا ريت تحولنا عليه
اجاب التكتور بثقة لا ما بنصحك لانه الدور عنده كبير وبده وقت .. بعدين هو مجاز واجازته يمكن تقعد سنه والا ثنتين ...انتهى الحوار بينهما وعاد الاب وابنه بخفي حنين لانه ما في طبيب يزيل العصب ...(اجازة سنتان طيب ما في غيره ) !

طيب هو دكتور الاسنان مش لازم يكون قادر على ازالة العصب والا فقط حشو وخلع ... معناه بلا منه هاي النوريات عينوهم ترى شغلهم انظف من الذهب انا بعرف انه في تخصصات مثلا جراحة الفك بشكل كامل ممكن اما انه مختص بإزالة العصب بس ! شو هالتكتور هاظ .... واكبر محافظتين ما في غير طبيبين لازالة العصب ..معقول يا وزير معقول يا نقابة طبيب اسنان ما بعرف يشيل عصب لعاد شو درس هذا بالجامعه !!
عنجد مهزلة معاليك !!

لنحيا بسلام .. رب اجعل هذا البلد آمنا

يممن معرفة التفاصيل بمراجعة الكاتب