صيري شيخه انتي التانيه رح يطلبك و يتجوزك

اكيد حب بنت تانية وعامل حاله شيخ عشان تتركيه ما تصدقيهم حبيبتي كلهم خراطين ولو بحبك وعلى اساس شيخ رح يتزوجك هدول مو بشر الرجال عباره عن حديد وبدون احساس

اكيد حب بنت تانية وعامل حاله شيخ عشان تتركيه ما تصدقيهم حبيبتي كلهم خراطين ولو بحبك وعلى اساس شيخ رح يتزوجك هدول مو بشر الرجال عباره عن حديد وبدون احساس

ببشرك انه انتي لازم تفرحي لانه بالوقت هاد حبيبك عرف طريقه لربه في هاي الحاله اذا كان حبه لالك شريف وصادق اتاكدي انه رح يهديكي معاه والهادي رب العالمين اتاكدي مليون بالميه اذا كان بدو اياكي حيوخدك لعنده بعدين انا بدي انصحك نصيحه اسلكي نفس الطريق الي سلكه لانه ما في احلى من انه الواحد يصير (شيخ)على قولتك والله يهدينا جميعا

هو بيوم وليله صار شيخ ؟؟؟؟؟؟؟؟

اكيد رايح يكون فيه مقدمات لهيك موضوعك


والله يهدي من يشاء

اسمعي مني اذا صار شيخ كبه دبليه و خليه يفتح بالقص من اولها و هيك بتكون
game over

خطر في بالي اني اقترح عليكي تصيري شيخة ..... لكن لو صرتي شيخة ولبستي جلباب ونقاب ..... فكرك راح يرجع يحبك ويطلع معك ويعمل معك كل النشاطات المنهجية واللامنهجية اللي كنتوا بتعملوها ؟؟ لا اتوقع ذلك ....

خلينا نفترض بعض الاحتمالات ونشوف النتيجة الخاصة بكل احتمال ( وانتي من خلال النتيجة .... بتقدري تعرفي شو الاحتمال الاقوى)


الاحتمال الاول: الشب بحبك بشكل جاد وصادق وعنده القدره على الزواج.

النتيجة : راح يتجوزك فورا ...



الاحتمال الثاني: الشب بيحبك بشكل جاد وصادق ولكنه غير قادر على الزواج بالفتره الحالية.

النتيجة: بجيب اهله ويفوت بيتكم من بابه ..... ويخطبك او يكتب كتاب ... ولما تتحسن ظروفه بيتجوزك ...يعني على الاقل بتحسي انه عمل شيء وقام بخطوه عشانك ..... حتى لو كانت مجرد قراءة فاتحه .....وهيك بيكون اثبت لك انه بحبك ...... لان الحب مش بس كلمه بتنحكى وخلص ....


الاحتمال الثالث: الشب ما بحبك ..... ولكنه كان يتسلى فيكي ..... ويطلب منك تنازلات معينه وانتي كنت تقدمي هاي التنزلات بكل ( صدر رحب) ...... يعني كان بينكم ( قصص ودواوين) ....

النتيجة: راح يحلقلك فورا ( مثل ما عمل معك الان) ....


وعلى فكرة اي شب ( حتى لو كان مش شيخ) ... لما يجي يتجوز .... اكيد ما راح يتجوز بنت قدمت له تنازلات في الماضي .... لانه بيصير يحكي انو مثل ما قدمت لي تنازلات ..... راح تقدم لغيري .....

الان لو حدا اقترح احتمال رابع وهو ان الشب كان بحبها بالرغم من انه كان يطلب منها تنازلات ..... وبالرغم من انه كان بينهم ( دواوين) ...

انا بحكي ان اللي بحب ما بيطلب تنازلات بطريقة غير شرعيه .... واللي بيحب بيحافظ على اللي بيحبها .... وما ( بيوسخ) معاها ..... ولا بيسمح يكون بينهم ( دواوين) ....
في النهاية ..... لازم تعرفي ان الانسان لما الله يهديه ويلتزم .... بتلاقيه على طول بيبعد عن كل الاشياء السيئة وبيتمسك بالاشياء الجيده ..... يعني ببعد عن اصدقاء السوء و ببطل يحكي مع بنات عالموبايل .... وببطل يروح على شارع الاردن وام السوس ووادي الشتا وطريق المطار واحراش ياجوز ... الخ

ومادام انه قرر يبعد عنك ... هذا يعني انك كنتي شيئا ( سيئا) بحياته .......
و لو كنتي شيئا جيدا بحياته ..... راح يتمسك فيكي ويتجوزك ....


ملحوظة: هناك احتمال اخر قوي ..... وهو انه لاصار شيخ ولا بطيخ .... ولكنه بيكذب عليكي ...... لانه فعلا الشب لما ياخذ اللي بده اياه من البنت ويزهق منها ويشوف غيرها ..... وما يلاقي طريقة مناسبة يحلقلها فيها ...... بتلاقيه عمل حاله شيخ ...
وللعلم هاي الطريقة بيطلقوا عليها ( الخطة رقم WE5FFK ) ..... وعاده ما يتم اللجوء لها لما الشب يحاول يحلق للبنت بكافة الطرق ..... ولكنها بتظل ملزقة ..... لذلك بيضطر انو يستخدم هاي الطريقة ( كمخرج طوارىء ) بعد ما بيستنفذ كافة وسائل ( الحلاقة) اللازمه .....




شو رأي كرمة بالموضوع ؟

®KING OF HUNTERS

اوافق الرىء الاول الحل الصح

طيب بهيك حاله ممتاز ,, ممكن اذا هالشب مقتدر ,, وبحبك بجد ,, بيجي بخطبك ,,

واتخيلي انتي بتحبي وهو بحبك ,,, وتتزوجوا ,, وهو كمان انسان ملتزم ,, يعني افرحي غني ,,, ايامك كلها سعاده ,,,

وهون انتي الكسبانه ,, لانه لو كان بحبك بجد ,, وبقدر يتزوج ,,, بخطبك وبتزوجك ,, اما اذا كان شغل لف ودوران وعرف انه كان عم يضحك عليكي انتي الكسبانه لانك اخلصتي من واحد كانت مشاعره واحاسيسه كذب بكذب ,,

بنظري هاي خظوة ايجابيه مو خطوة سلبيه لازم تزعلي عليها ,,,

استني الايام بتثبتلك وين الحقيقه ,, وين الحقيقه ,,,, ذكرتوني بالبنان وين الحقيقه ؟؟!! :-D:-D

الى الاخت (سؤال):

انا الي فتره متابع تعليقاتك وانا نفسي افهم ليش هالاسلوب الهجومي عالشباب يا اختي يمكن كان الك تجارب وكنتي صادقه بس الطرف التاني ما كان صادق معك يا اختي اصابع ايدك مو زي بعض في المنيح وفي العاطل
الله يوفقك يا اختي حاولي وجهي اتهاماتك واهاناتك للمجموعه الي مو منيحه من الشباب ولا تجمعيهم كلهم مع بعض
الله يوفقك ويبعد عنك اولاد الحرام وعن كل المسلمين والمسلمات

إذا حب حقيقي ما في مشكلة أرتبطوا بشكل شرعي.. أما إذا كانت علاقة غير شرعية أنت بتستاهله شو مايصير فيك...

يسلم تمك ®KING OF HUNTERS

بتعرف فكرت حالي انا الي كتبت التعليق

فعلا كينججج

;-)

What he was before? Christian or Jewish? Your way of speech seems that you want to live with him in love story rather than married him. If he really loves you then he will married you. THEY ALWAYS BLAME ME FOR MY OPINION ABOUT ARABIC MUSLIM GIRLS. SO, LOOK HOW THEY THINK ,THEN YOU CAN BLAME ME.

كوني انت شيخة فسيحبك زوجك كثيرا

كلكم حكيكم ما اله طعمه خصوصا انت يا كنج

الله يهديكي و يهدينا و يثبت حبيبيك امين

اخي اردني مغترب انا بعمري ما لمتك انا ما بتفق معك فقط و ليس في كل الاحيان!

احترمي لك بشكل خاص و للجميع بشكل عام

ابعدي عنو
و الله لو بدو اياكي قوليلو هاي بيت اهلي اطلبني و بس
لو بدو اياكي و كان ناوي يتزوجك ( لانو صار شيخ) اكيد بعرف الحلال و الحرام و بدو العلاقة
الي بينكم تكون شرعية و صدقيني هاد الحل احسن الك

شو يا جراسا هي مشكلة ولا نكتة؟؟؟

ديري بالك على حالك والشباب بضحكو على البنات وشكرا

وين المشكلة ؟ المشكلة انه صار شيخ ؟ انداري عنكن البنات
حبيبتي من الاخر اذا مكتوبين لبعض رح توخذو بعض سواء كان شيخ او شخص عادي او مش مؤدب يعني لاتغلبي حالك كثير اذا بحبك رح يتقدم ويخطبك
قال صار شيخ قال ؟؟!!! وينك يا ( عليان المهستر ) عن الموضوع

احلقيلو لحيتو و هو نايم و برجع جديد بضوي زي أول :-P

اذا كنتي تحبينه صيري شيخة وبذلك تكسبين حبيبك وحب الله وماذا تريدين اكثر من ذلك تمسكي به ولا تدعيه يفلت منك فان كان يحبك حقيقة لن يتخلى عنك

ان نكون بلا احساس افضل بكثير من ان نكون باحساس كاذب

لبسيه لأختك أو صاحبتك
والعبي ديناري ونزلي البنت الديناريه الحلوه رح تلاقي واحد يلبسك ولد ومش بعيده الاثنين الباقيين يكونوا مأوتين ويلبسوكي اولاد ٢ هيك بتكوني كسبتي ثلاث اولاد زعران بدل الشيخ

يــا قـارئ خـطـي لا تـبـكـي عـلـى مـوتـي فـا الـيـوم أنا مـعـك وغـدا ً فـي الـتـراب .. فإن عـشـت فـإنـي مـعـك وإن مـت فتبقى الذكرى .. ويا مـاراً على قـبري لا تـعـجب مـن أمـري .. بالأمـس كـنـت مـعـك وغـدا ً أنـت مـعـي .

ماهو عشانه شيخ لازم يخاف الله فيكي ويكمل معك ولو شو ماكنتي بحاول يهديكي للصواب لانه البخاف الله بنات الناس مو لعبه بيده ...والله يوفقكم

ليكون قصدك على الشيخ صقر الشوبك لأنه فعلاً مبين عليه!!!! هههههههههه

الى صاحبة المشكلة:
1- ما تخافي الا من الشيوخ
2- لو بحبك والله هداها كان تزوجك على سنة الله ورسوله
3- علاقتكم كانت غلط في غلط والله هداها وبدو وحدة تانية على سنة الله ورسوله بطريقة صحيحة.
يعني بالنهاية هو لئيم ما بفكر الا بحاله وانت بعدك متعلقه بقشة.
نصيحة شوفي غيره شخص واثق من حاله وبيفهم وعلى قد المسؤولية بتصرفاته وكلامه.
يعني ابحثي على رجل بمعنى الكلمة ....هاد اذا لقيتي!!!

عجبني تعليق 7 وانا معه بكل حرف

يسلم قلمك يا شيخ

في حدا غيري مسمي حالو لولو بس انا التانية ويا لولو رقم 2 ما بيسير تحكي كلكم كلامكم مالو طعمة عيب لازم نحترم اراء بعض احنا اخوة بلإسلام

شكرا kayally وسوسو الامورة ......






®KING OF HUNTERS

استخدام سيء للألفاظ ( حبيبي صار شيخ )....فيكي تستخدمي كلمة أنسب من هيك ...
يعني صار الواحد لما يرجع لربه ويعيد حساباته بالحياة الفانية يعتبروه الناس
لئيم وممثل وكزاب ... يعني لو ضل طول عمره ديونجي وأبو بنويت
بضربوله سلام وبكون هيك مثال للشب الفايع...
ولما ييجي الشب يترك البنت لأنو صااااار شيخ بتقوم الدنيا وما بتقعد ..
ما كل اليوم الشباب الصايع بيرمي صاحباته ...

هذه نقطة أصفق لك فيها اعجابا..أحسنتي

أقتباس(ما تخافي الا من الشيوخ)..وااااااااااااووو...ليش مالهم مرعبينك ..والله امامير
طيب اذا كمان من الشيوخ بدها تخاف ..مين ظل؟؟؟
ومش عارف ليش الوحدة بتتصور انها اذا ارتبطت بشيخ حياتها رح تكون معقده..
طيب أسألي نسوان متزوجات من شيوخ وشوفي شو بحكولك..عن محبتهم ..وطيبهم ..وحنانهم..وكرم أخلاقهم..ومحافظتهم على نسوانهم واناثهم...جربي أسألي وشوفي في المجمل العام شو رح تكون النتيجه ...وما في داعي للتصورات المسبقه المستقاة من شاشات التلفزيون وقنوات العشق والغرام..وبحور الأوهام...تحياتي

:-D:-D:-D:-D:-D Walla 3araseeeeee

law be7bak 3an jad awal ma sar shay5 kan aja 0 6lab edak mn ahlk bs hada nsab

الله يهدي الجميع .
اذا فعلا اصبح شيخا" ، فنبارك له من القلب ونقول الله يهديه ويهدينا .

ولكن اذا كان فعلا يحبك فلماذا لم يطلب منك الهداية ؟ لماذا لا يقوم بنصيحتك للهداية ؟
لماذا لا يهتم بك ؟ هل انتِ سيئة جدا لدرجة انه لا يمكن ان ينصحكِ بالتقوى والصلاة ؟

لا اعرف ماذا اقول اكثر ، ولكن اخونا الكنج ما قصر نهائيا ووضع معظم الاحتمالات الواردة .

وبالنهاية لا يسعني ان اقول سوى الله يهديكي ويهديه ويبعد عنك اولاد الحرام .

تحياتي للجميع

ارجو من صاحبة المشكلة ان تقراء بتمعن كل كلمة انت كتبتها .
تحياتي لك .

تحياتي لعناد والحكيم وفتاة الصحراء والغايبة جنى وعطوة .

بس عنجدج صيري متله يا اما بتنسي احسنلك لانو الشباب كلاب ويمكن يكون بكرهك وبتخوت عليكي افضل حل انسي>-(

نعتذر

لا تبكي على شي حدث بالأمس بل ابتسم لانه حدث و انتهى
واسع الصدر
والأفق..........
ألا ترى أنه
لا يميّز حين يتساقط بين قصورالأغنياءوأكواخ الفقراءبين حدائق الأغنياء وحقول
الفقراء
لينـــــــــــــــــــــاً...........
يسكب في أوعية مختلفة الأشكال
والأحجاموالألوان
فيغيّر شكله.. لكن .. دون أن يبدّل ت...ركيبه
نقيّـــــــــــــــــــاً..........
ألا ترى أن البحر طاهر مطهر لا يكدّره شيءلو رميت حجرا..سيتكدر سطحه لكن سرعان ما
سيعود إلى ما كان عليه
حكيمـــــــــــــــــاً..........
ألا ترى أنه إذا اشتد الحر
تبخّر وانطلق نحو السماءوحين يبرد الجو ويلطف يتكاثف و يعود إلى الأرض في
قطرات المطر

نعتذر

انا لو مكانك بحاول اتاكد شو سبب بعدو عني لانو يمكن يكون كلامه صح او لا
وانا براي تبعدي عنو بكراااااااااااااااامتك احسن الك لانو فعلا بدل انو ما بدو ياك وانت الخسرانه انتبهي ع حالك هاد ما بدو ياك يعني لحالك اتركيه الي بحب بيجي من الباب

B-) يعني قبل ما يكون شيخ ؟؟؟؟؟؟ شوووووووووووووو؟؟؟؟؟؟؟
لولا أنه عرف أنه هذا الموضوع غلط ما أخذ هذا القرار

والله في شيوخ بعرفهم حولي بالشغل وبالاماكن العامة وحتى اقرباء وانساب والله كلهم زي بعض ...... ما تخاف الا من الشيوخ .
شكلك من اياهم...

شيخ كبه والا ديناري:-D:-D:-D:-D

عيب يا بسمه تقولي هيك عن الشيوخ.
والله إزا كم كلب وكم إرهابي بيحكوا بإسم الدين والمشيخه وهم ما بيعرفوا الله, فهاد مش معناه تتحججي إنه هم بنخاف منهم, مهو هاد هدفهم اللي وصلوله على ما يبدو, شوهوا صورة الدين بنظر الناس, ولكن الدين أرفع وأسمى منهم كلهم ورح تنرد عليهم بإذن الله تعالى.
إذا إنتِ العربيه المسلمه أو حتى مسيحيه بتحكي هيك لعاد شو خليتي للناس من الديانات التانيه والله عيب!

والله انا مر معي عدة مواقف :/
- في الزواج طلع كله مقلب وكذب بكذب من اهل دين.
-من اقرباء بيطلعلك الدينين اللي ما بضيعوا ولا فرض بلفوا وبدوروا حولي وخاصة المتزوجين.
-من الشغل اللي بصلي وبيعرف ربه وما بخافه نسونجي قليل حيا وغير النميمة والفتن .
وغيره وغيره ..

تعليق عالماشي كنت ادور في النت كيف اصير شيخه سبحان الله وجدت موضوعك حبيبتي انا بعرف وحده جوزها شيخ عالمزبوط مو حكي فارط بحكيلها لاتطبخي ولاتشتغلي ولاتعملي اي شي انا بجيبلك كل شي لحدك المهم تعبدي واطلبي العلم الديني واحفظي قران وياسلام على عيشتهم جونان رغم انهم الهم 10 سنين متزوجين الا انهم لازالوا عشاق الله يهديكي صيري شيخه واثبتيله انك انتي كمان معاه على نفس المنهج واحكي معه احكيله خطوتك الجديدة واعلني توبتك الى الله امامه على طوووووول بيجي بيخطبك وبيطلبك ازا فعلا صار شيخ لانه حتى لو صار شيخ فهوه بشر وماتفكري انه في شي اسمه نسيان في هالحياة خصوصا الحب والزكريات لايمكن تنتسى الا عاد اللي من النوعية التانية كل يوم مع بنت الله ايجيرنا واتمنالك الخير حبيبتي
ولاتفكري انك ترتبطي بعلاقة تانية الشباب اليوم كلهم ذئاب الا من رحم ربي وانتي ست العارفين مراد الشباب من البنت خصوصا بحيل الحب والرومانسيات الكازبة

سبحان الله وبحمده عدد خلقه ورضا نفسه وزنة عرشه ومداد كلماته اللهم صلي على سيدنا محمد

والله نفس مشكلتي بس المشكلة معي بالعكس انا اللي سرت شيخة ونفسي ابعد هنو وهوة ملزق فية ومش تاركني انا بحبه كتير وبدي اتركه لله

المشكلة في كثير من الشيوخ اللي شفتهم وتعاملمت معاهم بحكم عملي في احدى الوزارات الخدمية هي انهم ما يعرفوا الابتسام. بتحسهم كأنهم متحجرين القلب ما يعرفوا من اللين شئ. حتى تعاملهم فيه قسوة ولما سألت عن الموضوع وتحريت كثير عرفت انهم يعتقدوا ان الشغل في الحكومة حرام لانه اموالها تجي من البنك المركزي الربوي وهم مضطرين للتعامل معها!!!