جراسا -

انا عندى مشكلة تعبانى جدا انا مكتوب كتابى والحمد لله انا وزوجى بنحب بعض جدا وبنحاول نقرب من ربنا وانا عندنا احلام كتير مفسنا نعملها سوا بس مشكلة انى اكتشفت من سنة ان زوجى بيكلم بنات عل النت الاول سكت لغاية ما جمعت كذا دليل وواجهته بيه واتكلمت معه وهو اعتذر وقال انها كانت مجرد تعارف دلوقتى اكتشفت تانى انه بيكلم بنات على النت ومشكلة ان كل يوم الاقى على ايميله بنت جديدة معرفش نوع الكلام اللى بيحصل بينهم وفى نفس الوقت هو كويس جدا معايا وعايز نتجوز فى اقرب وقت بس انا مش قادرة اسكت هو كدا بيهنى ومش بيحترمنى وانا شايفة ان ده خيانة ليا وان ثقتى فيه بتهتز ..

انا عملت ايميل باسم بنت تانية وبكلمه عليه لسه نهاردة اول مرة حاكلمه بايميل البنت ده لانى عايزة اعرف طبيعة الكلام ايه ؟؟؟

انا دلوقتى محتارة اعمل ايه انا بدعى ربنا يهديه وانه يلهمنى حسن التصرف معه ..

انا عايزة راى عملى .. يعنى اواجه تانى ولا استنى اشوف حيتكلم مع البنت اللى حادخل بايميها ؟؟

ولا اجل موضوع الجواز لانى مش حاقدر اتجوز وانا حاسة ان فيه حاجز بينا
ولا اعمل ايه انا كذا مرة اعرف انه بيكلم بنات واسكت بس اخر مرة لقيت ان بنت من بنات دول بعتت صورها ليه وهو بعت صورته ليها .. وانا جيبت صورها وخليتها معايا

بالله عليكم اعمل ايه خاصة انى بضطر انى اتعامل معه عادى عشان ميحسش بحاجة لغاية ما اعرف اخد قرار.. المشكلة انى واثقة من حبه ليا وهو فيه صفات كتير حلوة ولا انا ولا هو نقدر نستغنى عن بعض