ياسيدي اذا اكيد بتحبها ابعث اي صبيه من اقاربك على بيتها واسال عنها بس ما ضل مربط مش عارف شو تعمل اتحرك اصنع المعجزات لحتى تتطمن عليها وتسمع صوتها اسال عنها الليل واسال حتى نجماته بعرف الحب مش سهل وخصوصا البعد والفراق لا تتربط حاول موره ومرتين وعشره بس اهم شي ما تياس الله يجمع ىبينكم وتكونوا لبعض

لما البنت بتقطع اتصالاتها مع الشب اللي هي بتحبه او صاحبته ما الها الا يا انها لقت واحد تاني احسن منك وحبته او انها اتزوجت او انها ماتت لا سمح الله بدك تخلص من الشك شوفلك واحد من اهلك او اصحابك يسأل عنها يعني انت مو صغير زلمه طول بعرض لتحتار وتقعد تخمن يا ترى شو صار ويمكن هي عايشه حياتها بالطول والعرض مع انسان تاني شو بعرفك وانت قاعد حاطط ايدك على خدك ومكتئب ما بدها كل هالحيره .

كلامك ذهب وعملت هيك وماجاني غير خبار الكذب بعيد عنك الي يقول مانشوفها واللي يقول سافرت واخر خبر وصل انها هي مابدها تحكي معي بس ماني عارف شو السبب

بارك الله فيك والله انك غانم يا اخ عكايلة

ابو سلمى العكايلة ، تعليقك جميل و يبعث الامل .
الى صاحب المشكلة ، اذا فعلا" كنت ناوي خير ، بامكانك ترسل اهلك او اختك او امك على اهل البنت وتشوف شو وضعها ، لانه ما بدي احبطك ، بس بصراحة 6 سنوات غايب عن العين وهذه فترة مش قصيرة وممكن تغير ببني أدم ومشاعره كثير .

الله يجيبلك اللي فيه خير ( سواء الارتباط بها او بغيرها ) .

تحياتي للجميع .

بدي اناولك ياها بالمعلقه البنت حلقتلك يعني ما بدها ياك خلص حل عنها فهمت ؟؟؟

حبيبي الله يخليك كله من ذوقك بس ياترى العشره بتهون عليها صدقني اذا كانت بتحبك وكنت انت واثق بحبها احتمال يكون عندها ظروف بتجبرها تختفي لكن انت ما تقطع اخبارها عنك حاول بشتى الطرق صدقني اسال مجرب ولا تسال حكيم مرقت بهيك قصه وعانيت كثير بس بالاخر وصلت الها ولما شفتها شفت الشوق والعذاب بعيونها الله يجمع بينكم حابب احكيلك لا توخذ بكلام اللي سال عنها لانه احتمال مابذل كل جهده او احتمال يكون شعر بالملل او الياس ياريت اقدر اقدملك اي اشي بتامرني فيه وانا جاهز لاي شي يتامرني فيه واذا بدك بعمل كل جهدي لحتى اعرف شو السبب ورح اعتبرها مثل اختي وسلامي للجميع واخص بالذكر*&& الاخ عصبي ؟&& والصديقه سوزان*&&والصديقه الغاليه لولو الشقيه*&&& والعزيزه الرائعه بنت مادبا وتحيه خاصه للاخ والغالي والغزيز مشكلجي ولكم انتم يا جراسا وفقكم الله وزاد من عظائكم

اذا كانت هيك ردود الناس الك فلازم تعرف انهم ما بدهم يجرحوا مشاعرك مش لأنهم بكذبوا عليك لأن نقل خبر ما بدوا تعب والله اعلم انه البنت في وضع بلزمها تبعد عنك و زي ما حكت (توتو) يمكن اتجوزت..... او لا قدر الله ماتت .

مع احترامي الك يا صاحب المشكله لكني مش مع انه الواحد يقعد يحب 6 و7 سنين شو ما كانت الاسباب بصراحه الحب ما بطعمي خبز ولا بفتح بيت ولا بجبلي اولاد ولا بونس وحدتي ولا بدفي ليالي البارده الوحده بدكم ياها تحب كل هالمده وتستنزفوها وتستنزفوا مشاعرها شو بقي اشي لتقدمه بعد الزواج مخزون العواطف تم استهلاكه كل شي عرفته عنها وهي عرفته عنك ما ضل شي ليكتشفوا الزوج بعد الزواج .
مجنونه اللي بتروح عمرها بالانتظار ويمكن بالاخير يكون اللي بتحبه مغاير لكل اللي اتخيلته فيه لانها المعاشره عن قرب بعد الزواج بتكشف عيوب الناس وياما ناس اتمنوا لو ماتوا وما اتزوجوا اللي حبوا لانه طلع ما بستاهل ولا بسوى لا التعب ولا الانتظار ولا الحب :(

يا بلقاوي المشكله مش صعبة لهدرجة ...... تقدر تلاقي الف واحد يجيب الك اخبار البنت وانت مكانك وبالاخص شباب الفيصلية لانهم شاطرين بهيك امور ..... ومابيخفى عليهم هيك امور

وانشاء الله تنجمع معها بالقريب العاجل


وتحياتي للاخ ابوسلمى العكايله

الله واكبر
حب 6 سنوات ومتفقين على الزواج
وحضرتك ما تكلفت تنزل على الأردن وتسأل عنها.
باين أنه حبكم حب لا يرى الشمس

غريب الانسان لما ما بكون صادق مع نفسه ولا مع اقرب الناس اله ولا مع المحيطين فيه

غريب الانسان قديش اناني مش ممكن تطلع منه كلمة حق حتى لو ضد نفسه مش ممكن يأثر

الاخرين على نفسه ويتمنى الهم الخير كما بتمناه لنفسه.

لحظة صدق مع اللي بنحبهم نوقفها ونقول طريقنا مش واحد وظروفنا اللي بنعيشها صعبه

اذا شاء الله واجتمعنا كان به واذا ما شاء كمان كان به.

انتظار رجل لامرأه او امرأه لرجل مده طويله لا ينصح فيه لانه النفوس بتتغير والعواطف بتقلب

ويمكن يدخل على خط حياتنا ناس اخرين وتانين يشبعوا النقص الحاصل عنا .

اذا الزوج ما بجوز يغيب عن زوجته ام اولاده اكثر من 6 اشهر لانه في ضرر بوقع عليها .

كونوا واقعيين الحب مش موضوع انشائي ولا خيالي الحب هو بحد ذاته واقع وواقع ملموس

بنقدر نشوفه ونحسه يعني ماده قابله للتطبيق .

الحب مش فرشه بروح بنام عليها بالليل وبشغل المسجل وبقعد اتذكر وابكي الحبيب والهجران واسح دموع .

الحب يا بكون مصدر للسعاده ومصدر للنجاح ومصدر لتقدمي ومصدر لراحتي

يا بلاش منه

6 سنوات حب راجع نفسك في غلط بحياتك لانه مش من الطبيعي نحب لهالمده ونتعلق بحبال الهوا الدايبه ونعيش على الاطلال

شغله مش صحيه يا الله الخيال وين موصلنا وكيف مكبلنا .

ممكن سؤال لصاحب المشكلة انت شو اسمك وشو اسم البنت الي حبيتها ادا سمحت طبعا ؟؟؟؟؟؟؟؟

واله يا خوي فترة 6 سنوات طويلة ومتى لبنت بدها تظل تحب فيك، أكيد استنت وبعدين زهقت من (حب 6 سنين) وشافت حا وأكيد تجوزت ويمكن جابت أولاد كمان، مش غلط تعمل ما تفضل الأخوة امعلقين انه تحاول بعث حدا من طرفك يسأل عنها وتتأكد شو ي صار.
تحياتي لك معلقين راسا

سنبحث معك عنها

ولكن .... ان وجدناها ؟؟؟

أستتزوجها ؟؟؟ أم ..... ستمتد فترة حبك ثانية ؟؟

يا رب تفهم قصدي عاد ..

انا بحسدها عليك لانو لساتك بتحبها مهتم فيها
بس الشي الغريب لو كنت لهدرجه بتحبها وبدك ياها ع الاقل خطبت قبل ما تسافر مش كان شغل حكي بتحبها وبدك تخطبها كان حطيت احتمالات انو يمكن تتزوج غيرك ولا تقعد تستنى ما الها اهل هي لحتى توخد رايهم بتفكر البنات بيستنو
البنات طبيعتهم حتى لو حبو اغلبهم بس يجي العريس الي احسن من حبيبها بيوخدوه فبكل الاحوال هاد غلطك
وانا براي تخفف تفكيرك شوي وتتحرك بسرعه باي طريق لتعرف اخبارها بدل ما ضلك تفكر لحتى ترتاح من التفكير ولي زعلان ادا تركتك هي ومش سائله فانت لام تكون اعصابك بارده

بنصحك ادور على وحده تانيه بتلاقيها اعجبت بواحد تاني لانه يا اخينا زمن جميل وبثينه ولى .

ستفتش عنها يا ولدي في كل مكان وستسأل عنها موج البحر وتسأل فيروز الشطئان

وتجوب بحارآ وبحارا وستفيض دموعك أنهارا وسيكبر حزنك حتى يصبح أشجارآ أشجار

وسترجع يومآ يا ولدي مهزومآ مكسور الوجدان وستعرف بعد رحيل العمر بأنك كنت تطارد

خيط دخان !!!

انساها يا ولدي مع تحيات مشكلجيه

شوف حدا بتثق فيه وخليه يدور عليها والله بتلتقى .....بالتوفيق

معلش أنا أعتزلت التعليق بجدية...

و لكن ماذا كنت تقصد ب(الخ ) عندما قلت ( تقفنا ع الزواج و الخ....)

ربما هنا يقع الجواب ؟

أسعفنا يا كرومبو.... أو كولمبو... نسيت

حاسس أنه ما راح ينشروا التعليق .... خيط دخان في بستان .. حول حول

كلكم ذوق وكلامكم منطقي والحب 6 سنوات لانها كانت تدرس ودراستها صعبة

المهم مو فتلرة الحب ولا المدة المهم هي موجودة ولكن قطعة الاتصال ومو عارف شو السبب

ومابقدر ابعث ناس عليها ؟؟ لاسباب هي تعرفها وقبل مابسافر كان مشاكل بيي وبين اهلها

وانا شاك كل الانقطاع من ورا اهلها

والى الاخ عصبي ( نعم اتزوجها ))

والى الاخ رقم 12 اسمي zead

,والى بنت مادبا ماقصرتي كلك ذوق
وانت عارفة وانا عارف

وتسلموا احبابي الكرام

المفتش كورمبو او كولمبو هدول دقه قديمه هلأ زمن التكنولوجيا csi /am خليني افحص الحمض النووي تبع خيط الدخان والخ ونشوف لوين ولمين بوصلونا :) اجب اجب

الخ.......... يعني الى اخر تكملة للموضوع

يا زلمه على شو مستعجل كمان 6 سنين بكير لسه قال دراستها صعبه ايش بتدرس بروفيسوره يا زلمه البنت ما بدها تكمل معك لو انها بدها تكمل ما بمنعها عنك الا الموت مستخسره فيك تلفون وبعدين اهلها مش قاعدين على ثمها يمنعوها تحكي معك اللي بسمعك بفكر انه الموبايل لسه ما تم اختراعه ... .

مشكلجية , أنا عارف أنه دقة قديمة , أصلا أنا مشان هيك نسيت ....

بعدين خيط دخان يلي لقينا متفحم ع الأخر يعني بشك أنه ما ضل شي نطلع منه DNA .. بدنا تكنولوجيا متقدمة أكتر ...خليني راجع دائرة الأثار , و بردلك جواب ( بس صديقني أنه فهمك رووعة !!)

الى 22 والله أنك رائع (أو رائعة ) ,,, يعني روعة رووووعة !!! الكل رائعين اليوم !!!

صاحب المشكلة بمزح معك كنت .. تحمل (بياختي).. حبيبه لقلبي .. والك مني أحلى تحية ..

هيا فلنعلق سويا .... !!!ان نجوم الليل تعلق في السماء سويا ...او سويت ن...!!

يا عزيزي ...(عندما تهبهم كل مساحات الثقة البيضاء ...وتفتح لهم كتابك على مصراعيه...

وتمنحهم كل الاراضي الخضراء اللتي في داخلك ...وتضع زهورك الحمراء عند بابهم كل صباح..

((وتسهر لتقرأ اخبارهم فوق جبين القمر ))...!! ثم تكشف انهم وضعوك على قائمة...!

(اغبياء بلا حدود )...! انه لابشع شعور اليس كذالك ؟؟)

وانقل لك مقولة لجدتي اللتي لم اراها عندما كنت في سن المراهقة ...!!

(اللي خلقها ....! خلق غيرها واحسن منها )

وانا شخصيا لست مع الزواج من الحبيب او الحبيبة ...

لكي تبقى الذكرى الجميلة ...والحسرة اللذيذة ...ولا تتحول الى ندم بعد الزواج ...!

اذن (هيا فلننم سويا ....ان نجوم البحر تنام سويا )...تصبحون على خير ...!

ذكرتني بكلام جدي لما كان يحكي كثر الإخلاص خيانة.................. .

شو احكي انا /حبيت واحد مسلم وانا مسيحيه واهلي واهلو بعدونا عن بعض واتجوزت وهو اتجوز وبعد 10 سنين ارجعنا التقينا خلي عندك امل

اخي العزيز
اذا بتعرف عنوانها صح حاول تبعث حد من المقربين الك لاستقصاء اخبارها
ما بتعرف هل بقت على العهد ام اجبرتها الظروف على نقضه والله اعلم
واذا ما زالت على العهد .فهي بتستاهل انك تترك الدنيا كلها وتأتي اليها وتلامس يديها
والله الموفق

اكيد انها ماتات او حبت غيرك اطلب عوضك من الله

الله يفرجها عليك ويبعثلك ابن الحلال.ابو المجد

ها وين المشكله!!!!!!!
حب في مب ما في عندي اختراع دلوني وين اروح عندي بحث مش عارف كيف انشره عندي اكتشاف مش عارف كيف اعلن عنه يخي كتير احنا تافهين 30 سنه وهيك افكارك اذا عادي المراهقين يدوروا مجانين من الحب تفاهه لا قبلها ولا بعدها تفاهه.

صباح الخير للجميع انا بتنى انو الجميع يكون عندهم نصيحة مفيده او ما يشتركو بالتعليق لأنه الي بيطرح مشكله بيكون بالفعل بده حل مو لمجرد النشر
على كل ولصاحب المشكله تحديدا ما حد رح يقدر يعرف مشكلتك واحساسك فيها وتقدير حجمها الا انت في حال مو قادر توصللها لانه اهلها عملو مشكله وابعدوكم او انو قطعو عنكم الاتصال ...وهيه عارفه هاي الشغله ....وما حاولت تتصل فيك والي بينكم 6 سنين ما فكرت بالسبب ؟ وليسه ما حاولت ولو بالسر تتصل فيك بما انو هيه معها رقم تلفونك او حتى فيه طريقه لتتصل ؟
ما بعرف بس لو انا بحب حد وحتى لو منعوني اهلي انو انا اقطع علاقتي فيه ما رح اخلي طريقه الا استخدمها لاوصله ..
وبالنهاية انت صاحب المشكله وانت الي بتقرر ايش ممكن تعمل
بالتوفيق

ما شاء الله عليكي كلامك موزون الله يسعدك ويحييكي هنيال اللي بتكوني من نصيبه .

الى بنت الصحراء

بعيدا عن الصحراء واللتي كلما اسمع بأسمها (بنشف ريقي )...!!

وبعيدا عن( الجمال ) اللتي تعيش في الصحراء ...!

فأني أرى اننا غيبنا العقل واستسلمنا للعاطفة اوللعاصفة ...عاصفة الصحراء طبعا...!

وهذا دائما ما يضع العوائق او المشاكل امامنا ...!! تحياتي

الى الكنج ...(اطلع من بين الخبيزة )...شايفك ...شايفك..!!

وانت يا خلف ناولني( طرقوع ) لبن والله هالصحرا نشفت ريقي ...!!

على شو يا حبيبي مستعجل ما الك الا 4 سنوات بالغربة استنى كمان 4 سنوات بلكي ترجع ترن




بصراحة و بدون زعل شو متوقع ييجيك ولاد منها على التلفون

جرادات

اللي بحب ما بنسى
ازا هي ما سئلت اسأل انت
ورن واتطمن عليها وشوف شو سبب عدم اتصالها
ازا في شي منعها غصب عنها هيك عرفتو وانحل الخلاف
وازا غيرت رأيها فيك وما عاد بدا اياك ساعتا برضو انحلت لانك رح تلاقي خاتمة لحياتك مع ذكراها ..
تحياتي

طيب يا زلمه احكي معها او اقولك ابعثلها ايميل بكون احسن

كلكم ذوق وكفيتو ووفيتو واشكر كل من نصحني واوجه عميق الشكر للانفس المريضة التي
رات الموضوع بسخرية وقلت زوق

وبارك الله في كل من ساهم بطريق او سبيل لي

كلك ذوق ودائماً متابع تعليقاتك ؟؟؟

فقدان............ ............و.................ألم
قف مع نفسك وقفه صراحه وبكل احاسيسك تتخيل اليوم كيف كان الحبيب قبل ما انت تسافر وتكر قبل ست سنوات من الضياع حيث كانت ارضك ارضه وهواك هواه وهو منك قريب ولو ما كنت تشوفه كنت تسمع اخباره لو من بعيد لكن بعد ست سنوات ودون اي سابق انذار اختفى ورح لبعيد وخلاك حاير متألم ومنصدم يا ترى تقدر تتخيل في ذاك اليوم حالك بتصرخ وتصيح ولا من الصدمه بتسكت وقلبك من داخلك جريح حياتك بتمضي اكيد بس من دونه ايامك بتعيشه لكن دون صوته وعيونه تخيل شو الي ممكن تفقده.
حبه؟
حنانه؟
حزنه؟
ابتسامته؟
عطفه؟
شوقه؟
اهتمامه؟
طيبه؟
قسوته؟
عناده؟
غباءه؟
ذكائه؟
قلبه............
كللك...........................
وتخيل معي ما الذي ممكن ان تخسره
حلمك؟
شمسك؟
بدرك؟
صبحك؟
ليلك؟
كللك.........
يا ترى بتلوم نفسك الان لانك قسيت وخليته ؟ويمكن جرحته ولا أرضيته؟او حتى يمكن في يوم نسيته ؟كان جمبك في يوم بس ما حاولت اتحبه دوم كل غالي لك يمكن ما تشوفه اليوم وسامحني كنت قاصي ولكن تقولي ست سنين وعاوز ينتظر

تسلم ميلاد انت يلي كلك زوق وبشكرك كتير على متابعتك
انا سعيدة بهاد الشي

يعذبني قلبي ... ولا تأبه به روحي ...أتمزق ... فأحس بكل خلية في جسدي ...تتألم لك وبك ...
ماذا فعلت بي ؟؟؟ لا أدري .
يا غائباً عن عيوني ... ماذا عساك تنوي ؟؟؟ أللبعد ترمي !!! .. أم لقتل نفسي ....
أحسك قريباً من حنايا روحي ... ومني ...
فروحي معك ... بعيدةً كل البعد عني ..........................

" مقطع من كتاباتي ... حقوق الطبع محفوظة "



إسأل قلبك قبل ان تسأل الماره في طرقات الحياة ... إلى أين وصلنا ؟
وستعرف لما غاب قلبك عنك

والله انت دمرتني بكلماتك

عموما الله يعطيك العافية

ارجو المعذره لم اقصد ان تكون كلماتي قاسيه أعتذر منك مره اخره وسأهديك بعض من الكلمات عسى ربي ان يلاقيك في محبوبتك فاعلم ان صعب الوداع في الحب والاصعب ان ينتهي الحب دون وداع وصعب الفراق في الحب والاصعب ان يظل طرف واحد اسير لذلك الحب والحبيب
في غيبتك قلبي ترى الهم صاليه........
واسهرت ليلي بين ونه وويلاه...........
البارحه طيفك مع الليل احاكيه...........
يشهد علي الليل والنجم يصغاه............

اتمنى ان تعود لك وان نفرح لكما وشكرا

انشالله بترجعلك والله يعينك عشان ما بتعرف اخبارها.يضرب الحب شو بيزل

الى صاحب المشكله يا سيدي العزيز اذا كنت متاكد من مشاعرها فاعلم وتيقن بان ظروف قاسيه اجبرتها على الابتعاد..وتتاكد تماما اذا انها كانت تحبك بانها الان تعاني اشد المعاناه سواء انها تزوجت وما لم تتزوج وانصحك بان تحاول ان ترجع الى الاردن وتعرف ما الذي حصل لا توكل احد لانك قد لا تستفيد بل قم بالمهمه انت..وهي الان قد تقول لو كان يحبني فعلا كان قد جاء او حاول ان يصل لي باي طريقه لا ان ينتظر مني خبر وانا في وضع لا يسمح..والله اعلم ما قد حدث معها..فمن الممكن لا تحفظ رقمك وقد اخذ منها الموبايل وهنا انا اعطي مثال على السبب الذي لم تستطع الوصول لك..للعلم انا فتاه احب شخص واعرف مدى معناتك وحجمها واقدر مدى اخلاصك وحبك وبقاؤك على العهد..وربنا بجمعك فيها

ما حدا بو يعطي رأي في مشكلتي رقم 27

اذا ما زلتي متزوجه فهذا اكبر خطا واذا انتي منفصله لم لا تتزوجو؟!
فدين الاسلام لا يمنع زوج المسلم من مسيحيه..تحدي اهلك به اذا لم تكوني متزوجه

ستفتش عنها يا ولدي في كل مكاااااااان وستسال عنها موج البحر وستسأل قسروز الشطآآآآآآآن......

انا ما بعطي راي غير بشغله وحده لو كنتي بتحبي عن جد كان اسلمتي منشانو اعملتي كل شي لحتى تتجوزو

الى رقم 47

يعني انتي لساكي متزوجة ؟؟ولا تطلقتي؟؟ وهو شو وضعو ؟؟؟؟
انا حابة اعرف هاي الشغلات مشان اقدر اعيكي رأيي
اما اني احكي شي ماني عارفتو ,,صعب !

هل انت في الاردن ؟ اذا كان كذلك او في نيتك زيارة الاردن فاطرق الباب بدلا من الشباك
واذهب لخطبة الفتاة والزواج بها بشكل رسمي طالما بينكما الود
والا فقد يكون انقطاع الاتصال بسبب قناعة الفتاة بعدم وجود مستقبل لكما معا بسبب السفر او غيره
وقد تكون ارتبطت الان لسبب او لاخر ولا نريد ان نظلمها
حل المشكلة في طرق الباب سواء من قبلك مباشرة او من قبل اهلك او من تثق بهم
اتمنى لكما التوفيق

صعب جدا ااسلم مو المشكله الدين المشكله اهلي كنت رح اعمللهم فضيحه وانتو عارفين العادات عنا في الاردنز
انا بعدني متزوجه وهو متزوج دور علي على فيس بوك وهلا منحكي مع بغض على نت وهو مش عايش بالاردن مغترب
وانا مافي اشي صار بحياتي جديد خلاني انساه دائما كان معي حتى وانا قاعده مع جوزي بتخيلو هو.
بعرف انه كلكم رح تحكولي ما بصير بس مش قادره ارجع ابعد عنو

ابعتلها مسج طيب

نعتذر

انت مستعده تسلمي من شانو او كان عندك استعداد لهاد الشي

الى 56 طبعا ما كان عندي مانع المهم كان عندي اني اكمل حياتي معه وانا لمل حبيتو بعرف انو مسلم

الله يعينك

الله يعينك واتمنى انو تنجمعوا قريبا

الله يعطيكم العافية اخواني

كل الود غالية