طيب مادام فيه حب ليش خايف انك تخسرها
وبعدين شي طبيعي انها تناقش موضوعات يمكن لاتعرف شخصيتك اكثر وتتعرف عليك من خلال هالمواضيع بالذات

نعتذر

والله يا عمي ما انت ملاقي سولافه وتحياتي لسوزان وابو وديع حبيب قلبي

انت قوللي وين المشكله وبتلاقيني فريره بجاوبك ههههههه شكلك ما بتحب الحكي شكلك بتحب الفعل هههههه اعصابك يا والا.

بكره بتكره الساعه اللي شفتها فيها بعد ما تتزوجها

الله يديم المحبه يارب ............. عجل با الزواج

مش فاهمة شو القصة
ما في مشكلة مبينة !! الي كتبتوا انكم بتحبو بعض وما في غير هيك
شو القصة
بليز وضح

الله يوفقكم مشان الى فهمتو انكم بتحبو بعض و بس و خليها تفكر انت ليش زعلان يعنى ازا بتفكر معناتو خلص بدها تتركك كبر راسك خيوو

قرأت سابقا خبرا مفاده ارتفاع نسبة الطلاق والصحيح ناسي كم النسبة لكنها مرتفعة اذا ما قسنا ان الزواج استقرار وتفاهم . من الامور الداعية للأنفصال عدم التكافؤ وبعد التفكير .

الزوجة الناجحة هي تلك التي تمتاز بطابع القوة التي تمد الزوج وليست تلك الضعيفة ، هي صفة محببة جدا ان كان الزوج يمتاز بها .. أما ان كان يشعر بالضعف ... تصبح مشكلة .

سأبحث عن تلك الزوجة .. التي تمدني بالرأي .. ولا بأس بكلمة لا ... احبها ان كانت في موقعها .. تلك ال ( لأ ) التي تكون صحيحة بعيدا عن تزمتي كرجل برأيي ..

هي حياة مشاركة .. بكل معانيها ... ليست حياة استبداد ... هي حياة تكامل ... نقصي يعززه كمالها .. والعكس صحيح

المناقشة هي تقريب لوجهات النظر ... هي تفويت لفرص الخلاف .. هي فهم الافكار .. هي تصب في النهاية لنقطة التقاء اذا ما قيس الطرفان بالنضوج ..

انا مصر على ال ( لأ ) .... الا في حاله وحده ... اذا قلتلها حابب بكره مقلوبة .. ما تقولي لأ ...بدي مقلوبة .. من نفسي ...

طبعا نسبة المقلوبة ليوم غد الجمعه ستكون الأعظم ...

خطيبتك شكلها بتحب تعرف كل شي وتناقش كتير يعني بتحب تعرف كل صغيرة وكبيرة وانت عادي ما بتحب هاي الامور وما بتحب الحكي الكتير من شان هيك براي ادا انت بتحبها عندك خيارين
لازم تتحملها وتحب هاي العاده الي فيها وتتعود عليها لانو بالزواج راح تزيد وانت بتعرف امور الزواج كتيرة وخاصه ادا كانت بتحبك راح ضلها تناقش وتسال لانو البنت الي بتحب خطيبها راح تسال عن كل شي وتناقش خاصه اد كانت كتير مفتحه وانت شكلك مش متل هاي النوعيه

او انو تتناقش معها وتفهمها وجهتك نضرك احسن ما تخسرها او بعد الزواج يسير مشاكل
وانا براي خطيبتك كتير عادي وطبيعيه اغلب البنات الي بيحبو خطيبهم هيك بتحبها اتحملها وحاول اتاقلم معها

سيد عصبي بالاضافه الى محبتي لتعليقات المعلقه الملتزمه سوزان ومدى تقديري لها لتعليقاتها الهادفه لا بد ان اضيف انك ايضا من المعلقين الذين يفرضون الاحترام على الاخرين لما اجده من صدى رائع لتعليقاتك في داخل نفسي .

شكرا للسيد عصبي تضفي جمالا الى هذه الزاويه شكرا سيد عصبي لروحك الجميله .

والمقلوبه اذا كانت بنفسك ابشر توصلك وين ما كنت .

احنا البنات هيك بنحب نعرف كل شي مش من باب الفضول وانما من باب الحب
خطيبتك بتحبك وبدها تعرفك أكتر شو بتحب شو بتكره كل صغيرة وكبيرة عنك
عشان تعرفك أكتر وتسير تعرف شو بدك من نظرة عيونك بدون ما تحكي
حتى تفهمك أكتر وتعرف كيف تتعامل معك
وتبعد عن اي شي بزعلك
وهاد مو لازم يزعلك أو يخوفك
بالعكس لازم يسعدك لأنو هادا اسمو اهتمام وحب
الا ازا انت عندك شي مخبيه ومو حابب تعرفه خطيبتك
وانت كمان لازم تسألها كتير عشان تعرفها أكتر وتعرف طباعها
وما تتفاجأ بعد الزواج
خلي الكرة بملعبك واسأل انت كمان :)

اسعد الله اوقات الجميع ، نعم انا اتفق مع الاخ عصبي فيما قالبان الحياة الزوجيةيجب ان تقوم على التفاهم والنقاش جزاك الله خيرا عما قلت ياراكان.
بالمناسبة لازلت بانتظار الكنافة ، واقصد كنافة الخطبة ان شاء الله تعالى
وفقك الله وسدد خطاك
نتمنى للجميع نهاية اسبوع سعيدة

الخوف طبيعي في بداية اي علاقة .

الله يهديكوا و يوفق بينكوا بالحلال .

في البدأ اذن ....اسمحولي ان اضرب( سلام مربع للجدعان )...!!! واستهل هذا السلام ب ابو وديع

واقول (الكنج بعدو بتحلّف وحابب يسد الغلب اللي اكله المرة الماضية )هههه

والحكيم (طعمة البنات....! (الدنارية والبستونية بعدها على طرف لسانه ) .....! وهو كمان حابب

يسد الغلب ....!ولكن بما انك اقترحت ان تكون هذه السهره (الخميس الجاي )عن صاحب مشكلة

(اعجبت بها في هذه الزاوية )...وهويته ...ومن يكون ...!؟؟ فأنا شخصيا ما عندي مانع نسهر

ونبلش ....انحش في هالمعلقين عن ابو جنب (استغابة في استغابة )لاني بحب الاستغابة .....!

خلينا نخفف( شوية حسنات يا رجل )....بس لازم نسأل الشباب بالاول..... ؟؟؟وشو بشربوا ...!!ههه

وانشا الله هالمرة تكون في مكان هادي ...!بلا ما يطلعلنا واحد من هالزعران ويقلبها (دندرة )..!

عزيزي صاحب المشكلة واعذرني على هذه المقدمة ...!

لازلت على شاطئ الامان ولم تغرق بعد في البحر( اياه ) اللذي اغرق من قبلنا.... وسوف

يغرق من بعدنا ...ولا زات الصحون الزجاجة لم تتكسر فوق رأسك بعد... وانت تحاول تجنبها

بكل الوسائل المتاحة لك ...ولا زلت غير مضرلخوض ذالك الصراع المرير والذي في الغالب قد

يكون غير متكافئ... بالمساحات... والقشاطات.. واحيانا بالطناجر ...!هذه دعوة مني لاعادة

النظر في الموضوع بشكل شامل ....وما المانع ...!!

فالتفاهم والتقارب في مستوى التفكير شرط اساسي لا يمكن تغيبه في مثل هذه العلاقات فهي

حياة طويلة ....! اليس كذالك ؟؟؟

واؤكد لك انك في يوم من الايام سوف تندم... وعلى جميع الاحوال.. وسوف تجلس امام الباب

كما قالت( فيروز )وتولع سجارة في ظهر سيجارة وتقول يا ريت ما تجوزت.... وسوف تنظر

الينا نحن الذين لم نتجوز بعد (العزابية ) نظرة تملئها الحسدوالغيرة ....واكاد ان ارى دموعتك

من الان تزلق مودعة مقلتيك ....! ولكن لا تقلق يا عزيزي سوف اعطيك وقتها

(بكيت محارم ابو البريزة )برضو ...تحياتي

اود ان اقول وما الخوف من السوأل اذا كان لاسباب مصيريه فالارتباط من الاساس يجب ان يكون مبني على اسس صحيحه وكاملة الوضوح حتى في المستقبل لا يظطر احد منكما ان يكتب همومه في هذه الزاويه ويبحث عن حلول وانت اكيد مطلع على هموم المتزوجين من (اريد حلا) فالوضوح مطلوب من الطرفبن وبما ان الحب هو الاساس والعلاقه بين المحبوبين متينه فمن المأكد انه سوف يتفهم كل منكما الاخر وانا ادعو الله عز وجل ان يوفقما وان تدعونا على اكل المناسف في الفرح انا وعناد والكنج وابو وديع والجميد كركي


يا عناد الله يسامحك على هالاالعمله يا رجل انا ما اكلت بنات الدناريه والبستونيه بس انا اكلتهم كلهم والكبايه والسنكيه بعد.......... بعدين يا رجل بكفي حش (على اعجبت بها على هذه الزاويه ) انت ماشفتش صورته كيف ؟؟؟؟؟ من كثر ما حب طحنووووووووووووو لزلمه بس اذا بدك تعرف مين طلع احكي مع المفتش كرمبووووووووو

خطيبتك بتحبكك ومابتتركك ولكن البنات بحبوا بسألو كتيير وهدا اشي عادي يعني لاتستغرب وحاول تعجل في الزواج وهيكا بروح خوفك وتمنياتي لك بالتوفيق !

بداية تعليقك عن لحظة رؤيتك لخطيبتك لأول مرة ..... كانت سينمائية

يعني كأنو عم نشوف كليب من هالكليبات ........ بطولة عمرو دياب أو غيره

يعني الزواج مبني على أسس متينة ألآكتر من شفتها وحبيتها .......

لازم يكون في توافق بشخصياتكم وتفهمو بعض ...... لأنو الزواج مش لعبة

ممكن يكون مقبرة الحب وباب من جهنم .......... بس ممكن يكون


باب على الجنة وحياة ولا أحلى........

حياتك حلها لحالك

بكرة بس تتجوز يا حبيبي رح تعوف ابو المناقشات كلها وتطلع عصبيتك عنجد...وتتعرف على اسماء ادوية الجلطات...وارتفاع ضغط الدم...عشان هيك خلي علاقتك مع الصيدلانية سماح كويسة...رح تحتاجها في المستقبل وانا اخوك

تؤبش عضامي في حدن بحكي عن الجيزه هيك بزعل منك ها تؤبشني اللي بياخد اردنيه وامها شاميه بنام نومه هنيه بكون جامع المجد من اطرافه تؤبشني ما تحكي هيك ما بدنا الشباب تطفش من الجيزه دخيلو انا .

و لو اني مش شايفة اي مشكلة .....

بس بدي انصحك نصيحة

المرأة تحب الرجل الثقيل (طبعا ليس بوزنه) انما بأفعاله و تصرفاته تجاهها

يعني اذا أردت ان تحافظ عليها , و تجعلها تزداد حبا وشغفا بك لا تكن لها كظلها بل ابتعد عنها

لفترة واجعلها تشتاق لك (يعني مش كل يوم ولا انت ناطتلها )

قلل اتصالاتك بها اجعلها هي التي تبادر بالاتصال , قلل من كلام الحب معها ولا تلغيه تماما

هيك بتخليها هي اللي تقرب منك و تخاف انها تخسرك

هناك مثل انجليزي يقول : اذا اتبعت المرأة هربت منك , واذا هربت منها تبعتك

مع تمنياتي لكما بالتوفيق

رعبتني يا رجل... انت بتتكلم جد؟

سماح؟؟؟ خليكي جنبي ... وراعينا بالأسعار وبما تسمح به نقابة الصيادلة

يا عيب عليك طلعت انت وسماح بتحبوا بعض وعامل حالك ابو الشرف يا عيب عليك نزلت من عيني يا صياد النسوان خليها جنبك وشويه يمكن تقول ب ح ض ن ك اخص عليكم

تحياتي للحكيم :

(بما انو الشغلة فيها مناسف ).....! وخصوصا عندما يكون الجميد كركي ...!

فأنا اللذي سوف يعيد النظر في الموضوع ...وبأسره ...وسوف اقوم بضم صوتي الى صوتك

وبكل سرور ...زهقونا ....! عرسان الايام هاذي بالصالات (وحبة القتو وقزازة هالببسي )

وكأنهم يقولون لك شم ولا تذوق ...!

(........انا عرفت لو انتا كمان عرفت قلنا مين ...هههه)

كون معها صرح ومتل ما انت وخوض كل موضوع لانه لازم تعرفك وتعرفها ولا تخاف تخسرها

الى صاحب المشكلة تحياتي
سبحان الله يعني البنات احتارت في طلبات وافكار بعض الشباب
اذا كانت البنت ساكتة وكتومة ولا تطلب وتتطلب نقول عنها هبله وغير مثقفة ، واذا كانت فهمانه ومثقفة وترغب بالنقاش والحوار نقول عنها بتوجع الراس وبدها تعرف كل شيء وتشارك الرجل في اتخاذ القرارات .
الان ما الذي يريده الرجل : هل يريد زوجة تشاركة كل شيء ام يريد عبده تطيعه في كل شيء ، هنا يكمن الاختلاف في التفكير وعلى فكرة الرجل الذي يرغب بزوجة تشاركة بكل شيء لا يسلم ايضا من كلام الناس لانهم راح يقولوا عنه : عديم الشخصية او زوجته تتحكم به او يسير خلف زوجته وهكذا .
الخلاصة : بالنسبة لي يجب ان تكون زوجة المستقبل متعلمة ومثقفة وقادرة على مشاركتي في كل شيء وقادرة على الحوار والمناقشة في جميع المواضيع التي يتعرض لها اي زوجين ، وذلك لان الزوجة شريك الحياة وليست عبده او خادمة تؤمر فتطيع ، كما لا ننسى ان القرار الذي يتخذه شخصين " زوجين " افضل من قرار يتخذه شخص واحد ، والاهم مما سبق ان القرار المتخذ يوافق الزوجين وبالتالي لا ينعكس سلبا على حياتهما الزوجية .
اخي الكريم توكل على الله طالما انها صاحبة دين وعلم وفهم فلا تتردد في اتمام مشروع الزواج
اتمنى لكما التوفيق والسعادة وللجميع
حماده