هسه برجع بطلع ، واذا بدكم هسه بطلع وبرجع ، واذا مش عاجبكم هسه بطلع وبعدين برجع وبعدها بطلع ، المهم انني وقت ما بدي بطلع ووقت ما بدي برجع ، طبعا ما حدى له عندي.

امبارح كنت هناك واليوم انا هون وبكره راح اكون هناك وبعده راح اكون هون ، وممكن اغيب يوم او شهر او سنه او اكثر بس في النهاية برجع وقت ما بدي مش زي ما بدكم .

القصة يا جماعة ان البلد ابوابها مفتوحه ومشرعه وبدون رقيب او حسيب ، وانا مش راح احسيب انت بتسيب واذا بدك ما تسيب ما في مشكلة لاني انا وقت ما بدي بسيب وانت خليك ماسك.

وفي النهاية برجع بحكيلكم انا وقت ما بدي بطلع ووقت ما بدي برجع ، وانتم خليكم ماسكين ايد الباب عشان ادخل واطلع زي ما بدي ، واذا بدكم تشرعوا الباب على طول بكون احسن الكم لان ايدكم راح توجعكم وانتو ماسكينه.

واخر شي في هذه التخاريف ان الي بطلع راح يرجع بكيفكم او غصب عنكم ، لان القفز على حواجز الوطن مهنة الكثيرين ، وخصوصا اذا كانت هذه الحواجز صنعت من وهم يعيشه الشعب منذ سنوات أسمه المنافسة النظيفة والشفافة وبقية مصطلحات التسويق السياسي للدولة ...برجع .