ميزات الفتاة في الجامعات الاردنية


جراسا -

مع كل الاحترام لكن من سنذكرهم في هذا الموضوع مزايا صبايا جامعات الأردن:


1.أنا وماما زي الصاحبات ، دايماً بحكيلها كل إشي ، ماما بتعرف عنك كل إشي شغل عرط و بس طبعا.

2. كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد ....بتسألها بتحكيلك شو لينسيز؟ هدول عيوني الحئيئيين....

3.كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة...

4. لو سألتها عن أحلى سنين بحياتها رح تحكيلك : ما بين 19 و 23 ، و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم.

5.الشاطرة اللي بدها تقهر صاحباتها...بترن عل 1234 وبتنزل عرط و تخويت و على آآ حبيبي و شو حياتي و i miss u يا عمري و بشوفك يا baby

6. كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتطلع عن 20,أو حزام الأمان اللي بروح ما ينمزع‏ ‏قد ما هو مشدود...

7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله بوكلونا على جوع !

8. إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني .....ورووووح...للصبح رقص سلوووو_على أساس فريندز طبعا .

9.كلهم بابا بحبهم أكتر وحدة بين إخوانها ....وهي وبابا زي الصحاب و بابا بوخد رأيها بكل إشي .....

10. مريحين بالهم و تنحصر اهتماماتهم في المواضيع التالية :

روجيم: - لازم أنزل كمان خمسين كيلو ، حومرة وبودرة: - نزلوا حومرة جديدة بطعم الكيوي ،أووولتك أسشور شعري ولا أعمله كيرلي/ الأكل: - ماما طبخت جاجة محشية تفاح /و ما بتغدوا غير ستيك مشوي ،و ما بشربوا غير مي/

الفن: - ما أزكاه brad pitt/رايان شعره بجنن/ شفتي أصالة ما أزنخها/ مش ألتلك انه بشار بحب سلمى/شفتي صندل نانسي/أحمد الشريف أحلى واحد بالعالم!/لون بشرة اليسا واااااااو/حضرتي كليب جاد شويري ما أفيعوا؟
مو معئولة هالشاكيرا!!!

11.كلهم ما بدخنوا ...بس بابا سمحلهم يأرجلوا عادي .......

12. عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر_...

14.مواصفات حبيب القلب: فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب,وإذا بشبه توم كروز بكون ممتاز

15.بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u‎ و كتييير زهئانة

16. دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة شبس ،شوكلاتة ،بسكوت, ،علكة,سوس

مشاركه من صديق "جراسا نيوز " ...........  سبع الليل



تعليقات القراء

صقرالحطيبات
كلام صحيح الاغلب من بنات الجامعات مش للدراسه للفياعه ...
05-12-2009 06:23 PM
انسانة
رقم 17 اكمل عنك يا جراسا 60 في المئه منهن سخيفات تافهات هدفهم المظر وليس الدراسة مقلدات بطريقة مقززة للممثلات المغنيات ثقافتهم شبه معدومة الا با لمكياج واخبار الفنانين فهم عبقريات وفي المسجات حريفات وبالكذب مشهورات وفي الجينز مقرفات
05-12-2009 06:28 PM
قطر الندى
ههههههههههههه والله جبتها ع الوجع تحياتي واحترامي للكاتب
لانه عنجد هاد الواقع انا طالبه بالجامعه وهاد بالزبط ياللي بصير
05-12-2009 06:50 PM
ريماس
والله هالجكي مزبوط بس النسبة 50% لانه في كتير بنات مش هيك
05-12-2009 07:17 PM
the moon student
يا جمااااااااااااعه والله مش الكل ؟؟؟ معي اني شايفه في الجامعه كثيييير من هالموديلات ؟؟ عنجد والله قبل يومين شفت وحده بتواليت البناااااااااات " كتعليق ع رقم 10 " في الجامعه قلبت معدتي من خلقتها " استغفر الله " ما خلت نوع حمره ولا مكياج ولا مناكير الا ما حطت وكله فوق بعضه بتمسح وبتحط يا جماعه اشتهيت اشوف معها قلم ورقه دفتر .......... معها شنته يمكن لو انا لميت حالي بقعد فيها ولما فتحتها رجعت لوراء 80 كليو من كثر ما فيها مكياج وعطر وتلفونات وبطاقات ..... عنجد صار مجتمع الجامعه اشي بخزي
05-12-2009 11:15 PM
والدة طالباب جامعه
التقليد في الجامعه بشبه انفلونزا الخنازير البنات ما بتحس لا بتقليد ولا غيره الله يعين الاهل حتي لو نصحتهم ما بردوا بكره بتخرجو وبندموا
05-12-2009 11:25 PM
ياسر91
كلامك صحيح بنات ايتيكيت وهاي هاي ومافي على الكرة الارضية غيرهم واعجاب وحب وبالاخير وبعد الزواج بتلقيهم مابعرفو يفقسو بيضة
06-12-2009 12:15 AM
ام عمر
مرحبة . انا موظفة في جامعة بشوف اكثر من هيك. لكن ما بحكي الا الله يهديهم .
وعلى فكرة مش بس البنات حتى الشباب اشي بخزي . الشباب بتفكرهم بنات تشوف الشعر والجينز الي مش قادر يمشي منه وحتى الصوت ناعم كتير وبعض الشباب بستخدمو عطور ستاتية مش عارف شو السبب .
06-12-2009 09:11 AM
واقعية
والله أنا بأيدكم هاد الي صاير هي الأيام وكلهم بياخدو المصاري من أهليهم الي يدوب علا أدحالهم وبتعرط إنو هاد أقل مصروف بتاخدو
06-12-2009 09:40 AM
اردنية اصيلة
حرام عليكوا مو الكل بالنسبة الي كلهم خطأ الا الاولى صحيحة 100%100 يخليلي ياك يا احلى ماما يا ست الحبايب.. الله يهدي بنات وشباب المسلمين يارب
06-12-2009 02:04 PM
ابو وديع
هذه الظاهرة موجودة فعلا" ، الله يحمي بناتنا واولادنا .
شكرا يا سبع الليل للمشاركة الجميلة .
06-12-2009 02:50 PM
ابو سيف
كلام جميل... انا اشكر الله انو كانت دراستي بالمساء و اغلب الطلاب ختايرة.
والمشكلة انو هلاء صار الاستاذ يرفع كرت اصفر للطالب داخل الحصة يعني عدموا التربية و شلو التعليم.

الله يستر بكر سيف يجي يعطيني كرت اصفر!!!!!!!

06-12-2009 03:46 PM
طالبة جامعة
اشكر كاتب المقال واشكر كل من علق والتمس المعذرة منهم جميعا بالتعميم مو الكل ارجو وضع البعض كما تقولون فارجوكم ان تقولو بعض وليس الكل ......... لو تعرفوني لغيرتوا رأيكم من حلاوتي واتيكيتي ولبسي وخاصة بالجنز وجمال شعري البرتقالي وعيوني الخضر وجوالي الان سبعين ما معي رصيد ارجوكو ان تبعثو لي مسج واذا ما فيها ثقالة دم حولولي دينار فقط لاني مش فاضية عندي دراسة للامتحات السكند لاشتري بطاقة ليس بخل لان البابه بحبني اكثر واحد بالبيت
06-12-2009 05:51 PM
همسه الى طالبة جامعه
لطيف تعليقك كتير بس والله حبيبتي هاد هوه الواقع في جامعاتنا العزيزه واكيد دائما فيه نسبه يعني خلينا نحكي 30% موه هيك بس الاغلبيه العظمى رايحين لعرض ازياء وتسليه وصحبة شباب وما بنسى الشباب عندهم اكثر من هيك وخاصه يلي بيلبسوا الجينز الساحل او لمسحول شوي بوقع في رجليهم والهم حاطر يشلحوه اصلا مع احترامي لتعليق الجميع وشكرا يا سبع البرومبه اوسبع الليل والله كلامك صح ومعك في كل كلمه وردت .
07-12-2009 10:46 AM
انا غيررررررررر
بس انا غير ،،مواصفات حبيب القلب او شريك الحياة اسمر وكشر وعصبي وشخصية فريدة من نوعها وما بحب اصلا اشوف شب شعره طويل لاني بقرفه وكلامي ما بغيره لو مين ما كان قدامي بحكي اردني وبفتخر وبعتز كمااااااااان (ما في احلى من الطبيعة)
09-12-2009 12:20 PM
sweety
حلو بس ما تزلموا كل البنات
06-01-2010 06:47 PM
ata
مش الكل هيك .. انا تخرجت جديد


هاي طبقة الاغنياء الاغبياء بس
07-01-2010 01:00 PM
لولو
هذا الموضوع صح لأنة كل بنات لبجكاعان زي هيك............................
08-04-2010 02:36 PM
تالا
:-(:-D:-);-):oops:
12-08-2010 02:22 PM
ثقصقث
>-(
14-08-2010 09:19 PM
samahr
الاشي هذا صحيح اليوم البنات هيك اخر زمن
02-07-2014 05:50 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات