فعلا تصرفات بعض الطلاب في جامعات الوطن خصوصا الجامعة الاردنية ....... وصلت لمرحلة لايمكن السكوت عليها .... زمان كنت بالصدفة تشوفلك واحد ووحدة (مزويين) هون ولاهون ....... الان ربع الجامعة بتلاقيهم بين الشجر..... وخلف مباني الكليات ..... وفوق الاسطح بين خزانات المي ...... وعلى ادراج الطوابق السفلية لبعض الكليات ....... خصوصا في وقت متأخر من النهار اوعند الغروب لما تخف حركة الطلاب في الجامعة .... طبعا احنا عارفين انوالسبب الاساسي من وضع الكاميرات......... هو موضوع امني بحت ..... لمراقبة الاشخاص المثيرين للشغب والمشاكل والمشاجرات ........ والاشخاص القادمين من خارج الجامعة ...... لكن يلا اجت هاي بهاي ...... عموما ..... مبروك للجامعة الاردنية هذا الانجاز ....... وهاردلك ( للمزويين ) وعقبال الجامعات الاخرى ....اللي الوضع فيها لايقل سوءا.... لكن ياريت يتم توزيع الكاميرات بشكل ذكي ........لتغطية الاماكن المشبوهه...... الجامعة للي جاي يدرس ...... ومادام الواحد ما بعمل اشي غلط ...... مافي داعي يزعل ويخاف ويحتج ..... ®KING OF HUNTERS

لو انه نسونجي ومسكر بابة على حالة وعنده 3 سكرتيرت الكل بحبه.؟. حيا أم ميتا سيبقى ذكرك خالد يا خالد أعانك الله عليهم,., وافعل ما يلمسه ضميرك من أجل ابناء وبنات هذا الوطن وانت ممن لا يخافون سوى الله ., أكثر الله من أمثالك

شكرا الك حكيت اللي بدور في بالي الجامعه مش للفنجره والمصاحبه وشمة الهوا والغرام
الجامعه للدراسه بروح الواحد بتعلم العلم مش بتعلم الحب وقلة الادب اللي زعلان ومحتج معناتو بعمل غلط وخايف ينكشف كان غلط اخلاقي او شو ما كان نوعه سرقه طوش وتوابعهم .

وبلا من احضان الطبيعه وما يجري بين احضان الطبيعه بطل في شي مخبى سيرتكم على كل لسان ما بتخافوا وانت بوضعيه مش محترمه يتم تصويركم بكاميرا موبايل وتنتشر على النت ما بكون قدامكم غير الانتحار لتخلصوا من العار والمحزن انه في وضعيات استر يللي بتستر استغفر الله. والله حرام فيكم الشجر لازم يزرعوها نبات صبار حتى ما تلاقوا محل تلتطوا فيه بس ما بتغلبوا بتلاقوا تحت تنك مي او تحت حجر بدبروا حالكم .

شو دخل الحريّة الشخصيّة بوجود الكاميرات - الامر لا يتعارض - , يعني اعمل اللي بدّك اياه ما دام الامر قانوني طبعاً .

يعني بالله عليكم ....
حتى لو ركبوا كاميرات شو راح يصير ؟
من ناحية الطلاب في طلاب قليلين حيا .....
مطنشين حتى لو بحطوا صورهم في الجرايد .................
بعدين هذا الاشي حتى لو وضعوه في الحرم الجامعي في شو بضيق حرية الطلاب ؟؟؟؟؟
المؤدب مؤدب واللي ما ابتستحي الله لا يردها ................

كلامك موزون يا باشا

وعقبال جامعتنا
ترى المزويين وصل فيهم الحد اني من أول ما أطلع من الصلاة مثلا الاقيهم بوجهي
لا خجل ولا حياء الله وكيلك

والجامعة شفت فيها مصايب لما شاب شعر راسي يا رجل

يا ريت يحطوا كمرات كمان في أحراش غمدان ، خلي رجل هالعالم العاطلة تخف شوي هناك :)

هذا يعتبر تقييد للحريات الشخصية والتقليص من الحرية الشخصية التي نص عليها القانون الاردني

شو يا عبد الله هاد اسمك عبد الله وبتقول تقييد للحريه كيف لو اسمك سوسو او مومو لو شوشو يا زلمه كل هادي الحريه وبتقول تقييد للحريه شويه صغيره وبتمثل افرم في حرم الجامعه

تنتهي حريتك عندما تبدأ حرية الاخرين وتذكر يا عبد الله والرزق على الله انه احنا مسلمين وحريتنا مربوطه بحفاظنا على الدين والاخلاق والمباديء مش نتظلط ونتشلح ونعمل السبع وذمتها باسم الحريه الله يلعن ابو هيك حريه خلتنا ما بنفرق عن الاجانب لسه على الاقل الاجانب بعملوا السبعه وذمتها وبطلع منهم اشي يفيد العالم احنا ما بطلعنش منا الا طفل لقيط وبنت بدور ترقع غشائ البكاره او تستر على مصيبتها وشب صايع ومسحسل بنطلونه وداير بالملات يصيد بنت فاشله زيه.

اعتقد ان تركيب الكاميرات الامنية ليست الحل الامثل لمعالجة اية اسباب ذكرها الفاضل الدكتور الكركي ، وللاسف لا زالت العقلية الامنية تحكمنا ونحكم من خلالها حتى في مجال التعليم العالي ، كما ان الدكتور لم يوفق في تعليقه على تركيب الكاميرات فهو يقول انها لا تتناقض وسياسة الجامعة وايمانها بالديمقراطية والحرية ، وفي مجال اخر يقول انه لن يتم تركيب كاميرات الا في الاماكن التالية - التي ذكرها - ولا اعلم حقيقة ما هي الاماكن التي بقيت ولا تحتاج لتركيب كاميرات مراقبة من وجهة نظر الدكتور ؟ اما بالنسبة لبعض التعليقات التي ذهبت الى ان تركيب الكاميرات هي للحد من العلاقات والتصرفات المشبوه ، فللاسف ان هذا ليس بالحل المناسب والمثالي اذ ان من يرغب في ارتكاب الخطأ لن يعجز عن ايجاد المكان المناسب والظروف المناسبة لارتكاب الخطأ وكلنا يعلم تماما ما يجري في اروقة الجامعة وخارجها ، ان الامر يتطلب منا تغيير مجموعة من المفاهيم المرتبطة بالسلوك والتربية والمنظومة الاجتماعية والاقتصادية ، ولا ننسى ان المنظومة القانونية التي تحكمنا قد اظهرت فشلا ذريعا ويكفي ان نعلم ان قيام شاب وفتاة بعلاقة او تصرف خاطئ لا يحاسب عليه القانون ما لم يكن هذا الفعل في الاماكن العامة وبالتالي يعتبر فعل خادش للحياء اما العلاقة الخاصة - وانتم تعلمون ماذا اقصد بها - فلا مكان لها في منظومة القوانين النافذه بالاردن ، وعليه فان الامر لا يرتبط بتركيب كاميرات لمراقبة تصرفات البعض وانما هي العقلية الامنية ، والتي ستجعل من الجامعة مشابهة لاحدى مستوطنات الصهاينة او معسكرات الغستابو بالزمن الغابر ، والغريب في الامر ان هذا الفعل من شأنه ان يؤدي الى نموالحركات التي تعمل بالخفاء نتيجة العقلية الامنية فبدلا من اتاحة المجال للرأي والحرية المضبوطة ان تعمل وتنطلق بحماية القوانين والتشريعات ، فاننا نحجر على الرأي والديمقراطية يتم تفصيلها وفق رغبة البعض وبمقاييس امنية محددة ومن ثم ننتظر التقليل من المشاكل المرتبطة بالحريات والديمقراطية والرأي وما الى ذلك ، اتمنى وسأبقى اتمنى ان نغير من العقلية التي تحلل وتنظر في مجموعة المشاكل والمعوقات التي تعترض طريقنا للتقدم وبدلا من العودة الى عقلية الخمسينات والمكتب الثاني اتمنى ان ننطلق في نطاق احترام الجميع ما لم يظهر البعض عكس ذلك وبالتالي يحاسب وفق قوانين هو بنفسه يعلمها ومقتنع بها مسبقا ، واتمنى ان لا يتم تركيب مثل هذه الكاميرات الا على البوابة ومخارج ومداخل الجامعة حتى لا نرجع سنوات وعقود الى الوراء فهذه الجامعة الاردنية الجامعة الاولى والاكبر بالاردن الغالي فاذا وصلت الى هكذا حال فمن المستحال ان نتقدم في كل مجال .

شكرا عزيزتي المتسائلة...

تعليق رقم 6 ... شكرا ياباشا .... ومن ناحية الكاميرات .... احنا بحاجة لكاميرات مش بس في احراش غمدان .... لكن في شارع الاردن كمان ... ومنطقة (ابوالسوس) .... ووادي الشتا .... وطريق المطار ... واحراش ياجوز و الاحراش على طريق جرش قبل جامعة فيلادلفيا ..... و الخ

بصراحة احنا بحاجة لكاميرات في كل الاردن ....اوبقترح نعمل اتفاقية مع وكالة ناسا للفضاء ....يصوروا كل سم مربع ...ويبثوا الصور (اون لاين) .... على قناة تلفزيونية ....بس ما بتوقع يقبلوا بهالشي .... لانو رايحين نسمع بكل يوم عن 25 -30 جريمة شرف جديدة ..... والمحاكم والمراكز الامنية ما راح تلحق .... ومراكز حماية الاسرة رايحة تنفجر ..... ورايح يصير خلل في المجتمع ....



خلي الطابق مستور احسن ...




®KING OF HUNTERS

كمان كلامك حلو بس يا ابو عمر صحيح اللي بده يغلط ما بعدم الحيله بس تركيب الكاميرات بحد

بشكل ما من التصرفات الغير اخلاقيه والغير لائقه اللي برتكبوها الطلاب .

يا ابو عمر العور ولا العمى اشي ومنه لحد ما الناس تربي ولادها ولحد ما يعرفوا انه في الله

براقبهم ولحد ما ترجع الاخلاق خليهم يحسوا انهم مراقبين يا اخي ما فيش روادع اخلاقيه

بطل ينفع معهم اشي يمكن هاي الطريقه تحد شويه من المناظر الحقيره للطلاب اللي بمارسوا

قلة الحيا علنا بدون ادنى احترام لا لحرم الجامعه ولا بالاول لربهم .

يا اخي اذا بليتم فاستتروا بجاهروا وبطلعوا فيك عادي وبكونوا في وضع يرثى له

شو بتقول عقليه امنيه وما عقليه امنيه يا ريت في عقليه امنيه ومخابراتيه وترهيبيه لانه الوضع

صار بثير الاشمئزاز ويا ريتها احكام عرفيه هاي ناس ما بتلبقلها الحريه لانه الحريه عندههم
مربوطه بالجنس وممارسته يا زلمه خليها على الله اشي بفضح

وتحياتي للكنج دايما تعليقاتك على الوجع.

تحياتي لك ولاسلوبك الراقي في الحوار وهو ما نفتقده للاسف الكبير في الكثير من التعليقات والمداخلات ، ثم اسمحي لي ان اسألك سؤالا بسيطا صغيرا : هل النية تبرر الوسيلة ؟ ولا اقول الغاية كما نعلم ، واقصد بسؤالي هذا انه لو كان الهدف من تركيب الكاميرات التقليل من التصرفات المقرفة بصراحة لكنت اول من شجع وبارك ، لكن النية ليست التصرفات والمتصرفين والمتصرفات وانما مراقبة من يخرج عن الخط وانتي تعلمي ما اعنيه تماما ، وهل تعلمي انه لو تمت من خلال هذه الكاميرات ضبط طالب وطالبة بوضع مخل بالاداب هل تتوقعي انهما سيحولا الى لجنة تحقيق ومن ثم العقاب ؟ صدقيني لن يحدث هذا فليس المطلوب التقليل من تحرر المجتمع وخاصة الجيل الشاب وانما عدم اشتغاله بالسياسة والاحزاب وما الى ذلك واليك الدليل : لو كان الهدف ضبط الاخلاق فلماذا يباح في بلدي الحبيب كل مجالات الاباحية من نوادي ليلة وفنادق مشبوهه نعلم ما يحدث فيها وحفلات يحصل فيها ما لا يرتضيه مسلم وصاحب اخلاق ونخوة ؟ ثم لماذا تدخل بنات الليل الروسيات والمغربيات والان العراقيات وغيرهن الكثير الى الاردن بحجة ( فنانات - او عاملات بار - او خدمة فندقية ) وتعطى لهن تصاريح العمل في النوادي الليلية واظن انك قرأتي قصة المغربية العاملة بنادي ليلي وانجبت بالحرام وارادت التخلص من الطفل لولا سائق تاكسي شريف ابلغ الامن بذلك ، ثم هل تعلمي انه لو تم ضبط اثنين في اي مكان بوضع مخل بالاداب فلا قانون يحاسبهما الا اذا حصل هذا في مكان عام ؟ فما رأيك بكل ما طرحت ؟ ثم اليس الاجدى بنا بناء مجتمع نظيف سليم يقوم على ما نرتضيه لانفسنا ولابنائنا بدل التحجج بعلل واهية لمراقبة الناس ونقول ان هذا يفيد بالتقليل من التصرفات الخاطئة ؟ صدقيني لن تقلل كاميراتهم من هذه المظاهر نهائيا وغدا اذكرك .
اكرر شكري وتقديري لرأيك واسلوبك

يا اخي ابو عمر بسرعه شبهت الامر بالمستوطنات الاسرائيلية0هل تعلم ان لندن عاصمة بريطانيا العضمى 0 الديمقراطية 0 مراقبة بكاميرات حديثة الكترونية بنسبة 98%0
هل تعلم يا استاذ انني طالبت جهات حكومية0 بوضع كاميرات متقدمة على شوارعنا الرئيسة وعلى مداخل ومخارج المدن والقرى الاردنية0ولو كانت هناك كاميرا على مدخل تجمع القرى التي اختفى فيها الطفل ورد0 لكان لنا والاجهزة الامنية 0اثبات مادي ملموس
اخي ابو عمر يضهر من تعليقك0انك متأثر من ضبط النضام في الجامعة0ولا توجد حرية منفلته بدون ضوابط0 في جميع دول العالم0
نعم لوضع كاميرات في كل بقعة في الحرم الجامعي0 نعم لحماية الطلبة الذين اتو للجامعة لينهلو من علومها0ولا والف لا لمن ينقلون للجامعة تخلفهم ومشاجراتهم ويتبرون الجامعة مكان للسياحة والتعارف والبلطجة0

عذرا نسيت ان اسألك : ما رأيك بالقوانين المطبقة لمعاقبة المذنبين كل بذنبه ؟ واعطيكي مثالا صغيرا فقبل ايام صدر الحكم في رجل ارتكب فعل الزنى ، هل تعلمي فيمن لقد زنى في ابنة شقيقته وانجب منها طفلا وماذا كان الحكم : السجن 10 سنوات ، فهل تعلمي ان السجن سنة يعني 9 شهور فعليا وبالتالي 10 سنوات يعني فعليا 7 ونصف وبما ان القانون يبيح الافراج عنه بعد مضي ثلثي المدة بداعي حسن السيرة والسلوك فيكون فعليا الحكم فقط 5 سنوات سجن : واسألك بالله عليكي هل خمس سنوات سجن تعتبر عقوبة مناسبة فيمن زنا في ابنة شقيقته وانجب منها طفلا ؟ هل هذا القانون قد حقق لها ولابنها الذي سيعيش طيلة حياته مكلالا بالعار فهو في الشرع ابن حرام ومن من ؟ وانا لن اتحدث عن تطبيق الشريعة والدين وغير ذلك انما اقيّم القانون ومدى فاعلية احكامة لعلاج البلاوي والمصائب التي حلت بالمجتمع ، ثم هل تعلمي ما هي الحياة التي يتم توفيرها بالسجن : مأكل ومشرب من احسن نوعية ومراقبة من قبل لجان صحية ولجان حقوق الحيوان الدولية + وسائل تسلية وترفيه من مثل التلفاز والسينما والعاب رياضية واخيرا دخلت خدمة الانترنت للسجون للترفيه عن المساجين + هل تعلمي انه يحق للسجين احضار زوجته - هذا ان كانت زوجته فعليا - الى السجن والاختلاء بها فيما يعرف ( غرفة الخلوة الشرعية ) ؟ وبالتالي بالله عليكي ماذا ينقص السجين حتى يشعر بذنبه ؟ لقد وفرنا له قانون ضعيف واحكام لا تردع ولا تغني من جوع وبالاخير وفرنا له فندق خمس نجوم ريثما يخرج ليرتكب ما هو اعظم من سابقته ؟ يا عزيزتي اذا اردنا التقليل ومن ثم القضاء على البلاوي يجب معالجة اصول المشكلة وليس الترقيع وتمني النفس بانها ستفيد .
ولك كل الشكر والتقدير

يا ابو عمر كلامك على راسي وعلى عيني

لنفترض الكاميرات انحطت عشان فئة معينه من الطلاب الحزبيين ليش هو لابق لطلابنا احزاب الاحزاب بالنسبه النا بهالفتره من حياتنا يعتبر ترف ما انت شايف طالب الجامعه بفوت على الجامعه بتتلقفوا جماعه مين ما كانت تكون وبتزرع براسه افكار وهو بعده ما بعرف الكوع من البوع.

ما بدي ادخل بالتجربه السياسيه والحزبيه لطلاب الجامعه لانه فيها المقال يطول.

اما النوادي ومرتاديها وروادها من اهل البلد فاكيد هدول اللي بكونوا مرتميين تحت الشجر وبمارسوا مهام التشريح على صاحباتهم هدول نفسهم لقدام شويه بدهم يكونوا من رواد هادي الملاهي.

الكاميرات لو بتحد 1% من اللي بيصير بعتبره انجاز

لانها الدوله باجهزتها مش قادره تعمل شي لانه كمان بتمارس دور تعهير المواطن عن سبق الاصرار متناسيه انا دوله دينها الاسلام .

يا عمي طلع على لسانا شعر واحنا بنحكي عن انهيار جيل الشباب وما في اذان صاغيه لا بيت بربي ولا مدرسه بتربي وبتعلم بعد ما المعلم صار حكم ببطاقه صفرا ولا دوله مهتمه حطها بس تقيم مهرجانات وتمنع خطباء المساجد من خطب ذات مغزى احسن لنبين متعصبين وجماعه مو حضاريين .

خلينا ساكتين وكل واحد يربي اولاده لانه فالج لا تعالج واللي ما عنده اولاد لا ينقهر ولا يزعل والله انهم هم وغم اذا كانوا متل ولاد هاد الجيل المسحولين وتبعون اغاني الميتال واللي بكل مناسبه غصب عنك بدك تشوف قفياتهم من بنطاليهم لانه صارت اجباري هيك مناظر

تحياتي ابو عمر وجعتلك راسك

اخي الكريم : هل تعلم متى تم تركيب هذه الكاميرات بلندن ولماذا ؟ تم تركيبها وبكثافة ليس فقط في لندن بل في عموم الغرب حيث تم ذلك بعد احداث سبتمبر 2001 م ، اما لمن فهي لمراقبتي ومراقبتك نحن من يدين بدين الاسلام ومن يعتبرونا ارهابيين ، فيا اخي لاحظ التناقض انت تقول كاميرات بلندن من اجل ماذا ؟ هل هي لمراقبة الشباب والفتيات ومنعهم من اقامة علاقات مشبوهة ؟ طبعا لا فهي مباحة عندهم اذا الكاميرات للمراقبة الامنية وهو ما ذكرته واستنكره البعض ، وانت منهم يا اخي الكريم وانا اكرر واقول يجب ان يكون علاج المشاكل بشكل عام علاج جامع وافي كامل شامل بحيث يتم مناقشة جميع المشاكل الامنية والاقتصادية والاجتماعية والتربوية والتعليمية وغيرها ومن ثم وضع الحلول التي تتسق وطبيعة ديننا ومجتمعنا الاسلامي العربي الاردني الحبيب ، اما ان نعتقد ان الكاميرات ستقلل من المصائب التي تحدث في الجامعة فصدقني لن يحدث هذا وان كنت اتمناه وكما يقولون ان غدا لناظره قريب ان شاء الله وستدركون ان الكاميرات ليست لمراقبة الطلاب والطالبات والا كان الاجدى تغيير القوانين وتشديد العقوبات وتثقيف وتعليم المجتمع قبل مراقبته .
ولك كل الشكر والتقدير

انا كنت باعته ردي الك بعدين نزل تعليق رقم 14 يا سيدي والله كلامك جواهر واحنا مش

مختلفين بجوهر الموضوع بالنسبه للقوانين وقانون العقوبات الاردني بعتقد انه الكثير من الناس

عندهم اذا ما كان الجميع بطالب بتغيير بعض بنود قانون العقوبات والتشديد فيها بس يا اخي لا

تنسى برجع وبكرر احنا دوله دينها الاسلام لو الدوله بطبق الحدود في الجرائم اللي بترتكب على

نطاق واسع في البلد ما بتشوف سجون الخمس نجوم فورا الحد يقام وفكت حلت مش بتعلف

بالسجين ومن ضرايبي انا بقتطعوا شمة الهوا وعطلة الاستجمام اللي بياخدها اخينا المجرم على ا
كتاف المواطن الاردني

بس اعوذ بالله شو يطبقوا قوانين اسلاميه هاد عار علينا منظمات حقوق الانسان ومنظمة العفو

بشلوا أملنا وبفضحونا وبجرسونا وبسمونا دول متخلفه من دول العالم التالث النايم .

يعني من وين ما جبتها واجيت تحلها مش زابطه ما زال الحكومه والمشرعين حاطين العقده في ا

لمنشار وما بدهم يلجأوا للقوانين الاسلاميه بدهم قوانين غربيه تتلائم والمرحله .

وبتقول عن اللي زنى ببنته او ببنت اخوه او اخته يا اخي هيك ناس من قاع المجتمع شو اللي وصلهم

لكل هالكبت والهوس غير قلة الوازع الديني قلة التربيه قلة العنايه من طرف الدوله بمناطق

العوز والفقر اللي بتلاقي الجرايم الاخلاقيه جو خصب الها فيه فش دور لاي توعيه طعه

وقايمه الناس حتاكل بعضيها وغير المشاجرات وغيره وغيراته وكأنوا الناس متل المرجل اللي

بده ينفجر وبستنوا اقلها فرصه للتنفيس عن احقادهم وامراضهم الاجتماعيه وكبتهم وغلبهم .

الامور خربانه بجد وكلها قشره يا رب تجيرنا لما تروح هاي القشره

تحياتي الك ابو عمر بدنا اعادة صناعه لنصير ناس بتستحق الحياه

بالعكس ما وجعتي راسي لانه بيوجعني قلبي اكثر من راسي وانا اتابع الاوضاع في بلدي الحبيب والمصيبة اني كاتب وباحث يعني لازم اتابع كل شيء وعلى مختلف الاصعدة طالما انه يخص الاردن الغالي باهله وانا معك في كل كلمة ذكرتيها صدقيني من قبل كان بيكفي الاب ينظر نظرة وحدة لابنه حتى يفهم انه اخطأ او تجاوز الحدود المقبوله اما اليوم الابن بيشتم ابوه منذ الصغر وما في اوامر للاب مستجابه لانه الشارع والانترنت والفضائيات والمدرسة الفاشلة هي من يشارك في تربية الاطفال .
هل تعلمي يا عزيزتي ان الغرب منذ سنوات طويلة اجتمع للاجابة على سؤال واحد : لماذا اندثرت جميع الحضارات والامم والامبراطوريات بينما الحضارة والامة الاسلامية لم تندثر ؟ هل تعلمي ان مئات العلماء من مختلف العلوم الاجتماع والتربية وعلم النفس اجتمعوا مطولا ولم يخرجوا الا باجابة من كلمة واحدة والله العظيم لو تعلمي ما هي الاجابة ؟ ((( المرأة ))) تخيلي لقد توصل علماء الغرب ان المراة هي عمود الحضارة الاسلاميية فهي الام التي يلتف من حولها الابناء ومن قبلهم الزوج وهي الزوجة التي تقف مع زوجها وتربي ابناءها وهي الابنة التي تتربى في وسط اخوتها وتحت جناح ابويها ، من اجل كل هذا توصل العلماء لا بل الخبثاء لطريقة لهدم عمود البيت الاسلامي فكان الحل السحري كالتالي : طالما ان المراة المسلمة لا تغادر بيتها فستبقى الظل والاساس الذي يلتف الجميع من حولها ، لهذا يجب ان تغادر المراة البيت باي شكل ولاي سبب فكان التعليم اولا ثم العمل ثم التحرر المساواة مع الرجل ثم حقوق المراة وغيرها الطريق التي توصل الخبثاء من خلالها حل هذه المشكلة بالنسبة لهم طبعا ، ولا ننسى تهاون او تعاون او تحايل الكثير من دولنا العربية مع هذه الخطط التي حاكها الغرب لنا وضدنا .
اسأل الله العفو والعافية للجميع فالقادم اعظم .

صدقيني كلامك جواهر ونعم اقول لك نحن متفقين في صلب الموضوع وحتى فروعه وانا اذا تذكري قلت لن اتحدث عن الشريعة الاسلامية وتطبيقاتها اذ ان خلاصة الامر : طالما ابتعدنا عن ديننا فلن تقوم لنا قائمة وكما قال الله تعالى " لا يغير الله بقوم حتى يغيروا ما بانفسهم " وحتى نغير القوانين والتعليم والتشريعات وكل شيء سنبقى تخوض في الحضيض والسؤال الذي يسمح لنا هو : الى اي درجة سنصل في خوضنا الى الحضيض وتحت خط الصفر المدقع اخلاقيا وتعليما وثقافة وغير ذلك .

بتعرفي انه ضغطي يرتفع عند سماع ما يحدث من حولي وتحديدا ما يخص وطني وصدقيني ما عاد القلب يتحمل البلاوي بس بدي اخبرك بامر اظن انك تعرفيه : هل تعلمي ان السياسة الاساسية التي وضعت من قبل الصهاينة والغرب لبلدنا الغالي وشعبه الطيب ما هي : يجب ان لا ينهض البلد اقتصاديا ويجب ان لا يشبع المواطن / يجب ان ينحصر تفكير المواطن في امر واحد فقط ( كيف اجيب لقمة العيش اليوم ) فهذا المسموح به فقط اذ ان ساسة الغرب وازلامهم قالوا اذا شبع الاردني سيتحدث بالسياسة والاقتصاد وغيره وبالتالي وجع راس للجميع فدعهم فقراء قليلي حظ حتى لا يفكروا والمصيبة انه الكثير ما عاد بقادر حتى بالتفكير في لقمة العيش لهذا نجد السكارى ومدمنوا المخدرات والمنحرفين جنسيا يزدادوا يوما بعد يوم والدليل من واقع احصاءات الامن العام المتمثل بازدياد اعداد ارباب السوابق واصحاب الخبرة في عالم الاجرام .
اتمنى ان لا اكون وجعت راسك انا بدوري واكرر شكري واحترامي لك على هذا الوعي الرائع والنقاش الراقي الهادف واتمنى لك كل الخير والسعادة

طيب شو نحكي عن جامعة التكنولوجا الي مركبين كميرات عند الموظفين داخل المكاتب غير الي بالممرات؟؟؟؟؟؟؟؟؟؟؟؟

يسلم فمك يا أبو عمر والله بتحكي جواهر

اشكرك يا عزيزي ولا تنسى انني مقهور اكثر منك بل اقول لك انني مجلوط وكل هذا غيرة على وطني وشعبي وحبا لهما .
اسأل الله ان يكون يوم الغد افضل من اليوم

بتعرف يا ابو عمر الموضوع كله ببدى من عند كل واحد فينا للحقيقه احنا ناس عايشين على الهامش هامش الدنيا هامش العلم هامش الاقتصاد واي هامش بدك ياه احنا جاهزين في عندا فائض وعاملين مخزون استراتيجي منه .

يعني لا بنعرف نختار الزوجات ولا الازواج لا بنعرف نربي لا بنعرف نحكي بمنطق لا بنعرف نتناقش لا بنعرف نتعلم لا بنعرف نتصرف لا بنعرف نحك عقولنا لا بنعرف نكون اصحاب رأي ولا مشوره.

صرنا ناس وبفضل الحكومه الله يكتر خيرها مش مقصره معنا همنا اندور على اللقمه وندور ندفع فواتير وندور كيف نعيش لاخر الشهر .

وفي نفس الوقت بلهونا باشياء عجيبه غريبه وبثيروا فيها القبليه والعنصريه البغيضه .

على طول بنفكر يا اخي كيف ما نموت من الجوع فجوعونا والجوعان ما بفكر باي شي في الحياه غير انه يسكر افواه هالجياع اللي عنده ويكسيه وبالمره يسكر تمه وما يحكي بأشياء مهمه فخلي راسه مشغول دايما لانه اللي بفكر بجيب وجع الراس والقلب لحاله وللحكومه وهاد بيصير عنصر هدم ولازم اجتثاثه من المجتمع واذا ما اجتثوه وانتحر وسمم حاله بخلوه شحاد وبمشي متل الزومبي اجساد بلا ارواح .

دين ما بدهم عادات ما بدهم عيب ما بدهم سياحة الرذيله يا عيني كتر منها ملاهي ليلىه خلي الناس تنبسط وتسكر وتجيب دخل شباب فايعه في المولات وهو المطلوب شباب بلا قضيه عين العقل وخير ما بعملوا .

الاتكاليه والفراغ والتنبله عناوين النا وخلي الناس تحكي احكي انت وانا بحكي شو يعني ما حدش مهتم .

يا اخي بدنا تقوم النا قايمه وبتلاقي الوحده متلفلفه بشالها هاي الام وبنتها ماشيه معها او بالسياره و لابسه لبس لو تشلح بكون استر .

ما بعرف شو نوع الاعاقه اللي بنعاني منها كمجتمع هيك عايشين فاتحيين تماممنا للهوا طبله بتجمعنا وطبله بتفرقنا اي مغني بجمع مئات الالوف من الشباب صلاة جمعه ما بتجمعهم .

شو بدك بكترة الحكي شلحنا ثوبنا ولبسنا ثوب العيريه ويا خوفي لما ثوب العيريه يروح نصير كما خلقتني يا رب .

صحيح اسمعتلك انه في 6 ملايين خط موبايل عند الشعب الاردني اكتر من عدد السكان يعني

واحد للمره ةواحد للعشيقه واحد للشغل والبنت واحد للبيت وواحد للصاحب وواحد احتياط واتنين على البوز .

في اكتر من هيك بننفخ بقربه مخزوقه .

كلام صحيح وراح ابدأ من حيث انتهيتي فعدد خطوط الهاتف اكثر من عدد السكان بتعرفي وين المصيبة لما تلاقي المراسل او الزبال او الموظف البسيط حامل موبايل اخر موديل في مثل يقول ( في جهنم وب..... ) اعرفيها لحالك وهذا حال الشعب الواحد مو ملاقي يوكل ويشرب وبيحمل موبايل او اثنين مثل ما قلتي يعني كبرة على خازوق ، اخبرك شيء يمكن ما تصدقيه انا اعيش بالغربة منذ سنوات والموبايل اللي معي من ارخص الانواع ثمنة يمكن 20 دينار اردني مع انه بمقدرتي اشتري اخر المويلات لكنها القناعة ( هي القناعة فاحفظها تعش ملكا - لو لم تكن لك الا راحة البدن - وانظر لمن ملك الدنيا باجمعها - هل راح منها بغير القطن والكفن ) بس بلاش تفكريني بخيل بالعكس انا اعز نفسي فوق ما تتصوري لكن في امور يقبلها العقل فالموبايل مثلا الهدف منه الاتصال بالاهل والاحباب وارسال الرسائل وبالتالي طالما انه يقوم بمهمته فما يهمني ان كان نوعة اريكسون او نوكيا الطراز الاحدث .
بتعرفي لو عملتي استطلاع راح تلاقي نسبة اليأس والاحباط في قلوب الجميع فوق ما تتصوري لانه كما ذكرتي الشباب بلا طموح وبلا هدف وهو يعلم مسبقا انه لو درس ونجح فلن يجد عملا يرضيه ويمنحه الامل في المستقبل وكذلك البنات تزداد نسبة العوانس بينهن يوما بعد يوم وهذا زاد من الانحلال الجنسي لدرجة اصبحت بعض الفتيات هن من يطاردن الشباب وخوف قلبي يجي يوم تصير فيه البنت توخذ ابوها وتروح تطلب الشاب من اهله للزواج ، لا تستغربي كل شيء بيصير في هالزمن ، والمصيبة المسؤولين يتساءلون لماذا تزداد اعداد الجرائم والجنح ولماذا يزداد الانتحار والمشاكل ؟ يعني الوضع الاقتصادي بيرفع الراس والوضع الاجتماعي حدث ولا حرج ما عاد في حياء ولا احترام بين الجميع الولد يضرب ابوه والبنت بتكذب على امها وغيره الكثير ، واصبحت البلد كوكتيل والحرية قصدي الانحلال مو طبيعي وغير معقول ، بتعرفي مش قادر اكمل ارتفع ضغطي مع اني لسه شاب .
للحديث بقية فالحديث معك قمة في الروعة فالى اللقاء .

الكاميرات وجدت لحماية الطلاب والممتلاكات وللمصلحة العامة بعدين يا عمي الي ماشي صح من ايش بدو يخاف

السلام عليكم
الموضوع مو موضوع الطلاب الي بالجامعه ولا موضوع الاخلاق الي عم تحكو فيها
لانه مشكله الاخلاق ما بتنحل لا بكمرات ولا شي الي بدو يعمل شي غلط بيعمل وين ما كان وهاد شي بينبع من داخل الانسان نفسه
المشكله انه بصير مشاكل بين شباب الجامعه وناس من برى وبتصير شغلات عشائر وهيك شي وهادي المشاكل هي السبب الاول لهدي الكمرات

نعم لتركيب الكمرات ولكن بعد تجهيز المختبرات وعمل صيلنة للمدرجات وحملة نظافة لجميع المرافق بالجامعة او تغير متعهد النظافة ان شاء الله الوضع بكون احسن لان وضع الجامعة مزري
وصدقا شعرت بالحزن لما ال اليه الجامعة في السنوات الاخيرة

العقبال لمؤته ؟؟ والله تقول مش بالكرك ؟؟ تقول ب لوس انجلوس والا شيكاغو ؟؟ بعدين الواثق من حاله بمشي مشية اسد ؟ ويحطو مليون كمره وين المشكله ع الله تخف اللقاءات الحميمه و " التزروق " وراء الكليات وفي الممرات وحتى يا جماعه والله في : المكتبه : بين الرفوف كثروا منهم ....

من طول عمرك كبير يا دكتور خالد

يا شباب انتوا ليش زعلانين الي بدو الله لا يردو والي بدها الله لا يقيمها هموا لو بفهموا بعملوا هيك اشي من غير ما يحسيبولو احساب طيب بدك تعمل هالاشي روح على شقه مفروشه واعمل الي بدك اياه الله لا يردك ولا يرد الي معك
بعدين اتضايقتوا من كاميرات وبدهم يحطوها علشان يستروا عليكوا فعلا شعب جامعي مغفل فكر وبعدين احكي
بارك الله فيه الي بفكر بمصلحتكم شو نحكي احنا طلاب ال البيت انا اول فصل الي بالجامعه رسبت بماده علشان كنت عند مكتب الدكتور وبالصدفه دقيت الباب وما في حد وبعد خمس دقايق طلعت من عندوا بنت وانا شفتهم والنتيجه رسبت بالماده ونزلتلي 43 خليها على الله وهاد دكتور متجوز وعندوا اولاد بالمدرسه ما بالك الطلاب ؟
شو يعملوا ولكل جواد كبوا

والي عارف حالوا ما بيزعل والي زعلان اكيد يحاول يرجع يعمل دراسه لاخلاقياتوا وفي ناس بتعمل الغلط والشيطان بخلي يشوف تصرفوا اسوا تصرف الله عز وجل يقول في كتابه :: وزين لهم سوء عملهم :: كل واحد يقيس ويشوف والاسلام حكيم كثير وبيننا
وسلامتكم
كل عام وانتم بخير

لست طالب جامعة ولا اعرف الدكتور الكركي لكن كل يوم وانا ذاهب للعمل صباحا عدا البي بي سي لا اسمع الا اذاعة الجامعة الاردنية...في زمن الاذاعات الهابطة يسعدنا الدكتور الكركي بسماع اذاعة الفن الراقي والذوق الرفيع... اما بالنسبة للكاميرات فلا ضير في ذلك...

جزاك الله خير يا دكتور انا مع نشر الكاميرات ليس بالجامعه فقط بل بالفنادق والمستشفيات لانها تعد من الوسائل الامنيه للحفاظ على النظام

جزاك الله خير يا دكتور انا مع نشر الكاميرات ليس بالجامعه فقط بل بالفنادق والمستشفيات والمولات والمجمعات لانها تعد من الوسائل الامنيه للحفاظ على النظام

ياريت كل الجامعات زي جامعة مؤتة .............