والله يختي اللي كان بينكم مو استغلال اسمه واحد بلاقي وحده مستعده تقدمله العواطف كلها باسم الحب وبتعطيه وبتكون كريمه فالشب بقول هي كريمه واحنا بنستاهل طبعا الشب لما بياخد بسهوله برمي بسهوله بعدين لعلمك مو كل العاشقين بنجرفوا بعواطفهم فلا تعممي تجربتك التعبانه على بقية المحبين في ناس بتخاف ربها وبتحب بأدب وما بتنجرف ورا عواطفها والاحضان والبوس والذي منه . انسيه واسكتي وابلعيها ضحك عليكي واللي كان كان وفتره انبسط فيها عليكي .

مع اني سخنانه ومرضانه ومفلوزه بس بحب احكيلك انه عندما ما واحد بترك بنت كان بحبها بدون ابداء الاسباب وما بحاول يبررلها بكون من البدايه ما حبها وكانت مجرد علاقه بين اتنين بدون معنى مجرد تمضية وقت لانه اللي بحب مستحيل يأذي مشاعر حبيبته وفي اول مناسبه بحاول يرتبط فيها ويأسس حياه مشتركه الحب مو كلام الحب فعل القصه حاولي تتجاوزيها لانها مجرد تعباية فراغ كانت اله.

استغرب عمرك 25 سنه من هم في مثل سنك متزوجات وعندهم اطفال وعلى قدر من المسؤوليه وتسألين هل هذه العلاقه هي استغلال ؟؟؟؟
سيدتي اذا لم تعرفي للان انها علاقه فاشله فتلك مأساه ... .!!!!!!
الرجال لا يقيمون وزنا الا للنساء الحرات النساء اللواتي لا يعطين للرجل شيئا ولا حتى ابتسامه قبل الزواج تلك النساء يرغب الرجال بالاقتران بهن ومن تقدم ولو تنازل بسيط لن تنال احترامه ولا ثقته .....
هكذا هو طبع الرجال يحبون الصعبه ويدفعون الغالي والثمين مهرا لها .

يا اختي اسمعي هالحكمه *اذا اردت ان تملك شيئا فأطلق سراحه فاذا عاد فهو لك من البداية وان لم يعد فهو ليس لك من البداية* يا ستي الشب ما بحب البنت اللي بتضهرله انه بتحبه وبتموت فيه فاحسنلك يا اختي نصيحه حاول اتبيني اله انك ما بتحبيه وانك انسيته ولا اتحاولي اتحسيسيه انك مهتمه فيه طنشيه شوي بتشوفي ازا ما رجعلك متل الكلب لانه العلاقه بهالايام الشب بيركض ورا البنت اللي مطنشيته وبيزبل البنت اللي بتحبه والبنت نفس الشي بتترك اللي بحبها وبتروح ع الشب اللي بذلها وبشوف حاله عليها

يبدو انك من الداعيات للزواج المبكر
كمان شوي بدك تضربيها للبنت لانها غير متزوجة
سن ال25 سن بداية النضوج واكتشاف الحياة .. والزواج قسمة ونصيب
لو ان صاحبة المشكلة عندها خبرة حياتية لما لجأت لجراسا
يعني البنت لسا ما عندها خبرة وبدك ترميها بعالم الزواج والاطفال والمسؤوليات

وبالنسبة لنوعية الرجال الذين تحدثتي عنهم فاولئك ليسو رجال هم ذكور يحملون عقليات رجعية يعني الواحد فيهم بيعمل الشبعة وذمتها وبس بدو يجوز بحكي لامه يما دوري لي على عروس وكأنو العروس اللي بتجيبها امه ما عرفت شب غير ابوها
فكينا عاد من التخلف تبعك وتبع ذكور الاردن اولا

وين الاستغلال؟؟؟؟
انا شايف انها قصة حب وانتهت، وكل شي نصيب........

حبيبة قلبي انتي مفلوزة وبتكتبي تعليقات خافي الله مش خايفة تعدي القراء

سلامة قلبك انت والقراء وما على قلبكم شر والله يحميكم وما حد يشوف الفلوزه ويشفي كل مريض .

حبية حبيبها2 سلامات ...وعودة ميمونة ...الغريب9 ايضا وحلوة منك
عزيزتي الانسان او الرجل على وجه الخصوص كلما كبر اصبح عقلانيا( اي انه يفكر بعقله اكثر )
ويرى اشياء كان يعتقد انها صحيحة اشياء خاطئة ...وبعيدا عن الصورة اللتي في الاعلى و اللتي جعلتني اخرج المنديل من جيبي وامسح دموعي ...فأنا لا ارى جدوى من المحاولة ... تقبلي أنحنائي على ركبة ونصف رافعا يداي للاعلى
الى 4عندما ارى هذة الحكمة على قلابات الرمل اصاب بالغثيان !!

ارجو الحفاظ على اداب هذا الموقع وعدم استخدام الالقاب الخاصة ببعض القراء فهذا اللقب وخصوصا في جراسا لا يكتب بهذه الطريقة فاختر لك لقبا على مقاسك,,,وشكرا لك جزيلا

يعني انت زعلانه على انو بطل يحبك ولا اتغير معك انا مش عارفه علاقتكم بدات بحب وكملتو سنتين وانتي بتحبي وكلها سنتين لو كانت 5 سنين ولا عشرة كان شو اعملتي وسنتين مش كتير لدرجه الاحباط هاد اولا
تانيا انت بتسالي حب ولا استغلال بصراحه وما تزعلي ان كان حب او استغلال او المعنى الاوضح والي لازم ينحكى تسلايه فهاد شي عادي بالنسبه الك يعني نتيجه متوقعه ولا تنصدمي بتوقع انك تسميها كانت مرحه حب اقرب لتضيع الوقت وعدم الوعي يعني صدفه عملت قصه حب عابرة لفترة وبعدين الشاب الي بتحكي عنو سافر ورجع اوعى وعقلو متفتح شوي لانو العلاقه الي بتحكي عنها كانت من عمر 22 يعني عمر ه بهديك الايام واحد صغير عقلو لسا مش عقل واحد ناضج يفكر بالمسوليه انا ما بعمم ع كل الشباب بس بهاي المرحله او هاد العمر الشباب بكون تفكيرهم تفكير مش واعي للحياه ولا تفكير جدي طبعا الاغلب مش كلهم وانت عارفه شباب هالاليام يدوب ع 30 يتزوجو اغلبهم بس في منهم طبعا بتزوجو بكير بس قليل منهم الي بيتحمل سووليه بعمر صفير او بفكر بجديه يعني انا بنضري طبعا هاد راي انو الشاب بعمر 25 وما فوق بعتبرو شخص ممكن يكون واعي شو بدو يعني بعرف وين مصلحتو وشو بفكر خاصه لحياته يعني ببطل شغل لعب اولاد اصغار مع انو شباب هالاياه يادوب ع 30 يفكرو جدي يعني انا مستغربه منك شو بتستني من واحد سافر ورجع وما بعطيك اهميه زي اول يعني تروحي تترجي تحكيلو من شان الله شولي غيرك هيك طيب في ميه احتمال مش يمكن يكون فكر امنيح وغير نضرتو والاهم وهو التوقع المحتمل انو ما كان واعي شو بيعمل وانو كان يمكن بعتبر علاقتكم علاقه عابرة ولما سافر نضج اشوي وحكا مع حالو حراح اضلني معلق في بنت الناس وحرام تستمر علاقتنا لانو ما بدو ياك كزوجه يعني تفكيرو تفكير صح افهمتي يعني لو كمل معاك راح يكمل تسلايه او ا الفاضي وانت بالنسبه الو راح يعتبرك كصديقه بس مش اكتر لو كمل وهو بلش معاك حب ولو راح يكمل متل ما حكيتلك كصديقه لانو بطل متل اول زي ما بتحكي فانت افهمي لحالك انو تفكيرو اتغير تخطيطو لحياتو ومستقبلو صار يطلع بنضرة جديده غير هيك حبيبتي علاقتكم مه ما انتهت وكيف انهت حتى لو استغلال او تسلايه ما تلومي الشاب لومي حالك لانك انتي لما اعملتي علاقه ما حسبتيها منيح وما فكرتي شو نوع العلاقه وما وعدك اصلا بالزواج فلي تزعلي كان اولى انك تزعلي لو كان واعدك بشي افهمتي وانتي الي كملتي معا ع العميان بدون ما تسالي لوين بدك توصلي حتى لو انت متوقعه انو نهايتها الزواج كان لازم اتاكدتي من الشاب الي معاك وما انجرفتي متل ما بتحكي بعواطفك قبل ما اتاكدددددددددددتي 100%انو الشاب الك ومن نصيبك يعني كان ما سلمتي كل عواطفك الا لما اتاكدتي انو بيستاهل يعني ما تزعلي ع شي لانو انت السبب وانت اعطيتي مجال لو كان استغلال او تسلايه فنصيحه الك وبتمنى تعملي فيها انو بهاي المرحله اتركي لانو ما بيستاهل ع الاقل ما قدر هو الي اعملتي من عواطفك الي منحتي اياها وبالاخير نسي هو وانا بصراحه ما بلوم الشاب من حقو لانو انت وهو ما حددتو العلاقه متل ما كانت وانتي كنت اشوي مستهترة بالعلاقه يعني ما اكدتي على علاقتك معا وضليتك ماشيه بطريق مفتوح مستنيه شي يصير وهاد الي لازم يصير والشاب براي تصرفو صح لتركك ادا كان ما بفكر فيك اصلا لزواج و وانت مش من اهتماماتو المستقبلي فلي اصلا يستمر معاك ويعلقك في بزياده وهو مش مفكر فيك يعني افهميها لحالك ابعدي عنو ولا ترمي حالك ع واحد ما ببينلك اهتمام الك يعني كرامتك اولى من هاد الشاب واكيد في احسن منو ع مليون مرة لانو لو كان بيستاهلك كان ما تركك فانت احسبيها هيكوبالعكس لازمتحاسبي حالك وتلوميها ولا ضلك ورا لانو لو ضليتك تفكري في وتسالي وتهتمي وتعرفي عنو راح تخسري بزياده وتنزلي م عينو بزياده ما بكفي سنتين وانت معطيتي كل الاهتمام مع انو ما في شي رسمي بيناتكو او حتى مشروع خطبه كمان وهو مطنشك بدك ضلك ورا فهاد غلط كبير بحقك وبكرامتك ويا ريت بيستاهل من هو اصلا خطيبك رسمي ولا راح يكون خطيبك انتبهي منيح ع حالك وسدئيني لما تقعدي مع حالكك وتسالي حالك راح تعرفي انك انت غلطانه بحقك وانو انت تنازلتي كتير بدون مقابل يعني الي غيرك بمرو بعواطف جارفه متل ما حكيتها لما يكون في اقل شي وعد خطبه او زواج يعني صفينا ع كل الحا لات ما بستاهل يعني ما ضيعي حالك زياده مبينه الشغله صار اوعى وتفكيرو صار واسع صحي ع حالو غير هيك ما تستقلي سنه سفر السفر لحالو بغير كيف سنه كامله يعني بكفي اهتمام الو انسي تدريجي خففي من اهتماك بالتريج وتجربه لحتى لما تفكري تعملي علاقه تحسبي احساب الشخص التاني الي بتعملي معا علاقه شو هدفو وحطي بالك انو لازم تكون علاقتك مع شاب بستاهلك وشاريك بدو ياك مش شغل وقت تسلايه لحتى يعرف قيمتك وانتبهي ع حالك وانت عارفه كتير البنت عاطفيه واكيد صعب عليك تتعودي بس لازم تتحملي نتيجه انت ما حسبتيها امنيح وتلومي حالك وحاولي خلي عقلك يسيطر ع عاطفتك لانو هاد الي لازم يصير وكتير في علاقات متلك لا انت اول وحده ولا اخر وحدة الله يوفك وطمنينا

ولك يا قاروطه لا يكون معك انفلونزا الخنازير روحي افحصي بسرعه

شكر وتقدير على تحيتك اخي العزيز وبالنسبة للتعليق في هذه الزاوية اختار المشاركة فيه اذا كان عندي معلومات كافية حتى لا اشوش على الاخوة المعلقين وتصبح على خير

الى عناد شكرا عناد على السؤال حلوه منك
الى مهوي والله الروحه على المستشفى وبالذات على مستشفى الامير حمزه بطلع منها على نقاله وبوجهي على سحاب هيني بتعالج في البيت ومتكلين على الله اهم شي ما عندي ضيق نفس .
الى استاذنا الفاضل الغريب لا تاخد على خاطرك من اللي استعمل لقبك لو ما هو لقب بستاهل ما استعمله بس انا عتبانه عليك على الاقل قولي من باب الاخوه سلامتك الله لا يورجيك الانفلونزا اللي معي ما اصعبها .

كل الاحترام لاختيارك وللقبك ...وانت من اهل الخير ...
الى 14 الله يقرفك ...
حبيبة حبيبها ...مستشفى حمزة ؟ الشر برى وبعيد .

الك الله وكرت التأمين

ليس حب استغلال .. الحب مثل النور والظلام كان يحبك بالظلام

انه استغلال وليس حب والدليل انه لم يتقدم لطلبك للزواج وايضا معاملته الجافة وعدم افصاحه لك عن سبب تغيره ، كل تلك المعطيات توضح انه لم يكن حبا ، انصحك بنسيانه والالتفات لنفسك ومصلحتك واعتبري ما حدث درسا لك في المستقبل ان لا تصدقي اي علاقة بهالشكل ، من يريدك حقا ويحبك سيتقدم لخطبتك . حافظي على نفسك وعلى كرامتك .

نفسي وبتمنى اشوف رجل بكل معنى الكلمة ما بدي منو شي بس اشوفو

عنجد صارت الرجولة من رابع المستحيلات

يا خوفي العمر يخلص ويضيع ما بين شوق وانتظار.....اشتقتللللللللللللللك

الموضوع انه كانت علاقة وانتهت ... وان الشب ما بده اياكي ولو انه بده اياكي كان ما تركك ....

الاسباب اللي جعلته يتركك:

1- اما انو اعتبر حالو زلمة شريف و (رجل) وليس ذكرا وحسب..... وما حب يرتبط في بنت لها تجارب سابقة ( من وجهه نظره هو ) حتى لو كانت هذه التجربة معه شخصيا ... لان هناك ناس عندهم مبدأ يقول: مادام هاي البنت حكت معي وعملت معي علاقة بدون اطار شرعي .... معناتو اكيد عامله مع غيري .... وحتى لو كانت بتحبني ....لانو الحب لايبرر اقامة علاقة مع اي شخص ... بدون اطار شرعي....

2- او انو شافلو (جو ثاني ) او ( مزة ) او (صيدة ) ثانية .... خصوصا انو سافر لمده سنة ... لانو المثل بحكي (البعد جفا ) او (البعيد عن العين بعيد عن القلب) .... وهذا يدل على ان الشب ما كان يحبك حب صادق وحقيقي ...لان اللي بحب عنجد ما بنسى حبيبو ولوبعد 20 سنة...


3- العلاقة اللي كانت بينكم ... هي علاقة اعجاب او حب مراهقة ...خصوصا انو كان عمركم صغير نسبيا ومش فاهمين الدنيا .... وهو لما كبر وفهم الحياه اكثر حس انو مش انتي الزوجة المناسبة له ....لذلك قرر الارتباط بغيرك.

عزيزتي لازم تنسي الموضوع ... وماتضيعي المزيد من الوقت والجهد في التفكير..... وما في حدا الا ومر بهيك تجربة .... وانشالله ربنا يبعثلك ابن الحلال ....




®KING OF HUNTERS

انا بفضل انك تصارحيه وتشوفي شو سبب الابتعاد ، لانه يمكن تكوني بتشتغلي وبتوخذي راتب اعلى منه وهو ما بده يورط حاله معاكي ، لا تظلمي حالك وحاله ، اساليه اول وتاكدي .
الله يفرجها عليكي وعليه ، وكل شيء مقدر ومكتوب .

( م. صهيب ) انتة بس بدك تورجي حالك انك بتعرف تعلق

الاشي الغريب في البنات .......................
بتلاقيها بتدخل بعلاقة حب كذا سنه وهي بتحب خلالها ما بعرف شو بتكون بتعمل ...
الحب يعني شفت واحد عجبني مناسب الي من كل النواحي في انسجام وتفاهم بينا ...
بحكيلوا بدك ياني تفضل على البيت بنقعد كم مره بنشوف حالنا بوجود الاهل في مجال نكمل مع بعض بنخطب وبعدين بنتزوج ...
اما اضيع كم سنه من عمري وانا بحب وبعدين تطلع علاقه مش ناجحه واقوم كمان احب واحد تاني كم سنه بكون استويت واستهلكت حالي وعنست وانا كل واحد بحب في وبجربني ...
البنات اصل البلا.....لانهم بخلوا الرجل يطمع بضعفهم وانهم بحاجه للحب .... عاملين حالهم ملطشه ...او متل الغنمه اللي كل واحد بحلبها شويه ....اصحوا يا بنات بكفي ترخصوا بحالكم.

يعني ما شاء الله عليك وعلى تعليقك انت يعني الي بتعرف تعلق كل واحد حر برايه

ما في استغلال هاد عدم المؤاخذه هبل بس على هبل يعني حضرتك انبسطتي معه واتوقعتي انه يرجعلك بعد سنتسن انا بقول انه تركك لحظه انتي ما حضنتيه لاول مره واعتبرتيه حب انتي وهو اعتبره تجربه جنسيه اتمتع فيها بجسمك الحلو والا كله حب ونشاط وبس شبع منك تركك هاد مو استغلال ابد هاد قانون الحب وقانون الحب لا يحمي المغفلون وانتي طلعتي اكبر مغفله يا حبيبيتي اسف كلامي قاس وادايئتي مني بس كلامي بمكانه وانتي بمكانك خليكي وما تعطي حد شي بسهوله واتعلمي من تجربتك لقدام وما تخبري حد لا من قريب ولا من بعيد والا صورتك رح تهتز بين الكل سلام يا عمري انا

كل الموضوع وما فيه انو في نوع من التعود انتي كنتي متعودة عليه وهو نفس الشي
ولما سافر شافلو حدا تاني حبه بصدق
اومتل ما قال الاخ صاحب تعليق 21 انه كان بتسلى معك مثل ما كثيير شباب بيعملوا لكن عند الجد مستحيل يرتبط بالبنت اللي كانت على علاقة معه ( حسب وجهة نظره)

bien alors

اشكرك ليالي........على ردك على .. رقم23 ولو اني كنت مش معبره ومش ناوي اسيء لحد ابدا، من بعد نقاشي(مشاجرة كلامية) بيني وبين عصبي وخلود ، ولكن... كرمال خاطرك اعتبريه ...

انا مش مطمئن....شو في عندك؟؟؟؟

العفو م. صهيب بس انا علقت لانه والله ما اله حق بالتعليق عليك وهاي ساحة نقاش وكل واحد حر برايه واتمنى منك الاستمرا ر بالتعليق

شو وينها صاحبة المشكله ... لا حس ولا خبر....قاعده بتبكي على الاطلال
ولا بتزبط بحبيب تاني ...يا الله خيال اصحاب المشاكل شو واسع....بسيطه يما انتي بتتمني تكوني واقعه في الحب وبتعاني بس مو طالع بايدك فألفتيلنا المشكله ...الله يشفيكي .....

يا ماشاء الله كيف الدنيا بتشتي اللهم اجعلها سقيا خير ولا تجعلها سقيا عذاب ما احلى صوت الشتا ما احلى نقر المطر على الشبابيك سبحان الله ما ارحمه بعباده وما اكرمه على الناس وسلام لعناد كيفك انت والشتا ؟

تحياتي يا حبيبة حبيبها (شتاء بلا مطر... قلوب باردة ) بس شكلنا المرة هاي ربنا راضي عنا ...يعني( زبطت معنا)
الحمد لله .. والشكر
والله كنت بستنا واحد يتحكشني ...لانه زي ما حكت فيروز (شتوية وضجر وليل وانا عم بنطر على الباب )
وشكرا على هالاستفقادة ...الحلوة
وبصراحة انا شربت اليوم نص المية اللي نزلت من السما (والله لا يوريكي )

رجعت الشتويه بس لشو شربان نص مطرات اليوم لتكون واقف بتستنى المواصلات ولا تعطلت سيارتك واجت مي على الروديتر قول انا باجازه لاسبوع حتى اطيب كويس دفيانه ومتلفلفه في البيت اكل ومرعى وقلة صنعه بس بناكل وبنصلي وبنام بنقوم من النوم عشان نرجع ناكل ونرجع انام وهكذا بس الجو حلو .

(الدفا عفا... والبرد قناص للقفى )
سيارة ؟؟ الشر برى وبعيد ...
نيالك ...!!كنت مروح من الدوام وزي ما حكيتي بستنى الباص ...وكل شوي احكي الحمد لله وبعدين اقول (احو)الحمد لله (احو)..ودامت هذه المعركة قرابة الساعة بيني وبين المطر وبين كلمة (احو)ولاتنسي طقطقة السنان ببعض صاروا سناني يلعبو (دحية )عنجد الله لايوريكي
بس وينك فقدك الاسبوع الماضي وما بتعلقي على كل المواضيع ؟؟

الله يجيرك ما تكون اخدت برد ويبين فيك بعد اكمن يوم طبعا بعيد الشر عنك بس بتعرف الله يعين اللي بكونوا بستنوا مواصلات بهيك جو وما شا الله احنا لما بنكون راكبين سيارات بتلاقي وين في محل في مي بسرع السواق وبطرطش هالناس وبغرقهم بالميه بدون اي نوع من الاحساس المهم هو راكب سياره وفي كمان ناس محترمه بس اقليه اللي بتراعي مشاعر الماشي .
اما اني ما بعلق على كل المواضيع بخاف جمهوري يمل من التكرار ها ها ها لا بس مو كل المواضيع بتجذبني للتعليق ومعظم الاحيان ما بكون عندي وقت بس فرصه سعيده اني بتبادل التعليقات معك اخي عناد. الشتا بشعرك بالالفه مع الاخرين وبكنكن الواحد فيه.

وانا كمان سعيد ...بوجودك
ومافي مشكلة لو حطيتي اسمك بدون ما تعلقي
بس عشان نعرف انك موجودة اقلها ...وتصبحي على شتا.....(احو يابردي )

اسعد الله اوقات الجميع ، صباح الخير ، هاهي امطار الخير قد عادت بفضل الله ورحمته
ورد ان رسولنا صلى الله عليه وسلم كان يقول اذا نزل المطر
اللهم اجعله صيِّبًا نافعًا مباركًا غير ضار، اللهم سُقيا رحمة لا سُقيا عذاب ولا هدم ولا بلاء ولا غرق، مُطرنا بفضل الله ورحمته.
نسال الله سبحانه وتعالى ان تكون سقيا رحمه وان يبارك الله لنه في هذا الغيث.

إزدواجية المعايير عند المتخلفين والمنافقين :
لماذا يحق للشاب أن يفعل كل ما يريد ويجاهر بقلة حيائه وعهره , ثم يتكلم عن الشرف , حتى أن بعض الشباب يلاقون التسهيلات والمساعدة من أهاليهم , فهم شباب...
وأما البنت فأي شيء ولو بسيطاً يدمغها بالسواد مدى الحياة ...

شسو يا سيد يوسف لا يعني انه الشب يقوم بمغامرات عاطفيه انه بكون شي محمود...
لكن بنفس الوقت اذا الشب قليل الحياء ..بنقول للبنت تتساوى معه وهي المفروض انه تربية الاجيال مهمه ملقاه على عاتقها..متل الشب ما لازم يكون شريف البنت لازم تكون شريفه .. والحق على العادات والتقاليد اللي بتمجد فحولة الرجل النسونجي ..بس لو الناس بتعرف دينها بتكون المعايير وحده على المرأه والرجل ..واذا البنت بتكون شريفه ما في رجل حيلاقي بنت يمارس عهره عليها يعني .. البنت اصل البلا او اصل الصلاح..

ما شاء اللع عليك كلامك كله صح مع انو انت شاب بس برابو عليك

اانا حبيت بنت بالجامعه وهسى تخرجت بشتغل بشركه كبيره البنت اصغر مني بسنه دايما بحكيلها بحبك بس هي عمرها ما صارحتني دايما بتحكيلي انها بجوها ناس عشان يخطبوها بس هي بتاجل لمن احكيلها بدي اخطبك بتحكيلي بدي واحد اكبر مني على الاقل ب 5 سنوات بس مش عارف انساها المصيبه لمن انزل ع جامعه ما بتردني وبتحكيلي عن الناس يالي بتقدمولها انا نجنيت شو اعمل مشان الله بدي حل

شو مالك يا زلمه ..هاي بتلعب بأعصابك ما دام بدها اكبر منك لليش بتسمحلك تعبر عن حبك ..ب اقولك وبدون زعل...هي بتلعب بالمقصقص ليجيها الطيار ..اجا احسن منك كان بها ..ما اجا احسن منك هيك بوجهها وملهوف ورامي حالك رمي شو بدها احسن من هيك واحد خشخيشه ...يا زلمه اللي مو شايفتك ولا معبرتك ولا بتحترمك بالناقص منها ومن حبها ..شو هالضعف كون رجل وارميها وارفشها رفش كمان ....يسعدهم الرجال الحقيقيين بس العجيب انهم ندره اللي كرامتهم فوق اي اعتبار ...

بدك تعمل حالك فهمان ضب حالك

يا زلمه شو مالك على المهندس صهيب حاطط قرداتك على طحيناتو الشب ما حكاش اشي يدائك فيه وانت نازل لاحقه على الدعسه شو مالك وماله والله ما شفنا منو اشي مزعج انت ليش حاطه على كتافك وتعبان فيه شو هالفسفسه اكبر واضبضب انت ولم حالك اما شغله !!!!!!!!!!!!!!!!

وانتي شو الي حشرك بيني وبين الرجال انا حر في ارائي اتجاهو انتي شو الي دخلك ودخل الحشريه ليالي

الحب بيروح وبيجي
اكيد كان يحبك
بس خلص انتهى وحب بنت تانية الموضوع بسيط

وعكل حال انا بدور على عروس شو رأيك

احسن تشوفي غيرو .......المؤمن لا يلدغ من الجحر مرتين......اظن مفهوم

بس سؤال انتو بتفوتوا تساعدوا صاحب المشكلة ولا تعلقوا على بعض وتتطاوشو ؟.؟؟؟؟؟
ما حدا طلب منكم تعلقوا على بعض اكتفوا بمساعدة صاحب المشكلة احسن شي

الى صاحبة المشكلة
هيك انسان مع احترمي ما بستاهل حبك انسيه وما تعطيه اهمية حتى ما يفكر حالو شي مهم
في كتير غيرو يتمنو رجلك
مع تحياتي
الصيدلانية سماح

اكيد استغلال حبيبتي شوفيلك غيرو احسنك
وما تعطيه اكبر من قيمته
مع تحياتي
الصيدلانية سماح

احب ان اقول واؤكد ان المرأة بطبعها تعطي وترمي مشاعرها لاي كان دون تفكير
فانتي قبل ان تفكري اعطيته مشاعركي ورميتيه بقلبه فهوة استغل مشاعركي لانه هوة لم يعلن حيه بل انتي التي اعلنتيه وسلمتي مشاعركي له .
فلماذا لا يكون هذا الحب الذي وقعتي به حبا استغلالا ؟
من ناحية الغنى فعلا قولكي تقولين انه غني ومن ناحية الجمال فالله اعلم فالحب الحقيقي او بالاحرى الحب الذي يدوم هوة حب عقلي وحب عاطفي وغير استغلالي

فهو اعلن نسيانكي من غير اسباب فانتي لا عليكي الا ان تنسيه مثله ولو كان هذا صعبا جداااا

فجعليه كالصفحة التي هية من كتاب تقلب كل يوم من غير اسباب

ولاني جربت الفرقة اعينكي على نسيانه فالله معكي

لا تنسوني بدعائكم .....

مع اختكم مايا الفلسطينة