الله يكون بعونك

اتركيه او احكي لاخوانك او حد من قرايبك بتلاقي دايما سكران وهربي انتي واولادك احسن هاد مصيره يقتلك متل ما صار من قبل واحد قتل مرته بدون سبب بتقدري تصرفي على اولادك اتريكه وعيشي معهم وين ما كان ....

اللة لايعطي عافية من الاول ليش تسمحيلة ليش ماحطيتلة حد وبعدين هو وجودة وعدم وجودة واحد لابصرف عليكي ولابشتغل مابدك اياة خليكي على اولادك وهو اتركي بدكيش اياه لانة هو وقلتة

الله يعينك بس هل هو من النوع الذي يسهر في اماكن مشبوهة وشو سبب ضربو الك هل هو مبرر
على كل حال هاي المشكلة لازم توضحي اسببابها اككتر شوي يعني من شان شو بيضربك هيك من الباب للطاقة بلكي انتي غلطانة ؟؟؟؟؟؟؟؟؟؟

والله جد الله يعينك ادعي لله الفرج وانشالله الفرج قريب كملي حياتك زي ما انتي واشكي لله حالتك

اولا يااختي لازم تكون شخصيتك اقوى من هيك وتحطيله حد وتكوني صارمة جدا وتفهميه انك انسانه زيك زيه ثانيا انا لومكانك مابشتغل وبغلب حالي وبصرف عالبت لانه هذا واجبه والشرع والقانون اعطاك هذا الحق والله لوانسان بستاهل لابشتغل وبساعده اما مابقدر وبضربك كمان فوالله ضربه حلال انا مره اسمعتها من اخصائية نفسية انه لوكل امراءة بتنضرب بترد لجوزها نفس الضربة غير يصير يهمل هم ضربك له بس تكوني على حق وانا لومكانك اذاهيك انسان مافي امل منه غير اطلب الطلاق واخلي اهلي يوقفوله اذا في مجال ردي علي

الله اكبر انتي انتي شو بتستني يعني1حامل
2 بضربك بكل وقت
3 بصرفش عل بيت
4 بضل طالع للفجر وبرجع بنام لل2
5 اهم شي بخونك وانتي ساكته كمان اي والله لو سيدنا ايوب ما بستحمل انا بصراحه كتير مصدوم انو لسا في ناس بترضى على حالها انو يصير فيها هيك طيب ليش انتي شو ناقصك انشالله يعني خايفه تطلقي على شو على كلام الناس طززززز بكلام الناس مدام الناس مش عايشيين معناتك والله العظيم انو لو انا منك كل لما يمد ايو علي بكسرلو ياها

نصيحه اخيره اتوكلي على الله ولا تطلبي الطلاق لانو هيك بحس انو رجل اخلعيه بلمحكمه و ارمي مهمرو بوجهو وكل ما تشوفيه *** عليه

الشرطة هي الحل؟؟؟؟

اولا ابو جهاد كيف يعني ضرب مبرر؟ وحتى لو هيه غلطانه كيف يضربها مثلا؟؟؟؟؟؟
انا مش فاهم يعني هيه المرأه بنسيبه للمجتمع ليش هيك بتعاني من ضيعان حقها شو فيها لو تغلط يعني يا زلمه انتا بما انك رجل كيف رجوليتك بتسمحلك انو تمد ايدك على مراه الي هي امك واختك وبنتك ونصك التاني الزمله او الرجل الحقيقي لما بحس انو ما في مجال للعيش مع زوجتو بطلقا "او تسريح بأحسان" مش بمد ايدو عليها لانو هيك اصلا بفقد مقومات الرجوله الي ذكرت بلقران

اما ماذا بعد الفراق فكيف باتله عليك انو تصبر وتكمل انتا خليك مكانها اونتا مرتك بتضربك وبتهينك ومنغصه عليك عيشتك بتصبر وبتتحمل ولا عند اول محكمه وبتطلقها ؟؟؟؟
وربنا صحيح امرنا بلدعاء بس برضو انسان ياخد باسباب مش معقول انو جوزها يمد ايدو عليها وبصرفش عل بيت وهيه تقعد تدعي الله يهديه وتستنى الفرج

وتحياتي الكو

الى الكل اجمل تحية ...
من حقوق الرجل ان يضرب امرأتة ..ضمن حدود معينة (يعني مش بعد الضرب تصير بثلاث عيون ) ان هي اسأت الادب ولم تعمل على طاعته....
لقد لمست في قصتك الكثير من المبالغة .... ولكن ان كانت القصة صحيحة ... فيجب عليكي تسليم زوجك لاقرب مركز امني ... اوالاستعانة بمركز تنظيم الاسرة ...فهناك سوف تجدين اخصائين في معالجة ( ضريبة المواس ..والشفرات .. والسكاكين ..والدواوين )

الله يهديه ولكن الافضل الك ان ترفعي قضية خلع ونفقه وتريحي راسك وبدنك لكونه زوج بالاسم

الى الاخت العزيزه اسمعي مني واتبعي الخطوات 1-اتركيه وحردي عند اهلك واو اخوانك 2-ارفعي عليه قضيت نفقه 3- اطلبي بدل مسكن و حضانه للاولاد 4- اتركي العمل او خدي اجازه مفتوحه و تفرغي للاولادك و القانون يلزمه بمصروفكم حتى يعلم انا الله حق 5- دعيه يضربك وادهبي الى اول مغفر وقدمي ضده شكوى وحاولي اخد رابور طبي معك

لازم تتكركيه شو بدك فيه ما دامك عم تشتغلي يعني بتقدري تصرفي على حالك انتي وولادك والله يكون معك واهلك بعرفو؟؟؟؟

يا اختي شو بتستني اكتر من هيك ذل فوق ما انتي حامل كمان حتى يسير فيكي شي انتي و البيبي اتركيه هو زلمة ما بستاهل يكون اب او زوج واللــه يحميكي

له يا عناد
مش هيك الحكي واجب الزوج رعاية زوجته و حمايتها و المحافظة عليها و مش نحكي انو من حق الزوج ضربها يا ابن الحلال الى بدو يوخذ بنات الناس بدو يكرمهم و ما يضربهم او يهينهم و الرسول الكريم بحكي كرامكم اكرمكم لأهلة

يا اختي و الله ما بعرف شو انصحك انا ما بدي ادمر بيتك بس هيك حياة رح يكون الها اثر سيئ جدا عليكي و على اولاادك يا ريت لو تخلي حدا من اهلك يضع له حد اما يتعامل معك بما يرضي الله او من الأفضل الك تخلعيه و تربي اولادك لوحد رح يكو احس لنفسيتهم و الك

ابو علاء
ربما انك لم تقرأني جيدا ... ارجوك اعد قرائتي بشكل صحيح.... ولا تقرأ ما بين السطور ...لاني لم اضع شيئا هناك ...مع الشكر الموصول

ان كان زوجك متقاعد جديد فيجب تحمله حاليا ... الذين ينهون فترة خدمتهم .. بغض النظر عن الجهة التي يعملون بها ... يشعرون بنوع من العصبية الطبيعية المصاحبة لعدم ذهابهم للعمل

لا أبرر الضرب نهائيا .... ويجب أبلاغ اشقاءك اذا همو زلم صح بوقفوه عند حده وببخعوه

أما اذا كان طبع زوجك منذ البداية هكذا ...

الله يعينك عليه ... وبرضه .. ابلغي أهلك يوقفوه عند حده ... بس يكون اللي بده يوقفه ( زقرت ) مش سلاخي شغل حكي وأنا بسوي وبعمل وهو عفوا بهالكلمة ( مفسي )

يعني انا بستغرب والله منك والي زيك شو مستنيه يعني بيضربك باليوم مرتين وانت الي بتصرفي ع البيت انا بحكيلك شكللك بتستني لما يشوهلك شي من جسمك يعملك اعاقه ويعدين راح تتركي انا بعرف انو في ضروف مخليتك الي تتحملي بس والله بحكي لمصلحتك اتركي وطلقي لتعيشي بنفسيه احسن انت واولادك واسبابك كتير مقنعه لانو الي عندك مش رجال ولا جوز محسوب عليك يعني بتسالي بكل بساطه شو اعمل

أصبري وإياكي والطلاق لسه يضربك هو ولا أهلك وما تحكي أهلي كويسين بعد الطلاق شي تاني أسألي مجربه
منشان الله لا تطلقي واصبري يخلق الله مالا تعلمون ما بتعرفي شو بيصير

اخلعيه ما بعطيكي مصروف وبعطيك ضرب هو الانسان الا بيفهم بمد ابده على زوجنه مهما كانت الاسباب انسانه اتقي الله فى نفسك وفي ابناءك واخلعيه وجع يخلع نيعه

كل يغني على ليلاه

الظلم ظلمات ما اصعب الظلم وما اكبر نتائجه بالمستقبل

هو يضرب امام طفلته وامام الجيران وفي الشارع هو سيء المعاملة هذه القصة ليس فيها المبالغة ابدا
البيوت اسرار صحيح انما المشاكل تفضح كل شيئ
حسبنا الله ونعم الوكيل

والله انك فشيت غلي هيك الكلام ولا بلاش

اهلنا ربونا على انه اللي برفع ايده وبضرب بنت هاد مو زلمه .
ونبينا قال إنما النساء شقائق الرجال، ما أكرمهن إلا كريم، وما أهانهن إلا لئيم .
اذا بسهر للفجر يمكن صار بشرب واذا بشرب سهل يرتكب اي شي معك .
التقاعد بخلي الواحد عصبي بس ما بخلي يتخلى عن اخلاقه ولا اصالته ولا انسانيتو .
اذ بمد ايده عليكي مره تانيه تفاهمي معه على الطلاق لانه تكوني مطلقه ارحم من انك تكوني امرأه بلا كرامه مقتولة المشاعر والاحساس مدمره نفسيا حتى لاولادك الجو مش صحي وبطلعوا عقد الدنيا فيهم وخلي اهلك يتفاهموا معه يا بنعدل يا ما بلزمك ويطلق سراحك اشرف الك والو وللاولاد .

خدي ولادك وسيبي البيت مهوه وقلتو واحد مدام مابصرف ولا داير باله عليكي وعلى ولادك

أختي الكريمة.....
كوني على قدر المسؤولية.....فأنت الآن غير ما كنت بالأمس.....
أنت الآن زوجة.....وأم...ومربية...فأنت الآن بحاجة إلى أن تثبتي على هذا الثالوث.....
أعطيك لمحات سريعة ربما تساعدك على حل هذه المشكلة:
1.أطفئي لهيب الشيطان في مملكتك ( بيتك )وذلك....
بإطفاء صوت الشيطان ( الغناء ).....وإعلاء كلام الرحمن.....فبيت تقرأ فيه سورة البقرة لا تدخله الشياطين...كما أخبرنا بهذا الصادق المصدوق عليه السلام....
وبترك مشاهدة المسلسلات ونحوها مما يصد عن سبيل الله.....
وبقيامك بحق ربك...من فعل الواجبات وترك المنكرات.....والاستزادة بالنوافل والقربات....
2.إزالة ما يمنع دخول الملائكة الأبرار إلى بيتك....كالتصاوير ونحوها.....فبيت فيه كلب أو صورة لا تدخله الملائكة....كما أخبر بذلك حبيبك عليه السلام.....وبيت لا تدخله الملائكة لا شك أنه سيكون مسرحا للجان والشياطين.....الذين من أعلى منجزات يومهم هو خراب البيوت بالتفريق بين الأزواج.....كما أخبر بذلك الحريص على الأمة عليه السلام......
3.اللجوء إلى الله....بالصلاة....والدعاء....والصدقات....فهو المنجد في الملمات...وهو المغيث في الكربات.....وهو الذي بيده مقاليد الأرض والسماوات.....وإنما أمره إذا قضى أمرا أن يقول له كن فيكون......
4.ادفعي بالتي هي أحسن السيئة....واجعليها في سبيل الله....لعله ينتابه يوما من الأيام شعور البشر فيعامل الناس على أنهم بشر.....لا أنهم!!!!!!!......
5.أنصك بسماع شريط: السحر الحلال لفضيلة الدكتور الشيخ إبراهيم الدويش حفظه الله وكذا له شريط آخ بعنوان: فن التعامل مع الزوج......ولك أن تهدي زوجك شريطا هو لنفس الدكتور بعنوان: فن التعامل مع الزوجات.......
6.الصبر الصبر....فالصبر مفتاح الفرج.......
أسأل الله أن يهدي زوجك إلى الخير والرشاد وأن يهدي جميع المسلمين لمصالح الدنيا والآخرة.....

اولا اود ان ارد على بعض الاخوة بان ضرب الزوجة مباح بان رسولنا الكريم امرنا بالرفق بالقوارير,,,, وضرب الزوجة ليس من الرجولة بشيء انما يدل على شخصية مهزوزة خارج منزله او في مكان عمله فيحاول اثبات رجولته في البيت,,,,

ثانيا الى الاخت صاحبة المشكلة امامك خيارين:
الاول هو الاستعانة باهلك واخبارهم الحقيقة ووضع حد لهذا الوضع واخباره اولا بانكم سوف تلجؤن الى القضاء في حالة تكرار افعاله وتحمل تبعات اعماله,,

اما الثاني فهو امساك بمعروف او تسريح باحسان وهو ابغض الحلال لانه سوف يتمادى كثيرا معك وقد بنتهي الامر بك مثل سفاح ابوعلتدا لا سمح الله,,,اسال الله له الهداية وان يصلح امره ويسدد على الطريق خطاكي,,,,والله من وراء القصد

سؤالي لك عزيزتي هل هذا السلوك حدث فقط عند تقاعده ؟؟ام انه سلوك متكرر زادت حدته عند التقاعد؟؟؟
هناك حلول كثيرة لهذه المشكلة من وجهة نظري.......اذا كان هذا السلوك مستجد فمن الواضح انه يشعر بالفراغ وبعدم القيمة اذ ان قيمة الرجل من وجهة نظرهم هي دائما بماذا يستطيع ان يقدم لعائلته وخصوصا انكم تنتظرون مولودا جديدا هذا سبب العصبية والسلوك السيئ فنصيحتي أهم نقطة في علاج هذه المشكلة أن يعمل زوجك واذا كنت مقتدرة ماليا شاركيه بمشروع ( على أن تضمني حقك القانوني ) ليفرغ طاقاته بعيدا عنك وعن أطفالك
أما الخيانة فمن المرجح جدا أن يكون قد صاحب شلة( كيف )من الهمل العاطلين عن العمل وداير وراهم لذلك يجب أن تتركي شغلك وتضعيه أمام مسؤوليات البيت والأطفال لانه طالما هناك دخل اخر فسيبقى - داير على حل شعره -
أدخلي العقلاء من أهلك وأهله في هذه المشكلة ليصبح هناك ضغط عائلي عليه وخصوصا من يهمه أمرهم
وأخيرا اذا لم ينفع كل ذلك عليك بالاتي......ارفعي قضية نفقة عليه وكوني قوية في الدفاع عن حقوقك وحقوق أبنائك
ولكن اياااااااااااااااااااااااكيي ثم ايااااااااااااااااااااااكي أن تقبلي بحل الخنوع والخضوع والرضى بالأمر الواقع لحتى يعقل راح تكوني انتي انجنيتي
ودمتم سااااااااااااالمين

اخلعييييييييه . هو واللي أحسن منه ؟

اذا طلقت انتا بتنفعها ولا بتتزوجها ما حد بخسر غير هيه للاسف هيك ربنا كتبلها شو تعمل

يا بنت الناس والله شي بقهر الواحد غصب عنه ما دام المحترم جوزها رايح جاي طابلها كتله هاد

بعتبره بنظري حيوان والحيوان هو الا بيضرب مرته انها انسانه انها روح ربنا خلقها ضلع

قاصر بدها حب حنان امان انتباه هاد رائي يا فتاه وانا اشكرك كل الشكربس انا تعبت من الطباعه

سلام

اذهبي لاهلك واحكي لهم شو بيصير واشتكي عليه واطلبي الطلاق

اخي الكريم في القران الكريم وكلام ربنا بيحكي انو المراءة التي في عندها عوج وما بتطيع زوجها الواحد يكلمها بالاحسان ازا ما دت يضربها مو غلط وازا ما ردت في طريق الهجران وازا ما ردت يطلقها
وانا زي ما افهمت انها امراءة عاملة وهو متقاعد وموجود بالبيت
ممكن المراءة لما بتشتغل بتشوف حالها على زوجها انتا شو بدريك وممكن هي بتتمادا على زوجها انا بتوقع ما في انسان عاقل بيضرب مرتو بدون سبب الا ازا بيكون بيتعاطى المشروبات على شان هيك سالتها هل هو بيسهر في اماكن مشبوهة والا لا
لازم الواحد ابل ما يحكي يفهم المشكلة صح مو لانو عرضت هي مشكلتها بيكون كلامها هو الصح احنا ما شفنا الطرف التاني شو بيحكي
واشكرك

تعليف 26 تسلملي شوه فهمان وازيد كمان ما اكرمهن الا كريم وما اهانهن الا لئيم وصدقيني هاد الشخص موه رجال لو انه رجال ما رفع ايده عليكي خاصه انك حامل اولا مركز حماية اسره وشتكي عليه وظل الحيطه احسن من ظله الظالم ابن الليل .

شكراً للغريب على التعليق وكلامك يجب ان تأخذ به صاحبة المشكلة لانه ما في حل غيره والله يهدي زوجها.

وينكو

زوجك متقاعد واني عمرك 30 سنة!!!!!!!!!!!! بقترح انك تخلعيه

ارجو من الاخت من ا لتفاهم مع زوجها لماذا يعمل مها كهذا
لا تدمري بيتك
قومي بالاعمال التي ترضيه
حوالي عرضة على دكتور نفسي

اريد وبكل تواضع ان اعقب على كلام البعض واخص في ذلك 26 ولا يهون السامعين...

الضرب فعلا مباح ... واذا كنت لم تقرأ القرآن ...فهذا ليس ذنبي ...فالضرب مباح من خلال القرآن الكريم ولكن ضمن شروط وحدود وضوابط ...وفي تعليقي السابق ان لم ازد على هذا ولكن انا احاول ان اختصر لكي لا يمل مني من يقرأني ..يعني بالعربي عشان ما اطبعلك جريدة مثل البعض ...
القصة مبالغ فيها يا صديقي كما ارى ...فالزوج يأتي للبيت لكي يضربها ويغادر البيت لكي يضربها وعند النوم وقبل الاكل وبعده (واللله لو عندها سكري ما هو هيك )
في رأيي الشخصي( وليقولوا عني متخلف) الضرب تحتاجه بعض النساء كما نحتاج الاوكسجين

اكيد في شي مش لله بضربك .. لانوا اذا بضربك بدون سبب : مع احترامي لجوزك ببقى معتوه

الى عناد لو بتسمحلي اعلق على اخر جمله في تعليقك عن ضرب الزوجات اذا سمحت

يا عناد لو الزوجه اسوأ امرأه بتصادفك في حياتك واكثرهن رداءة اخلاق ونكد وسوء عشره

الرجل عنده خيارات بالتعامل معاها
- اما بالتفاهم
اما بالتهديد بالطلاق
--اما بالتسريح باحسان كما امر الله

خيار الضرب حتى لو ورد في القرآن فانه ندبه اوجب يعني تركه اوجب .

عناد اذا المرأه ما اجت بالمعامله الطيبه والحسنه والكلمه الطيبه والحنان ومسامحتها لعدة مرات والصفح عنها والتغاضي عن اخطائها وضلتها على سوء خلقها او عشرتها .

بكون الرجل عمل اللي عليه فيتركها تروح بأمان الله لبيت اهلها لانها العشره مستحيله

الضرب ما بربي المرأه الضرب سلاح يستعمل للدواب لاجبارها على فعل معين .

الرجل لما برفع ايده اول مره على المرأه اعرف انه اعلن وفاة رجولته والبقاء لله .

يا ريت صدرك يتسع لتعليقي وسلامتك وبعتذر على الازعاج بشده ويا ريت الاختلاف بالرأي ما يفسد للود اي قضيه .

اولا امسي عليك اخي العزيز وثانيا تعتقد بانك على صواب لفهمك لموضوع الضرب في القران الكريم واود تصحيح هذا المفهوم الخاطىء الذي تعتقد به اذا سمحت لي ,,,فالضرب الذي ذكر في القران من خلال الاية الكريمة
(({وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيّاً كَبِيراً}

واذا رجعت الى تفسير الاية الكريمة لوجدت ان سبب الضرب هو (لنشوز الزوجة)اي معصية زوجها اذا امرها بمعروف وليس لخطا ارتكبته,,,,
وهو مباح وليس واجبا من باب ردع الزوجة عن نشوزها وله شروط:

1 - أن لا يكون هو أول الحل !
2 - يكون ضربا غير مبرّح . فلا يُظهر أثراً على الجسم ولا يكسر عظماً .
3- أن يتجنّب ضرب الوجه .
4- أن لا يكون معه تقبيح وشتم وسب .
5- أن يستصحب عند الضرب حصول مقصوده .

فبعد الذي اوردته باعتقادك ما هو الضرب في القران,,,,بعيد كل البعد عن الذي تعتقده,,,تقبل ردي بكل رحابة صدر,,,والله من وراء القصد

الى الغريب و شب مبسوط مش قادرة اتصور انه لسا في رجال متلكم بمجتمعنا والله فعلا ان خايت بليت الله يعطيكو ربنا ويفتحها عليكو
ويارب اهدي شبابنا

الى عناد انا فهمت انه شخصيتك بتحاول تفرضها على الاخوة من خلال استخدامك للدين علما بانك اصلا مش فاهم الدين ف بترجاك ما تعكس صورة سيئة عن دينا الحنيف لحتى تحاول تسقط عقدك النفسية وتربايتك الي واضح انها ملانة مشاكل بطفولتك ولعلمك كل حرف انتا بتكتبه مسؤؤل عنه يوم الدين لانه صاحبة المشكلة عرضتها علينا من ضيق صدرها بالمها ولا يجوز التجريح يا اخي او الاستهتار

يا عزيزتي كانت هذه المشكلة عند أختي زوجها حشاش وهامل ويضربها
اعملي متل ما عملت

احرديلك شهر زمان عند اهلك وهددوه بالطلاق لما وقع عليكي من ضرر

وهو رح يحس بغلطه ويشتاقلك ولابنه وبالآخر اما ربنا يهديه ويصلح حالكم وبيرجعك


او أبغض الحلال

الله يعينك ويفرجها عليكي

للجميع اجمل تحية واخص 41..42..43..
انّي خائب الامل فعلا ...ولا اريد ان اظهربمظهر الرجل الذي جاء من العصر الحجري ليجلس خلف شاشة الكمبيوتر ...لذى دعوكم من 20% من الكلام الذي قرأتموه وفهمتموه وعودوا الى 80%الذي لم تفهموه .... ولا اريد هنا ان ابدوا كالذي يرجع في كلامه ...فكلامي واضح ...ومن هنا انا لا احاول لفت الانظار الي او ان يحلل احد شخصيتي وطفولتي مع انّ التفاعل مطلوب هنا ولا مانع من ذالك ..
هناك ثلاث كلمات في كلا التعليقين 10 .. 38كفيلة بالرد عليكم وطبعا لا اقصد الاستخفاف او الاساءة ابحثوا عنها رجاءا

اما بالنسبة لتعليق 40فأقول انت مؤدبة جدا وانا لا استحق كل هذا الادب ...ولكن تسريح باحسان هو نوع من انواع الطلاق والطلاق ابغض الحلال ارجوا المراجعة ..مع العلم ان معرفتي بالدين كما تعرف 43باللغة الفلبينية ...!!!

التسريح باحسان يا عناد صحيح طلاق بس الطلاق بكون اخر حل بعد انعدام كافة الطرق اللي انا ما بآمن يكون الضرب احد حلولها صحيح انه ابغض الحلال لكن الله اباحه انت كرجل يا عناد ما بتوقع انك تلجأ للضرب لحل مشكله او ايصال وجهة نظرك للمرأه اللي بتخصك لانه امتهان لكرامتها امتهان لادميتها التسريح باحسان هو اللطف بعينه بدون ضغائن ولا حقد ولا ضرب كل واحد بترك التاني يروح بسلام بدون تجريح بدون كسر عظم ادميتنا هي راس مالنا واللي بترتقي فينا .

شكرا عناد على ردك مش لازم ابدا امرأه تنضرب لانه تصرف همجي بثبت الرجل فيه ذكورته مش رجولته .

بعتذر تاني مره على الازعاج بالمناسبه بصعب علينا مرات انه نعرف انو احنا ما بنعرف عن دينا الى الجزء اليسير مع انه لو سألتنا بأي شي غير الدين بتلاقينا لبلب .
الله يفقهك ويفقهني ويفقهنا كلنا بدينا الله يكون معك ومعنا ولا يجعل كلامنا تقيل على حد .

اعجبني تعليق 44 سهيلة

الله يكون بالعون

رغم اني اجد صعوبة في قراءة اسمك المستعار ولكني اشعر انه يشكل تحدي لي في اللفظ مثل (خشبات الحبس خمش خبشات وخبشة ) ولكن بما انه يعجبك فلا مانع ....وهنا انا لا اسخر منك مع كل الاحترام ...
( الاختلاف في الاراء لا يفسد للود قضية ) كما قلت

ولكن في الواقع اسلوبك في الرد جعلني اذوب كما يذوب الملح في الماء يعني (احرجتيني )

اما بالنسبة للازعاج فبأمكانك ازعاجي في اي وقت فلا داعي للاسف ...فأنا احب الناقد والحاسد الاول يصحح مساري والثاني يزيد من اصراري ...كل الاحترام لك عزيزتي

اذا كانت المراة مش مسلمة شو الحل
ليش ما نفكر بحل علماني
في طبيب نفسي بعلاج الي مثل هيك

الله اكبر شو يعني اذا المرأه مش مسلمه وشو هو الحل العلماني

يعني المرأه لو كانت سكناجيه الاسلام من بين كل الديانات تعامل معها باحترام واعطاها حقها واكرمها ورفع من مكانتها وقيمتها .
برأيك الحل العلماني والطبيب النفسي احسن من كلام ربنا ومن كلام رسوله .
عندي نصيحه الك لو تقعد وتمسك ابره وخيط واطرز كنافا او صنارتين وتشتغل بلوزه للشتا احسن من اللعي تاعك .

اولا اقول لك اني تركت التعليق بهذه الزاويه ولكن اليوم وانا بقراء تعليقك اقول لك بارك الله فيك واشكرك كل الشكر لجميع نصائحك التي استفيد منها شخصيا واطبقها بما يصلح لي فالطلاق بحالة هذه السيده غلط واتمنى منها ان تصبر كما وجهتها انت وفعلا اشكرك لانه بوجودك لا داعيث لوجودي فنحن مهما نضل ونبتعد عن الله نجد اشخاصا مثلك يذكرونا به عز وجل باسلوب رائع كأسلوبك حقيقه اني اشكرك

أين صاحبة المشكلة ؟؟؟؟؟؟؟؟؟؟

بتوكـــــــــــــــــــل (كتلــــــــــة).........

والله يا منسي ضحكتني على هالتعليق...

بعدين يا اخوان مو ملاحظين انه في مبالغة شوي في الموضوع؟؟؟؟ يعني بيجي بصحيها بظربها و بنام
بتيجي من الشغل بقلها تعالي بنتعها بدن و بنام؟؟؟ يعني حتى لو طلع 20% من حكي الاخت صحيح بتظل مظلومة.. لكن طريقة سرد القصة يعني حكيت راسي 3 مرات و انا بقرأ

أجمل وارقى تعليق قرأته في هذه الزاوية وياريت كل الشبان بعقلك وفهمك عن جد انت رائع في كلامك وادعوك تتواصل مع اصحاب المشكلات بآرائك العقلانية والرحمانيه ولن لن ازيد على ما قلته شيئ ابدا (كفيت ووفيت ) تحياتي وجزاك الله خيرا

الله يهديه

الله يكسر ايديه ان شاء الله هاد عاله عل المجتمع كيف بسمح لحاله يمد ايده ع ست . مفكرها رجوله بستقوي ع ست . اتركيه حتى لو عندك الف ولد خديهم و ربيهم هاد انسان مريض كيف متحمله العيشه معه وين اهلك واخوانك يكسروله راسه .

الناس بتضربني وأنا بضرب مرتي

والله نصيحتي انو تروح على بيت ابوكي احسنلك

يجب أن تصبري لان اختيارك خطأ من الاصل بهذا الزواج ، يوجد إنسانه عاقله تتزوج عسكري . أنا متأكد من انه كنتي تخشي العنوسه ووافقتي على هكذا زواج ، الم تسمعي بالمثل المصري (جنازه ولا هالزواجه )

ما دام اللي بصرف على اولادك انتي اهربي لانك مو مستفيدة من زوجك شي او احكي لحد كبير من عيلتك او من عيلته

اذهبي لاخوانك وسيعطونه حل

اتركيه ما عندك غير ولدين. استعجلي بتركه قبل ما يصيب ابنك مرض نفسي .بالناقص من هيك زلمة اصلا مش لازم نحكي عنو زلمة لانو لو انو رجل حقيقي ما بضرب مرته

معلش اقاطعكو انتو ما شألتو الأخت صاحبة المشكلة إنه هاي المشكلة بلشت معها من زمان يعني قبل تقاعد هذا الشخص ولا بعد التقاعد ممكن جواب يا صاحبة المشكلة ؟؟؟؟

يعني شو مصبرك علمر شو بدك بهيك ولد جاي يتشاطر عليكي شوفي حياتك ولا تخافي من شي بكفيكي اهانة

اخلعي و توكلي

نعم يا ابو جهاد بيضربها من الباب للطاقة في رجال هيك مرضاء نفسيا و منهم عندهم انفصام بالشخصية وشخصيا تزوجت شاب ما كان بينا سابق معرفة وطول شهر العسل و هو يضرب في كان يوقظني بنص الليل فقط علشان يختلق سبب ليضربني ولم اكن اشكوا لاحد بالرغم من اننا عشنا مع اهلي لاننا في غربة على اساس ندور على سكن لم اشكو لاعتقادي بان الناس واهلي يعتبرون البنت التي تشكو من زوجها بنت مش كويسة مش متربية واهلي سيعملون على اعادتي له مجبرة والاهم من ذلك اعتقدت اني قادرة على تغييره وحل مشاكلي بنفسي كان يستغل عدم وجود احد في البيت ليضربني , كسر انفي و وركي .. رماني في بركة للسباحة وهو يعلم اني لا اجيد السباحة والحمدلله شقيقي شافه وهو بيرميني في البركة وانقذني وعندما صرخ اخي به وقال له اني لا اجيد السباحة رمى نفسه بالماء امسك برجلي وشدني على الاسفل وشعرت بيدي اخي تحت ابطي يرفعني الى الاعلى و مرة دفعني امام القطار وكان يضع في صحن طعامي ملح زائد ومرة كنا نتناول الغداء سويا وبدون سابق تصور صب مشروب بابسي حتى لا اكل وعندما يرى ساندويش بيدي كان ياخده من يدي و يرميه وزني كان 100 باوند فقط كل هذا حدث خلال شهرين زواج كانت الناس تاتي لتقديم التهاني لنا وجسمي معلم من الضرب ازرق ولم اعد احتمل واخبرت اخي فطرده من البيت و من ثم الحكومة طردته من البلد وعلمت من جيرانه في لبنان انه مريض نفسي بعد وفاة شقيقه المطرب اصيب بصدمة قوية . ف لا تلوم البنت والله لا يجرب اخواتك او امك وعيش كثير بتسمع كثير . وشكلك يا ابو جهاد بتعامل زوجتك واخواتك بالضرب .