زوجة أخي تعترض على زواجي .. والسبب!!
جراسا - انا بنت عمري ٢٣ سنه وتقدم لي واحد متل ما انا بدي وبحلم - الحمدلله - بس ماطولت فرحتي لانه اهلي لهلأ ما ردوا له خبر .. لانه اخوي ومرته مابدهم اياه!!
راح تحكوا شو دخل مرة اخوي ؟؟
بعد تحقيق اسبوع كامل عرفت السبب اللي اخوي ومرته رافضين لاجله
مرة اخوي وهي مراهقه كانت تحب نفس الشخص اللي تقدم لي وحبوا بعض سنه ..بعدين هو تركها وحبت بعدها اخوي .. واخوي صدق معها وتزوجها
وهي حكت له عن علاقتها القديمه مع هاد الشاب وإنه كان حب هبل ومراهقه وما تعدى التلفون والنظرات من بعيد لبعيد... والله هداها وما شاء الله عليها هلأ ومبسوطه هي واخوي وعندهم ولد
.... بس المشكله انه العريس ماشاءالله عليه وبابا سأل عنه والكل بيحلف بحياته.. بس اخوي حكى لبابا لا وبابا مصرّ يعرف سبب الرفض.. واخوي حكى له خلص في شغله بعرفها عنه وما بدي احكيها..
طبعا بابا راح تفكيره لبعيد انه الشاب مش منيح أوعامل شي غلط !!
وحاسة اخوي ومرته عندهم استعداد يتبلوا عليه ويحكوا انه بيسكر او بيحشش أو تاع بنات أو اي شي عشان ما يصير من نصيبي!!
كل هادا خايف على مرته انه إذا تزوجته فمرة أخوي كل ما اجتمعنا رح تتزكر الماضي او هيك شي؟؟؟
والله اني محتاره وبنفس الوقت الشاب دخل قلبي وعقلي كتير.. ومش قادره ارفض ولا اوافق لانه طول عمري بتمنى انه اللي حيكون زوجي يكون صحبه مع اخوي واهلي
شو اعمل ؟؟ واستخرت ٨ مرات ما بصير شي ولا اي اشارة او هيك!
انا بنت عمري ٢٣ سنه وتقدم لي واحد متل ما انا بدي وبحلم - الحمدلله - بس ماطولت فرحتي لانه اهلي لهلأ ما ردوا له خبر .. لانه اخوي ومرته مابدهم اياه!!
راح تحكوا شو دخل مرة اخوي ؟؟
بعد تحقيق اسبوع كامل عرفت السبب اللي اخوي ومرته رافضين لاجله
مرة اخوي وهي مراهقه كانت تحب نفس الشخص اللي تقدم لي وحبوا بعض سنه ..بعدين هو تركها وحبت بعدها اخوي .. واخوي صدق معها وتزوجها
وهي حكت له عن علاقتها القديمه مع هاد الشاب وإنه كان حب هبل ومراهقه وما تعدى التلفون والنظرات من بعيد لبعيد... والله هداها وما شاء الله عليها هلأ ومبسوطه هي واخوي وعندهم ولد
.... بس المشكله انه العريس ماشاءالله عليه وبابا سأل عنه والكل بيحلف بحياته.. بس اخوي حكى لبابا لا وبابا مصرّ يعرف سبب الرفض.. واخوي حكى له خلص في شغله بعرفها عنه وما بدي احكيها..
طبعا بابا راح تفكيره لبعيد انه الشاب مش منيح أوعامل شي غلط !!
وحاسة اخوي ومرته عندهم استعداد يتبلوا عليه ويحكوا انه بيسكر او بيحشش أو تاع بنات أو اي شي عشان ما يصير من نصيبي!!
كل هادا خايف على مرته انه إذا تزوجته فمرة أخوي كل ما اجتمعنا رح تتزكر الماضي او هيك شي؟؟؟
والله اني محتاره وبنفس الوقت الشاب دخل قلبي وعقلي كتير.. ومش قادره ارفض ولا اوافق لانه طول عمري بتمنى انه اللي حيكون زوجي يكون صحبه مع اخوي واهلي
شو اعمل ؟؟ واستخرت ٨ مرات ما بصير شي ولا اي اشارة او هيك!
تعليقات القراء
عمرك ما رح ترتاحي كل ما يطلع على مرت اخوكي يلي كانت حبيبته رايح تضلك تفكري انه بيناتهم علاقة وراسك رايح ضله يوجعك وعقلك رايح يروح لبعبد
بالنسبة ل الشب متى لحق يدخل عقلك وقلبك !! بعدين شو مواصفاته لحلم حياتك ،،، يا خوفي ميطلع شبه حسن وانتي نازلة حلم حياتي ودخل عقلي !!
بدك رأيي ،،، ارفضيه سدا ل الذرائع ،،، مهو بالعقل بدك تتجوزيه وتحطيهم الجوز قبال بعض بجمعات العيلة وتتوقعي من إبليس يقعد يشرب قهوة ويظل ساكت !! بكرة بحلو بعيون بعض وبترجع مية المجاري ل المجاري وبتخربي بيتك وبيت أخوكي وبتقعدي ع راس التلة .
ثانيا اذا كان العريس بعرف انه حبيبتو الاولى بتكون مرت اخوك فهذا دليل على انه بدو يتقرب الها عن طريقك والحب مستمر على ما اظن وان شاء الله يكون لا
ثالثا بدك نصيحتي انسي العريس كله لانه من اولها مشاكل ورح يتقابلو وانت ما رح ترتاحي ابدا لما تقعدو مع مرت اخوك واخوك وطبعا ما رح تقدري تقطعيهم وان شاء الله ربنا بعوضك احسن منه .
الناس مغطية بقشة ويعني هو ما لقي من النجوم الا سهيل وعارف حبيبته متزوجة اخوك
كوني عاقلة وسكري على الموضوع وان شاء الله ربنا يرزقك بابن الحلال الافضل والاحسن
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
لا بعمرك رايحه ترتاحي اذا اجتمعتوا مع بعض
ولا بعمرك رايحه تثقي فيهم التنين اذا كانوا في نفس الجلسه ولا بحفله ولا بزياره ولا عن طريق التلفون
يعني ممكن اخد حب وحده ما بعرفها وراحت في سبيلها
بس مرت اخوي وجوزي كانوا يحبوا بعض
فهاي مش مقبوله وزي اللي بحط الزيت جنب النار
منيح وكويس وبنحلف بحياته طيب
وين بتنباع هاي كله ولا الواحد يعيش وهو خايف وبحسب ويمكن ويسير حتى لو ما في اشي خياله يعمل اللي مابينعمل ويحكي اللي مابينحكى
خليه يولي ويروح في سبيله قال كان يحب مرة اخوها قال