رؤيا ابو سليم


بعد أن سمِع ابو سليم انباء عن توجه الحكومة لرفع رسوم تسجيل وترخيص المركبات ، خبر آخر عن تضارب الأراء حول توقع مراكز متقدمة للأرصاد الجوية في الغرب عن شتاء بارد وقارص مع ثلوج هذا العام ............................... إرتفاع في اسعار الأضاحي .

ابو سليم : حبة اسبرين عيار (100 ) بسرعه يا مره قبل الغداء .

ام سليم : من داخل المطبخ ومن بين الطناجر وبصوت عالي ليُسمِع ابو سليم دقيقتين بس وبجيبلك الغداء مع دواء الجلطة شر وبعيد عنّك انشالله ، اخبار عادية ابو سليم ولا يكون الك فكر ...............وهاي الغداء ( خبز وشاي ) وتفضل الأسبرين .

ابو سليم : ماشي بسم الله خبز وشاي يالله ........ الثلاجة فاضيه هاه

ام سليم : نسيت انك حلفت بالطلاق ما تشتغل بعد ما رفعوا الكهرباء .

ابوسليم : اه اه والله اذكّرت ، الحمد لله على هل غداء ، وبعد ان تناول طعام الغداء واضطجع ابو سليم للخلف متوسداً فرشة الأسفنج المتواضعة وعمرها (30 ) سنة يا سلام يا ام سليم على كاسة شاي بعد الغداء.

ام سليم : لا تنام هيني راجعيتلك.

وسبتَ ابو سليم بنوم عميق عندما ذهبت ام سليم لعمل الشاي ااااااااااخخخخخخخخخخخخ اخ اخ هف هف هف اخ ش اخش اخش ................بعد الغداء .

• يابه حبيبي وينك مشتاقلك والله .

• وانا والله مشتاقلكوا وبلفّ عليك وعلى اخوانك واحد واحد ، ليش يا اولادي زعلانين ومتضايقين من الحياة ايش فيه خبروني .

• ايش احكيلك لحكيلك يا حجي ، بعد ما مُتت الله يرحمك اتغير كل شي وراك رفعوا سعر اسطوانة الغاز ورفعوا الكهرباء والكاز والسولار والبنزين كمان صار اوكتان 90 و95 والخضار واللحمة والدجاج والملابس........وبطاقات الأتصال انته هاي ما لحقتها ............كل شي ارتفع يابه ، وحميرك بعناهن (الجحشين) .

• ليش يابه ول .

• يابه انته مش عارف الحكومة ممكن تعمل توجه لترخيص الحمير، يعني في ضرائب جديدة وانا مش ناقص والشعير مش بعيد يعملوه شريحة شعير 90 و95 مثل البنزين ، والتبن مثل السولار والكاز ، وكل واحد عنده حمار بالقريه باعهُ ، يابه الحكومه ما الها امان .

• الله يعينكوا يا ولادي والله بعد الأخبار الي بسمعها اني ببكي عليكوا .

• لا يابه لا تبكي امانه ، وكيف بتسمع اخبار .

• من الجيران الي بجنبنا مرات الصوت بوصّل للتلفزيون وبنسمع ، ومين هاذ النثور .

• النسور النسور يابه ، رئيس الوزراء

• اه ، والله يابه احنا متأثرين كمان مثلكوا ، وكل قرايبنا الى ماتوا معي خايفين مثلي على اولادهم ، ابو محمد ، ابو علي ، ابو العبد ، ابو فلاح ، ابو عقلة ، وابو ركاد.

• الله يرحمكوا يابه ،امانه اتسلم عليهم كلهم ، وسلام خاص لأمي ودير بالك عليها يابه .

• انشالله .

• انا متأكد انه وضعكوا يابه احسن من وضعنا بكثير لا فواتير ولا رفع ولا ذبح ولا طخ ، احنا يابه ذبّحنا بعض من الربيع العربي الي بضحكوا علينا الأجانب فيه على شان يبيعوا صواريخهم النا يابه ويجرّبوا قنابلهم فينا .

• اه يا ولد الله يعينكوا ، وشوه بتشتغل يا ولدي .

• اااااهاااه اه هاه هاه هاه اهها اههااههاههاهه هاه.

• ليش بتبكي يا ولد لا اتعيطش هات امسح دموعك هات هات الرزق على الله يا حبيبي .

• اي الحكومة خلّت فيها شغل ، ما سكّرتها ورفعتها من جميع الأتجاهات يابه ،ما خلّوا ضريبة غير وضعوا عليها ضريبة وضريبة الضريبة والضريبة على الضريبة والضريبة الأضافية والضريبة المضافة ، أُحضّني وظُمني على صدرك من بعد ما مُتت انته وامي ما ضل قلب حنون يابه خليني ابكي مشان الله ، ايش بدك اشتغل بعد هالعمر هيني ماخذ اكثر من خمسين حاوية زبالة انا والأولاد من شبشب ، بسطار ، كندره خربانة ، بنطلون مهتري ، قلن بلاستيك على شان الصوبه بالشتويه يابه والكاز انته عارف انه ما بنقدرنشتريه .

ام سليم : ابو سليم ، ابو سليم اصحا اصحا يا زلمه قرّب المغرب اصحا صلي العصرصلي على النبي هايه قوم ، شوه ماله حاضن لحرام هيك مش عادته يه ودموعه سايله .

ابو سليم : يابه يابه خليك عندنا خليك يابه مشان الله لا تروح .

ام سليم : هيه زلمه هيه عمي الله يرحمه من عشرين سنه توفى .

ابو سليم : اخ منكِ ليش صحيتيني ابوي ابوي زارني وانا نايم شفته بالرؤيا والله حكيت معه وشكيتله همومنا كلها ، بكى علينا يا مره اسكتي.

ام سليم : يه بكى علينا يعني ومال حالنا .

ابوسليم : مال حالنا عاجبك يعني حالنا ، الشاي هات الشاي ، آخر كلمة حكاها الله يرحمه قبل ما تصحّيني قرّبت قرّبت وقال روّحت روّحت ، ايش قصده يعني القيامة قربت ، ولا الحكومة روّحت الله اعلم .



تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات