لما يكون عندك النص الاول يابعدي ؟

يا ما رسموا على باب الدكان

شو انت بتكون يطلع نصيبك بالزواج .

يعني انت خايف بس تكون عندها علاقات طيب ممكن تكون نكدية تعيفك عيشتك وممكن تكون مسرفة ما تخلي معك قرش ممكن تكون دلوعة بتقضيها نواشف,,, التوفيق من الله اذا انت ما الك علاقات بتلاقي متلك انشالله المهم بدك نصيحة ممكن من جهة أخواتك البنات ينصحوك فالبنات بيعرفو قصص بعض ,,وأنا عن نفسي بقول فتش عن العائلة قبل الفتاة فهو المكان الذي ترعرت فيه ونشأت وتربت وتعلمت,,, وفقك الله

اخي طالب النصح كان من المفروظ انك توضح النا شو يا اللي راسمه في مخيلتك ؟؟؟؟ لانك عم تتشرط في البنت شروط تعجيزيه....!!!
طيب ليه ما تشوف لك طفله عمرها سنه مثلا وتحطها في غرفه مغلقه ..حتى الاكسجين بالاسطوانه...وبس تكبر وتنضج بتتجوزها....بس برظه ما بنصحك ..ممكن تكون شافت او حبت او التقت بشباب بدون علمك....ولحتى تكون مرتاح الضمير ومطمئن البال..فارجو ان تسال نفسك سؤال:: هل اشعر بميل عاطفي نحو الجنس الاخر ؟؟؟ي وهل تكلمت مع فتاة في يوم من الايام ؟؟؟؟ وهل انا انسان طبيعي ؟؟؟؟
والآن اخي الكريم اليك العلاج الصحيح الشافي......
انا وانت وهي وهو وهم وهن ..والمجتمع كله ..والحياة كلها هكذا...نملك عيون لنرى فيها الجمال ونملك قلوب لنحب فيها..ونملك عقول لنفكر فيها...ونمر بمراحل منها الطفوله والمراهقه والنضوج والشيخوخه...ولكل مرحله تجارب ومواصفات...فمثلما كنت تهوى وتنظر وتحب وتكره...فهن كذلك...فلا تحلل على نفسك ما تحرمه على غيرك....
واخيرا اتمنى ان يكون طلبك وشرطك في زوجة المستقبل...ان تكون مؤمنه..طيبه ..حنونه..والسلام

بالتوفيق بعملية البحث بس شكله عدم ثفتك في البنات ناتج عن تجاربك الشخصية الكثيرة

بس الاكيد البنات المستورات والعائلات المحترمة كثار فانا بنصحك تطلع من المحيط يلي انت عايش فيه وتروح لبيئة نظفيفة

على العموم الخوف من الجيزة اشي طبيعي وبنطبق على الرجل وعلى الفتاة هلا البنت بتخاف انه الرجال ما يطلع ابن ناس وعالم ويعاملها معاملة ما بتليق فبها او يطلع لعوب ونفس الشي بنطبق على الرجال بس بدرجة اقل

باختصار خوفك من الزواج مشروع اما تحكي انك خايف ما تلقي نصيبك فهذا مبالغ فيه كثير ومثل ما حكيتلك اطلع من الجو يلي انت هلا عايش فيه ولا تحكم على كل البنات من خلال تجربتك الشخصية بكرة بتجوز وبيجيك بنت او اكثر على خير وما رح تقبل نهائيا من اي شخص يحكم على البنات نتيجة لتجربة مرق فيها

اما انه ما يركب عقلك على عقلها فهذ شي طبيعي مشان هيك في اشي اسمه التفاهم والحوار والنقاش والتضحية والتنازل

بالتوفيق بعملية البحث بس شكله عدم ثفتك في البنات ناتج عن تجاربك الشخصية الكثيرة

بس الاكيد البنات المستورات والعائلات المحترمة كثار فانا بنصحك تطلع من المحيط يلي انت عايش فيه وتروح لبيئة نظفيفة

على العموم الخوف من الجيزة اشي طبيعي وبنطبق على الرجل وعلى الفتاة هلا البنت بتخاف انه الرجال ما يطلع ابن ناس وعالم ويعاملها معاملة ما بتليق فبها او يطلع لعوب ونفس الشي بنطبق على الرجال بس بدرجة اقل

باختصار خوفك من الزواج مشروع اما تحكي انك خايف ما تلقي نصيبك فهذا مبالغ فيه كثير ومثل ما حكيتلك اطلع من الجو يلي انت هلا عايش فيه ولا تحكم على كل البنات من خلال تجربتك الشخصية بكرة بتجوز وبيجيك بنت او اكثر على خير وما رح تقبل نهائيا من اي شخص يحكم على البنات نتيجة لتجربة مرق فيها

اما انه ما يركب عقلك على عقلها فهذ شي طبيعي مشان هيك في اشي اسمه التفاهم والحوار والنقاش والتضحية والتنازل

شغلك كله بنات اكيد من كتر مابتشوف . بطلت تميز

شباب الايام هاي بده بنت كاملة من كله و نسيوا انه الكمال لله يعني بدي جاوب قاموس عربي عن مواصفاتك اكيدك بده اياها مش حلوة لا ملكة جمال احسن و بده اياها بنت عيلة و ناس و بده اياها جامعية متعلمة و موظفة و لو في مجال تقدر اتجيب بس ولاد و لو ممكن يكونوا خوانها يا ضابط يا مهندس يا دكتور مهو ثلثين الولد لخاله و كمان يكون عندها سيارة و اما لون العيون مش مهم عادي زرق او خضر ....
شايفين هاي طلبات شبابنا بسيطة كتيييييير والله هههههههههه

اذا بدك بنت ما الها ما عندها علاقات..خذ من بنات القرى
مع احترامي للجميييع طبعا

صباح الخير نفرا نفرا انا باعتقادي الي بكون نظرته مو منيحة بفكر كل الناس مثلة ليش يا صاحب المشكلة حاول ارجع لماضيك ممكن انت بذاتك ما خليت ولا بقيت لهيك حكمت على كل البنات بنفس الشي علما ربنا حكى بكتابه الطيبون للطيبات اعقل ثم نوكل وربنا يعطيك على قدر نيتك تحياتنا

خلي ثقتك بالله

السلام عليكم موضوعك جدا رائع ومن الممكن ان تجد هذه الفتاة التي تبحث عنها وهم فتيات موجدين بالفعل وانا اتكلم عن نفسي اولا لاني والحمد لله مع انوا عمري 25 سنة بس الحمد لله ما عمري اتعرفت او حيكت مع شباب وهاد الشي برجع لتربيه الاهل ومراقبة الفتاة نفسها لنفسها وخوفها من الاه والله يوفقك يارب

اعقل وتوكل

هي البطيخة مفيش غيرها !!!
يا بتطلع
حمرا وبتتهنى وبتتمتع فيها
يا بتطلع
بيضا زي الليمونة بتقدرش تهضمها..

وانتا وحظك يا ابو الحظووووظ

مرض الشك....................عندك

وخايف ماالاقي نصيبي .
****************

انا اول مرة بسمع انه النصيب بتلاقيه انت او بتدور عليه !


عالعموم يا صديقي اذا انت علاقتك بربك منيحة ادعى ربك ييسرلك الخير ويريح بالك.

انا حابب انصحك بنصيحة مختلفة يا باشا وبتمنى تتقبلها

شيل من راسك فكرة الي بشوفه وبسمعه هاي الفكرة لا تخليها تعشعش براسك لانها مش هينة وتوابعها خطيرة

كلنا بنشوف وبنسمع ووو بس غلط كبير تربط هاد الشي بفكرة ارتباطك لانك رح تظلم حالك وتظلم بني ادمه معك بهيك افكار من قبل ما تخطوا اي خطوة

في ابيض واسود ورمادي وانت ونصيبك وان شاء الله ربنا كاتبلك الخير

بالنسبة لبنت ما عندها علاقات صدقني الي بطلب هيك طلب ممكن يكون اله هو علاقات سابقه بس الكل بس يتزوج بده طلبك كل الشباب هيك بس بننسى انه الي احنا وغيرنا عرفناهم مش رح يكونوا تساتر TESTER بالعكس همه موجودين وكل واحد ونصيبه
في حالة كنت ما الك علاقات حقك تطلب وتتشرط والله ينولك الي ببالك

في حالة كان الك التوبة النصوحة حلوة والله بقبلها وربنا يبعتلك نصيب زي ما بدك وزيادة

كلنا بنغلط وغلط عن غلط اكيد بفرق وربنا يتوب علينا

مختصر الفكرة الي بدي اوصلك اياها لا تخلي الافكار السودة تسيطر عليك لانها اذا سيطرت عليك واخذت اشرف واعفف وحدة رح تصير تشك فيها وبحالك وطبعا رح تدمر كل شي وبعد الدمار فش اشي برجع باساس قوي ومتين زي الي ببني اساساته وبمتنها خطوة خطوة والثقه هي حجر الاساس

من ناحية بنات القرى والمدن والمريخ هاد الحكي مرفوض تماما من وجهه نظري في بالقرى بلاوي وفي بالقرى اشي بتمناه اي شخص بالدنيا

وفي بالمدن اشي بتتمناه وزي الي حابه وفي كمان اشي انت اصلا لسا مش شايفه وكل الي شفته ما بسوى اشي ولا بتتوقعه

المهم اخيرا حاب احكيلك

البنت الي ما الها ماضي وعمرها ما حكت مع شب وصانت حالها من اقل وابسط حقوقها شب عمره ما عرف ولا لمس بنت

ولانه طبعنا كبشر طماعين بدنا الحلو والمتعلم واللبق والوسيم والخلوق والمتدين والمرتاح مادي والحنون ووووو وعدد ولا حرج
والكمال لله :)

سلام الله عليك اخي ..
بداية اتمنى من الله عز و جل ان ييسر لك بنت الحلال ..
اولا :
الزواج هي خطوة جديدة في الحياة بل هي مرحلة .. وفيها من المسؤولية ما فيها .. فطبيعي ان تشعر بالقلق لذلك..
ثانيا:
الحياة الزواجية .. عالم بحد ذاته البعض يعتقد من الرجال او النساء على حد سواء ..ان الحياة الزوجية كلها عاطفة وحب و رومانسية .. البعض يبني امالا و يحلم احلاما .. فالبعض يضع شروطا و مواصفات عادية والبعض يسرح بخياله كثيرا ..
بعض النساء تريده... خلوقا و مؤدبا ووسيما و طبيبا او مهندسا و غنيا..وعنده سيارة و شقة ..و..,
وبعض الرجال يريدها ..ابنة عز وادب و جميلة و شقراء حينا و سمراء حينا اخر ..
نادرا ما تجتمع الصفات كاملة .. لكن اهم شيء الخلق و الدين
ثالثا:
تريد فتاة لم تصاحب يوما سهل جدا تسأل عنها و صدقني الشباب يعرفون الفتاه المؤدبة من غيرها..واذا كنت تخاف ان يأتيك الشك يوما لانك كما اسلفت مجال عملك فيه موظفات فاختار واحدة ليست موظفة او مجال عملها ليس فيه اختلاط حتى تزيل الشك..
واخيرا..
أسأل الله تعالى ان يسهل امرك وييسر لك بنت الحلال .. وابحث ستجد ولا تبني امالك على تجارب زواج فاشلة مثلا قد تكون سمعت بها ..في النهاية اضرب لك مثلا..
ربما تذهب للسوق فتشتري شيئا و يشتري صديقك ذات الشيء فانت تخرج معجبا بالبضاعة و صاحب المحل و الخدمة وهو لا يعجبه لا البضاعة ولا صاحب المحل فصدقني الناس تختلف و الشخصيات كذلك .. تمنياتي لك بالتوفيق اخي الفاضل

من شو خايف يمه . بدك بنت وكاله اطلع على المريخ

الاخ و الصديق العزيز محمد ليش ما بنشوفك عسى المانع خير ..
تحياتي صديقي

السلام عليكم ورحمة الله وبركاته

اخي صاحب المشكلةالطيبون للطيبات والطيبات للطيبين، لذا يجب عليك أن تُحسن الظن ببنات الناس, فكلٌ يرى الناس بعين حاله او طبعه ، ففي الناس عفيفات وما أكثرهنَّ، والإنسان ينبغي ألا ينظر إلى جانب واحد،وانا على يقين وثقة أن نسبة العفاف ونسبة الطهر عالية جدا في مجتمعنا الأردني المجتمع الذي تميز بأنه اسلامي محافظ ...

والأمر ليس كما يتصوره الإنسان، ودائمًا الإنسان ينبغي أن ينظر للمجتمع بعينين، فالذي يدخل النت والفيسبوك وغيرها، لن يرى ما يسره، لكن الذي يذهب إلى المراكز والمساجد وأماكن الطاعة سيجد ما يسره وما يعينه ويجعله يتزن في نظرته للمجتمع.
واعلم جيداً إذا كان هناك فاسدات فهناك صالحات، إذا كان هناك مقصرات فهناك محجبات محتشمات مؤدبات، ولا تحزن، ولا تيأس من كثرة الطلب، فإن المرأة التي قدرها الله لك لم تكن في طريقك إلى الآن
ولا يخفى على أمثالك أن البحث عن الزوجة الصالحة يبدأ باللجوء إلى الله ثم بالاهتمام بالشروط والضوابط التي جاء به الشرع الحنيف من دين وأخلاق في الفتاة، واستقرار في أسرتها ونقاء في تاريخها مع ضرورة أن يدرك الإنسان أنه لن يجد امرأة بلا عيوب كما أنكم معشر الرجال فيكم عيوب، ولكن المطلوب هو أن نسدد ونقارب فلا تضع الشروط التعجيزية كالذي قال أريدها كذا وكذا، فقالوا له: أبشر فقد وجدناها فلما قال: أين هي قالوا له: في الجنة (الحور العين).

فالمرأة الصالحة هي من يكون معيار اختيارها على الدين، فإذا كانت دينة، ومن بيت صالح فلا حرج بعد الدين أن تكون غنية، أو حسيبة، أو جميلة، المهم أن يكون الدين هو الأصل

وأرجو أن يعلم الشباب أن التردد في هذا الأمر لا يفيد، فشاور أهلك والصالحين وعليك بالاستخارة التي كان النبي صلى الله عليه وسلم يعلمها لأصحابه


ولا يخفى على أمثالك أنه لا خير في تأخير الزواج لأننا في زمان الفتن ومن تزوج فقد استكمل نصف الدين، والعزوبية شر،
فاتق الله في نفسك وعجل بطلب الحلال

أسأل الله أن يسهل أمرك، وأن يلهمك السداد والرشاد، وأن يعينك على الخير، هو ولي ذلك والقادر عليه.

المشكلة واحد من كتر تخبيصه بالحياه بصير يشك بحاله

قوم من قدامي قوم

الموضوع بسيط ،،،، البنات المحترمات موجودات في كل مكان بس انت اختار صح ،،،، وبعد ما تحط وحدة معينة ببالك راقبها لمدة سنة او اكثر ،،، وعندك جاسوس ال CIA الأول Facebook منه بتقدر تعرف كل شي عنها وفهمك كفاية وبالنسبة الي الي الها حساب ع الفيسبوك من اساسه بتنزل ضمن ال Black list ،،،، ولا ترد ع الي بحكيلك خذها بنت 16 وما راحت جامعة ،،،، أي في بنات لو تحطها بين مية زلمة بتلاقيها ازلم منهم ولا ابن زلمة بسترجي يهوب ناحيتها . 

الحل الوحيد
اظفر بذات الدين
راح ترتاح طول عمرك

عزيزي صاحب المشكله
عندك مشكله كبيره وهيه الشك بالاناث وهيه فقدانك ثقتك بجميع الاناث وهذه الافكار السوداويه التي غرستها فينا المسلسلات والافلام الغربيه ليس لديك وسيله للتخلص منها الا انك تجاهد نفسك بتغير هذه النظره لانه هالشي رح يأثر سلبا على حياتك وانا بعتقد انه لازم تلاقي حل قبل ما ترتبط بفتاه تجعل حياتها سوداء
يعني حل مشكلتك بين ايديك

الحـــــــــل سهل جدآ جدآ

خذ وحدة بشعة بشعة بشعة يعني لدرجة وقت تشوفها تقول (قل اعوذ برب الفلق من شر ما خلق ) و هيك بتضمن ما في حدا مسك ايدها و لا قرب عليها هههههه

خلي غوغل يبحثلك وبيحددالك وين ساكنه كمان

صاحب المشكلة
============
كمان تدين تدان
تاكد اذا انت نقي وماعندك علاقات رح تحصل على انسانة مثل مابدك
اما اذا كان الك علاقات في احتمال تاخذ وحدة كان الها علاقات

المهم بعد الزواج

الاسلام يجب ماقبله

المثل بحكي الي على راسه بطحة بحسس عليها

ليش خايف
كل شاب بكون عامل مليون علاقة وبتسلى ببنات الناس وبجي يدور على ملاك ليتزوج
ا
ربنا عادل

زي مابتزرع بتحصد

سلامة
===

انا بسمع دروس دين كتير وعقاب من لا يصون اعراض المسلمين رح يرتد على عرضه والعقاب بالدنيا

الشاب الي بحكي مع بنت وبتسلى
اكيد زوجة المستقبل اله نفس الشي عم تحكي وتتسلى مع شاب لهيك هو يقرر من سياخذ
ينظر لنفسه وبكفي العقاب الي ربنا رح يسلطه على شاب بتسلى ببنات الناس وهو الشك

الطيبات للطيبين والطيبون للطيبات شوف حالك انتة وين

اقرأوا بس قصة ليلى الاخيليه .. يا ريت اخلاق الناس ونظرتهم للحب النظيف والعذري تكون زي زمان

الا احنا بزمن اذا الوحده حبت شب صارت بنت عاطله وشويه صارت زانيه

وكل الناس بتتحول الى ملائكه بحياتهم لا حبوا ولا انحبوا ولا فكروا بالحب ولا حتى اطلعوا على شب او بنت ولا اجت فكرة الحب في بالهم .

الحب مش حرام وخصوصا لما يكون عفيف شريف

ولا لشو قال سيدنا محمد صلى الله عليه وسلم ما رأيت للمتحابين مثل النكاح"

يعني بحب الانسان بعفه وشغله طبيعيه وانسانيه

الاشي المفروض علاقات الشهوه تحت اسم الحب اللي بتخللها ممارسات ما بترضي الله وبعيده عن الاخلاق

غير هيك يعني ما في انسان حجر ولا قلبه من صوان ولا هو خشبه ما عنده احساس .

الحب عاطفه انسانيه ساميه وراقيه اصلا من قلة الحب بعفته وصدقه ونضافته

الناس استوحشت وصارت اجراميه ولا بحللوا ولا بحرموا

الحب تهذيب للنفس ومن ركائز البيت السعيد والاسره السعيده والتعامل الطيب .

لاتاخذ من بنات هالبلد نكدات ودمهم ثقيل الا البعض منهم يعني 20% من بنات هالبلد دمهم خفيف والباقي انسى خذ من برة وخذها ملتزمة

الزواج مثل المقلوبه في بالبطاطا او الباذنجان او الزهره او او

انت وحظك، يا بتصيب يا بتخيب

ازا هيك تفكيرك الاحسن الك لا تتجوز ليه انت ما الك علقات