الموضووع صعب بدون معلماات حوللك لتكون قوة ضاغطه على الاداره علما انه ترك الوضيفه تعني الانكساار والهروب من المشكله اكييد وبطبع ستتفاقم اكثر

المعلمين والمعلمات بيقدرو يحلو المشاكل هي من خلال ترخيب طالب بشتى طررق من خلال سؤؤال كل طالب لماذا لم يحل واجبه ؟ ولمااذا لم يحضر الادواات ؟

بتووفيق ياارب لكل معلم حريص على تئديه واجبه

الحل ان نحبب الطلبه بالمواد عن طريق تدخل الوزاره بتوفير مواد كلعب او كمبيوترات او اشياء تدخل المعلومه بشكل لطيف لمخ الطالب . ذلك لان المواد لدينا هيه مواد علميه لحته ولما تدرسوها باعطوها بشكل جاد وليس بشكل محبب وهذا الجيل تعود على القصص والاب توب والاي باد والتلفزيون ماحيحب ياخد ماده ناشفه

أختي ماتتركي التدريس عشان هاد السبب ..انتظري تصنيفك من الوزارة ... الله يكون بعونك

التعليم هو الاساس في تطور الامم ونهضة الشعوب وتقدمها .. فعندما نرى طالب جامعي لا يحفظ سورة الاخلاص , وعندما نرى خريج جامعي لا يعرف تاريخ استقلال وطنه والوان علمه , ووعندما نرى طالب انهى دراسته الثانويه لا يحفظ جدول الضرب ولا يستطيع كتابة اسمه بالانجليزي , وعندما نرى الطالب الجامعي المبدع المتفوق لا يجد له فرصة عمل وياخذها منه طالب اخر تقديره مقبول بالواسطه والمحسوبيه .. كل هذا يا سيدتي يعتبر كارثه في مخرجات التعليم الثانوي والجامعي وهو موجود واكثر , فلا تهني ولا تحزني واستمري فالمشكله في السيستم وليس في الطالب !. اعتقد ان البديل سيكون اسوأ ان انسحبتي !

كلامك صحيح اناكنت متفوقة في الرياضيات وضعفت بسبب عدم الحل كما ان مادة الرياضيات ليست سهلةكما تقولين اناكنت معلمة واتذكر ان المديرة طلبت نقل معلمةلانه لم ترسب في صفها ولا طالبه امر طبيعي ان يكون هناك رسوب بين الطالبات-- الا انه يجب ان لايزيد عن الحد المعقول---اشرحي للمديرة المشكلات التي تعانيها وبامكانك طلب الامهات لافهامهن التعاون معك في حل مشاكل الطالبات كما وان عليك ات نقابلي الموجه التربوي وتشرحين له الامر والله يوفقك

بيعي ترمس بعربايه احسلك؟؟

بأمكانك اثارة عنصر التشويق في مادة الرياضيات .حتى يقبل عليها الطلاب
اذاشعرتي ان الطلاب ملوا توقفي عن الشرح
وغيري الموضوع
اما دخول الصف بدون اذن من المعلم فهذه قلة ادب وهوسلوك مرفوض من التربيه وهذا نص قانوني صريح
بأختصار هذا الموضوع يحتاج الى ورشة عمل .وسياسه تربويه حديثه تراعي العصر وتطورات التكنلوجيا

يبدو من كلامك أن :

1) أنتِ حديثة التوظيف , و بدأ الإحباط معك مبكراً , و هذا من كلامك عن طريقة دخول الإدارة عليكِ على الصف للمراقبة و هو أسلوب ساذج قديم

2) طبيعة مادتك من المواد الصعبة على الطلاب لذلك هي ليست محبوبة

3) أتوقع بأنكِ بمدرسة خاصة , أو مدرسة حكومية الإدارة فيها متسلطة !

4) جو النصائح حولكِ من الزملاء غير مفيد و يزيد من إحباطك

أختي الكريمة ,,,,

هذه مهنة الصعوبات و التحديات , و هي مهنة لا يُمكن أن تراقبي ثمارها بوقتٍ قصير فهي بحاجة لطول نفس و صبر و جلَد , الأهالي يعرفون مستويات أبنائهم و يقفون عندها عاجزين ( لا يحاولون تعديل سلوك هؤلاء الأبناء ) , الوزارة آخر همها المعلم و الطالب و هذا الجميع متفق عليه !! الأهم بمنظور الوزارة الشكل العام للعملية التربوية و شكل المسؤولين أمام أصحاب المنح و الأعطيات الخارجية لا أكثر !!

قد يكون عندكِ في غرفة صفية معينة طالب واحد فقط يحب الرياضيات ! و تحصل و يكون سبب و دافع دخولك لذلك الصف هذا الطالب , دعي الأيام تريكِ كم الفخر و الشعور بالسعادة عندما ينجح هذا الطالب و يصل إلى الجامعة بفضل ربنا و بفضل جهودك معه !!!

**** بالنسبة لتساؤلك عن ترك هذه المهنة :

إذا توفر لديكِ فرصة و وظيفة أفضل فأنا أنصحكِ بتركها فوراً

وفقك الله و أراح بالكِ و ساعدك ,,, اللهم آمين .

صباح الخيرات للجميع ولراما عربيات
الحاضرة الغائبة

محرر
=======

انا وضعت تعليق طويل شوي بس بفيد صاحبة المشكلة وينه

اي هي بس الرياضيات اللي ما بحبوها ؟؟؟؟؟؟؟

هاتيلي مادة بحبوها غير حصة الرياضة

أختي العزيزة معلمة الرياضيات أطال الله في عمرك ، تعلمين جيداً أختلاف الميول لدى الطلبة تجاه المواد وخاصة الرياضيات والانجلزي في مدارسنا ، وتعلمين كذلك بأن البيئة التعليمية داخل المدرسة وخارج المدرسة ( الأسرة ) أصبحنا لا نحسد عليها .
عزيزتي هذه أمانة وليس بعدها بعدها أمانة ، فما عليكي إلا أن تحاربي ، حتى لو كنت وحدك ، عليكي الاستعانة بالوسائل التدريسية إن تيسرت ، وأننا نرقى بك وبأمثالك عن حالة الإضطهاد ، فلا تجعلي هذا الشعور يتسرب إلى نفسك ، لعدة أسباب فالنشء من أبناءنا ليس لهم ذنب ، فالذنب ذنب الأسرة وذنب الانحطاط الذي وصلت إليه العملية التربوية في بلادنا ،وأنتي بارك الله فيك ما عليك إلا بذل الجهد الذي ترضين به ربك ونفسك. فلا تحملي نفسك ما لا طاقة لك به ، وأنتي غير مسؤولة عن التسيب وعدم اللامبالة.
أما فيما يتعلق بموضوع الرقابة، فالاسلوب المتبع من قبل الإدارة هو أسلوب فاشل ويدل على تخلف وجهل ،وبإمكان وزارة التربية والتعليم أن تطبق نظام الرقابة الإلكترونية في جميع المدارس بمحا يحول دون الدخول العشوائي كالحرامية على غرفة الدرس للرقابة فهو أسلوب متخلف، وهو لا يضيرك وإنما يضير القائمين به لما فيه من تجسس وعيب واختراق لحرمة الدرس .

ولكي مني كل الاحترام والتقدير فأنتي نموذج يحتذى ولا يحارب ولا يضطهد ، وفي النهاية يا عزيزتي لا يصح إلا الصحيح

صاحبة المشكلة

===============

الي فهمته من مشكلتك
انت مابتحبي مهنتك محبطة منها

بتدرسي طلاب مرحلة اساسية لانك حكيتي حاضنات للاطفال

ان الادارة شديدة

حتى تقدري تنجحي بمهنتك كمدرسة

1- لازم تحبي مهنتك مستحيل انك تقدري توصلي المعلومة للطلاب وانت محبطة
2- لازم تحاولي تبتعدي عن الزملاء الي بشعروك بالاحياط وتحاولي تستفيدي من خبرات زملائك الي هم اقدم منك بالمهنة
3 - لازم تبني بينك وبين الادارة جسور من الثقة وبامكانك انك تستفيدي من مرشد المدرسة
4 بالنسبة لطلابك لازم تتعاملي معهم بحب وحنان اذا احبوك رح يحبوا المادة ورح يستوعبوها
اما اذا كرهوك مستحي يحبوا مادتك ورح يتسبب هاد بعقدة عندهم ويبقوا يكرهوا المادة طول العمر

5 لازم تحاولي تربطي المادة ببيئة الطلاب وتستخدمي المحسوس اكثر من المجرد

بصراحة اذا بقيت مش حابة المهنة اتركيها افضل
لانك رح تتعبي بعدك باول الطريق ورح ياثر هاد على طلابك حرام هم امانة برقبتك

أختي الكريمة،
لا تستسلمي التعليم جميل
وأنت انسانة مهمة جداً بالمجتمع ولازم تكوني اقوى بإذن الله،
حافظي على رباطة جأشك
دوري على طرق ابداعية جديدة اشتغلي وحاولي واكيد اولا ثقي بالله
ورح تصيري احسن معلمة
جيلنا في مشاكل نعم لكن حاولي تلملمي الامور
ضحكيهم بس وقت الجد شدي
حبيهم وكوني مخلصة وحاولي تحكيلهم قصص عن المبدعين
وحاولي وحاولي
لكن لا تهيني حدا وشو يعني الادارة بتدخل عليكي خليهم يدخلوا ولا تهتمي كوني واثقة وحافظي على ابتسامتك العرييييييضة^____________^

محرر
========

شو كمان تعليقي التاني مابدك تنشره

صاحبة المشكلة

==============

بامكانك تكملي دراسات عليا وتحولي لادارية

من الحلول الناجعة هو أن
تشركي الطلاب في التدريس مثل أن يكون كل اول ٥دقائق هو مراجعه للدرس السابق ؛؛؛؛؛؛يقدمها احد الطلاب
أو أن تخصصي جزء للحديث في أمور مهمة مثل أداره الوقت ، مهارات التقديم ، مهارات النجاح ، مهارات القيادة وغيرها من المهارات المهمة.
تخصصي جائزة لأحسن تقديم كل شهر
اكسري الروتين الممل الذي يعيشونه في الحصة مثل أن تغيري ترتيب مقاعدهم وقت حصتك وهناك كثير أشياء .
أما الإدارة فالواقع. انك إذا كنت تقومين بعملك فلااااا مشكله تدخل تخرج .... هذا جزء من عملها .
إذا احتجت توضيح أكثر
.

يا ستي المشكلة مش منك ولا من الطلاب او الادارة المشكلة في المناهج المملة يلي بتعتمد على البصم والطلبات الكثيرة مشان هيك ما حد طايق الثاني المطلوب تعديل المناهج وتخفيف عدد الامتحانات والاعتماد على التحليل والابداع كاسلوب علمي بدل الاسلوب القاتل
براي طالما الوضع هيك ما رح يكون فيه حل الاطفال كرهوا المدارس لهذا السبب

اختي صاحبة المشكلة
اسعد الله اوقاتك اختي الكريمة
الرياضيات مادة في نضر اي طالب مادة معقدة وصعبة ويعانون منها في جميع المراحل العمرية
لذلك انصحك يا اختي الكريمة باتخاد مجموعة من الاجراءت التي تجعل طلابك يحبون المادة ويتفمونها
فانا اؤمن بمبدا وهو حب المادة من حب اللي بدرسها
فاختي الكريمة اولا يجب عليكي انك تحبي طلابك ووتتفهمي امورهم
وتسمعيهم وتشجعيهم عليها
قومي بعمل اختبارات بسيطة وسهلة
واشرحي المادة مع مراعاة الفروق الفردية بينهم وتوكلي عل الله

صاحبة المشكلة
================

مارديتي ولا على اي تعليق

صاحبة المشكلة
كلامي رح يكون قاسي عليكي بس معلش تحمليه ع القليلة مش رح اتفلسف عليكي باسم المثالية ،،،،،، بالعكس كلامي واقعي لان انا وانتي زملاء مهنة ،،،، واذا كانت مادة الرياضيات العدو الأول ل الطلاب ،،، فالإنجليزي زيها زي ابو رجل مسلوخة الي كنا نخوف فيه الصغار ايام زمان .
اولا اذا بتسمحي لكم هامل من همل هذا الجيل يأثروا فيكي ويحبطوكي فإنتي معلمة فاشلة ،،،، المعلم الناجح بده يأثر بالطالب الطالح قبل الصالح ،،،، مهو خلينا واقعيين زي ما طلاب هالجيل واقعين ،،،، نسبة كبيرة من المعلمين معلمين من طراز النص كم ،،، وقصة المناهج بتخزي الوزارة ابصر مالها تجاوزناها من زمان ،،،، مهو الي ما بيجي معك تعال معه ،،، وقصة انه بدك تبطلي مش داخلة مخي لانه الموظف في هاي البلد مجبور يعظ ع وظيفته بسنانه ،،،
معروف انه اكثر شخص بأثر بالطفل هو أمه ،،،، أما الطالب ف معلمه ،،، هاذا اذا كان المعلم اصلا قادر يأثر بحدا ،،، أما اذا قرفان العلم والتعليم وعنده قناعة انه هالجيل بأكمله فاشل

ف يتوكل ع الله ويشتغل رقاصة ،،، للتنويه ؛ ما قصدتك بآخر كم سطر .،،،

انا لست حديثة التعيين فهذه السنة الرابعة لي ولقد حاولت بكل الوسائل ان احبب طلبتي بالمادة ونجحت ولكن يعود هناك اهمال من الاهل والطلبة ولقد نوعت في اساليبي حتى انني ادخلت مسرح الدمى لشرح المادة وبالطبع الانترنت وغير هذه الطرق الكثير الكثير ..لست محبطة كما قال البعض ولكن البيئة المحيطة تشعرني اني وحيده احاول ..اما الادارة فهي هكذا في اغلب المدارس التي كنت بها وانا في مدرسة حكومية وليست خاصة لمن سأل...شكرا لردودكم كم انتم رائعين

الاخوة المعلقين والمعلقات

اسعد الله صباحكم بالخير والسعادة والهناء

المحرر اسعد الله صباحك .

الاخت صاحبة المشكلة :
علاج الموضوع ينقسم الى ثلاث مراحل :

الاولى: يتعلق بشخصية المدرسة وآلية التعامل مع الطالبات :

- يجب عليك اقامة علاقة طيبة تقوم على الاحترام المتبادل والاخوة والصداقة بينك وبين الطالبات .

- أبدأي الدرس بمقدمات مميزة تجذب الطالبات .

- أبدأ مع الطالبة بالتدريج
وجهي لها أسئلة في منتهى البساطة و شجعيها ويكون ذلك اما اعطاء هدية او مكافئة بعلامات .

-إذا أجابت اجابات خاطئة لا تعنفيها و لا تهزئي بها .

- بث روح الحماس و حب المادة في نفوس الطالبات من خلال المسابقات وعمل لجان .

- تدرجي مع الطالبات في الأمثلةوأبدأي بالأمثلة البسيطة ثم الأصعب وحاولي قدر الإمكان عدم تشتيتهن بالأفكار حتى ترسخ الفكرة الأصلية في الدرس .

- حاولي ربط المادة بالواقع بالحياة فالطالبات غالباً تعتقدن أن مادة الرياضيات بلا هدف .

- استخدمي التعليم التعاوني خصوصاً في الهندسة والجبر .


- ساعدي الطالبات في حفظ القوانين المطلوبة بطرق شيقة مثل كتابتها على لوحة جذابة او على ورق ملون جميل .


- في منتصف الحصة أو إذا لاحظت الخمول على طلابك بثي روح المرح في الأجواء بترك الطالبات التعبير بمواقف مضحكة ونكت لكن حذار من فقدان هيبتك .

الثانية : تنظيم العلاقة بينك وادارة المدرسة :
مديرة المدرسة ليس لها الحق بدخول الغرفة الصفية من دون استئذان واذا تم ذلك اكثر من مره فهذا يعني حالة سوء ائتمان ويعني انهيار العلاقة التعاونية بين ادارة المدرسة والكادر التعليمي الامر الذي يوجب الوقوف عليه مع المشرف المتعاون بين المدرسة ومديرية التربية .

الثالثة : صعوبات التعلم

تستطيعن التنسيق مع وحدة صعوبات التعلم لمناقشة الطالبات اللواتي يعانين صعوبات في التعلم وعندئذ يتم تحويلهن والتعامل معهن وحل مشكلة صعوبات التعلم عند بعض الطالبات.

اولا انا ما بدي اعمل عليكي مثالية و ممتازة و لا مشاكل عندي لكن للعلم فقط انا مدرسة رياضيات و لا تستغربي انه اجمل ساعات وقتي بتكون بالمدرسة و الحصة كلامي لا يعني انه ما بعاني من مشكلة ولكن رغبتي و حبي لشغلي بنسوني اي تعب و اكيد انه انا معك انه احيانا المدير ممكن يوتر الجو و يضيق على المعلم لكن لا تجعليها تحبط لان المديرة بتتغير و حتى لوظلت اذا شغلك ممتاز ما رح يفرق معك اما بالنسبة للطلاب يمكن انا بختلف معك اني بدرس مرحلة ثانوية و الله يقدرك على الصغار لانه فعلا تدريسهم جهاد و اجرك فيه كبيييير و بدك تكوني عارفة انه العبء الأكبر على المعلم مش على الأهل خاصة بالرياضيات . هي احنا اهلنا والله ما كانوا يعرفوا صفوفنا شو هية و صرنا و اتصورنا بفعل معلمينا.
والله يا اختي التعليم مهنة من انبل و ارقى المهن بالعالم لكن بدها صبر و طولة بال خاصة لأنهم طلابك اطفال.
وبالرغم من قساوة الأدارة و اهمال اولياء الأمور خليكي انتي و الطلاب و اعمل كل كا بوسعك و اقصدي فيه وجه الله تعالى و خاصة ان الرياضيات من المواد الأساسية لولادنا .
والله يعطيكي الف عافية

الحل :

اعملي الي برضي ضميرك



وحذيها نصيحة محبة الطلاب للمادة بتتلخص بحبك انتي للمادة اذا حبيتي شغلك رح تحببيهم بالمادة واذا حبوا المادة وجبوكب وجبي طريقتك بتتفوقي وبتفوقوا معك



وبالنسبة للادارة الي على راسه بطحة بحسس عليها وادارتكم شكلها نص كم طنشي واعملي الي برضي ضميرك واهملي اي مراقبة خليهم يراقبوا ليشبعوا

يجب ان تكون حصتك بها جزء من المتعة مع المنافسة بين الطلاب ولكي تنجحي بذلك عليك احضار اقلام ملونة لكي تحاولي ان توصلي المعلومة بطريقة محببة وعند ملاحظة طالب ما انه متواصل معك دعيه يجيب الى سؤالك المفاجئ ثم اغرقيه بالمدح لتثيري غيرة الطلاب وباخر الحصة اطرحي على الطلاب سؤال لغز واطلبي منهم حله للحصة القادمة حتى لو كان خارج المبحث وحاولي عمل صداقة مع الطلاب مثلا ان تعلقي مع طال انك اليوم شكلك مبسوط هيك مزح خفيف وبنفس الوقت من يضايقك بالصف اطلب منه ان يلحقك باخر الحصة لتحدثيه على انفراد عن سوء تصرفه وانك تتاملين عدم اعادتها اما عن عدم احضار الطلاب لادواتهم فالبدابة اطلبي من الباقين التعاون وتبادل الادوات وبالطبع سيشعرون بالخجل من زملائهم وهذا افضل من احساسهم بالتقصير ورادع اقوى وعند دخول المديرة للصف وكانهال مراقبة لك رحبي بها كثيرا واشعري الطلاب انها جالءت لمراقبتهم هم وانك واثقة انهم سيثبتو للمديره انهم الافضل بين الصفوف..ارجو ان اكون افدتك وبالنسبة لي حبي الشديد لمعلمتي الرياضيات كنت اطالع كتب الرياضيات حتى غير المقررة لاثبت لمعلمتي انني الافضل وفعلا نجحت وتفوقت فقط بهذه المادة تحياتي لك

الاجابة هي :
.
.
جميع ما ذكر صحيح

كلامك عين العقل.

صانع الفرح

=============

صباح الخير

الاخت كركية حرة

اسعد الله صباحك ورأيك جميك والك الاحترام والتقدير والحمدلله على سلامتك

صانع الفرح
==========

الله يسلمك ويسعد اوقاتك
الزرقاء عبارة عن صحراء وان درجات
الحرارة فيها عالية وكاني قرات على النت ان درجات الحرارة امبارح واليوم اعلى ماتكون
اما عجلون ماشاء الله اكيد اجوائها لطيفة

كيف الاحوال بالمنطقة الحرة قرات قبل شوي خبر بزاد عن الحرة بالزرقاء وانه فيها مشاكل

صاحبة المشكلة

==================

حاب اضيف شي على مشكلتك

بالنسبة للادارة

انا كادارية ومسؤولة عن مجموعة كبيرة من المعلمات بحب احكيلك ان دخول الادارة للصف مش خطأ اذا تم قرع الباب والاستئذان
في احيان كثيرة ترد شكوى من طلاب واولياء امور عن معلم معين انه يستخدم الهاتف اثناء الحصة او ان المعلم لايشرح الدرس ويمضي وقته جالس يكتب اما علامات او بحضر
طبعا الحصة ليست من حق المعلم انما هي من حق الطالب وهذا حرام

عندها تلجأ الادارة الى الحديث مع المعلم بالبداية

واذا اعيدت الشكوى مرة اخرى تضطر الادرة لعمل زيارات مفاجئة للمعلم
المعني

انا لا اشكك فيك ولكن الزيارات المفاجئة من طبيعة عمل الادارة
لانهامسؤولة عن مصلحة الطلاب
كلكم راع وكلكم مسؤول عن رعيته

الانسان بطبعه لا يتقيد اذا لم توجد عليه رقابة الا القليل من الناس الذين يخافون الله

فالرقابة موجودة
ربنا سبحانه وتعالى وضع ملكين ليكتبوا مانعمل اليست رقابة لنتذكر دائما ان كل شيء سوف نحاسب عليه

وكثير من الناس ينسون ان الله يراقب مايفعلون ويخافون من رقابة البشر عليهم

اكتب اسمي
سلامة

لو بنام على الرصيف من الفقر ما بشتغل في التدريس بالاردن على قد ما بكره الطلاب في الاردن و لو كنت مجبر على التدريس فمن اول حصة بكون بالجويدة
لا تحرقي دمك و لا عبالك
حاولي تنتقلي عند السوسنة السوداء كل يوم بتجيبك عندها و بتعطيكي ارشادات بس لا تحلمي تشربي شاي اثناء الحديث لانه حرام و هاظ مكان عمل مش ضيافة
اقسمي المادة الى اربع اقسام و ارمي ثلاثة ارباع المادة بالبحر او اعطيهم للسوسنة هي بترجعهم للتربية عشان الحلال و الحرام
خلي الربع الوحيد من المادة يحتوي على اسهل درس من كل وحدة
وزعي الدروس على مدار الفصل و هيك بتصير المادة قصيرة كثير و سهلة
اعطي الطلاب عشرة دقائق استراحة بعد كل خمسة دقائق تدريس
بعد ثلاثة حصص شرح درس واحد اعطيهم مسألة محلولة و الجواب احكيلهم اياه شفهي
و شوفي اذا بصيروا يحبوا المادة او لأ
الجواب:- بعد كل ما سبق رح يظلهم يشتكوا لأهاليهم لانهم كرانيب بدهم بس يتخوثوا على المدرس
و يحملوا فشلهم لشخص المدرس و طريقة تدريسه و بحطوا في راسهم انهم يوخذوا دروس خصوصية و بظل وقت المدرسة للتخويث.
طبعا ليش منلاقي مُدرسين مهملين ؟
1-لانهم فاقدين الامل من طبيعة الطلاب في الاردن.
2- لانهم كانوا طلاب من قبل و عارفين شو بده الطالب
========
السوسنة السوداء
ليش انشعتطي قبل فترة لما مزحت و حكيت عن تلقيط و تقميع الملوخية و البامية و هسا جاية تؤيدي فكرة السطو على هيبة و كرامة المُدرسة و دخول الصف على حين غرة ؟
شو الفرق بين تقميع البامية و بين الحكي على التلفون
تعددت الوسائل و الاهمال واحد
يلا اعتذري عن نرفزتك علي بعد اعترافك بوجود اهمال
او احكيلك لا تعتذري تعالي لاقي غلط في كلامي و نرفزي كمان مرة و احكي بعصبية زمان ما ضحكت
و مساء الخير لك و للمعلمة صاحبة الموضوع

السوسنة السوداء سلام
==========
بتحكي حضرتك للمعلمة تترك وظيفتها اذا ما بتحبها
كيف يعني تتركها ؟ انتي رح تعويضيها عن الراتب ؟
بلاش فلسفة يا سوسنة اذا بدنا نحكي لكل واحد كرهان شغله يترك الشغل بتصفي انتي ادارية بدون معلمات و بعد فترة انتي بتكرهي شغلك من الملل و بيجيكي الدور نحكيلك اتركي شغلك و وقتها بتعرفي حلاوة الراتب
دشرونا من المثاليات هلكتونا فيها
ليش ما تحكي الطالب الجاي للتخويث لازم ينفصل و كمان هاي ما بتزبط لانهم كلهم رح ينفصلوا
فأحسن شي دشرونا من المثاليات و اعطوا نصائح بدون التطرق لنصيحة تترك شغلها

بسم الله الرحمٰن الرحيم
كَبُر مقتاً عند الله أن تقولوا مالا تفعلون
==========
تعليق#26
الله يوفقك في غربتك .....

صاحبة المشكلة
=============

معلمتي الفاضلة باين انك انسانة رائعة ومتميزة ومهتمة بطلابك لانك عرضتي المشكلة وبدك حلول
انا طبعا مابايدالادارة بتصرفاتها انها تتلصص على المعلم وماتعطيه الثقة
انت بتعرفي ان الادارة انواع مستبدة وفوضوية وديمقراطية
وافضل الانواع الديمقراطية لانها تهتم بالمعلم وتبعد عنه الاحباط
الهيئة التدريسية والادارية موجودين من اجل الطالب ولنجاح العملية التربوية لازم يتكون الادارة على وفاق مع المدرسين حتى يستطيع المعلم ايصال المعلومات للطالب
فاذا كان المعلم محبط ويشعر بانعدام الثقة صعب تنجح العملية التربوية وهذا رح ياثر على الطالب
بنصحك انت والمعلمات انكم تحكوا مع الادارة وتشوفوا وجهة نظرها وتشركوا مرشدة المدرسة لان المرشد ممكن يساعد بايجاد حل
اما بالنسبة للطلاب انا تعاملت مع طلاب مرحلة اساسية واستخدمت التعزيز للطالب وافادني كتير في تغير الطالب للافضل
كمان ممكن تتفقي مع مرشد المدرسة من اجل عمل اجتماع لامهات الطلاب الي تحصيلهم ضعيف وتشوفي الاسباب وتشتركي بحلول لضعفهم مع الاسرة
لانه في تكامل بين المدرسة والاسرة

وبتمنى لك التوفيق

صاحبة المشكلة

==================

في شيء نسسيته بالنسبة للنشاط

انا بفضل انك تبلغي الادارة اذا حبيتي تغيري مجرى الحصة وتعملي نشاط
احيانا بنلاحظ كادارة ان معلم عنده حصة في مادة ما وهذا المعلم انزل طلابه للساحة دون اخبار الادارة
هنا من حق الادارة انها تسال لهيك لازم يتم ابلاغ الادارة وبيان سبب التغير في مجرى الحصة

سلامة
=====
بصراحة انا كتبت لصاحبة المشكلة وفي واحد اسمه تنسيش تعبت ومع هيك رح احكي معك

الك فترة غايب بسلم مابترد ليش؟؟؟

مارح انولك مرادك بدك انرفز مارح انرفز رح احكي معك بهدوء

اولا
انا مش مديرة انا من الهيئة الادارية

ثانيا

اي معلم بجي عندي بضيفه من فلوسي بس بحصة فراغه مش على حساب وقت الطلاب
اتفضل بضيفك انا مش بخيلة

ثالثا

انت بتحكي انك لو بدك تدرس ممكن تروح الجويدة مابنحب المهنة

وهاد سبب فشل كتير من طلابنا انه اجاهم مدرسين مش مقتنعين بمهنة التدريس اذا مااحبوا عملهم وطلابهم كيف رح يخلوا الطلاب يحبوهم وبالتالي يحبوا مادتهم

رابعا
انا درست مرحلة ثانوية كتير من طالباتي درسوا نفس تخصصي لانهم احبوني فحبوا مادتي كانوا بالثانوية العامة يجيبوا علامة كاملة بمادتي الحمد لله
بتعرف اوقات كتير بشتاق لارجع للصف
واشرح درس للطالبات

خامسا
انت لما كنت تحكي كنت تعمم المدارس والمدرسين بشكل عام

بس انا حكيت عن حالات فردية يضطر المدير الى عمل زيارة مفاجئة للمعلم بالحصة ويراه المعلم مش زي ماحكت الاخت تجسس من وراء الزجاج

سادسا
لاتنسى اني انا كنت معلمةيعني جربت شعور المعلم
زي ما انت هلا اتفضلت المعلم كان طالب وبعرف شو طبيعة الطلاب ومع هيك هو هلا صار مسؤول لانه معلم
والمعلم الي كان معلم هو هلا مدير صار عليه مسؤولية يمكن المعلم لو وضع مكان المدير كان اتصرف مثله واكثر

سابعا

حتى لو انا ادارية انا احسب على وزارة التربية وانا بحترم زملائي المعلمين لاني بعرف انهم اختاروا مهنة صعبة مهنة التعامل مع البشر بناء العقول التعامل مع افراد بنفسيات مختلفة
هي المهنة تحتاج الى الصبر الى التعامل الحسن
ثمارها بدها وقت لتظهر

سلامة

============

ليش معصب على المعلقين

انا علقوا عندي باسم مجهول وتعاملت معهم عادي

مافي شي بستاهل
سلااااااااااااااام

صانع الفرح
=========

انت جيت يوم على الزرقاء وماتحملت الحر
الله يكون بعونا احنا سكان الزرقاء

بالنسبة للمنطقة الحرة
الله يبعد عنك المشاكل ويوسع لك في رزقك

سلامة
==========

الخير كان بزاد عن انفلات امني واتاوات بالمنطقة الحرة

ماعلقت على كلامي بخصوص المشكلة

ليش بتعتقد انه في ناس ضدك
المعظم هون اما من جراسا او سرايا مش من زاد

بستغرب كيف بتقدر تعرف المهن والاسماء واماكن الاقامة للمعلقين

ياسيدتي خير الكلام ما قل ودل.. ذكرتيني بحديث عن النبي حيث قال لمعاويه رضي الله عنه اللهم علم معاويه الكتاب والحساب وقه العذاب ..والله اعلم..والمؤمن كالورقه الخضراء لا يسقط مهما هبت العواصف ..ولاخي زيد سلامات والله ..ولكركيه حره كل التحيه ..والسلامه للمجموعه الطيبه .

تهاني الف صباح الخير كان اخر تواصل بتاريخ 8/9/2013 لا اعرف من هو ايهم اذا ممكن مكان السكن والعنوان وانا اسمي وليد واسكن الجبيهه

صباح الخير نفرا نفرا شو عالمشكلة هاي الي عاديةجدا وانتي مو اول معلمة بتحكي هالحكي وطبعا اانا بشد على الادارة بعملها لانه اصابع ايدك مو وحدة انتي بتعطي غيرك ما بعطي وبعدين سبحان الله عند التعيين بتحكو مستعدة اروح على الحدود بس نتعين هسة صار العيب بالطلاب
العلم يبني بيوتا لا عم لها والجهل يهد بيون العزة والكرم

السوسنه السوداء
------------------------------
صباحك فل وياسمين زميلتي بالعمل كلامك قمة بالروعه ولكن هنالك امور مخفية عند المعلمين والله لا منطق ولا عقل بشري بستوعبها الله يوفق الجميع تحياتنا الحارة لكم

سلامة

========

بدي ردك على كل تعليقاتي
رجعت لتعليق 36 بس مابعرف من مين
انت بنعرف
؟؟؟؟؟؟

بصحى بدري عشان الدوام حتى تعرف شو بنتعب



ملك الاحساس
==============

شكرا على رايك زميل المهنة

بس شكل كل تعليقاتي ماعجبت المس لهيك طنشت

صاحبة المشكلة

===============

بشوف كلامي ماعجبك لانك مارديتي وكنت بس تردي على التعليقات الي بتعجبك وبتكون في صفك
بعرف الي بطلب راي الناس بده يتقبل الراي الي معاه والي ضده

كيفك شو اخبارك زماااان عنك !!!

باختصار انا لو محلك بعمل الي يرضي الله والي بدو يتعلم بدو والي مابدو الله لا يردو