سبحان الله جراسا
يا بتخلوا المشكله سبع الى تسع ايام
يا اما مشكلتين بنفس اليوم؟؟
حرام هذيك المشكله ما اخذت حقها.

لو الجزرة الحلوة الله يسهل عليها هون لكان فادتك لانها ماشالله محامية و اكيد رح تعطيكي النصيحه و تشرحلك الوضع

لا انصحك بالمره لانه للاسف بيئة المحامين فاسده ومو نظيفه بالمره

لا انصحك بالمره لانه للاسف بيئة المحامين فاسده ومو نظيفه بالمره

بالعكس تخصص جميل جدا له فائده كبيرة بالمجتمع ..لا تترددي ولا تقلقي بالنهاية هذا طموحك ..وبهنيكِ عالأختيار..وبتمنالك كل التوفيق

المحاماه ممتازه بس بدك تشتغلي على حالك مليح اربعه سنوات دراسه وسنتين تدريب واذا درستي ماجستير احسن تدريب سنه وبتشتغلي احسن وخصوصا اذا درستي التحكيم في القانون وشكرا

في اشي اسموا تدريب لحتى تزاولي مهنة المحاماة
بدك تشوفي مكتب تتدربي عندو وهاد اشي صعب
والتدريب مدته 4 سنين
سنتين نظامي وسنتين شرعي

السلام عليكم و رحمة الله و بركاته.
عدنا و العود احمد
واخيرا عدنا لى اعمالنا و اشغالنا و تركنا خلفنا اهلا و اصدقاءا ودعناهم و نحن على امل اللقاء مرة اخرى.
والحمدلله انا اعاننا على سفرنا لنبدأ من جديد حياة عملية جدا بعيدة عن هوا الأردن الحبيب.
و ابعث تحياتي للجميع بهالزاوية و اخص بالذكر مواطن فاخر و انسان طائر و الأخ العزيز محمد .

ها هم قد ابدوا رايهم المحاماةلها حسناتها ولها مساوءها--والدي كان محاميا ناجحا ومشهورا وكان يشكو من متاعبهاولا يوجد مهنة في العالم بدون متاعب كوني شجاعة مع نفسك وفرري هل انت مستعده لتحمل متاعبها ثم اعلمي انه ليس بسهولة يمكنك ان تكوني قاضية ويحتاج القضاءلدراسة في المعهد القضائي ويا عالم يصحلك قاضية ام لاواعلمي ان لكل مهنة متاعبهانحن ملاكين يظن الناس ان الملاك مرتاح يقبض مالا وهومرتاح مش صحيج يحتاج البيت الى صيانة ويتغلب مع المستأجرين وو--الخ

يتعرفي تكذبي وتلفي وتدوري ؟ اذا توكلي على الله ؟ اذا بدي احتاج محامي بدور على رجل كبير بالسن وعنده خبره . وبدك مية سنه لما تنعرفي وبدك ميه تانيات تاتلاقيلك مكتب مستقل لحالك . انسي ياانسه

وبعدين لايجي الصبي بنصلي على النبي . لسه ماصرتي توجيهي لشو مصروعه

انا ما بنصحك

دوري على تخصص اله مستقبل القاضي بده تعب كبير +++ معارف وواسطات
دراسة ومزاولة وتدريب وامتحانات وهاد بده ما لا يقل عن 6 سنين بعد ال 4 سنين بكالوريوس عشان توصلي اله وانتي شو جابرك والمحصله اي مردود مادي مش بزيادة
وغير هيك لقمة مغمسة بالدم شو جابرك عليها
غير الكذب والحلال والحرام الي بدك توقعي فيه لانها مهنه صعبه والصعب مش الوصول للقاضية الاصعب طبيعه المهنه والبيئة الي رح تعيشي فيها
وغير هيك لما بعد هاي المعاناة توصلي لهدفك لعلمك حياة القاضي الها ضوابط صارمة وتقييد !!

للذكر يمكن اسهل بقليل بس كمان بنطبق عليه الحكي الي فوق

لقمة مغمسة بدم

وغير هيك طبيعة الانثى والامومة يعني اذا حطيتيها براسك بتوصليلها واذا كنتي قوية عرفتي تتأقلمي بهيك بيئة صعبة جدا وقدرتي تتجنبي الحرام طبعا بحسابه لانه اذا بدك تتجنبي الحرام يمكن ما تلاقي ناس توكلك تترافعي عنهم
وبالاخير رح تكون هاي الوظيفة على حساب بيتك وامومتك وعيشتك كانثلى بتحلم بالاستقرار والامثله بالحياة كثيرة وفي حكي صعب الواحد يوصلك اياه بس دققي بالامثلة الي حوليكي بتوصلك الفكرة

والله بالنسبة للمحاماه لا استطيع المساعدة

اما اذا غيرتي رايك وحبيتي تدرسي هندسة
مدنية او معماااارية ..
.
.
.
فانا في خدمتك في اي استفسار

كل واحد هموا على قدوا .... الله يرحمك يا جدتي
كل واحد هموا على قدوا .... الله يرحمك يا جدتي

اريد ان اختصر اي تخصص يدرس عن رغبه فمصيره الابداع واي مبدع سوف يصل الى حلمه الذي يكافح من اجله فتوكلي على الله مع ان الوقت بكير على هذا الموضوع

بلا دراسة بلا تعليم اخرتك ع المجلي بتجلي فناجين

ورجال بالبيت ولا شهادة ع الحيط

لا عليكِ من الناس كلٌ يتكلم بلسان ظرفه !

امممم حلو الحلم والامل والطموح والتفاؤل وخلييييكي هيك
وطالما املك بالله كبير فما في اي اشي بيقدر يوقف بطريقك
وعملك استخارة كتير مهم فلا تنسي

بالنسبة الي انا ما بعرف كتير بالاشياء القضائية
لكن قبل ما ادخل الجامعة اهلي ما نصحوني بالمحاماة وخصوصا ابي
لانه بدي اضطر اتعامل مع مجرمين والله اعلم مين كمان
لكن انت طموحك كقاضية فهو اشي جميل جداُ ان تصبحي قاضية وتكوني عادلة
لانه احنا بجد بحاجة قاضي عادل
لا يتأثر بالمغريات
بس هي مسؤولية كبيرة لانه هون بتعرفي الوضع بالبلد لما يجيكي ابن عشيرة
عالمحكمة مئة الف واحد بتصلوا فيكي
عشانه
وانا صاحب ابوي كان قاضي ما قدر يكمل هون بسبب الضغوطات اللي صارت عليه وما كان بده يحكم باشي ما برضي الله فطلع برا
انا تشجعت للفكرة بالاول لانك حلو تكوني مثال فتاة مسلمة ناجحة بالقضاء
بس والله لما تذكرت هاي القصص خفت عليكي
وبس بحكي الله يختارلك الاحسن
^_^

أول شيء لما تنجحي با التوجيهي الصلاة عىلى الحاضر ثانيا النصيحة ببلاش الان وخذيها مني انا الي مثل اخوكي الكبير او اكبر ششوي شوفيلك عاريس بس تكملي توجيهي وتيسري اريح لراسك

اذا كانت هذه رغبتك وتحلمين بها فتوكلي على الله ولكن تذكري
انها مهنه صعبه وتحتاج الى صبر وقوة تحمل وخاصة للمرأه لانها تتطلب الاننتقال من قاعه الى اخرى والذهاب الى ومراكز الشرطه
ومرافقة الموكلين وقد تتعرض المرأه المحامي الى كثير من المضايقات
مع ان الواقع يشير الى تميز المرأه في مهنة المحاماه مما جعلها قبلة كثير من الموكلين بسبب طول بالها وسعة صدرها وقدرتها على تفهم قضايا النساء مثل الطلاق والحضانه والامومه بسبب طبيعتها كأنثى.حقق الله مرادك

بلا تعليم بلا هم هيني بناتي ثلاث علمتهن ودرستهن وماشاء الله عليهن ظلوا يرفضوا العرسان لحتى قربت اعمارهم 26 و 29 واول عريس بيطرق الباب بيقولوا بدنا نوافق عليه اي لو ريحوني وجوزتهم على عمر ال 16 و17 مش احسن مين بده يهتم فيهم بعدي ...........يا حسرتي عليهم
ااخخخخخخخخ لو اني رديت على حالي كان احسن

صلي استخاره لما تنجحي بالتوجيهي
على خير
هذة المهنه لشياطين الانس ولا اتمنى تكوني منهم

ادرسي الي بتحبي وكل اشي صعب بالحياة بس ان شاء الله ما بكون صعب هوي بالعكس سهل كتير والله يوفئك

هلأشو انتي حابه تدرسي فهي مشكلتك ، لكن بس بدي انبهك لشغله كتير مهمة من نا حية الارتباط بشخص حيكون صعب شوي واذا حصل ارتباط وانتي في مهنة المحاماة حتعاني كثير مشاكل اسريه واجتماعيه وفي هذه الحالة يجب عليكي ان تضحي بواحده ولك القراااااااااار ،،،،،،،،،،

الالوافيرا

صانع الفرح

السوسنة السوداء

الدرالمكنون

وللجميع
يسعد صباحكم وكل اوقاتكم

اتمنى ان تحققي امانيك وتوكلي على الله وهذا بعلم الغيب اهم شي التوجيهي الان

اولا تحياتي لكركيه حره ولكي من قلبي اخلص الدعاء وبكل يوم نور وضياء وان تملء حسناتكم ما بين الارض والسماء وان يدخلكم ربي جنه نعيم ويحفظكم من الشيطان الرجيم.. وبالنسبه لصاحبه المشكله اقول التخصصات الرياديه حسب وجهه نظري 4 تخصصات هي طب هندسه محاسبه حقوق..والى الامام يا ابنتي..ولا تنظري للخلف ابدا.. وابحثي لنفسك عن مكان في القمه فالقاع مزدحم... واتمنى لكي دوام التقدم والازدهار ..وتحياتي للمجموعه الطيبه ولصديقي زيد والسلامه للجميع

بالنسبة لدراسة الحقوق فهي سهلة للذي يحب الحفظ وعنده القدرة على الاقناع وللبنت ممكن تختار تخصصات غير متعبة مثل الشركات لا تحتاج للذهاب للمحكمة كثيرا خاصة انه كثيرا من الشركات الخاصة هي شركات عائلية.

ايتها الاخت صاحبة المشكله اسمعيني كويس انت بتعرفي اني انا المايستو هون وبحبش اي واحد يحاول يعمل حركات فانا انصحك وبعد خبرتي في امور العلم القانوني والمحاماه والتدريس في روضات القطاع الخاص انصحك تروحي على مكتب محاماه وبعدين باتابع معك شو تعملي

مهنة صعبة للبنات

صعب تلاقي حد يدربك ولو فرضنا تخرجت 4 سنوات وتدربت 2 سنة

بدك فلوس تفتحي مكتب

بعد المكتب والتكاليف هل رح تقبلي كل القضايا في زعران وقتل وسراقين وطبقة مو كويس تتعرفي عليها ولا يعرفوكي الشباب ويا دوب بعرفوا يتعاملو معها عدا عن انواع القضايا

ام ستفتحي المكتب و تقبلي قضايا لملمة ايجارات عقارات فقط مع ضياع سنوات من عمرك. عدا عن ان هذا الوسط رجالي بزيادة شوي كمان احيانا يتطلب الانتقال بين محاكم المحافظات او المدن .

بعد كل هاد بالنسبة الك كبنت الشباب ممكن يفكروا مرتين وثلاث قبل الارتباط بمحامية يعني العريس صعب .

لا انصح... ويوجد مهن اخرى افضل

انا ابل يومين طلعلي قانون .في جامعة حكومية وكتير ناس نصحوني فية اني اضل على هدا التخصص لانو اكتير حلو وممتع .بس صعب اشوي في الجامعة وبدة اشوية ادراسة .بس المهم انة لاتخلي حدا يقرر عنك .هاي حياتك

البنات يقعدن بالدر احسن الهن . لو الجامعه مو مختلطه ماذبحتن حالكن على الدراسه

بس تنجحي بفرجها الله لا تفكري بالمستقبل كثير بلاش يجي على راسك