شو اعمــل انصحونــي
جراسا - السلام عليكم "" ما بعرف كيف بدي احكي قصتي ومن وين ابدا بالضبط ممكن تكون محرجة شوية بس انا والله مش قادرة اتحمل اكتر من هيك تعبت انا متزوجة من 4 سنين تزوجت كان عمري 15 سنة انجبت طفل كان عمري 16ونص تقريبا وتزوجت غصب عني انا ما كنت بدي اتزوج بس اهلي زوجوني واعطوني لرجل عمره 35سنة المهم بعد ما انجبت طفلي اخذتني حماتي عند صديقتها وهي ممرضة عملتلي مانع حمل وهو طبعا اكيد زوجي بيعرف اتفق هو وامه مع الممرضة عشان تعملي المانع "اللولــب" بطريقة غير قانونية بعد 3 سنين زرت طبيبة نسائية حكتلي انه انا في وضع صعب جدا وميؤس منه ومش راح انجب بسبب هادا المانع لاني عملته في سن صغير كتير وتأخر عليه كتيـر المهم هلاء انا بعاني كتير من جوزي وحماتي والناس اللي حوليــه عشان اني ما راح انجب من مررة وعاد والله اني ما حكيت اشي ولا حتى عاتبتهم ضليت ساكته وحكيت معلش قدر الله وما شاء فعل لكن المصيبة انهم سيئين معي لدرجة انهم ببهدلوني وبيهنوني كتير وبيعايروني بأهلي وجوزي بضل يغلط على امي كتير وانه مش طايقها مع انهم اهلي ناس كتير مناح ومحترمين وما بيدخلوا في احد من مرة وما الهم علاقة فيهم من مررة وما بيخليني اخذ ابني معي عند اهلى قال لانه بقرف منهم علشان هو هويته قدس وعنده بيت في اسرائيل " ماريو ليزني " وانا ضفة واهلي ناس بسطاء جدا ومع العلم هو يعني مطلق وعنده بنت وعمرها 7 سنين وكل اسبوع هي بتيجي عندي وبضل يومين تقريبا والله وبحطها على رموش عيوني وبحبها كتير وهي كمان صارت تناديني ماما انا تعبت ومش قاردة اتحمل اكتر من هيك راح يصير عمري 19 وانا شفت كل هادا طيب لما يصير 22 شو راح اشوف كمان من هادي الحياة كرهت كل اشي حوليه صرت ما افكر بشيء غير اني وينتا بدي اموت وارتاح من كل هادا والله اني ما بقصر بشيء من مررة هو واخوته بتاجروا بالحيوانات متل الكلاب الولف والقطط الفارسية وانا اللي بحطلهم اكل وبنظف تحتيهم وبدير بالي على كل شيء بس برضوا انا تعبت مش كل اشي انا المسؤولة عنه أي شيء بضيع منهم او بينسرق انــا والله انا عمري ما مديت ايدي على اشي وبخاف الله واهلي علموني الحلال والحرام بس هم يمكن عشان مش متدينين كتير ولا حتى بخافوا الله كل هادا بيصير معي وبضل ساكته وبيتهموني في اشياء انا والله ما عملتها من مرة ويشهد عليه الله مــا بقدر احكي اشي بخاف منهم وابني انا ما بقدر ابعد عنه من مررة شو اعمــل انصحونـي انا تعبت من كل هادا وفوق هاد كلــه ما راح انجب اطفال مررة تانية وبسبب مين حماتي وابنهـا يا الله ليه كل هادا وعشان شو مش عارفة شو اعمل " حسبي الله ونعم الوكيل بس
السلام عليكم "" ما بعرف كيف بدي احكي قصتي ومن وين ابدا بالضبط ممكن تكون محرجة شوية بس انا والله مش قادرة اتحمل اكتر من هيك تعبت انا متزوجة من 4 سنين تزوجت كان عمري 15 سنة انجبت طفل كان عمري 16ونص تقريبا وتزوجت غصب عني انا ما كنت بدي اتزوج بس اهلي زوجوني واعطوني لرجل عمره 35سنة المهم بعد ما انجبت طفلي اخذتني حماتي عند صديقتها وهي ممرضة عملتلي مانع حمل وهو طبعا اكيد زوجي بيعرف اتفق هو وامه مع الممرضة عشان تعملي المانع "اللولــب" بطريقة غير قانونية بعد 3 سنين زرت طبيبة نسائية حكتلي انه انا في وضع صعب جدا وميؤس منه ومش راح انجب بسبب هادا المانع لاني عملته في سن صغير كتير وتأخر عليه كتيـر المهم هلاء انا بعاني كتير من جوزي وحماتي والناس اللي حوليــه عشان اني ما راح انجب من مررة وعاد والله اني ما حكيت اشي ولا حتى عاتبتهم ضليت ساكته وحكيت معلش قدر الله وما شاء فعل لكن المصيبة انهم سيئين معي لدرجة انهم ببهدلوني وبيهنوني كتير وبيعايروني بأهلي وجوزي بضل يغلط على امي كتير وانه مش طايقها مع انهم اهلي ناس كتير مناح ومحترمين وما بيدخلوا في احد من مرة وما الهم علاقة فيهم من مررة وما بيخليني اخذ ابني معي عند اهلى قال لانه بقرف منهم علشان هو هويته قدس وعنده بيت في اسرائيل " ماريو ليزني " وانا ضفة واهلي ناس بسطاء جدا ومع العلم هو يعني مطلق وعنده بنت وعمرها 7 سنين وكل اسبوع هي بتيجي عندي وبضل يومين تقريبا والله وبحطها على رموش عيوني وبحبها كتير وهي كمان صارت تناديني ماما انا تعبت ومش قاردة اتحمل اكتر من هيك راح يصير عمري 19 وانا شفت كل هادا طيب لما يصير 22 شو راح اشوف كمان من هادي الحياة كرهت كل اشي حوليه صرت ما افكر بشيء غير اني وينتا بدي اموت وارتاح من كل هادا والله اني ما بقصر بشيء من مررة هو واخوته بتاجروا بالحيوانات متل الكلاب الولف والقطط الفارسية وانا اللي بحطلهم اكل وبنظف تحتيهم وبدير بالي على كل شيء بس برضوا انا تعبت مش كل اشي انا المسؤولة عنه أي شيء بضيع منهم او بينسرق انــا والله انا عمري ما مديت ايدي على اشي وبخاف الله واهلي علموني الحلال والحرام بس هم يمكن عشان مش متدينين كتير ولا حتى بخافوا الله كل هادا بيصير معي وبضل ساكته وبيتهموني في اشياء انا والله ما عملتها من مرة ويشهد عليه الله مــا بقدر احكي اشي بخاف منهم وابني انا ما بقدر ابعد عنه من مررة شو اعمــل انصحونـي انا تعبت من كل هادا وفوق هاد كلــه ما راح انجب اطفال مررة تانية وبسبب مين حماتي وابنهـا يا الله ليه كل هادا وعشان شو مش عارفة شو اعمل " حسبي الله ونعم الوكيل بس
تعليقات القراء
لا يوجد أمل بأن تحملي أبداً ؟!!!!!!!!!
إذا تطلقتِ منه فسوف يأخذ الطفل منكِ و إذا بقيتِ معه سوف تعيشين طوال عمرك بالذل و المهانة !!
و أنت في كل الحالات محرومة من الإنجاب !
إذا أردتِ رأيي الشخصي بصراحة :
أطلبي الطلاق و إنفصلي عنه و تخلصي من هذه العائلة , و إن أراد إبنكِ في المستقبل أن يراكِ فسيأتيكِ بنفسه !!!
و الطلاق شرعه الله و هو ليس بحرام !
و أنتِ ما زلتِ صغيرة و الفرصة أمامك في الزواج من شخص منفصل أو أرمل عنده أطفال , و سعتبريهم أطفالك و تربيهم أفضل تربية !!!
مع تصوري لرأي أهلك في الموضوع ! بما أنهم قد رموا بكِ بهذه الزيجة الشؤم !!
الله يعوضك و يصبرك أختي , لا حول و لا قوة إلا بالله .
ومع احترامي الشديد كمان لأهلك ..... للأسف هم كمان باعوكي
بس لا مفر .... لازم تحكيلهم عن كل اللي صار معك .... لعل وعسى أن تلاقي آذان صاغة عندهم
وترجعي تعيشي عند أهلك معززة مكرمة أحسنلك من الحياة معه
وكمان بدوري على خلفه منه ما بدك هالخلفه شو بده يخلف الغزال بخلف غزال والكلب بخلف جرو
حملك خفيف هذا رايي اتركيه واضربيه على راي المصاروه بالكزمه
الا تجارته هو واهله بالكلاب شو بتترجي منه
المثل بقول من عاشر القوم اربعين يوم صار منهم... فهؤلاء عاشروا الكلاب
فهمك كفايه
انتي كلامك كان بحمل اكثر من مشكلة واكثر من شخص وفي استنتاج من كلامك انه زوجك نوعا ما ما بحسبلكم حساب وهاد كمان اله دخل باهلك
انتي بدك تحلي تراكمات صارت فوق بعضها البعض وازعجني تميزكم بين بعضكم هوية قدس وضفه وذكر تفاصيل بقصتك ما كانت ضروريه
عالعموم زوجك لازم يحس بوجودك واهميتك بحياته وكوني قوية لا تخلي حياتك تضل بحيطة واطية اهلك ساهموا فيها وانتي كملتيها بسكوتك
بالنسبة للخلفة كمان انتي خليتيهم يوصلوا لهيك امور لانك مستهينة بحالك وبالي صار من ورا هبل امه وهبل زوجك فلا تضلي مستهينه بحالك عشان تقدري تحلي مشكلتك
ابنك اخر مرجعه الك
معاملة الزوج الك بتتغير بس تغيري من مكانتك الحالية بالعيلة لازم انتي ترفعي قيمتك الي الك زمان مستهينة فيها
للحديث بقيه....
طرحتي مشكلتك ووصدقاا انها معقدده جداا وتريد موقف حاازم من اهللك انتي يسااندوونك بين اهل زوجك
صحيح في بعض الاخطاء منك ما اطلعتي اهللك ع مشاكلك وحاااوولتي حلها ما امكن ولاكن لم تستطيعي
انصحك بعرض مشكلتك على رجل من اهللك تثقين به لكي يقف بوجهه اهل زوجك ويقووم باخذ حقك كااملا ووضعهم اما الامر الواقع ويتخذ بمشوورتك القرار الانسب لكي علما ( انك لسسه باوول عمرك العمر كلو يارب سعااده )
و ع ررئي المثل ( بدون اهلك بتهللك ).
(. .)
حسبي الله ونــــــعم الوكيل ......
زرت طبيبة نسائية حكتلي انه انا في وضع صعب جدا وميؤس منه ومش راح انجب بسبب هادا المانع لاني عملته في سن صغير كتير
2-
وما بيخليني اخذ ابني معي عند اهلى قال لانه بقرف منهم
طيب هيك بتخلفي الولد ابنك ولا اتبنيتيه ولا ابن جوزك ؟؟؟
والسعااادة حيث كاااانت
والسعااادة حيث كاااانت
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
مشكلة اللولب هذه واحده
وسوء المعامله هذه الثانيه
وزواجك وانتي صغيره
وسوء معاملته لاهلك
واتهامهم لك بالسرقه وتربية الكلاب
والاسوأ انك تحملين هويه الضفه وهو هويه اسرائيل والاعقد من ذالك وجود الطفل انا ارى ان تصارحي اهلك وتضعيهم في صورة الموقف .
وتذكري ان كرامة الانسان فوق كل اعتبار
كوني انسانه قويه تحدي الواقع ولا تستسلمي وان شاء الله موفقه