يا ابني ..الناس كالامواج ان سايرتهم اغرقوك وان تركتهم اتعبوك وقال ابراهام لنكولن انا امشي ببطء..ولكن لم يحدث ابدا انني مشيت خطوه واحده للوراء ..مبدئيا خبي فلوسك وما تجيب سيره لاحد...التربيه والتعليم بحاجه لتخصصك وخاصه للذكور ..ثانيا دور على بنت حلال متعلمه وتزوج والله الخير بوجوهن ..ثالثا في مكاتب فحص تربه روح اشتغل هناك لتكسب خبره وهو ضمن تخصصك سنه سنتين وبعد ذلك افتح مشروعك بنسبه 25 %فقط من المبلغ يا ابني من امن الزمان خانه ومن اسرع كثر عثاره ونصيحتي الك كمان لا تتكلم عن المبلغ لاحد مع الاتكال على رب العباد ..واتمنى لك دوام التقدم والازدهار وتحياتي للوافيرا على مداخلتها اللطيفه سيدتي

أولا أخي الكريم الله يباركلك بالورثة. ما بعرف إذا عندك بيت أو لأ. إذا أهلك ملاكين إبني طابق إلك أحسن من الإيجار للمستقبل وبعد الزواج. أو ممكن تدخل شريك مع تاجر ثقة في مجال السيارات ... الله بارك بالتجارة. أو اشتري شقة وادفع دفعة من الورثة إذا كنت تشتغل. وممكن تشغلهم بالبنك زي الإسلامي وممكن تشغلهم عند تاجر وتاجر أرباح شهرية وبتحافظ ع راس المال بنفس الوقت.

بتمنى أكون أفدتك.

السلام عليكم انا رأي تفح مطعم وجبات سرعه مثل شاورما وبرغر ومشروبات وهيك اشي عني صدقني هادا الاشي ال بمشي وبنجح واسال الله ان ختار لك الافضل

هذا راجع لميولك وماذا ترغبين اريد ان اقول لك ان تتاجري كان تفتحي مكتبة او محل ازهار وغير ذلك ولكني لا اضمن لك النجاح اذا كنت غير محتاجةللمبلغ او كنت موظفةفاني اؤيد شراء شقة بالتقسيط ومن اجرتها تسدين الاقساط او شراء ارض فالارض ذهب واذا اقدمت على التجارة فيجب عليك دراسة الموضوع جيدا قبل الاقدام وان تخططي له والله يوفقك

لا تضع كل البيض في سله واحدة

ولا تثق بأي اي بسهوله

خطوة خطوة امشيها وبتنجح

حبيت اصلح الك بعض الكلمات بالنص بابا= والدي "الله يرحمه"
خلصة = خلصت
واعطي حالك وقت كافي للتفكير ولا تستعجل لانه لا سمح الله ممكن تخسرهم بسهوله بدها تفكير وحذر وشوف شو ميولك وقناعاتك والمجال العقاري الافضل على الاطلاق اذا كنت بتشتغل حطهم دفعه لبيت وكمل انت اقساطه من شغلك وهذا احسن استثمار على الاطلاق مومافي مخاطر والعقار بزيد سعره

الله يرحم والديك وجميع المسلمين لا تنسى كثرة الدعاء لوالديك وللمسلمين بالرحمة .

احسن مشروع انك تتجوز فيهم بس ازا خسرت ما دخلنيش

قاموس عربي
صباح الخير وينك ؟؟

لو معك 18 الف مافت الجريده كلها

السلام عليكم

ارجوكم ساعدوني على تفسير حلمي

حلمت بان زوجتي تدعي عليه ومش طايقتني من مرررة وبتدعي الله ينتقم منك والله لا يردك وكارهتني لدرجة مش طبيعية وفي الاخير اكلت من لحمي وكانت توكله غصب عنها مش بشهوتها وبعدين حكت لبنتي اللي من زوجتي الثانية يلا روحي مع ابوكي *** الصراحة هذا الاشي قالقني ومش عارفة كيف اتصرف **** ارشدوني وساعدوني رجاءا
مع انه هي كتير منيحة معاها ومعاي

ليش يا بنت الحلال .. طيب شواريك اللي معه نص مليون ويلعق معك هون .. يكون مهستر مثلا !

احسن مشروع يدر دخلا هو فتح خماره لبيع الغرق فقط

اخي صاحب المشورة هناك عدة مشاريع وافكار اقترحها عليك تناسب ما بحوزتك من مبلغ مالي ..

1- استئجار مبنى وعمل روضة اطفال فيه وهذا المشروع مفيد جداً لك من الناحية المادية وادراتها من قِبلك كونك تمتلك شهادة في مجال التدريس اضافة الى تشغيل ايدى عاملة من المعلمات او المعلمين العاطلين عن العمل ...

2- فتح مطعم مناسب للمبلغ المالي الذي بحوزتك وهذا ايضاً مشروع مادي جيد لكثرة الطلبات على المطاعم والوجبات الجاهزة في الوقت الحالي ..

3- فتح محل خلويات مناسب للمبلغ الذي تملكه .
4- فتح مركز ثقافي لاعطاء دروس خصوصية لطلاب التوجيهي تديره انت ويشاركك مجموعة من المعلمين اصحاب الخبره ..

5- بناء شقه سكنية وتأجيرها والاستفادة من أجرتها ..

6- فتح مقهى وهذا مطلوب في الوقت الحالي ..
7- فتح مقهى انترنت وهذا بالذات شغال ليل نهار ...

8- ضمان مزرعة سنوياً وزراعتها بمحصول نباتي موسمي مناسب والتجارة بالمنتج ..

9- فتح محل أواعي للاطفال او السيدات لانهم الاكثر اقبال على شراء الملابس من الرجال او فتح محل للأحذيه او اكسسورات ومكياجات وعطور .....

10-فتح محل مواد بناء او مواد التصريف الصحي خاصة هذه الفترة لنشاط الحركة العمرانية بسبب وجود الأجئين السوريين في الاردن..


ملاحظة** نصيحة اخيرة مني لك اياك ثم اياك من الشراكة لا خير فيها وجعة راس بلا فائده كما يقول المثل (ألعب وحدك تيجي راضي )

امنياتي لك بالتوفيق *

اخي اي مشروع تجاري يحتاج الى دراسه وخبره وراس مال .. انا شخصيا انصحك ما تستعجل , وما اعتقد مجرد تعليق هنا رح يعطيك مفتاح لمشروع مضمون النجاح !

" خلصة جامعة بتخصص علوم الأرض " بهنيك انك خلصت جامعة بتخصص علوم أرض .
18 ألف مبلغ حلو ،،،،،
اذا بدك تشاور المفروض تشاور شخص اله خبرة في هذا المجال ،،، ما بقدر أقلك غير دير بالك غلطة ممكن تخسرك كل شي ،،،، و لا تدخل شراكة مع حدا ،،، العب وحدك تيجي راضي .

اخي طالب المشوره والنصح....
اعتقد بانك وحدك من يملك قرار نفعك...فمن يعلم عنك اكثر من انك شاب عمره 22 سنه ويملك بعض المال...فحتى اين تسكن لا ندري علما بان مبلغا مثل الذي تملكه يعتبر ثروه في بعض المناطق ويعتبر ملاليم لا تسمن ولا تغني من جوع في بعض المناطق...اضافة الى مقدرتك وموهبتك ونشاطك وكسلك والكثير من الامور التي لا بد للناصح المالي من ان يلم بها...
ولكي لا نبتعد عن جوهر الموضوع...انصحك بدراسة احتياج السوق..والمنطقه التي تقطن فيها..وتمهل وتريث ولا تستعج...وانصحك ان قررت ان تغامر او تتاجر بان لا تشتغل الا بنصف المبلغ او اقل...وان ترصد الباقي احتياطا للظروف...ففي نظرية راس المال فانهم يتاجرون دوما بربع المبلغ والبع يركنونه للاحتياط والربع الثالث للدعايه والاعلان عن المشروع والربع الاخير راس مال مجمد لحين الضروره...
اتمنى لك التوفيق

افتح مصعم صغير وجبات سريعه مه مراعاه الموقع الصحيح ولو المبلغ اكتر من هيك كان حكيتلك اشتري شقه مفروشه واجرها

انا كنت بمهمه خارجيه وجبت مبلغ كويس وجيت بنيت بيت كبير وطار المبلغ كله ,, انا بنصحك بمشروع يدر دخل ,, وهسه التكسي بجيب دخل ممتاز اذا اشتغلت عليه بنفسك ,, بعرف ما بكفي المبلغ لكن جيبه عن طريق البنك او اي طريقه ثانيه والتكسي بسد عن حاله ,,, لو كانت عندي هاي الفكره سابقا كنت نزلت تكاسي اثنين وارتحت للابد