أفلا تتمردون!


يا أستاذ يا عم يا خال هو أنت ليه لحد دلوقتي ماخدتش قرارك و حسمت اختيارك بالانضمام إلي ركب إنقاذ مصر و إخراجها من لجة الظلام إلي النور , أنت ليه متردد توقع استمارة تمرد أو تنزل تشارك يوم 30 يونيه , ليه بتقول ندي فرصه , يا قلبك الآسي علي مصر يا جدع لسه عايز تدي فرصه عشان يبهدلوا مصر و يبهدلوك أكثر من كده , لسه عايز تهين نفسك و تفرط في أرضك و ضيع بلدك, ياريت تصحي و تشغل عقلك شوية , مصر تستحق أنك تفكر و تقرر , أولادك يستحقوا تخاف علي مستقبلهم , طيب ممكن أسألك سؤال ليه حضرتك عايز تدي فرصة؟ أية؟ بتقول أية؟ لأنه رئيس مسلم يصلي و ملتحي! بص يا سيدي لو كان مسلم ما هو أحنا كلنا مسلمين , لو بيصلي دي علاقة بينه و بين ربنا , ملتحي وأية يعني دي مش ميزه ولا دليل علي إيمانه تعرف ليه؟ لان القسيس ملتحي و الحاخام ملتحي , بتقول أية؟ ده رئيس يمثل المشروع الإسلامي؟ ... عيب عليك يا راجل تختزل الإسلام في مشروع, لان الإسلام أكبر من الإخوان و أعظم من السلفيين و أنبل من اعتباره مجرد مشروع يحتمل النجاح أو الفشل , ممكن تفهمنا هما عملوا أية أصلا للإسلام ؟غير التجارة و النصب باسمه , طيب فين الشرع و الشريعة اللي طبقوها؟ ولا هي كانت مجرد شعارات عشان يضحكوا بيها علي الغلابة و الطيبين , حللوا القروض وقالوا علي الفوائد مصاريف إدارية " مش برضو ده اسمه ربا! " و بدل ما يحرموا الخمور فرضوا عليها ضرائب عشان يصرفوا منها علي مشروعهم التمكيني رغم أنها محرمة بنص قرآني, و مش كده وبس الحاكم العابد الناسك الزاهد المؤمن مد ترخيص الكباريهات و النوادي الليلية من سنة أيام مبارك إلي ثلاث سنوات و كله بما لا يخالف شرع الله !! يبقي فين الإسلام من أفعالهم و قراراتهم و قوانينهم؟ فوق يا مصري و شيل الغشاوة من علي عينك و شوف حال مصر بعد 12 شهر من الحكم بقي أزى تحولت من المحروسة إلي المنحوسة المتعوسة الموكوسة , سنة وحده بس مليئة بالإخفاقات اللي رجعتنا 100سنة للوراء ومنها علي سبيل المثال لا الحصر:
1: الفشل في إدارة أزمة سد النهضة الإثيوبي
2: تفاقم مشكله الكهرباء و السولار
3: الارتفاع الجنوني للأسعار
4: ارتفاع نسبة الفقر و البطالة
5: هروب الاستثمارات و خسائر البورصة
6: ارتفاع دين مصر بمعدل 2,5 مليار دولار شهريا
7: هروب الاستثمار و رؤؤس الأموال
8: إغلاق 1000 مصنع و تسريح العمال
9: ارتفاع الدولار أمام الجنيه
10: سيطرة الإرهابيين علي سيناء
11: خفض التصنيف ألانتمائي لمصر لأدني مستوي
12: انهيار قطاع السياحة
13: 3460 معتقل سياسي
14: تعذيب وقتل النشطاء والمعارضين
15: أخونة وزارة التعليم و جميع الوظائف القيادية بالدولة
16: نهب المال العام
17: غياب الأمن و ارتفاع معدلات التحرش و السرقة
18: اضطهاد المرأة و الأقباط
19: انخفاض الاحتياطي النقدي بما يهدد مصر بشبح الإفلاس
20: تدني مكانة مصر عربيا و دوليا
21: تدهور الأوضاع الاقتصادية و تبني سياسة الشحاتة و مد الأيادي
22: تعمد إفشاء أسرار عسكرية و إستراتيجية تهدد الأمن القومي
23: غل يد القوات المسلحة في هدم الإنفاق رغم ما تسببه لمصر من أخطار
24: التضييق علي الإعلام و الصحافة
25: فرض ضرائب جديدة علي مرتبات الموظفين و العاملين
26: ارتفاع حجم التضخم
27: محاولة الاستيلاء علي محور قناة السويس و جعله إقليم غير خاضع لقوانين مصر
28: تفصيل قوانين تصب في مصلحة الجماعة
29: تعين نائب عام خاص ملاكي للإخوان
30: استمرار عبث مجلس الشورى الباطل بـ الحياة التشريعية
31: استهداف جنود الجيش و الشرطة بالخطف و القتل
32: التجارة بالدين
33: عدم تطبيق الحد الأدنى و الأقصى للأجور
34:حماية الإرهابيين و المتطرفين
35: الاعتداء علي الأزهر و الكنيسة
36: الكذب و عدم الوفاء بالالتزامات و الوعود
37: الإستقواء بأمريكا و مهادنه الصهاينة
38: مهاجمة الأدباء و المثقفين و المبدعين
39: إدارة الدولة بفاشية مستبدة
40: معاداة المؤسسات كالجيش و القضاء و التحريض الدائم ضدهم
41: عمل دستور معيب غير توافقي
42: سيطرة رجال الأعمال الإخوان علي الأسواق و احتكار السلع
43: التعامل بـ أسلوب المغالبة لا المشاركة
44: تقسيم الشعب و بث الفتن
45: قمع الحريات و انتهاك حقوق الإنسان
46: منظمة العمل الدولية وضعت مصر علي القائمة السوداء
47: انتشار الأسلحة بشكل مخيف و ازدياد حالات العنف
48: أعادة قانون الطوارئ
49: تعين حكومة فاشلة عاجزة
50: عدم الولاء لمصر و الولاء الكامل للتنظيم الدولي و الأهل و العشيرة.
أبعد كل هذا الفشل و الأسباب التي تدعو للقلق علي مصير الوطن لازالت نفوسكم مترددة عازفه عن المشاركة في المد الثالث للثورة
ألا تكفيكم كل هذه الإخفاقات السياسية و الاقتصادية لـ تغضبون , كل هذا التجريف للحياة الاجتماعية و الثقافية و الإبداعية و المهانة و دنو المكانة بعد أن كانت مصر تاج العلا في مفرق الشرق أفلا تتمردون! اعملوا عقولكم و حكموا ضمائركم مصر تستغيث بكم أفلا تثورون!!



تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات