حماتي تريد طلاقي .. ماالعمل ؟؟
جراسا - السلام عليكم انا امراه متزوجة منذ 3 سنين . حماتي جننتني مش عارفة شو بدها . بتكرهني من دون سبب وتسعى الى طلاقي ودائما تؤزيني بكلامها الجارح ...مازا افعل بها ؟؟؟؟؟
السلام عليكم انا امراه متزوجة منذ 3 سنين . حماتي جننتني مش عارفة شو بدها . بتكرهني من دون سبب وتسعى الى طلاقي ودائما تؤزيني بكلامها الجارح ...مازا افعل بها ؟؟؟؟؟
تعليقات القراء
جميل جمال
اذا زوجك بحبك خليه يشوفلك بيت بعيد عن منزلها وكل ما كان البيت ابعد بكون احسن
06-03-2013 04:00 AM
emmad
صاحبة المشكلة : تحية وبعد ... لانعرف الكثير عن مشكلتك هل انت تقيمين مع حماتك بنفس البيت .وهل لديك اطفال .. اقول لك اين شخصية زوجك فلوا كان يمتلك شخصية وله دوره في العائله لما سمح لأمه بإهانتك . حاولي التقرب منها ...استوعبيها وحاولي ذلك تكرارا .... وكوني الطرف الايجابي في العلاقه مع حماتك ٠٠٠٠ والدور الاكبر للزرج فهل من المعقول ان يكون له دور في تهدئة امه .... اصبري واصبري وسيكون الفرج باذن الله قريبا واتمنى لك حياة سعيده
06-03-2013 04:34 AM
ريما
سبحان الله وبحمده سبحان الله العظيم --عليكي بالصبر والكلام الجميل معها --والله يهديكم
06-03-2013 07:07 AM
سلطيه
بالبداية أنتقد تدمير لغتنا بهذه الطريقة وثانيا نعلم بان الحماه والكنه مشكلة للتي لا تحسن طريقة تفاهم معها وتعلمين أختي نحن النساء كافه قادرات على جعل حياتنا سعيده أو لا قدر الله تعيسه نصيحتي لك احترامها اولا ومعاملتها كصديقه واذا أردت اعتبريها بقام والدتك ولا تنسي بانها والدة زوجك فأنا أنصحك كوني كنه ولأنني أحب زوجي وأحترمه وأتمنى أن تكون حياتي مرتاحه أحاول بقدر امكانياتي البحث عما هو مريح الذي اريد ان اقوله لك أختي ستكوني يوما حماه وتخيلي ماذا سيكون شعورك اتجاه الكنه شكرا للمحرره
06-03-2013 07:22 AM
salman22
هذة سنه في بلادنا للاسف تشعر الحماه
بانها مظلومه وتم اخذ ابنها من قبل
زوجته وتنسى انها كانت كنه
عامليها بالحسنى وسمعيها من الاشرطه الدينية لعلها تغير فكرتها واكسبيها
وقدري موقف زوجك لانه بين ناريين
وادعي لها بالهداية لعل الله يغير ما تكنه لكي
مع امنياتي لك بالتوفيق
بانها مظلومه وتم اخذ ابنها من قبل
زوجته وتنسى انها كانت كنه
عامليها بالحسنى وسمعيها من الاشرطه الدينية لعلها تغير فكرتها واكسبيها
وقدري موقف زوجك لانه بين ناريين
وادعي لها بالهداية لعل الله يغير ما تكنه لكي
مع امنياتي لك بالتوفيق
06-03-2013 07:28 AM
--Zaid--
والله يختي مش عارف شو بدي احكيلك ....يعني اذا بنلاقي في يوم من الأيام حل لقضية فلسطين ... قضية الحموات مستحبل ينلاقها حل .
هي رح تضل تطسك وتبهدلك بسبب ذنبك الأبدي اللي هو انك تزوجتي النشمي ابنها واخدتيه منها ....ديري بالك ع بيتك واتركيها في رب بحاسبها .... نصيحة صغيرة الك اوعك تستلمي جوزك امك عملت وامك سوت ....بتنكدي ع بيتك ع الفاضي لانها بالنهاية امه وما رح يقدر يعمللها اشي .
عزبزتي زوجة المستقبل ربنا بحبك لانه بعتلك حماة بتوقف مع كناينها ضد ولادها ... الله عليكي يا أمي .
صباح الخير للجميع.
هي رح تضل تطسك وتبهدلك بسبب ذنبك الأبدي اللي هو انك تزوجتي النشمي ابنها واخدتيه منها ....ديري بالك ع بيتك واتركيها في رب بحاسبها .... نصيحة صغيرة الك اوعك تستلمي جوزك امك عملت وامك سوت ....بتنكدي ع بيتك ع الفاضي لانها بالنهاية امه وما رح يقدر يعمللها اشي .
عزبزتي زوجة المستقبل ربنا بحبك لانه بعتلك حماة بتوقف مع كناينها ضد ولادها ... الله عليكي يا أمي .
صباح الخير للجميع.
06-03-2013 07:37 AM
0000000
و..... الي عندك
06-03-2013 08:07 AM
عاشقة الاستغفار
السلام عليكم ورحمة الله وبركاته
بدي احكيلك انك تسايريهاوتحاولي تتقربي
منهاوتهديهالو شيءبسيط
وتساعديهافي شغل البيت يمكن هيك اتخف
عنك شوي وشو بالنسبه لزوجك من النوع يلي بيتفهم الامورولا متل مابدهاالماما
الله الهادي يهديلك حماتك وجميع الحموات
والله ولي التوفيق
بدي احكيلك انك تسايريهاوتحاولي تتقربي
منهاوتهديهالو شيءبسيط
وتساعديهافي شغل البيت يمكن هيك اتخف
عنك شوي وشو بالنسبه لزوجك من النوع يلي بيتفهم الامورولا متل مابدهاالماما
الله الهادي يهديلك حماتك وجميع الحموات
والله ولي التوفيق
06-03-2013 08:26 AM
الغزاويه
اكسبيها لصفك شوفي شو بتحب واعملي
مره ومرتين وثلاث.
مره ومرتين وثلاث.
06-03-2013 08:51 AM
ابن الجنوب *
أسالي حالك شو قدمتي لحماتك
كيف انت بتردي عليها كيف بتعامليها
انت من يقرر حسب معاملتك لها احكيلها كلام كويس
بس النسوان مش قليلات
احترامي لك
كيف انت بتردي عليها كيف بتعامليها
انت من يقرر حسب معاملتك لها احكيلها كلام كويس
بس النسوان مش قليلات
احترامي لك
06-03-2013 08:57 AM
نفس المشكلة
والله يا اختي بدك تصبري وتدعي ربنا يفرجى عليكي والله انا حماتي طلعت روحي وصلت معها انو قالتلو ياها لزوجي علنا انو يطلقني بس الحمد لله لاني انا كنت صابرة ومتحملة وعم ادعي ربي ليل نهار ما صار يلي بدها ياه
06-03-2013 09:15 AM
اوكي
ههههههههه احلا صباح للكل ولصاحبة المشكلة خص نص
من بداية التاريخ الام هي الانثي الاقرب للرجل قبل الجيزة لكن بعد الجيزة هالمعادلة بتتغبر واهمية الام بتتراجع وهذه سنة الحياة
ومشان نحلل هالحالة ولانه ما فيه تفاصيل رح نحط شوية افتراضات :-
الفرضية الاولي -
انه العلاقة بين زوجك وحماتك قبل الجيزة كانت كثير قوية وكان زوجك يغطي فراغ معين بحياة حماتك ولما ارتبط فيك شعرت حماتك شعوريين الاول اجا مين اخذ ابنها منها وشعورها بالفراغ رجع وردة فعلها انه ابنها لازم يرجع لحضنها وانك انت صرتي عدوها الاول
الفرضية 2
انك مزهقة الرجال حياته وحماتك شايفة ابنها تعيس ومسكين وحزين ودموعه على خده ليل نهار ومهموم ومكبوس وبداية سكري وضغط وباعديته عنها وعن اخوانه وخواته وابوه وشخصيته ضعفت وقررت حماتك انها تنقذ ابنها منك ومن عمايلك
الفرضية الثالثة
انك مو منيجة مهها ومع اهل زوجك بس زوجك بعده مش مكتشف هالشي
الفرضية الرابعة
انها حماتك كثير بتحبك لدرجة الجنون مع انه هالفرضية هذه مستبعدة وانه ابنها مو منبح معك ومورجيكي نجوم الظهر وانها قررت تنقذك منه
الفرضية الخامسة
حماتك عندها مشكلة وزوجك عنده مشكلةوانت عندك مشكلة وما فيه لغة مشتركة او اى تفاهم بينكم
الحل
انك تقراي 10 - 20 كتاب علم نفس وخاص بكيفية التعامل مع الحماة وبنصحك تحضري فلم جنفر لوبيز في هاذ الخصوص
المهم ومن غير كثر كلام بتمنالك انك تجدي الطريقة المناسب لتصحححي العلاقة بينك وبين حماتك وزوجك والافكار كثيرة هووون بس كله بعدمد انه حالتك على اى فرضية شغالة
من بداية التاريخ الام هي الانثي الاقرب للرجل قبل الجيزة لكن بعد الجيزة هالمعادلة بتتغبر واهمية الام بتتراجع وهذه سنة الحياة
ومشان نحلل هالحالة ولانه ما فيه تفاصيل رح نحط شوية افتراضات :-
الفرضية الاولي -
انه العلاقة بين زوجك وحماتك قبل الجيزة كانت كثير قوية وكان زوجك يغطي فراغ معين بحياة حماتك ولما ارتبط فيك شعرت حماتك شعوريين الاول اجا مين اخذ ابنها منها وشعورها بالفراغ رجع وردة فعلها انه ابنها لازم يرجع لحضنها وانك انت صرتي عدوها الاول
الفرضية 2
انك مزهقة الرجال حياته وحماتك شايفة ابنها تعيس ومسكين وحزين ودموعه على خده ليل نهار ومهموم ومكبوس وبداية سكري وضغط وباعديته عنها وعن اخوانه وخواته وابوه وشخصيته ضعفت وقررت حماتك انها تنقذ ابنها منك ومن عمايلك
الفرضية الثالثة
انك مو منيجة مهها ومع اهل زوجك بس زوجك بعده مش مكتشف هالشي
الفرضية الرابعة
انها حماتك كثير بتحبك لدرجة الجنون مع انه هالفرضية هذه مستبعدة وانه ابنها مو منبح معك ومورجيكي نجوم الظهر وانها قررت تنقذك منه
الفرضية الخامسة
حماتك عندها مشكلة وزوجك عنده مشكلةوانت عندك مشكلة وما فيه لغة مشتركة او اى تفاهم بينكم
الحل
انك تقراي 10 - 20 كتاب علم نفس وخاص بكيفية التعامل مع الحماة وبنصحك تحضري فلم جنفر لوبيز في هاذ الخصوص
المهم ومن غير كثر كلام بتمنالك انك تجدي الطريقة المناسب لتصحححي العلاقة بينك وبين حماتك وزوجك والافكار كثيرة هووون بس كله بعدمد انه حالتك على اى فرضية شغالة
06-03-2013 09:34 AM
سما
صباح الورد والفل والعنبر والياسمين لاحلى معلقين ولاجمل محررة
06-03-2013 09:54 AM
اناصاحبة مشكلة امبارح جوزي بدو يجوز
اسمعي اعمليلها حجاب تبطل تفوت الدار واذا كانت ساكنه عندك اعملي حجاب تكريها الدار غير هيك مافي غير حلول .....خليها بعدين بحكيلك عنها
06-03-2013 10:23 AM
عابر A سبيل
تؤزيني ؟ ومازا ؟ انا بقترح على اختي الفاضلة العزيزة المحررة انو ما تنزل النا مشاكل بتشمل دلع زايد لانو بحس ... من اصحاب المشكلة وهدفهم التسلية فقط . بفضل اني التزم السكوت بهاي المشكلة وما ارد ابدا متابع بصمت ♥
06-03-2013 10:43 AM
.....yahoo.com
علشان انت مقصرة فيها علشان هيك بتكرهك ... انتم معشر النسوان انانيين بتحبو تتملكوا الواحد بعد الزواج .... اكيد بتزني براس زوجك علشان يبعد عن امه ... وهي شكلها من ما تزوجتي ابنها ما شافت منك خير علشان هيك بدها تطلقك منه .... بتستاهلي ...
وجنت على نفسها براقش ....
وجنت على نفسها براقش ....
06-03-2013 11:13 AM
الألـــــوافيرااااااااا
أختي صاحبة الموضوع
انصحكي بما يلي :
عندما تتحدث حماتكِ وتحاول استفزازكِ او ازعاجكِ اسكتي وتماسكِ اعصابكِ
2- اكثري من الهدايا لحماتكِ لقول الرسول محمد صلى الله عليه وسلم (تهادو تحابو ) وفعلاً هاي مجربة الهديا بتلين القلوب وتحبب الناس ببعضهم ، لو كل اسبوعين تجيبلها شيء يخصها بأيدك ، اكيد رح تحبك شوي شوي ومع الايام بتسيري بغلاة بناتها .
3-كل نهاية اسبوع يوم الجمعة او يوم السبت جهزي وجبة طعام من عمل ايدك وروحي انتي وزوجك وولادك وتغدو معها .
4- خلال فترة تواجدك في بيتها لاتضلي قاعدة قومي اشتغلي في بيتها يعني اجلي اذا في جليات او اشطفي او ساعديها بأي شغلى من شغل بيتها حتى تحس انه انتي مهتمة في مصلحتها وفي بيتها.
5_كوني حذرة لاتنقلي أي كلام تسمعيه من بيت حماكِ سواء لزوجك او لاهلك او لاي حدى يعني اللي بتسمعيه في بيت حماكِ ما بتنقليه لاي شخص مهما كان مقرب منك .
6- اؤعي تعارضيها بأي كلام تحكيه ،دائماً حاولي تكوني مؤيدة لها حتى تكسبيها لصالحك .
7- حاولي تناقشيها بهدوء وبلطف وهي رايقة وتحكيلها ياعمتي شو الأشي اللي مش عاجبك فيي او يزعجك مني حتى احاول اصلاحه
واخيراً تذكري يا اختي انكِ يوماً من الايام ستصبحين حماة لزوجة أبنكِ والزمن دوار كما تدين تدان
فالحماه بمثابة الإم يجب المحاولة بجميع السبل نيل رضاها اتجاهك واتجاه زوجك حتى ينعكس رضاها سعادة وهدوء وطمائنينة عليكِ و على بيتك وزوجك ِ وولادك
وبالتوفيق أن شاءالله
06-03-2013 11:20 AM
اندااري
سلّط امك او وحدة من قريباتك عليها يبهدلوها وينكدوا عليها عيشتها ما بقدر عالمرأة وبفهمها تماما غير مرأة مثلها
06-03-2013 12:05 PM
دانية
بدك تصبري شوووي طاما زوجك بحبك ومعاكي ان شا اللة مابيصير طلاق ؟
06-03-2013 01:31 PM
المخنوق
اذا كنتِ تحترمينها و تقومين بواجبات بيتك و زوجك خلال ال3 سنوات الماضية , و لا تتطاولي عليها و لا على زوجك , و هي في المقابل ترد السلوكات السابقة بما تذكرين بمشكلتك ! فهذه مشكلة يلزمها تدخل الزوج و الأعقل و الأكثر حكمة من أهلك و تدخل لشخص معروف عنه الصلاح و الرأي السديد و الحكمة كطرف محايد !!
أما اذا كنتِ لستِ كما سبق !! عندها لا حق لكِ بطلب الإحترام منها و من غيرها ,, لكن مع ذلك تجنب الإحتكاك معها قدر الإمكان مفيد جداً !
فقيسي و قيِّمي تصرفاتك و ردود أفعالك , و بناءاً عليه كوني أنتِ القاضي و الجلاد !!! نعم ( جلاد ) للطرف المخطيء بحق الآخر ,,,
و اذا كان الخطأ مشترك من كليكما ! و هذا يشبه الإحتمال الثاني أعلاه و حله مجدِ أيضاً !!
الله يهديء النفوس و يريح البال ان شاء الله ,,, اللهم آمين .
أما اذا كنتِ لستِ كما سبق !! عندها لا حق لكِ بطلب الإحترام منها و من غيرها ,, لكن مع ذلك تجنب الإحتكاك معها قدر الإمكان مفيد جداً !
فقيسي و قيِّمي تصرفاتك و ردود أفعالك , و بناءاً عليه كوني أنتِ القاضي و الجلاد !!! نعم ( جلاد ) للطرف المخطيء بحق الآخر ,,,
و اذا كان الخطأ مشترك من كليكما ! و هذا يشبه الإحتمال الثاني أعلاه و حله مجدِ أيضاً !!
الله يهديء النفوس و يريح البال ان شاء الله ,,, اللهم آمين .
06-03-2013 02:01 PM
قرفانه
والنضوة زوجك شو موقفو من الموضوع
06-03-2013 02:54 PM
سامرعساف
اعرفي انه كما تدين تودان كل ماعاملتيها كويس بضل رصيد الك اذا مااخذتيه بالدنيا بتخذيه بالاخره الله الله كمان بالصبر ولاستغفار
06-03-2013 03:02 PM
رانيا
صراحة يا صاحبة المشكلة كل المعلقين قدموا حلول رااائعة مش متخيل حالي مكانك وما تكون المشكلة انحلت!!
06-03-2013 03:03 PM
السوسنة السوداء
الحماة عبارة عن ام
والام دائما تسعى لسعادة ابنائها مستحيل تخرب بيت ابنها
طيب ليش بتحاول تاذيك ماسالتي حالك شو السبب
انت كيف بتعامليها
ولاتنسي انك لازم تعامليها مثل معاملتك لوالدتك
ولا تنسي ان كما تدين تدان
انت رح تصيري حماة بالمستقبل
والام دائما تسعى لسعادة ابنائها مستحيل تخرب بيت ابنها
طيب ليش بتحاول تاذيك ماسالتي حالك شو السبب
انت كيف بتعامليها
ولاتنسي انك لازم تعامليها مثل معاملتك لوالدتك
ولا تنسي ان كما تدين تدان
انت رح تصيري حماة بالمستقبل
06-03-2013 03:36 PM
صاحبة المشكله
اخر كلمتين مادخلهم فيهم
06-03-2013 03:50 PM
شرشور
اسلخي جلدها مره واحده وبمصير مثل التوتو
06-03-2013 05:38 PM
شرشور
أكيد أنها حماه شرسه مشان هيك بدي أجي وأسلحتها معك يوه
06-03-2013 05:56 PM
السّـــــــــراج.
قال الفاروق رضــــــــى الله عنــــــه:
تزاوروا ولا تجاوروا...وشكــــــــــرا.
تزاوروا ولا تجاوروا...وشكــــــــــرا.
06-03-2013 06:58 PM
الى الجميع
صدقوني يا جماعة فيه حموات لو الكنة بتشعللها العشرين ما بيعجبها يعني هو هيك بكون طبعا لذلك ما على الكنة الا انو تصبر عليها ولا تعاملها باالمثل وتدعي ربها ليل نهار انو يفرجها عليها
06-03-2013 10:55 PM
esmaeil
يا عمي طخيها وخلصي وريحي راسك والله احسن شي
06-03-2013 11:56 PM
حسبنا الله ونعم الوكيل
راس مالها كمان 5 سنوات وبتودع اصبري واذا كانت ارمله دبريلها جوز تلتهي فيه لحين ربنا يوخذ امانته...والله اعلم وتحياتي للمحرره
07-03-2013 08:51 AM
عابر A سبيل / الاخ المحررة الفاضلة
...........
07-03-2013 10:00 AM
عابر A سبيل
المشكلة سجلت ايميلي وحطيت الرقم السري لكي اتمكن من الدخول الى اسمي بهذا الموقع وعند محاولتي الدخول باسمي اعطاني اشارة لا يمكن الدخول الى الاسم حتى تتمكن من تفعيل حسابك عن طريق الايميل وللاسف ما وصلتني على ايميلي رسالة تفعيل شو العمل مابدي حد يستخدم اسميالمشكلة سجلت ايميلي وحطيت الرقم السري لكي اتمكن من الدخول الى اسمي بهذا الموقع وعند محاولتي الدخول باسمي اعطاني اشارة لا يمكن الدخول الى الاسم حتى تتمكن من تفعيل حسابك عن طريق الايميل وللاسف ما وصلتني على ايميلي رسالة تفعيل شو العمل مابدي حد يستخدم اسمي
07-03-2013 11:07 AM
تيماء
الله يكون معك والله قصة الحماوات ما الها حل بتضل كل الحياة وهي محمليتك جميلة انك قبلتي بالنضو ابنها والله انا اخي صارلها (۱۰) سنوات متزوجة وهي بالعناء بدك تتحملي الله يعينك على ما ابتلاك الله المؤمنين اشد بلوة
07-03-2013 01:18 PM
شيماء
خلي حماتك وهيا نايمة غنيلها يلاه نامي
يلاه نامي
يلاه نامي
07-03-2013 04:25 PM
بغض النظر
الزمن لا يغير احدا ....الزمن يكشف كل انسان على حقيقته.
08-03-2013 01:16 AM
يا شبيه صويحبي حسبي عليك
يازهور العشب في غبَّ المطـر
يوم علَّتها مراويح السَّحـاب
وياشبيه الورد من بين الزَّهـر
نظرتك تجلى عن النَّفس العذاب
ماتشوف العين مِثلك في البشر
ياعديل الرَّوح لاتطري الغياب
صابرٍ والثانيه عِنـدي شهـر
ماتطيق الرَّوح فقدك والغيـاب
عن جميع البيض غضَّيت النَّظر
تاب قلبي عن جميع البيض تاب
وغير زولك ماعلى بالي خطـر
لو تروح بعيد طيفك مايغـاب
يوم علَّتها مراويح السَّحـاب
وياشبيه الورد من بين الزَّهـر
نظرتك تجلى عن النَّفس العذاب
ماتشوف العين مِثلك في البشر
ياعديل الرَّوح لاتطري الغياب
صابرٍ والثانيه عِنـدي شهـر
ماتطيق الرَّوح فقدك والغيـاب
عن جميع البيض غضَّيت النَّظر
تاب قلبي عن جميع البيض تاب
وغير زولك ماعلى بالي خطـر
لو تروح بعيد طيفك مايغـاب
08-03-2013 01:30 AM
طارق العدوان (فاااااااارس الكـــــــــلمه)
متزوجه من 3 سنين ..........
وحمااتي تعكـــــر مرااقي ...!!
ولاا اعرف ماذا تريد ...
وتسعى داائمآلطلااقي ..!!!
تؤذيني بكلاام جاارح ...
وقصدها بذلك احرااقي ..!!!
*****
اذا اردتي هنا حلآ...
اليكــــــي حلآ اخلااقي ...
تقربي اليها فتره ...
فبعد الفرااق . التلااقي.......
وحمااتي تعكـــــر مرااقي ...!!
ولاا اعرف ماذا تريد ...
وتسعى داائمآلطلااقي ..!!!
تؤذيني بكلاام جاارح ...
وقصدها بذلك احرااقي ..!!!
*****
اذا اردتي هنا حلآ...
اليكــــــي حلآ اخلااقي ...
تقربي اليها فتره ...
فبعد الفرااق . التلااقي.......
08-03-2013 08:12 AM
الألـــــــــــــــــــــوافيرااااا
اللهم في هذا اليوم المبارك يوم الجمعة
اجعله لجمـــيع المسلمين
يوما مبـــــــــــــــــــــارك
فيه لهم دعوة لا تــــــــــــــرد
وهبهم رزقا لا يعـــــــــــــــــد
وافتح لهم باب في الجنة لا يــســــــد
واحشرهم في زمرة سيدنا محمد صلى الله عليه وسلم
اللهم آآآمين ، اللهم آآآمين ، اللهم آآآمين
اجعله لجمـــيع المسلمين
يوما مبـــــــــــــــــــــارك
فيه لهم دعوة لا تــــــــــــــرد
وهبهم رزقا لا يعـــــــــــــــــد
وافتح لهم باب في الجنة لا يــســــــد
واحشرهم في زمرة سيدنا محمد صلى الله عليه وسلم
اللهم آآآمين ، اللهم آآآمين ، اللهم آآآمين
08-03-2013 10:12 AM
الألـــــــوافيراا
قال الشيخ ابن عثيمين (رحمه الله) أفضل الدعاء:
(اللهم إني اسألك الأنس بقربك)
يتحقق للمؤمن فيها أربع..
* عــز من غير عشيرة
** علم من غير طلب
*** غنى من غير مال
**** أنس من غير جماعة
(اللهم إني اسألك الأنس بقربك)
يتحقق للمؤمن فيها أربع..
* عــز من غير عشيرة
** علم من غير طلب
*** غنى من غير مال
**** أنس من غير جماعة
08-03-2013 10:15 AM
شيماء
الى سئلني اذا كنت انا سالي او لاء
انا اخت سالي اصغر منها
انا اخت سالي اصغر منها
08-03-2013 03:07 PM
يا شبيه صويحبي
كفاني عذاب)... كفاني عذاب الله يجازيك بأفعالك !!! جرحت الضمير وما طرالك تداويني مريض المحـبه داه ودواه بـوصالك !!! الا كيف تبخل وانت نظرتك تشفيني الا واعذابي كيف ما عاد يهنالك !!! سوى انك تشوف الموت بيديه يطويني انا يوم احبك ما تصورت غربالك !!!لا قد خطـر في بالي انـك تجافيني تفرغت لك يا ساكن القلب ابحالك !!! تقل غيرك من الناس ما هم بحييني انا قمت اناجي بين الاحلام مرسالك !!! وزولك حبيبي لو بالاحلام ناسيـني
08-03-2013 10:04 PM
جمال العوا
االله يرحمك يا امي
ما كانت تتدخل بحياتي
شو راي زوجك بالموضوع
ما كانت تتدخل بحياتي
شو راي زوجك بالموضوع
09-03-2013 08:50 AM
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
الى الاهل والاصدقاء في جراسا العزيزه انا رجعت ....
المحرره الرائعه صباح الخير
الى صاحبة المشكله ( كلاهما امرين احلاهما مر ) ربنا يعينك ويختارلك الافضل