وعن رد وريكات قالت السيدة ' اكد لي انه لا يملك ان يعاقب مسؤولي المستشفى او مسؤولي قسم المختبرات, متعهدا باحالة الملف الى هيئة مكافحة الفساد '.
كيف قدرت تشوف معاليه انا 28/2/2012 وانا كاتب استدعاء لمقابله معاليه ومش قادر حتى اني قررت اخذ بنزين واعتصم امام الوزارة
وكيف الرقابة الداخلية سمحت انك تشوفيه

وبعدين الممرضة معاها حقك اذا كانت ممرضة لانه معظم كادر التمريض اصلا حسب وصف وتصنيف الوضائف عمال تمريض

طيب و الاطباء اللي فوق الستين سنة و تقاعدو و من النفابة تفاعدو كمان خلص يروحوهم لانوة بيضلو ملزقين بالكراسي و ربما يفتحو لغيرهم مجال للعمل

نطالب بالتحقيق في الية توزيع حليب الاطفال داخل المستشفى وكيف يتم استفادة بعض موظفي وموظفات المستشفى من الحليب وتنزيله على اسماء امهات الاطفال

ملفات اختفاء ملايين الدنانير لم تحال الى الفساد حتى تحال قضية اختفاء عينة دم لاتتجاوز 5ml .

هذا المستشفى اصبح عبئا على الدولة الاردنية نتيجة الفساد والمحسوبية وادارات غير فاعلة همها الحوافز والمياومات وتعيين الاقارب دون حق

انا موظف في المستشفى والله بشتري حليب السيملاك لابني مشترى ما في حدا احسن من حدا بعدين راجع وزير الصحه ليش لاغي الحليب من التامين اتاكد قبل لا تكتب

معالي الدكتور وزير الصحة الأكرم
بداية أقدم شكري وامتناني لكل موظف شريف في المستشفى المذكور وأتمنى على معالي الوزير أن يشكل لجنة ببحث موضوع الشبكات المنتهية الصلاحية التي تُركب لمرضى القلب في المستشفى

والله انك تكذبين لأنو المستشفى ردت عليكي بعدين تاركه كل مستشفيات السعوديه وجايه تتعالجي بمستشفى مش عاجبيتك وبتدفعي حق تكت عشان تيجي انت واهلك كلهم توخذي نتيجة عينة مختبر طب من وين بتعرف الكذبه قال من كبرها بدل حق التكتات بتقدري تروحي على اغلى مستشفى بالسعوديه ولا تقوليلي لا انتماء ولا ما يحزنون اشكالك ما عندهم انتماء تا تعرفي تحكي مع الناس بنصير نقول عنك منتميه انت والي بقول انو في بهاي المستشفى تهمة فساد وهسه الوزير ترك كل مسؤولياتو بالوزاره وغيرو وفضي لعينة الدم تاعتك تا يودي ملفها على مكافحة الفساد اي تخنتيها
يا معالي الوزير رد ارجوووووووووووووك هل الحكي مزبوط

الى تلك السيدة :- قد يكون هناك نوع من التقصير باضاعة عينتك الاولى ولكن عولج هذا الامر بطريقة حظارية مع انه انت لم تكونى بالمره لبقة بطريقة الكلام مع الموظفين ولسانك كان طويل .
اما انها عادت من اجل العلاج فهذا كذب لانها اتت الى الاردن من اجل قضاء عطلة العيد مع عائلتها .
وكمان انتى مابتتعالجى هون لانك عندك انتماء للاردن انت بتتعالجى هون لانه لو عرفت السعودية انه عندك HBV كان كحشوكى من زمان من عندهم.
وكل واحد بده يمشى بس اموره ومصلحة ويحكى على غيره .والله كتير عيب

الرقابة الداخلية بالوزارة مهمتها تغطي على المشاكل والفساد وتهديد الموظفين الشرفاء بالنقل

ياختي اولا سلامتك بس بما انه المستشفى اول مره ضيع عينتك وعملتي هليله ليش لحتى ترجعي تعملي عينه ثانيه بنفس المستشفى؟؟؟
وما اضن انك بتيجي من السعوديه تعملي عينه بهالمستشفى الا لانه سمعته ممتازه وخدماته ومعاملة موظفينه ما بتلاقي احسن منها بأي مستشفى ثاني واصلا ما اظن اي مكان سهل كتير تصلي لمكتب مديره وتتربعي وتتدللي زي ما تدللتي هناك ؟؟؟ وبالاول والأخير لا يصح الا الصحيح والي بيطلع بيده وزير الصحه يعمله يعمله وياريت يهتم بالمستشفيات الحكومية اولاله

عن اي حليب بتحكوا؟؟؟ اي صار عندي عر ولاد وانا موظفة في المستشفى وعمري ما اخذت علبة ولا حتى الطبيب بحياته كتبلي على حليب اطفال من المستشفى؟؟؟؟ اول شي تأكدوا من المعلومات بعدين احكوا

يا ليت تلغي الاقتطاعات الي تنقطع من رواتبنا وتلغي بطاقة التامين هيك اذا بدك ختم الجنة والي بدو البطاقة هو حر بالنسبة لي لا اريدها لن اسامح بالاقتطاعات

أولا :
زوجتي تتعالج في المستشفى بسبب أن الدولة فرضت علينا العلاج فيه لأننا حاصلين على إعفاء من الديوان الملكي وذلك بسبب إرتفاع كلفة العلاج للمرض، و بالتالي لا يمكن صرف الدواء إلا من خلال الطبيب المعين من الديوان وهو معين في نفس المستشفى لذلك نضطر للحضور للمستشفى و عمل الفحوصات في المستشفى.
ثانيا:
إستطعنا الحصول على هاتف وزير الصحة عن طريق البحث على الإنترنت، الأمر الذي لا يستغرق أكثر من دقيقتين،(يعني وقت أقل من الذي تطلبه منك كتابة الرد)
ثالثا:
يبدو أن معظم الردود هي من موظفي المستشفى و خاصة قسم المختبرات.
ورابعا:
بدل الدفاع غير المنطقي و غير المهذب كان من باب أولى تبحثوا عن سبب ضياع العينات لأكثر من مرة و لنفس المريض
وخامسا:
وين بيتعالج مريض وليش هذا أمر لا يعني أحد والمستشفى ليس ملكك و الأردن ليست لكم وحدكم، القضية بأن عينات دم تضيع في المختبر و ممكن الأسوأ لا سمح الله وهو التلاعب بالنتائج لإخفاء الحقيقة بضياع العينة هو المصيبة التي يكن الوقوع فيها.
وسادسا:
زوجتي لحتى تاريخ كتابة الرد مازالت في الأردن و أنا في السعودية مع إلإبن الذي لا يتجاوز عمره ست سنوات والذي بقي معي بدون والدته التي إضطرت لتركه و الذهاب مسرعة على كلفتنا الخاصة لعمل الفحوصات التي ضيعتوها و أتوقع الآن مافي أعياد في الأردن إلا إذا كما هو واضح (موظفي مستشفى الملك عبدالله معيدين دايما و مش فاضيين يعملو أي شي غير يقرأو جرايد)
سابعا:
وهذا الكلام أرجو أن يكون واضح أي كلام زيادة أو قلة أدب أو تطاول فأنا رايح أسخر كل ما أملك و كل وقتي لأتأكد من فضح جميع المسؤولين عن الخطأ و المحترمين منهم اللي عم يكتبو و أتأكد أن لا تقبل أية مستشفى في العالم بتوظيفهم أبد الدهر)


إختصرو لأنو زي ما وصلتكو لهون بوصلكو لأبعد

أرجو الملاحظة بأن التعليقات تدل على المعلقين لا يتعدون التالي:
1- ممدير المستشفى
2- مشرفة المختبرات
3- موظفة المختبر

كما أرجو ملاحظة توقيت رفع الملاحظات و التي تدل على أن موظفي و إدارة المستشفى جالسة على النت و على الجرايد و نازلة تعليقات في أوقات الدوام الرسمي
قال ليش بتضيع عينات الدم في المختبرات
مسخرة
روحوا إشتغلوا

عناية الدكتور حسين الحيص صاحب تعليق عروس الشمال
أه حضرتك
لأنو ما كان حدا في مكتبك غير أنا و زوجتي و مديرة مكتبك و حضرتك و بالتالي ما حدا بيعرف إنا كنا في مكتبك غيرك
حابب تفضح حالك كمان هون إتفضل
تعليقك الساعة 1:47 PM يوم الأحد الموافق 9-9-2012 يعني أثناء أوقات الدوام الرسمي و أكيد من داخل مكتبك، و الأكيد إنو الناس برة مكتبك واقفين طوابير بالشكاوي و إنت عم تقرأ جرايد و بترد عل النت ومش سائل فيهم.
و يا محلاك كمان بتقول لوزير الصحة إلي بيطلع بإيدك إعملو و قدام الناس كمان، يعني أخطاء عندك و بإعترافك إنو العينة ضاعت و كمان إبتتحدى وزير الصحة علانيةإنو ما بيطلع بإيدو شي ماشاء الله عليك.
ويعني بكل جرأة إبتمدح بالموظفين اللي في المستشفى بعد الفضيحة اللي صارت قدامك و الله معهم حق موظفينك ما يسألوا في الناس، ولا حضرتك بدك تعمل حالك زلمة قدام موظفينك لأنهم عم يقرأو الخبر.
و بعدين حضرتك بتحملنا إجميلة إنو إحنا بنتعالج عندكو ليش مستشفى اللي خلفك.
و بعدين إقرأ توقيت ردود موظفينك يا محترم اللي صارت أثناء الدوام الرسمي

والله فتحتو على حالكو باب و أنا قدها

انت يا زوج مريضة الكبد، الله يشافيك ويشافيها من هذا المرض الخطير، ولكن يبدو انك بتهدد تهديد بغير محله بكلامك: فتحتوا على حالكو باب وانت قدها. يعني جنابك بدك تحرق الناس؟ هدي شوي، ما حدا بخاف منك ما دام على حق، واعلى ما بخيلك اركبه. يعني اذا ضاع تحليل المريضة لسبب او لاخر خربت الدنيا؟ بتعيد التحليل وانتهى الموضوع وخاصة انه السيستمز معطل.

عناية السيدة مشرفة المختبرات (أ.ه) طبعا إستخدمت مختصر لإسمك لأنك سيدة و لايجوز التشهير بسيدات بالإسم.
صاحبة تعليق (الى الوزير الى بده يكافح)
أه حضرنك لأنك الوحيدة من اللي خاطبناهم بخصوص موضوعناإبتداءا من مكتب رئيس الوزراء (أه تواصلنا مع مكتب معاليه) و مرورا بمكتب مكافحة الفساد و مكتب الرقابة و وزير الصحة و مدير المستشفى، إنت الوحيدة اللي إتهمتينا ب حسب كلامك (إنت لم تكونى بالمره لبقة بطريقة الكلام مع الموظفين ) و أنت الوحيدة التي لم تفرقي أثناء حديثك بين حرفي الضاد و حرف ال ظ و الدليل في تعليقك كلمة (حظارية).
أولا: عيب عليكي إنت تكتبي هيك حكي
ثانيا: كوني جريئة و عرفي عن نفسك بالتعليق ولا خايفة
ثالثا: بتعيبي على مرضاكي بأمراضهم هو الطب في المستشفى عندكو مش بس بلا إدارة و بلا فهم و كمان بلا أخلاق
رابعا: شو بتحملينا جميلة لأنا إبنتعالج في بلدنا
وخامسا: ليش إنت من الأردن و إحنا من الصومال
وسادسا: شو دخل الوطنية بالموضوع ولا هي أمراض نفسية كل ما يدق الكوز بالجرة بتصير الأردن لناس و ناس
وسابعا:أنا اللي بدفع راتبك أنا بدفع ضرايب مش زيك بس بقبض
وثامنا: بالله عليكي ما تبدأي التعليق بنعم هناك تقصير و بتنهي إبتتهجمي على المشتكي من هذا التقصير
وتاسعا: شو حشرك بسبب جيتي عالأردن ولا الفحوصات إبتنعمل بمختبركو حسب الإنتماء و آه يا ستي لولا حاجتنا للفحص كان رحنا دبي بدل عمان
وعاشرا: من متى الطب يا ستي إلو علاقة بمن وين أنا و ليش جاي عالبلد.

وبالنهاية عيب تتهمي أحد بالكذب و إنت و مديرك و موظفي المستشفى المطلعين عالموضوع كلكو كذابين و دايرين ورى وظايفكم
وروحي إشتغلي و إشرفي على موظفينك بدل ما هم عم ياخدو عينات و يصرفو إبر و مواد على السحب و بعدين بكبو العينات
روحي إشتغلي بدل ما تقرأي جرايد و نازلة تعليق يا وطنية

أخي أبو عادل
لا يحبيبي تهديدي مش بغير محله و بكرة إقرأ الغد و شيحان و بعدو الجزيرة و العربية
و أعلى مافي خيلي بدي أركب و أشوف مين خيله أعلى

لما يضيع التحليل اول مرة يعني تقصير وفي الثانية إهمال ، ولما المريض يضطر للعودة من مكان إقامته ببلاد الغربة للعينة مرة ثالثة ويتكلف ويترك أطفاله يجب ان يتحمل المهمل المسؤولية .

للعلم الفحص معني بكورس طويل من العلاج الأسبوعي بإبر ذات أعراض جانبية خطيرة و كان إيقاف أو متابعة العلاج أمر حساس للغاية يعتمد على نتائج الفحوصات التي أضاعوها مرتين و كادوا أن يضيعوا علينا تعب سنتين من العلاج التي تحملت خلاله زوجتي الكثير من الألم بسبب أعراض العلاج.
و المختبر اللي مرة بقلك ضاعت و مرة ما ضاعت و مرة طلعت النتيجة و مرة ما طلعت و مرة العينة لسا ما إنشغلت كل هاد مشان يخفي الموظفين أخطاؤهم شو بيضمن للناس إنهم ما يتمادوا ويقولوا للناس مثلا ما عندكوا سرطان و هو عنهم سرطان مشان يخفوا خطأ موظفة

الخير صحيح ولسه ثلات مرات مو مرتين اجت السيدة من برا وللعلم المستشفي لديه وثائق تثبت صحة الخبر واه وحكت مع وزير الصحة وللعلم هم حاولو يخفو النتيجة واعطوها نتيجة خطا بس اكتشفت انو النايجه خطا ولو ماعرفت كان ممكن تموت وماحد سال الساكت عن الحق شيطان اخرس وللعلم في اثباتات لوحبو ومع خط ايدهم وتوقيعاتهم وبخص بشكري للدكتور حسين الو اسمو دكتور وحلف اليمين امام الله انو في رب بحاسب حتي لو الانسان مابقدر يخاسب وللعلم مكافحة الفساد ولاحد بعمل شي لان البلد مافيها قانون يحمي الضعيف يا وزير الصحه كيف انت مش من مسووليتك مستشفي في الاردن والا مسولية امي هو وشكرا لكل موظفي المستشفي الي ضيعو العينة مرة وتنين وتلات علشان تنكشف الحقيقه للناس

اسوء ما المستشفى كادر الممرضات خصوصا في الليل وهذا عن تجربة

لاحظو أن من بين جميع التعليقات من قبل موظفي المستشفى و التي من خلالها يتبين إعترافهم بالخطأ ولو بدرجات متفاوتة لم يقل أحد منهم كلمة "آسفين"

كل ما يتطلبة الطغيان للوجود هو بقاء دوي الضمير الحى صامتين

وليش انت ما تكون جريء وتعرف عن نفسك او عن المصونه زوجتك!!

للعلم هاد بعض من الفضائح الموجوده وبنستني رد مكافحة الفساد

من الطبيعي ان كافة المعنيين يعرفون اسم المريضة وليس من شانك معرفة الاسم يامحترم.

ياريت ترتقي قليلا بأفكارك او ان تمتنع عن التعليق ففي حالتك السكوت من ذهب.

الله يشفيك ويعافيك.

لا ادري بماذا ممكن ان اعلق ولكن كل مااستطيع قوله انني مما قرات استشعر ان ماحصل مع الاخت تم مع سبق الإصرار والترصد وهناك من لم يعجبه اعتراض المريضة بسبب فقدان العينة الاولي فأتلف الثانية متعمدا مما اضطرها للعودة للمرة الثالثة.

ياحبيبي شغلتها بسيطة ، تعالي والطمي على الواقع المر للمستشفى بالمواعيد، اي موعد ثالثة اشهر ، بموت المريض قبل الموعد

معك حق انو ما تم الأعتذار من اي شخص من المستشفى مع انو أخلاقنا كأردنيين بتحتم علينا الإعتذار فنحن آسفون بس يا سيدي هذا لا يعني انو احنا خفنا منك لأ بس احتراما منا لنفسنا اعتذرنا
لأنو ممكن يكون في تقصير او اهمال من اي شخص في المستشفى مع انه خطأ فني من نقلة النظام القديم للنظام الجديد في بعض العينات فسدت في المختبر وكان لسوء الحظ عينة زوجتك منها
بس انو انت تتهمنا انو احنا ما بنشتغل وقاعدين على النت فهذا ما بطلعلك ابدا لأنو ما ممكن تقنعني انك انت بوظيفتك ما بتفتح على النت ولو لنصف ساعه بتشيك ومع العلم انو احنا عنا ساعه استراحه في المستشفى لكل الموظفين وممكن انا نفتح على النت بالساعه هاي وما بدي اخوض معك اكتر من هيك لأنو الأمر ما بعنيك ابدا

بعدين احنا كمستشفى النا حق الرد من قبل اي شخص يسئ لسمعة المستشفى يعني مش شرط انا نكون من مكتب المدير او من الإداره انت اسأت لكل المستشفى مش لشخص معين وانتو اسأتو لسمعة مستشفى عريق كمستشفانا لأجل عينه دم وحولتوها لمكافحة الفساد حيث اننا اعتقدنا انو في حدا سرق العينه مش تلفت يا سيدي كل اناء ينضح بما فيه
وانت بتهدد وانا بحكيلك ما بطلعلك انا يمكن لم اكن موجوده على الموضوع وشو دار حديث بينك وبين المدير العام بس كان قرار المدير العام صائب انو تعيدو العينه لأنها فسدت يا رجل بنقلك فسدت العينه ولم تفسد المستشفى يا استاذي الكريييييييييييييييم وفهمك كفايه
وما بتشكك بوطنية اي مواطن في هذا البلد يا ابو المواطنه ولن نسمح لأحد بالمزاوده على وطنيتنا وعلى انتماءنا للأردن قائدا وشعبا وانتماءنا لمحل عملنا طبعا خايفين على وظايفنا ليش حضرتك مش خايف على وظيفتك ولا انت بيطلعلك وغيرك لأ
وبعدين مين انت لتدفع رواتينا لا تكون انت الي بتبعت المساعدات للأردن واحنا مش عارفين اي زودتها انت بتقول وطنيه وبتهاجم ابناء وطنك وفاقد الشيء لا يعطيه يا أخ
و بعدين انو واقفين الناس طوابير يشتكو هادا ما الك اي تدخل فيه بس حدا يشتكيلك وبس تصير مسؤول كبير بتحاسبنا ويمكن في بعض الأحيان ما بطلعلك تحاسبنامع العلم انو جميع المشاكل التي ترد للمستشفى لها حل لأننا واضحين وضوح الشمس وما عنا طرق ملتويه ابدا ابدا
رجاء من زوج المعنيه ما بدي رد منك الموضع النتهى وما في داعي للحكي زيادة بالله عليك لا اتعب حالك يا رجل على كل حال يكفي هذا الرد ولن اطيل عليكم اكثر من هذا اقول قولي هذا واستغفر الله لي ولكم فاستغفرو الله يا ايها المؤمنون

للعلم فقط هي اعطوها نتيجة خطا وكان متعمد الخطا لانها لجات لمدير المستشفي ولما لجات لوزير الصحة حبو يلفلو الموضوع بس مازبططت ولسه المخفي اعظم يا د حسين

والله برأيي انه وحده مثلك بتشتغل بالسعوديه معناه وضعها المادي كويس وجايه تنافس الكحيانين وتاخذ اعفاء من الديوان الملكي!!! هون بيكمن الفساد نفسه يعني الي اعطاكي الاعفاء فاسد وانتي الي بتقبلي توخذي حق غيرك من الكحيانين افسد.. وشكرا

يا جماعه اتقو الله والله المستشفى ممتاز ومحترم لا تحاولوا تحكوا كثير -الله وأكبر الكل صار يآجر على هالمستشفى حتى أبناء هالمستشفى (الموظفين )اللي ماكلين من وراه الخبز بالنهايه بدها مخافت الله

فعلا عندك انتماء للاردن لانك بتيجى من السعودية على اربد عشان تتعالج بالمستشفى لانه بس معك اعفاء. ليش انت شو بتشتغل بالسعودية حتى تتعالج باعفاء ؟؟؟والك عين تحكى عن الفساد ومحكافحة الفساد والله عيب .
وبعدين ياجماعة انتو ليش مكبرين القصة الى مو عاجبه المستشفى مايجى يتعالج فيه

يا اخي مايغرك انه الواحد يشتغل بالسعودية والله ان حال الكثيرين منهم بتحزن وما حيزهم عالغربه غير عدم توفر فرص وظيفية بالأردن طبعا لاسباب مختلفة وخاصة انعدام العدالة الاجتماعية ولمعلوماتك ان رواتب المعلمين بالأردن افضل منها في السعودية وما جبر الناس علامو غير الامر منه.

والله كثير منهم يسكنون في بيوت لن يقيل الاردني الإقامة به لو لم يكن في بلاد الغربة وما حدا داري بوضعه.

أنا عدت من السعودية بسبب هذه الظروف .

الاردني بالسعودية ينافس المصري والسوري والهندي والفلبيني والباكستاني للحصول عالوظيفة وكافة عمالة هذه الدول تقبل برواتب متدنية مما يجبر الاردني بالقبول برواتب مماثلة .

يكفي ان الاردني الذي يعمل بالخارج يفيد البلد ولا يكون عالة واقل ما يمكن ان يقدم له العلاج في وطنه علما ان كثير من الدول تمنح مواطنيها المغتربين تسهيلات تصل لإعفائك من الخدمة العسكرية اضافة لاعفاات جمركية فماذا نقدم نحن للمغتربين الأردنيين الا التعامل معهم كبقرة حلوب؟.

لا يجوز التهجم على الأخت المريضة وزوجها. بسبب الإعفاء حسب علمي هذا المرض يعتبر من الامراض الخطيرة وعلاجه متوافر في مستشفيات قليله في الأردن وتشرف عليها وزاره الصحه يعني العلاج موجود في المستشفيات الحكوميه بس ومش يعني انو الأخت مقيمه في السعوديه نسحب منها الجنسيه ونحرمها من حقوقها كمواطنه.
والتقصير موجود في المستشفيات الحكوميه وإلخاصه ويجب ان نصحح الخطئ حتى لايتكرر .

العينة الاولي فسدت والثانة فشدت مما استدعي تقديم عينه ثالثة!!!!؟؟؟؟.
بالله عليكم مابتستحوا تقولوا هالكلام !!!!!؟؟؟؟

كنت أتمني ان تكتفي بالاعتذار بدون الخطبة الطويلة التي افقدت اعتذارك اي قيمة.

من الممكن ان يخطأ المسلم ولكنه لا يكذب.

شكرًا .

شكرا 37 وكلامك صح وغير متوفر حتي بالسعودية وللعلم فقط اطباء المستشفيات يريدون طلب العينة من نفس المتسشفى حتي يكون سيرة ذاتية للمريض ويكون الامر موثوق بس للاسف طلع المستشفى مش موثوق ومش بكتفو بضياع العينة كمان بعطوها نتيجة خطا وين وزارة الصحة بلكي هالمريض مات
وين مكافحة الفساد احنا بوقت لازم كل هاي المشاكل تنحل وهل من مجيب
لازم هاد الدكتور يتعاقب علشان يعرف يعاقب موظفيه المهملين ولو هاد الدكتور عارف وزير الصحة بتصرف معو كان خاف وصح 36 وضع المغتربين ليش لاقيين نوكل والواحد بترك بلدو لان مابلاقي يوكل فيها والغربة مش سهلة ومافي وظائف كيف يصرفو على عائلاتهم وكل شي مش معناتو الواحد مغترب معو مصاري لا مرات الواحد بتغرب علشان يعيش ويروح كمان يدقع مصاري مية مرة علشان واحد مهمل في مختبر يرمي عينتو بالزبالة وين مدير المختبرات وين الاهتمام بارواح الناس

الى زوج الست ارجواالشفاء العاجل لها والصبر لك الظاهر انك صدى صوتها كونك الان في بلاد الغربة وهي هنا لا خير في قوم .......
اخي زوج الست الفاضلة عليك تحري الحقيقة قبل ان تفتح نيعك ع المستشفى وكادرة ( نيعك تعني الكلام مع خروج اللعاب ) يتنع غدا ان شاء اللة

لايجوز التهجم على الست وزوجها ولايجوز ان نظلم المتغربين بس كل كادر المستشفى مهملين ولازم يتحولو للفساد وكزابين ومابيشتغلو
فعلا ناس مابتستاهل حد يخدمها
احنا بالمختبر نعمل ليل نهار وعندما نشك بنتيجه معينه نقوم باعادتها مرات للتاكد منها وهذه الست تم معاملتها بكل احترام والعينه الاولى فقط التى فسدت وكل الحكى الباقى غير صحيح وانا بنصح زوجها انه يحاول يحصل على اعفاء من الديوان للامراض النفسية

الى 42 والله معك حق خير تعمل شر تلقى، والحق مش على زوج الست الحق على اللي خدم المعنية، الله يشفيها ويكون تكفير عن اللي اساءت لهم هى وزوجها بالرغم انهم خدموها، يا حرام ، اللي بمرضوا هيك مرض بتازموا نفسيا وبهاجموا الكل

بالمناسبة الخبر تم إزالته من الصفحة الرئيسية، بس زيادة التعليقات ستدفع إدارة الموقع لإعادة الخبر على الصفحة الرئيسية، أرجو عدم التوقف عن التعليق

بوجه كلامي لموظفي مستشفى الملك المؤسس

بتعرف هي المستشفى ما بتشتغل وما بجي عليها بالاسبوع نحو 5000 مريض على العيادات الخارجيه فقط وغير الطواريء والدخولات... احنا قاعدين وبنستنا بيك وبالمعنية حتى تجو... ولو كنا بنعرف موعد الطياره كان اجينا استقبلناكم في المطار انت والمعنيه... عشان نشتغل ونحلل رواتبنا بدل ما احنا قاعدين عالنت.... وهلأ الساعه 10:30 الصبح يعني وقت الشغل... بس ما عنا شغل شو بدنا نساوي ..لانه المعنيه مش بالاردن