بيع منشطات جنسية داخل جامعة القاهرة


جراسا -

ألقى حرس جامعة القاهرة القبض على طالب بكلية الطب بتهمة الاتجار في المنشطات الجنسية وتبين من التحريات والتحقيقات ان المتهم يتاجر في المنشطات الجنسية المحظور تداولها ويوزعها دون تصريح.

وكان الحرس الجامعي قد استوقف طالبا بالفرقة السادسة بكلية الطب لسؤاله عن كارنيه الجامعة وكانت بحوزته حقيبة وبتفتيشها عثر بداخلها على المضبوطات¡ وذلك حسبما جاء بموقف صحيفة «المصري اليوم



تعليقات القراء

عربية مسلمة
همسة... إن المعصية تورث ضيق النفس وتجر إلى معصية أخرى ، راجع نفسك

وابدأ سنة جديدة مليئة بالطاعات والابتعاد عن ما يغضب الله عزل وجل
01-01-2011 10:04 AM
الزعبي
حسبي الله و نعم الوكيل ... مصر صارت مثل شيكاغو
01-01-2011 02:00 PM
وحده زعرا
والله الصوره طقع من الآخر
بتجنن
02-01-2011 10:53 AM
الى وحده زعرا
والله انتي الي بتجنني
ايميلك......
02-01-2011 12:08 PM
هبيلة


هاي الخسة و نومتها بتذكرني بأول مرة بطلع فيها مع خستي بالزمانات .....
ثاني يوم من سولافة السفينة اجت عندي الخسة تعتذر مني وحكتلي
انا اسف عاللي صار مبارح و على الئرف اللي عملته !! طبعا انا حكيتلها
له له له يا بنت الناس انا اقرف منك!!!!! والله لو تستفرغي بثمي ما قرفت منك شو اللي بتحكيه !!!!
المهم صار في ود بالحكي وصرنا نتعرف على بعض اكثر وسألتني طبعا كيف بتقضي يومك
وبلشت احكيلها كيف بصحى كل يوم الصبح الساعة 6 وبلبس الشورت وبطلع اركض ساعة كاملة رياضة وبرجع عالبيت وباخذ (شاور) و بفطر وبطلع بالسيارة وباجي على الجامعة ومعي اخوي وبعطيه السيارة مشان يروح هو على جامعته لانها بعيده !!! طبعا هي ما بتعرف اني كل يوم الصبح بصحى شلاليت وابوي لازم يرميني عن التخت مشان اصحى وطبعا بطلع ركاض بدون فطور مشان الحق الباص وهاي الرياضة الوحيدة اللي بعملها لما اركض ورا الباص 2 كيلو وانط من الشباك مشان احجز مكان اقعد فيه !!!!
والحمام طبعا بس مرة بالاسبوع يوم الاثنين لما تيجي عنا المي !!!
المهم يومها عزمتها عالغدا وطلعنا على كنتاكي اللي قبال الجامعة و طلبت هي وجبة سكالوب مع بطاطا وانا وجبة بروستد (بس قطعتين) طبعا هي اكلت نص حبة الهامبورجر و البطاطا وما شربت الببسي لانها ما بتشرب صودا!!!! وانا طبعا اكثر شي بحبه بالجاج (مصمصة وقرقطة العظام) بس طبعا قدامها ما قدرت اعمل هيك واكلت بطرف اصابعي !!!! المهم خلصنا الاكل ورجعنا عالجامعة وتركتها على اساس تروح عالمحاضرة وانا من الجوع تركتها وطلعت ركاض برة الجامعة مشان اروح اتغدى
ورحت على مطعم شعبي قبال الجامعة بنضل نوكل فيه انا والشباب واطلب طلب مستعجل
صحن رز و نص جاجة مع ببسي وخبز زيادة !!!! ولما نزل الاكل ابلش بالجاجة عن جنب وطرف وقرقطة ومصمصة بالعظام ( يا عمي والله متعة الاكل ) المهم وانا قاعد بلهط بالاكل وثمي مليان وفخدة الجاجة بأيدي تيجي عيني بعين مين بالمطعم ؟؟؟؟؟!!!!!!!!! ......



الخسة !!! قاعدة مع صاحباتها بنفس المطعم وقدامها وجبة عربي دبل و سطل ببسي !!!!!
صفنا ببعض يمكن 10 ثواني بعدين بلشنا نضحك بطريقة هستيرية انا واياها !!!!!!

المهم ثاني يوم عزمتها على نفس المطعم وطلبنا جاجة كاملة وبلشنا انا واياها مصمصة وقرقطة بالعظام !!!



02-01-2011 02:51 PM
لندا الى هبيلة
اول شي ليش مسمي حالك هبيلة -تاني شي القصة حلوة
02-01-2011 04:30 PM
هبيلة الى لندا

كان جحا راكب على حمار ومعه امه وعم ياكلو خبز ، وقعت شقفة خبز على الأرض صار جحا بدو ينزل يشيلها وقفته امه وقالتلو اتركها سألها ليش قالتلو لحسها الشيطان فتركها وتابع بعد شوي وقعت امه على الأرض ففكر انو ينزل يشيلها لكنه توقف وقال ييييييي لحسها الشيطان وتابع سيره

اذا بدنا ناخذ القصة من باب الترفيه نتجاهل فعل جحا في ترك امه ونضحك بشدة
أما إذا تركنا الضحك وفكرنا بعملة جحا لوجدنا أن سببها هي أمه نفسها لأنها علمته أمر غير مفيد
أما إذا حللنا الموقف (تحليل عميق ) فنجد أن جحا تهبلن (بذكاء خارق ) لحتى يترك امه ويتخلص منها !!!!!

وصلت المعلومة ؟؟؟!!!!!

:-D
02-01-2011 05:02 PM
معجبة بهبل الهبيله
:-P:-D:-P:-D
عنجد بشكرك ياخوي يا هبيله عسواليفك الحلوه
انا بفتح النت مشان اقرا كلامك النابع من بيئتنا في الاردن
احلى إشي بالاردن
تعرفوا شو هو؟
وعن تجربة وحده مغتربب
انه كلنا بالاردن فاهمين عبعض وبالاحرى عبعظ
والانسان الي صادق مع الاخرين صادق مع نفسه والعكس صحيح
المهم
اشكرك عخفة دمك
02-01-2011 06:19 PM
الى هبيلة من الخسة حبيتك
ليش هبولتي بتحكي اسرارنا بلاش ابوي يقراءها وبعدين كيف بدنا نخلص
02-01-2011 11:34 PM
هبيلة

له يا خسوستي !! ما انت عارفة من لما دعست ابوكي بالغلط خف نضره وسمعه وبطل يجمع
اشي !!! لا تخافي :-D
03-01-2011 10:38 AM
اللهم استجب
اللهم اني اني اسالك ان يزيد هبيلة هبلا وان تجعله اهبل الهبيلات و لا تحرمنا من هبل الهبيلة واجعله هبيلة لكل الناس يا الله يا كريم
03-01-2011 11:20 AM
خلص عصبت عليك
يعني انا معجبة بهبلك
وليش مارديت
:oops::oops::oops::oops::oops::oops:>-(
03-01-2011 04:17 PM
هبيلة

له له له على راسي والله يا معصبة انا عمدا ما رديت مشان تعصبي :-D

لاني بصراحة انا بكيف عالبنات المعصبات وخصوصا لما يصيرن يلاخمن بتلاقي الوحده
وهي تحكي مع الواحد ثمها قد ثم الفراشة والئاااال والئييييل ولما تعصب بتلاقيها فجأة
كشرت عن سنانها و ثمها من الذان للذان وبدل ( حبيبي و ئلبي )
يلعن صباح اللي خلفك يا هامل .....!!!!!


على راسي والله يا احلى معصبة :-D
03-01-2011 05:35 PM
بنت الكرك
اعطي الخباز خبزه مش دكتور حرام هاد اشي ضمن شغله
13-01-2011 11:02 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات