اتزوجها ولا اطلقها .. ساعدوني


جراسا -

مرحبا انا شب عمري ٣٣ سنة درست،واشتغلت والحمدلله استقريت وقلت خليني ادور هلى بنت الحلال وكلفت امي وخواتي من جهة وكل شروطي تكون صاحبة دين واخلاق بس لانه هدول اهم شغلتين بهالزمن خصوصا على كثر الشوفات اللي بنشوفهن .... قبل شهر وشوي اجت امي وحكتلي شفتلك بنت مؤدبة ومحترمة وبنت عيلة ودارسة وعمرها ٢٨ سنة وفوق هيك حلوة كثير .... حكيتلها روحي على بيتهم مبدئيا انتي وخواتي وتعرفي عليها اكتر واهم اشي التزامها واخلاقها والباقي عادي فعلا راحن ورجعن مبهورات فيها وقالن ما شاءالله هيك البنات ولا فلا .... بس البنت كانت خاطبة مرتين و تاركة والمرتين كتب كتاب ...بصراحة انا هون حكيت لامي انسي الموضوع مش لانه عيب او حرام لا سمح الله لكن انا ما بعرف ظروفها وكونها مرتين ف يمكن عندها مشكله ...

لكن امي وخواتي حكولي اهل البنت شرحولي ظروف طلاقها من الخطبة مرتين وكلها اسباب مقنعة والعيب باللي كانوا خاطبينها وتعال شوف البنت واقعد معها واذا،ما اقتنعت كل شي بدار اصحابه
ما كذبت خبر وحملت حالي ورحنا لعندهم واهلها ما شاءالله ناس محترمين لابعد حد ... ولما فاتت البنت ما شاء الله رب العالمين الادب والخجل مبين عليها وفوق هيك جمال مش طبيعي اضعاف ما حكت امي وحسيت باحساس اتجاهها عمري ما حسيته اتجاه اي بنت

وطلبت اقعد معها وحكينا وسألنا وتعرفنا على بعض وهون زاد اعجابي فيها منطقها وطريقة كلامها واسلوبها كان اكثر من رائع

ما بعرف ليش طلعت من عندهم وانا قلبي وعقلي عندها بصراحة ما بنكر انه شكلها كان اله دور كبير مع اني والله عمري ما كنت بدور على شكل بس هون ما بعرف شو صارلي رحت سالت عنها وعن اهلها وما سمعت الا كل خير واستخرت رب العالمين .. لكن كنت متردد من موضوع خطبتها مرتين بعقد

ومع هيك حسيت هالشغلة صغيرة مقابل كل حسناتها وتوكلت على ربنا وكتبت كتابي عليها وصرلنا شهر وشوي تقريبا

ولما صرت ازورها اتعلقت فيها وحبيتها كتير بنت طيوبة وبريئة زي الاطفال ملتزمة وخلوقة وعلاقتها راقية مع الكل ومحبوبة من الجميع واهلي حبوها

بس بصراحة اروح ع البيت بصير افكر انها كانت خاطبة وكان في حدا بحياتها قبلي ، معقول كانت تقعد جنب حدا غيري ، معقول كانت تلبس هاذ اللبس لغيري ، معقول كانت تحب حدا قبلي ، معقول كانت تعامل حدا هاي المعاملة قبلي

يعني بصراحة وانا ما شي معها بالشارع بنجن اذا حدا اطلع عليها او مر من عندها كيف لو كان يزورها ويقعد معها ويحكي معها ، ةكل اشي بعمللها اياه او بحكيلها اياه بحكي معقول كانت تعيش هاي اللحظات مع غيري بالرغم من انها بتعبرلي عن حبها وسعادتها معي بس بحكي معقول ما بخطر حدا على بالها معي ، والله احيانا بحس راسي رح يفقع

حتى هذيك المرة حست وسالتني وحكيتلها اجت حكتلي انا كنت خاطبة بالحلال وانت بتعرف انا ما خبيت عنك ولو كانت علاقتي كويسة مع حدا فيهم وكنا متفقين ما كنا انفصلنا وانا ما دامني مكتوبة على اسمك ما بفكر بحدا غيرك لاني بخاف ربنا اولا ولاني حبيتك من قلبي ثانيا ، ولما سالتها كيف كانت علاقتها فيهم بالتفصيل حكتلي زي علاقة اي اتنين خاطبين وحسيتها اتضايقت مني وكمان شوي بدها تبكي بس انا اعتذرلتلها وحكيتلها خلص ما رح افتح الموضوع مرة ثانية ، وهي حكتلي هدلاك صفحة مزعتها من حياتي مزع وبلشت معك بكتاب جديد وحياة جديدة اوعدني ما تنزعها باللي فات ووعدتها انه ما رح اعيد كلامي مرة تانية

لكن بصراحة بيني وبين حالي كزتير بضايق وخايف نتزوج واعذبها معي لاني بالرغم من اني بخاف الله بس غيرتي جنان

وبحس هي ما بتستاهل الا كل خير ما بدي انكد عليها بس مش بايدي حاولت ومش زابطة هلا بدي تقريبا من شهرين ل تلات حتى يجهز البيت وامور الزواج ونتزوج ، مش عارف اعيش ايام الخطوبة وانا منكد ع حالي وعليها ، ومع هيك مش مصدق متى يجي اليوم اللي الله يجمعني فيها ببيت واحد

مشان الله تساعدوني



تعليقات القراء

عاشق فلسطين
الى صاحب المشكله
يا حبيبي الجماعه كانو صادقين معك انت ليش توافق من البدايه مدامك انت شكاك و غيران و حالتك حاله المفروض ما وافقت و تظلم البنت اتوكل على الله و الله يجيب يلي في الخير
رد بواسطة صاحب المشكله
انا مني شكاك بس يا خوفي اروح انا على الداوم من هو وحبيب القلب تبعها يروح عندها
رد بواسطة صاحب المشكله.// تصحيح
اروح على الدوام من هون
رد بواسطة عاشق فلسطين
ان كان هالرد من صاحب المشكله فعلا فمع احترامي الشديد لالك او للي كاتبو انت انسان تافه و بلا اخلاق هاد تفكير انسان واطي مش تفكير انسان واعي
رد بواسطة Maria
لااااااايك ومليون لاااااااااايك وربي يسعد مساك عاشق فلسطين هاد الحكي الي بينحكا
رد بواسطة صاحب المشكله
اللى ما بحسب ما بيسلم ولا شو
رد بواسطة صاحب المشكلة الحقيقي
يا زلمة اتقي الله ،، ليش بتحكي ع لساني حكي ما حكيتو ترى اذا انا بجهلك ملائكة كتفك لا تجهلك حسبي الله ونعم الوكيل
20-10-2015 04:28 PM
رساله الى حبيبي خطيبي
انا بموت على الارض الي بتمشي عليها انا بعيدك انت حياتي. وروحي وعمري انا بعشق ضحكتك قبلتك ضمتك حنانك إحساسك الماضي وانتهى انت حاضري ومستقبلي وحلالي ووعمري انت كل حياتي لما أكون معك بنسى العالم كله
رد بواسطة من معلقه
والله هالتعليق ما هو لا عاشق فلسطين والله عيب وحرام عليك تشوه صورة انسان محترم تحياتي للأخ المحترم عاشق فلسطين ومساك كاشو ورد وياسمين اشهد انك ابن ناس
رد بواسطة متابع عن بعد
لا اكيد التعليق له لانه اسمه محجوز ومسجل
رد بواسطة قارئ
انا اعرف الاخ عاش فلسطين من خلال تعليقاته انسان راقي ومحترم وهذه الالفاظ لايمكن ان تصدر منه وكل الاحترام عاشق فلسطين
20-10-2015 04:36 PM
عمو انتا بعدك مش ناضج
عمي عقلك مش ناضج بعدك مثل مراهق. حرام تظلم البنت معك. اكبر أول بعدين روح اخطب بنات الناس. شو مفكر حالك رايح تشترك كنباية محدا قعد عليها. هاي إنسان بيحكي و بتكلم و بشوف الناس و الناس بتشوفو. مسخرة.
رد بواسطة وجعني قلبي
كلام منطقي البشر ببتواصل في العمل عالنت أكيد هو كانت اله علاقات قبل الخطبه بس البنت كانت بالحلال ليش الظلم مو عارفه وشكرا لتعليق رقم ١الله يكثر من امثالك لو خطيبي بفكر هيك انا بتركه الثقه أهم من الحب
20-10-2015 04:47 PM
الى صاحب المشكله
الله اكبر شو بتحب تلعي وتحكي زي حكي النسوان
اعرض مشكلتك النفسيه بسطرين تلاته قول انا غيور وشكاك ولخص المشكله الله يعينها عليك شو بتحب تزيد وتعيد وفوقها مش واثق بحالك هلكتنا يا زلمه
رد بواسطة صاحب المشكله
احترم نفسك ليش بتحكي مهاية هيك هذا على كلن مستواك
20-10-2015 05:38 PM
الاصيلة
احمد ربك ماهو زواج يعني هي خطبت وكلشي نصيب.انت كثير مزودها وكبرعقلك البنت صارت الك هلافانبسط وابسطهاوحاول تتجاهل غيرتك وشكك ولا بتتعب بحياتك.مابصير هيك
رد بواسطة صاحب المشكله
طيب كيف بدي ابسطها وتبسطني
رد بواسطة ابو الليث
يا راجل اتق الله شو عملت المسكينه صدقني لو بعرفها وبعرف اهلها الا اخليهم يسلخوك 100 شلوط شي غاد
شو تبسطك ونبسطها هاي زوجتك شرعا حرام عليك اتق الله
رد بواسطة قارئ
ابو الليث 2000لايك
20-10-2015 05:52 PM
Maria
ياسمينا
مساء الورد للورد ههههه انا جيت وعجبتني كلمتك اخت
الرجال كتريلي منها ياوزة وانا معك وين مابدك بكون
بصفك
رد بواسطة ياسمينااااا
هههههههههههههه طب روحي جيبي صحن البوشار وتعي انتي ونور نحل مشكلة هالمنزوووووم كخخخخخخخخخ
رد بواسطة نور ...ياسمينا
يا سمينا بالاول الله يوفقك بدي كاسة يانسوون
لانه احتمال اليوم بعمل جريمه باريد حلا مع صاحب المشكلة
عندك محامي شاطر هههههه
رد بواسطة ياسمينااااا
ههههههههههههههه لا وك لا لا لا لا انجنيتي لا يا بنت الحلال شو يانسون بدك عصير لمون كخخخخخخخخخ
رد بواسطة نور ...ياسمينا
ليمون /يانسون
بسرعه دخيلك يا ياسمينا هههههه
احكيلك حتى لو عصير تفاح من عصائر اصيل اللي صبح هههههههه
ولا شربهم كلهم ههههه
رد بواسطة نور ...(اصيل /شداد )
مساء الورد والياسمين للتوأم الرائع
اصيل وشداد
رد بواسطة اصيل الطراونه
هلا يا صباح النور للنور كله ^_^

ياسمينا اكيييد في اصب الك ؟؟
رد بواسطة ياسميناااااا
مبارح لسه كنتي شيخه وداعيه هههههههههههههه يحرء حريشك بدك عصير تفاح اااااخ يا قلبي اصيل صب صب يا شيخ كحخخخخخخخخخحح
رد بواسطة اصيل الطراونه
صحه صحه هههههه على رأي اللمبي حاسس حيطلعلي ديل وانا ئاعد
رد بواسطة اصيل الطراونه
اعطيها بق بول على رأ اللمبي بتصير امروها سربست هههههههه و اختميلها بحبة دوالي ملغومه صح صصصصصص بتروح من عندك زغاريد
20-10-2015 06:11 PM
Maria
نور صباح الخير والفل ومساء الانوارررررر والازهااااارررر
لاني ماصبحت عليكي حكيت بصبح وبمسي مع بعض
ههههههه كيفني معك
رد بواسطة نور ...ماريا
مساء الخير والاحساس والطيبه ...ماريا
ربي يسعدك بحياتك يا ورده ...
20-10-2015 06:13 PM
Maria.... صاحب المشكلة
في شباب مصيبتهم مفكرين حالهم ابو زيد الهلالي
ولازم يوخددو بنت تكون من كوكب تاني لا شايفة حد
ولا حدشايفها تفصيل بدو اياها زي مابفصل الكنباية بس
نفسي اعرف شو غلطت مشان تحتار معها ولا لازم كزبت
20-10-2015 06:23 PM
Maria
جمال الزعيم شفت الخبر تبع حريق في برغر ماكرز ههه
انا شفته صوت وصورة كنت هناك وهاد المطعم مطعمي
المفضل ههههههه انشاء الله يفتح بسرعة ويرجع يعمل
برغر زي العادة
20-10-2015 06:26 PM
Maria
ابو الدهب وين غايب مساء الخير الك يا نشمي ههههههه
20-10-2015 06:27 PM
Maria
هنا مساء الهناء والسرور يا بطة هههه كيفك
20-10-2015 06:28 PM
Maria
متزن مساء الفل فعلا انك متزن اسم على مسمى هههه
وتعليقاتك مؤدبة متلك
رد بواسطة متزن
تسلمي يا ا ميرة التعليق الطيب لايخرج الامن القلوب الطيبه وانت كل الطيبه والاحساس الجميل عندك مساء الخير
20-10-2015 06:29 PM
Maria
ابو الليث شو بدك تكتب اشعار اليوم ههههههه يلا ورينا
هههههه مساء الخير
رد بواسطة ابو الليث
هلا ماريا مساء الخير اشكرك يا زووووووء
تكرمي راح اكتب اشعار
20-10-2015 06:30 PM
ناصر
حبيبي الله يهديك اذا بدك تتزوجها انسى كل ما راح ولا تفكر فيه لانه راسك بصير يوجع وبضلك مهموم كثير وبما انك مونون فليش خطبتها من الاول وبالنهاية شكلك بترغي كثير خفف
20-10-2015 07:41 PM
نور ...صاحب المشكلة من غير مساء الخير حتى
اصلا المطلقه لازم تتعذب طول حياتها ماهي مطلقه لازم صبرت ع غلط خطيبها واتحملت ولا تتطلق لانه الناس كلها بتفكر تفكيرك !!!
لا واذا بدها تتزوج لازم تتزوج واحد يعتبرها حاله انسانيه مش هيك !
رد بواسطة نور ..2))
او تصبر حتى واحد يخطبها يكون مطلق او ارمل وعنده 3 ،4 اولاد بتكون منها حاضنه ومنها شغاله لانها بتستاهل مش مطلقه !!
هيك تفكيرك انت يا اناني يا ظالم يا اللي ما بتخاف الله .وافرض اطلقت 10 مرات شو يعني !
رد بواسطة صاحب المشكله
مش مهم المهم انه يكون فيه واحد بسلم عليك لانه والعالم الله انه ما فيه حدا
رد بواسطة نور ...3))
وافرض انك تركتها وطلقتها ما انت مصيرك بتخطب واكيد ياللي بتخطبها بدها تعاملك بنفس الطريقه وتسألك الاسئله نفسها كيف كانت خطيبتك شو عملت معها ووووو صح ولا لئه ...ولا انت حلال عليك وهي حرام عليها
!!!
رد بواسطة صانع الفرح *
نور

كل الاحترام والتقدير لرايك لانه يعبر عن الظلم الاجتماعي والنظره الضيقة للمطلقة التي هي انسانة ضحية لعادات وتقاليد زائفة لا ترى فيها الا السلبية
رد بواسطة نور ...3))
الله يوفقك ويرضى عليك صلي ع النبي وانسى كل هالحكي اللي ما اله طعم ولا نكهه واللي ما بعمل الك والها غير المشاكل ووجع الراس البنت مسكينه شو دخلها انه هيك نصيبها وحظها تنتحر يعني !!
رد بواسطة ابو الليث
مساء الخير نور كيفك وشو اخبارك
اشهد بانك تكلمت فاوجزت فعدلت
واشهد بان المجتمع فاسي وضد الفتاه المطلقه حتى لو كان عارف انها طلقت ظلم
1000لايك
رد بواسطة نور ...ابو الليث
هلا مساء الورد ابو الليث
الحمدلله من الله بخير
وشكرا الك ع مجاملتك اللطيفه كمان هاي شهاده بعتز فيها الله يسعدك يا رب
20-10-2015 07:57 PM
صانع الفرح *
مساء الخير للجميع

المحرره / المحرر

اسعد الله مساءكم بالخير :)
رد من المحرر:
مساء الورد
رد بواسطة نور ...صانع الفرح
هلا ...مساء النور
رد بواسطة صانع الفرح *
نور

اسعد الله مساءك بنت الاصل الطيب :)
رد بواسطة ياسمينااااا
انا اشهد انك صانع فرح مسا الورد والفرح والياسمين
رد بواسطة صانع الفرح *
ياسميناااا

اسعد الله مساءك واشكر اصلك الطيب :)
رد بواسطة ابو الليث
هلا وميت مرحبا صانع الفرح يسعد مساك يا غالي
20-10-2015 08:22 PM
ياسمينااااا الى صاحب المشكلة
روتانا سينما مش حتئدر تغمض عنيك كخخخخخخخخخخ
20-10-2015 08:30 PM
صانع الفرح * / صاحب المشكلة
ليس لك بماضي الفتاه الشرعي وانا ارى ان تغتنم الفرصة وتتزوجها قبل ان تصبح الخاسر الثالث !!!

انت تتكلم عن بنت ناس محترمه باخلاق ودين ومواصفات رائعة فلا تضيع الفرصة وتصبح فريسة لاوهام باطلة نصيحة
رد بواسطة ياسميناااااا
الله واعلم يا أخي انها البنت حظها عاثر الي بعثتلها انسان بهاد التفكير الغير حضاري انا بدعو الله انه ينور بصيرتها وتتركه لان صعب الحياه مع انسان شكاك هاد بكره بمنعها تطلع من البيت أو تحكي مع البشر
رد بواسطة صانع الفرح *
الظنون والشكوك امراض نفسية يصنعها غالبا الاشخاص بسبب ثغرات في حياتهم لظنهم ان بقية الناس مثلهم في بعض السلوكيات المنحرفة فيصبحوا فريسة لاوهام تقضي عليهم ... كل الاحترام لرايك الجميل :)
رد بواسطة نور /صانع الفرح
صح 100 % والمطلقه اذا الشب وافق واقتنع فيها مين اللي بيعارض (الاهل )
يعني بالحالتين مستحيل ترتاح بدها تواجه صعوبات ومشاكل بحياتها ...
20-10-2015 08:31 PM
ياسمينا
مسا الخير للجميع
رد بواسطة صانع الفرح *
وانا اشهد وجودك يعطر المكان وينثر اجمل ورد ... مساء الخير :)
رد بواسطة متزن
مساء الخير اختي الغاليه ياسمينا
رد بواسطة ابو الليث
هلا ياسمينا مساء الفل
20-10-2015 08:32 PM
الى صاحب المشكلة
اتكل
على الله وكن صاحب عزيمة وارادة وتوكل على الله وتزوجهاواستعذ به من الشيطان الرجيم
20-10-2015 08:45 PM
السوسنة السوداء
المشاكل زايدة
رد بواسطة متزن
الله لايجيب المشاكل اختي سوسنة مسائك سعيد نورت الشاشه بتعليقاتك وين الغياب الطول
20-10-2015 09:04 PM
صانع الفرح *
عندما يختار الانسان ويقرر بناء علاقة من اقدس العلاقات وهي الزواج لابد ان يقدر عاليا الطرف الاخر لانه كذلك اختاره ولم يختر غيره فليقدر ذلك ويصون مشاعر من اختاره بل يتباهى به ويفتخر ويكن سعيدا بجوهرته
20-10-2015 09:25 PM
السوسنة السوداء
ناس صايرة منحرفه
20-10-2015 09:27 PM
متزن
هنا مساء الخير وينك
20-10-2015 09:28 PM
متزن
للجميع مساء الخير
رد بواسطة ابو الليث
هلا متزن يسعد مساك
رد بواسطة نور ...متزن
مساء النوور ...متزن
20-10-2015 09:29 PM
ياسمينااااا لصاحب المشكلة
طب انا خاطبه وكان عندي أصدقاء وصديقات من ايام الدراسه وكنا نتواصل عالفيس بوك صحيح سكرنا حساباتنا مو لشي بس هيك أنفقنا ولعلمك مرات ونحن سوى بصادف زملاء دراسه أو عمل وبسلم عليهم وهو كذلك نحن يتبع
20-10-2015 09:38 PM
ضاحب المشكلة الحقيقي
ترى انا ما علقت اي تعليق وكل اللي انكتب على لساني وبحكي للي بلفق حكي وبتمسخر ومبسوط على حاله اذا انا بجهله ف ملائكة كتفه لا تجهله الموضوع جدي ومش بايدي ولو مش بحاجة لنصيحة حقيقية ما كتبت هون اتقو الله
رد بواسطة صانع الفرح *
با اخي ما دمت تعرف ان البنت مخطوبة في البداية واقتنعت فيها لماذا التردد واذا بقيت على الحال لن تتزوج ؟؟؟

توكل على الله وتزوجها ولا تكن فريسة للاوهام والشكزك والظنون الباطلة افتخر بها وبصفاتها تسعد
20-10-2015 09:40 PM
ياسمينااااا
ولا مره شك فيه او شكيت فيه بدي أقنعك اليوم قاعديتلك.هههه اسمع والله لتندم. افرض انك اخدت وحده ما كانت خاطبه انت تفكيرك رح تصير برضو تشك فيها وبن كانت تروح طيب ايام الجامعه طيب مع قرابتها جيرانها
20-10-2015 09:41 PM
خاص لهنا
يا كيف تِنشد عن احوالي
و إنتَ عليمٍ عن الحاله

حالي تمنَّاك يا الغالي
بقفاية الفكر و اقباله

لك وحشةٍ يا هوى بالي
زادت على القلب غرباله

كِنِّي مع النَّاس بالحالي
و الشَّوق وثَّق بي حباله
رد بواسطة HHHHH
فك عني
20-10-2015 09:43 PM
ياسميناااا
بالمختصر البنت او غيرها رح أضل بنفس العقليه يا شاطر انت بدك وحده تحجزها من صف اول وتربيها على ايديك لا تكبر وبرضو ما رح يعجبك شو كمان نور كملي صار بدي يانسون هههههه عبث متنخ شكله تعبت ههههههههههه
رد بواسطة نور ... ياسمينا
هههههههههههههه لا يربح شيطانك
فرطت والله من الضحك
رد بواسطة Jamal Alzaeem
:)
20-10-2015 09:45 PM
عاشق فلسطين :
ايش
20-10-2015 09:46 PM
متزن
تصبحون على خير احيانا تجد الفكر يعجز عن التعبير ليس لعجز الافكار ولكن ..... تصبحون على خير
20-10-2015 09:47 PM
ابو الليث
اخي لا اريد ان اطيل في الحديث لان الجميع ما قصر ولذالك تزوجها وتوكل على الله وانسى الماضي من جذوره
ولا تنسى تعزم جميع المعلقين
رد بواسطة صانع الفرح *
اخي العزيز والغالي ابو الليث

اسعد الله مساءك وكم هي اشراقتك تزداد بهاءا وجمالا فكل التحية لك ولشخصك الكريم :)
رد بواسطة ابو الليث
هلا اخي الكريم صانع الفرح بعض ما عندك يا غالي اشكرك واشكر مرورك
تحياتي لشخصك الكريم
20-10-2015 09:55 PM
ابو الليث
إليكِ أصرخ وأنادي ، لا أحد يجيب، لا أحد يسمع ، كيف السبيل إليكِ يامن أحببتكِ ، أصبحت لاأرى في العالم شيئاً إلا أنتِ ، ولا أفكر بأحداً سواكِ ولا أتحدث مع أحد إلا وكنتِ أنتِ حديثنا وشاغلنا ،
20-10-2015 10:04 PM
ابو الليث
ولا أهمس إلا عنكِ، ولا أفكر إلا بكِ ولم أتمنى على الله شيئاً إلا أن يبقيكِ سراجاً منيراً في قلبي يا قلبي.
20-10-2015 10:05 PM
زهقنا
الى صاحب المشكله
المشكله تأليف ومنشورة على اكثر من موقع اكثر شهر
20-10-2015 11:37 PM
انا متلها
الى صاحب المشكله امانه برقبتك لا تتركها وتصير الناس تحكي فيها حرام عليك اانا مريت بنفس التجربه خطبة اول مره وترك وتاني مره زترك وهلا الناس ما خلو شي علي ويعلم الله اني بريئ من كلامهم وحسبي الله عليه
رد بواسطة طبيعي
لو كان فيه خير ما رماه الطير
21-10-2015 12:22 AM
قارئ
ولكم في رسوالله اسوة حسنة لمن كان يرجو الله واليوم الاخر امنا الوحيده التي تزوجه ا الرول صلى الله عليه وسلم بكرا عائشه رضي الله عنها..تزوجها وعش حياتك ولايكون تفكيرك ضيق وافقك محدود صاحبة خلق ودين كفى
رد بواسطة اصيل الطراونه
صباحوووووو
21-10-2015 12:31 AM
قارئ
قال رسول الله صلى الله عليه وسلم(تنكح المرأة لاربع مالها وجمالهاوحسبها ودينهافاظفر بذات الدين تربت يداك)اي اامتلأت يداك بالخير وقلبك بالسعاده مابدها ترددوعش حاضرك وانسى ما فات والله الموفق
21-10-2015 12:40 AM
*_^
ج في نومي أغار من نومگ، استيقظ لاتفقد احلامگ,أحدق بگ طويلاً، كلما خلدت للنوم ،باشرت نوبة حراستگ ،خشية ان تغري الموت بوسامتگ ،،،،فيطيل نومگ:)
21-10-2015 12:41 AM
*_^
ثق بقدرتگ فالطير على الشجره لا يخاف ان ينكسر الغصن .!!!لانه لا يثق بالغصن بل يثق بجناحيه :::))))))
21-10-2015 12:44 AM
قارئ الى صاحب المشكله
والله انا اللي اصدقاء تزوجو من بنات سبق لهن الخطبه ومنهم صاحب شركه ووضه من كل النواحي ماشاء الله ولا يعاني مما تعاني كن واثق من نفسك وتوكل على الله (كتب الكتاب عندنا واجب وهذا سبب انها مطلقه وليس عيب)
21-10-2015 12:53 AM
الاصيلة
عنجد القصة هيك.لأ وجاي يحكيلي كيف ابسطها.شكلك فهمتني غلط بس ابو الليث ماقصرت وع فكرة شعرك روعةسواء انت كاتبه او منقول بس عنجد حلو
21-10-2015 01:02 AM
كراااميش
كراميش البي مين البي مين..

انتو يلي هون..روحو عالفيسات احسن اتركو الموقع الناااا
ههههههههههه
رد بواسطة ياسمينااااا
هون احلى من كراميش كخخخخخخخخ
21-10-2015 02:51 AM
غربتي / الرياض
اشكرك على اسلوبك الجميل في طرح مشكلتك ـ لاتكون موسوس وتضخم الأشياء اكبر مما تبدو علية- لاتفكر بالتفاصيل الصغيرة-لاتنسى انة الصحابة رضي الله عنهم تزوجو مطلقات-انت بحاجة ان تحبها اكثر-بالتوفيق اخوي
21-10-2015 08:43 AM
اصيل الطراونه
مطول قصتك صصصص .. طلقها
21-10-2015 08:53 AM
Jamal Alzaeem
روح
اسأل
خطيبها
الاول
والثاني
عن
سيي
الطلاق
وبيكون
العكس
هو
الصحيح

وسلامتك من الاه
21-10-2015 08:57 AM
عاصم
الى الرقم 35 حتى لو كانت تأليف خلي العالم توعى وتتثقف يعني الأفلام والمسلسلات مش تأليف، انت لو طلقتها ستضع نفسك بنفس الموقف عندما تخطب غيرها سيسألو اهل البنت لماذا طلقها؟ستقول السبب ولن يوافقو عليك.
رد بواسطة رقم ٣٥
شة انت جبت من دار ابوك أشي جديد الا اذا كنت انت صاحب المشكله
21-10-2015 09:45 AM
الى صاحب المشكله
مش معنى انها خاطبه مرتين و ما صار نصيب انه المشكله عندها نصيبها مو معهم و انت اللي نصيبها دام انها ع خلق و دين ما تتردد و اتزوجها الخيره فيما اختاره الله الله ييسر امرك و يرزقك بنت الحلال اللي تهنيك
21-10-2015 10:13 AM
الى صاحب المشكلة
باين انها انسانة محترمة وباين انك مريض نفسي انا من رأيي اتركها بلاش تغلبها معك
21-10-2015 10:25 AM
عاشق فلسطين
الى كل المعلقين شكرا على شهادتكو الي هادا الشي بفتخر فيه يا اصدقائي الغاليين و الله يسامحو يلي حاول ينتحل شخصيتي و يسئ لسمعتي
21-10-2015 10:33 AM
عاشق فلسطين
صباح الورد يا الغاليين على قلبي
صباح العسل و القشطه
ماريا
السوسنه
رشيقه *_-
الاموره
هناء
ابو الليث
قاؤئ
ياسمينا
و لكل المعلقين
21-10-2015 10:36 AM
الامورة
صباح الخير اه يا راسي مبارح وقعت على رأسي وصار دعدورة
رد بواسطة عاشق فلسطين
صباح الورد له له الف سلامه عليكي
21-10-2015 11:15 AM
الامورة
راح علية كل اشي من تعليق معكم ما كنت مصحصحة هسا صحيت
21-10-2015 11:17 AM
الامورة
صباح الورد للسأل عني
21-10-2015 11:19 AM
من انا متلها ل طبيعي
رجانا قول خير او لتصمت لانه كل كلمه محاسبين عليها يوم القيامه
21-10-2015 11:44 AM
الأمورة إلى عاشق فلسطين
الله يسلمك يا زوق شكرا الك وكل احترامي لشخصك
21-10-2015 11:48 AM
لورد
مرحبااااااااا جميعاااااااااا


كيفكم يا شباب ويا صبايا اشتقنالكم وين هالغيبة ول عليكو فش حد سأل عني له له له له ...



كيف اسيبك وانتا نظر عيني وانا حبيبك




نرجع ونقول من جديد :

هههههههههههههههههه
رد بواسطة Maria
ههههههه يا اهلا وسهلا لورد افندي شكلك مسافر كنت
ياعيني ياعيني يلا ازا عندك ئطع حلوة ئبل ما ييجو
نور وياسمينا بدي اجاكرهم ههههههه بسرعة ارمي بياضك
وافتح الشناتي
رد بواسطة ياسميناااااا
والله اهليييييين قلتيلي بصيييبين اه هههههههههههه
21-10-2015 12:15 PM
ياسمينااااا
والله ميمعه كخخخخخخخ صايره انا شو خصني عنك ما تجوزت هههههههههههه
21-10-2015 12:20 PM
ياسميناااااا
صباح الخير كيفكم ومسا الخير وتصبحو على خير من هلا ههههههههههه
رد بواسطة Maria
اهلا وسهلا اهلا وسهلا والله فوتي بسرعة وسكري الباب
شغال المكيف لانه ههههههه اسمعي مبارح شريت لاخواني
الزغار Playstation 4 لانهم شطار وصرت العب انا
محلهم fifa وهيك العاب فعلا اتسليت عالاخر......
رد بواسطة Jamal Alzaeem
نوم العوافي .. وانتي من اهله
رد بواسطة اصيل الطراونه
الله يشفي .. انتي من زمان هيك ولا حادث اللهم عافينا
رد بواسطة ياسمينااااا
انا بين كَر وفر هون ههههههههه حرب طاحنه نخوضها هون لا قاتل لا مقتول اصيل قصتي طويله لا مو حادث ماريا بتشرحلك شو بخبص يلعن عصير التفاح ما اعطله كله من الحجه نور كخخخخخخخخخخخ
رد بواسطة اصيل الطراونه
تعالي هاك حسبت حسابك معي اليوم هههه ... عصير التفاح الصبح مع سيجارة شسمه بتخليك تبتسمي لكل البشر هههههههه
21-10-2015 01:21 PM
اقرا القران واطلب من ربنا ينسيك ولا تسال ابدا وموضوع صار مع اختك انسى واتجوز وتوكل على ربكاستر عليها حرام تدمر حياتها مره تالته واعتبر ال
يا رجل اتقي الله مدام هيه كويسه وكانت تقعد معه بالحلال احمد ربك وهناك بنات كتير بقعدو بالحرام حب وغرام وتسليه ومسخره والبنات بنجرو مع الشباب وبعملو كل اشي وبفضحو البنات وبتركوهن , هاي حرام عليك هاي هي
21-10-2015 01:43 PM
ابو المجد
انت عندك مرض
ادعي الله يشفيك منه
21-10-2015 02:06 PM
الزنخ الاكبر
الموضوع لا يوجد فيه شيء يدعي لهكذا مشاعر ، الموضوع عادي جدا ، انظر للموضوع من الناحية الشرعية البحته فقط ، عجبني تعليق احد المعلقين حيث قال: اتركها و ستكون الخاسر الثالث بنت بهذه الصفات لا تفوتها .
رد بواسطة نعم
انااا تزوجت مرةة وتطلقت وخطبت وفسخت...الجمال هو السبب..لانو حسب ماحكى الشيخ ناس كتيره نفسها فيني..لكن هلاء تزوجت للمرة التانية والحمد لل احلى من هيك مافي صح زوجي كان بسالني عن علاقاتي القديمة
رد بواسطة نعم
تزوجت1
خطبت1
تزوجت مرة2
انجبت اطفال
عانيت بسبب الجمال
لانو البنت ازا كانت جميلة رح تتعب بحياتها
هلاء الحمد لله
كان بسالني عن علاقاتي..اسكت لحتى نسي الموضوع
الحل بيد صاحب المشكلة..انسى تعيش
21-10-2015 02:24 PM
سلاس
شوفلك دكتور نفسي لانو وضعك صعب صديقي
21-10-2015 03:08 PM
Maria
شكلكم نسيتوني يا معلقين جراسا نيوز في الاول دايما
بتسلمو عليه وبتصبحو في الاسم ههههه بس هلا نص نص
على كل الحال زي ما بيحكي المثل الدنيا زي المرجيحة
يم تحت وفوووووووؤ.......
رد بواسطة الى ماريا
شوفي تعليق 52 في ناس متزكرنينك باول صباح
21-10-2015 03:26 PM
Maria
صاحب المشكلة اتكل على الله واشتغل رئااااااااااصة.....
اااااااااااااااااه يابطني شو هالسؤال اتزوجها او اطلقها....
رد بواسطة ياسميناااااا
رئاصه وبترئص هههههههههه مالها الرقاصه بتشتغل بعرق جبينها.كهخخخخخخ. متتتتت ضحك
21-10-2015 03:28 PM
Jamal Alzaeem
صباح الخير
رد بواسطة ياسمينااااااا
الزعيم ما بجمعش الدنيا عصر ههههههههه
21-10-2015 03:37 PM
!!!
الانسان لازم مايضل يطّلع عالسلبيات لازم يكون عندو النظرة الايجابيه وو هاد كلو من الشيطان اتعوذ بالله منو كل ما تجيك هاي الافكار لا تخلي يخرب حياتك ،، من أحب الاعمال عند الشياطين و العياذ بالله التفريق
21-10-2015 03:41 PM
الأمورة إلى هالوحدة
اه مسكتك تعرفت مين إلى كتب لما حكيت بدي اطلع من التعليق
كتبت لي بالخط العريض احسسن يا لورد افندي اعرفتي حالك
الله كشفت من خلال كتابتك
21-10-2015 04:23 PM
الى جمال الزم
شو مش مصحصح اشرب نسكافيه وخليك كوووول الدنيا العصر
21-10-2015 04:28 PM
الامورة
مساء الخير للجميع بدون استثناء
21-10-2015 04:30 PM
مياده
افرض انت كنت خاطب مثلا مرتين وتركت والبنت كانت كاتبه كتابه مافي اشي حرام ولاعيب عامليته
22-10-2015 12:09 AM
Murad
انته كنت عارف انها خاطبه مرتين ورضيت واسى جاي تحكي هاد الحكي يا رجل خاف الله بدك تظلمها مره ثالثه ليش مش من الأول
22-10-2015 12:43 AM
نصيحة نصيحة من مجرب
اسمع يا ابن الحلال لا تخلي الشيطان يلعب في راسك بصراحة حسب كلامك البنت لقطة و اهم شي الاخلاق و الدين و الصراحة نصيحة نصيحة اتمسك فيها وكمان الجمال شيء بجنن رح تكون حياتك عسل رح توكل عسل نيالك
22-10-2015 02:18 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات