جراسا -

رسالة جاءتنا من سيدة.. وأصرت علينا في "جراسا" أن ننشرها، حيث كررت إرسالها لنا، ولم تكتفي بهذا، بل أرسلت مناشدة عبر التعليقات بأن نقوم بنشرها حتى يُدلوا لها القراء برأيهم ويقدموا لها النصائح والمشورات.. بسبب أهمية مشكلتها. والتي ننشرها كما وردتنا :

يا جماعة بدي تشوروا علي و تفهموني هو انا تفكيري اعوج ولا الناس صايرة عوجة!!

انا متزوجة بغربة و سلفي اتزوج قبل فترة و اجا عالبلد اللي انا ساكنة فيها و حالياً في بيتنا لحتى يلاقي شغل و يقدر يفتح بيت..

طبعاً الواحد بعمل بأصله من اكرام الضيف و تهليل و ترحيب ..

مش هون المشكلة، مشكلتي اني عندي بيبي و بطلت اقدر الحق على عناية فيه و طبخ و تنظيف و ترتيب ورا الضيوف، لأنه سلفتي مااااااا بتعمل اشي او عل اقل تساعد او تسأل اذا بدي مساعدة،
انا اكيد ما بستنى تنزل تعزيل معي، بس حلو لما تشوفني مش ملحقة على شغلة تعرض شوية مساعدة،، انا تربيت غير! اذا بشوف الغريب بده مساعدة على طول بقوم بساعد، البيت بطل يترتب نهائياً، برمو اواعيهم بغرفة القعدة عالأرض مو مستعدة تقيمهم، بسير انا الم فيهم قدامها و هي قاعدة و لا على بالهاو عيره و غيراته لو اكمل بدي مجلد!!!

شو اعمل؟ انا ما حكيت لزوجي اي اشي من هاد الحكي لأنه شو دخل الزلام بقصص النسوان بس الموضوع زاد عن حده، كلمة شكراً ما بتحكي! و لا اشي زي كأنه اللي بعمله واجب علي!

شووووو اعمل؟!!