ساعدوني هل ازوجه اختي؟


جراسا -

انا شب عمري ٢٩ سنة اكبر واحد بالعيلة وابوي متوفي رحمة الله عليه من زمان وانا شايل العيلة من وراه عندي ثلاث اخوان شباب واخت وحدة ما في غيرها ... تقدملها واحد عمره ٣٩ سنة وبشتغل شغل حر وعنده شقة ملك ... انا لما شفته استغربت انه لسا ما اتزوج لحد الان ... اجيت سالته ليش لسا ما اتزوجت فحكالي انه مادياته ما كانت مساعديته ... انا بصراحة بيني وبين حالي ما صدقت بقول يعني الواحد لو بدبر حاله وبجوز بالدين ما بتاخر هالقد ... يعني ماشي يصل للثلاثينات بس مش على الاربعين ... خصوصا انه عنده شقه عند اهله ساكن فيها لحاله وكل اللي اكبر منه واصغر منه من اخوانه متزوجين ... ولما رحت سالت عنه كلهم حكوا عنهم انهم جماعة بحالهم ومحترمين وما اقدرت اخذ اكثر من هيك لانهم ساكنين بنص المدينة وما حدا بعرفهم كثير ... انا قعدت معه وحكيت معه باين عليه محترم بس بصراحة مش مقتنع انه مش متزوج عشان المادة ... مع العلم انه اختي على مشارف ٢٧ من عمرها وبدي استر عليها واطمن عليها لاني دائما بحسها خي بالذات امانه برقبتي خصوصا انها مرت بتجربة خطوبة صعبة ومرة ما بدي ياها تتكرر لا سمح الله ... ودائما بحمل حالي المسؤلية .... وخايف عليها كثير ... ساعدوني لو انكوا مكاني شو بتعملوا ... انا مش مقتنع لانه احنا الشباب الجيزة عندنا مهمة لو بندين مشان نتجوز ما بنستنى وهاي فطرة الله حطها فينا ما حدا بقدر يتجاهلها وانتو اكيد فاهمين علي ...يعني اسبابه مقنعة ولا لا ؟ وشكرا الكوا مسبقا ..



تعليقات القراء

ياسمينا
لان شكل المشكلة مو تأليف انا بحكيلك توكل عالله وجوزها ادا كانت بدها إياه بس لا تغصبها عليه واعمل استخاره سبع مرات وربنا ولي التوفيق
17-09-2015 10:45 AM
ميوش ميوش
اأگون اولا او لا أگون هييي
17-09-2015 10:48 AM
ياسمينا
صباح الخير لكل الأصدقاء ماريا يا الله صحصحي في مشكله ههههههههههههه
رد بواسطة Maria
ههههههه هيني جاي والله لنكيف ههههن
17-09-2015 10:48 AM
Maria
جوووووود مووووورنينج........ صباح الخيييير....
معلقين جراسا نيوز فردا فردا بيت بيت زنقة زنقة ههههههه

كل واحد عمل معمول يجيبلي بسرعة اللي بوكل لحاله بزور
رد بواسطة ابو الذهب
اسعد الله اوقاتك بالخير والبركة يا اصيلة
كيفك اخت ماريا الطيوبة
احنا ما عملنا معمول وبدنا نعمل حلويات خاصة
اسمها لقم وشلامه وكمان بنعل دونات اكتير طيبة
وبدي اوديلك صحن مشكل
واهلا بك يا نشمية
17-09-2015 10:50 AM
ميوش ميوش
صاحب المشكلي لك يا اخي يمكن العريس هرب الك كام اسبوع وانتي بتسأل..انداري ئي.الله يوفقها
رد بواسطة ميوش ميوش
يمكن انتي عندك كلن يرا الناس بعين طبعه وعارفتك ميييييين عليناااااا
17-09-2015 10:53 AM
Maria
اخي صاحب المشكلة
اسال عنه في العمل..... هناك ببعرفو احسن من اي واحد
17-09-2015 10:54 AM
الى صاحب المشكله
زوجها و استر عليها يمكن اذا رفضتوه ما يجي حدا ثاني الها
و يمكن عن سبب تاخره بالزواج انه منقرص ب هالزمان و ترك عنده أثر و الان بده يتزوج و يبدا حياه جديده
17-09-2015 10:56 AM
ميوش ميوش
حسبي الله عليه توگلت وهو رب العرش العظيم...سبحان الله وبحمده سبحان الله العظيم..
17-09-2015 11:00 AM
ميوش ميوش
مسسسسسسآگم معطر پورود اللافندر الفرنسية..............للچميع تحيآتي
رد بواسطة Maria
يا مسا المسك والعنبر.....
كيف الرحلة لشرم الشيخ انبسطتي ههههه في كمان حزيرة
الك مصلحة...
17-09-2015 11:08 AM
عاشق فلسطين
صباح الورد للجميع
كيفكو
رد بواسطة Maria
عاشق فلسطين مسائك معسل زغلوووووول هههههههه
17-09-2015 11:18 AM
عاشق فلسطين
الى صاحب المشكله صديقي كونا انك مش مرتاحلو انسى و ان شاء الله الله يبعتلها الاحسن
17-09-2015 11:33 AM
جولي
تزوجوا في عمر اكبر ولم يكن بهم شيء توكل على الله لو زوجت اختك لاي واحدفانت لا تعلم الغيب ماذا يخبئ لك
17-09-2015 11:34 AM
ملك الأحساس
صباح الخير جميعا
صاحب المشكلة من حقك تخاف على اختك بس للامانه اعرف كثير من الشباب على مشارف الاربعين لم يتزوجو اما لاسباب مالية او انه غير مقتنه بهذه الفكرة من البداية لذا عليك السؤال عنه باي طريقة
رد بواسطة سفير الأحساس
طلع الزلمه محبوس
رد بواسطة السوسنة السوداء
مساء الخير
معك حق

سن الزواج ارتفع للبنت فكيف الشب
17-09-2015 11:38 AM
ملك الأحساس
يتبع
السؤال عنه من خلال عمله اصدقائه تمهل باعطاء الجواب حتى لا تظلم اختك وهالايام الواحد بدو سترة البنت اكثر من الشب وربي يوفقك ويجعله من نصيبها اذا كان فيه الخير له ولها موفق
17-09-2015 11:39 AM
ابو العبد تاع الفلافل
اذا البنت تشتغل خيو وتجيب لك قروش آخر الشهر..لا تجوزها...واذا ماكله شاربه على حسابك اخلص منها وزوجها ..فارق السن خيووو بسيط بعدين تلاقيها بتستنى ..وراح تلاقيه بزغروته...
رد بواسطة والله زمااان
والله ويا 100 اهلا وسهلا في ابو العبد
نوووووووووووووووورت جراسا برجعتك
زمااااااااااااااان القمر ما بان
اخبارك ؟
رد بواسطة ابو العبد تاع الفلافل
والله و10000000 هلا بالغالي....اكيد من غير (هاء ) اليوم الجنس اللطيف ما يسالن عن حدا....بس تدري انا امس بس طالع من الحبس....(عالسجع هههههههههههههههههههههه
رد بواسطة والله زماان
يا خساره يا ابو العبد
مش عارف مين انا !!!
ههههههههه
امس طالع من الحبس هههههه
يا سيدي تنذكر وما تنعاد لكن والله انا وحده مش واحد
17-09-2015 12:04 PM
بنووووته
امبلى كتير بتصير انه الواحد ياخر زواجه عشان الماديات انا الي اخ عمره 38 ولسه مش متزوج واتاخر لهالوقت بسبب الماده
ازا محترم اتوكل ع الله وخلي اختك تكون سعيده وبالاول والاخير الراي لاختك
17-09-2015 12:06 PM
ز نيسان
اول شي صلي استخارة وازا مو مرتاح احكي لااختك الاسباب ووجهة نظرك وخليها هي كمان تصلي واسال اكتر عنه مكان شغله بيته والله يجيب اللي فيه خير اعطي لحالك مهله قبل ما يتم الاتفاق
17-09-2015 12:20 PM
صاحبة مشكله
الى المحرر ممكن انزل مشكلة
رد من المحرر:
أكيد
17-09-2015 12:32 PM
الامورة
صباحكم سعيد
17-09-2015 12:38 PM
الامورة إلى صاحب المشكلة
اذا محترم خلص زوجها لانو الأيام هاي لازم يكون زلمة محترم حتى يحترمها ويقدرها شو بدها أكتر من هيك المصاري مش كل اشي
17-09-2015 12:40 PM
الامورة
وينكم ما سالتو عني شو أخبار الجميع كل عام وأنتم بالف خير
17-09-2015 12:42 PM
ابو الليث
مساء الخير اخي الكريم وجزاك الله كل خير على حرصك الشديد على اختك.
انا بوجهة نظري انسى الماديات وانسى الشقه اهم شي اسأل عن اخلاقه وعن صحته وانا قاصد صحته شي معين لانه متاخر بالزواج لهالعمر في سبب كبير
17-09-2015 01:14 PM
ابو الليث
لا اظن الامور الماديه هي العائق ولذالك تروى ولا تتسرع لاني بعرف بنت تزوجها شب بالثلاثينات وما استمر الزواج لا داعي لذكر السبب
نعم اختك 27 ولكن ان شاء الله ربنا ببعثلها ابن الحلال والله ولي التوفيق
17-09-2015 01:17 PM
فرفشه
اصبر هلا بفيعن عليك فرد فيعه اخوي واعتقد ولا اعتقد نصايح للصبح ولا بتعرفلهم ظهر من وجه انا بقلك جوزها لويش بتتمنجق لو صح لجدتي ما ماتت ههههههههههههههههههههههههههع
17-09-2015 01:25 PM
المحبوب الى ماريا
يا جماعة الخير صاحب المشكلة داخل على الله وعليكم وانتم نازلين دردشة ويا ماريا احنا بدنا نعمل معمول بس ما راح اجيبلك
17-09-2015 01:36 PM
اللي ما معوا ما بلزموا هي جيزه والسلام
مهو اللي مخرب بيوتنا ومخلي حالات الطلاق كتيره هي كلامك التعبان
ريتها ما كانت جيزه اللي بدها تقوم على الدين وتقوم على الشحده
الواحد براسه مو عايش بدك يدين يعيش مرى وولاد ويصرف عليهم
17-09-2015 01:40 PM
لورد
مساء الخير
رد بواسطة الخبيثة
هههه وكـــ وين كاين
17-09-2015 01:51 PM
قارئ
والله يا اخي العبره بالخلق والدين وليس بالعمر قال صلى الله عليه وسلم اذا جاءكم من ترضون دينه وخلقه فزوجوه الاتفعلوه تكن فتنة في الارض وفساد كبير هذاالميزان وليس ماذكرت كبر بالسن ولم يتزوج وصلوااستخاره
17-09-2015 02:00 PM
خبير الاول
حاول الاستخاره سواء انت ام اختك .
اذا صار نصيب حاول ما تتعجل بشئ.
لكن تبقى مشكله السكن عند اهله لان بعد فتره بصير مشاكل او مراقبات وانتقادات
ومشكله اخرى الفارق في التفكير يعني الزواج مبني على التفاهم
17-09-2015 02:05 PM
سحر الامورة
هوه يا حرام كبير ومتأخر عن الزواج بس اختك لسه في ريعان شبابها المسكينه عمرها 16 سنة
17-09-2015 02:08 PM
قارئ 2
اخي صاحب المشكله ارجو ان تكثر من السؤال عنه وفي محيطه واجلس وتكلم معه مرات عديده حتى ترتاح له نفسك اوغير ذلك لاقد الله وارجوالله ان يكتب لها الخير ويسترعليها بالدنيا والاخره
17-09-2015 02:11 PM
السوسنة السوداء 1
صاحب


تفكيرك خطا
كتير شباب بحبوا يكونوا حالهم يكون عندهم بيت وسيارة ليرتاحوا بعد الزواج ومايوقعوا بديون
لانه بعد الزواج صعب يعملوا شي بصير في اطفال ومصاريف
17-09-2015 02:54 PM
السوسنة السوداء 2
لهيك ممكن يكون هاد الشب صادق
ولاتزعل مني الفرق بينه وبين اختك 10 سنين كتير بنات متزوجين شباب وفي بينهم هاد الفارق
ولا تنسى اننا بمجتمع ظالم ضد المراة
في شباب مابقبلوا يرتبطوا بمن سبق لها الخطوبة
17-09-2015 02:57 PM
السوسنة السوداء3
طيب في وثاءق مثل دفتر العاءلة ببان اذا كان متزوج
وافضل شي الاستخارة في امور الناس مابتعرفها لكن ربنا بعرفها استخيره واساله
لا خاب من استخار
17-09-2015 02:59 PM
Maria
ياسمينا
رشيقة
نور
ميوش ميوش
نلتقي في المساء عشان نحل المشكلة اتغدو ونامو وفكرو
في حل انا تعبااااااااااااانة ونعسااااااانة ههههههههه
17-09-2015 03:07 PM
الخبيثة
أكيد أنه عنده اسباب خاصة ما بحب يحكيها لحد اذا ما الها علاقة بتاخره عن الزواج وافق على الزواج ومن ضمن هاي الاسباب يمكن كان محكوم بالسجن عشر سنين او اكثر هههههههه توقعات
17-09-2015 03:52 PM
مرار طريق
اتوكل على الله اذا كان شب كويس ليش لا وانه كبير بالعمر وليش لهسه مش متزوج يمكن اللي حكاه صح ما كان قادر ع زواج ..
مثلي انا عمري صار 30 ولهسه طفران مش قادر اتزوج :) :)
17-09-2015 04:25 PM
الخبيثة
اللي بخاف من البعبع بطلعله أتكل على الله وجوزه أياها
17-09-2015 04:57 PM
ابو العبد تاع الفلافل
الى الخبيثه خص نص..

من سنتين تقريبا وانت بعدك ما تخلصت من هالأسم.....(الخبيثه )
والله ماهو حلو....تسمعي مني واسميكِ (الرااااائعه )...والله حلو
17-09-2015 05:25 PM
ابو العبد تاع الفلافل
الى الغاليه ام ريااااان

والله من اول حرف عارف.......
بس حابب اسمع منك....
اصلا ما غبت عن بالي....
رد بواسطة والله زمااان
والله ورب الكعبه مش ام ريان !!!

خلص انسى المهم انه انت بخير .......

اصلا مش مهم تعرف مين انا ،،لكن انا بعرفك من زمان ...انت من المميزين بجراسا من يوم يومك ...الك وحشه والله
رد بواسطة والله زماان
وانا اللي سالت عنك من يومين وما حدا جاوب :((((
حتى السوسنة ما قبلت تجاوب مش عارفه ليش ؟؟؟؟
امنياتي لك بحياه سعيده كلها فرح وسعاده وهناء .
رد بواسطة ابو العبد تاع الفلافل
الى (والله زمان )
اجزم بانني فقدت نصف عقلي بزيجة خاسرة..ونصف النصف فقدته بين خشبات السجن الذي قضيت فيه شهورا زورا وبهتانا....فكيف للربع المتبقي ان يتعرف على اصدقاءالماضي..تحياتي
رد بواسطة ابو العبد تاع الفلافل
تابع...............
اتكهن ...رجما بالغيب وبلا أدله سوى اقواس تشتهرين بها بعد بعض جملك المختصرة الرائعه...وجدتك الحمامية ذات المرج الاخضر....فهل هي انت...ام احزم حروفي وارحل ؟
رد بواسطة والله زماان
اهلا وسهلا فيك..دائما وابدا
حروفك وكلماتك هي (شمعه) تنير لنا هذه الصفحه........... لا ترحل
17-09-2015 06:30 PM
والله زماان
(لا تنتظر حبيباً باعك
وانتظر ضوءاً جديداً يمكن أن يتسلل إلى قلبك الحزين
فيعيد لأيامك البهجة ويعيد لقلبك نبضه الجميل )..للجزء الاول ....
17-09-2015 09:04 PM
والله زماان ..(اختك التي تتمنى لك الخير والسعاده )
تجاهل الماضي .. وارمِ ما وقع فيه في سراب النسيان..ولا تحزن .. فرزقك مقسوم .. وقدرك محسوم .. وأحوال الدنيا لا تستحق
الهموم .. لأنها كلها إلى زوال .. وما الحياة الدنيا إلا متاع الغرور.للجزء الثاني ..
17-09-2015 09:22 PM
ميوش ميوش
گومنت28موٱنٱ الي گتبتو..الله يسٱمحگ..بعدين بعدني ادرس انا لساتني صغيري..
17-09-2015 09:51 PM
صاحب السعادة
اذا جاءكم من ترضون دينه وخلقه فتوجه.. ولكن اخي عليك بالسؤال عنه.. حاول الوصول لمن يعرفه معرفة دقيقه.. جيران او اصدقاء او زملاء في العمل.. لانه بصراحه احيانا بتنصدم بأمور لم تخطر على بال احد..
18-09-2015 02:27 AM
ام الغالي
تحياتي للجميع وجراسا
اخوي عمره39 وماتجوز لهسا.وعنده وظيفة وبيت بس مش مقتنع وبحكي هذا نصيب واقدار من الله.توكل على ربنا بعد الاستخارة وزوجها احنا بزمن صعب.والزلمة المنيح سترةوحماية للمرة
18-09-2015 02:37 AM
محمد محمد
الان تستطيع ان تعرف اسمه الرباعي وتسأل عنه التنفيذ لتعرف ان كان عليه طلبات قضائية ام لا القانون يسمح بذلك
18-09-2015 10:22 AM
محمدابوزريق
المهم يكون دخلة حلال
18-09-2015 11:29 AM
ابو إلياس النعيمات
سلام الله/في نظري خلاصة رأي المشاركين الجادين في هذه الزاوية هو أنه عليك ان تسأل جيدا عنه وإذا وجدت أنه صاحب دين وخلق وحسن معاملة ومشهود له في ذلك وبان اختك ترغب بالزواج منه فزوجها على بركة الله.
رد بواسطة للمتالق ابو الياس
Like و الله انك جبت الحل المثالي
18-09-2015 07:51 PM
تال
ارجع اقعد واسال عنه اكثر للناس
18-09-2015 08:13 PM
احمد الخالدي
طيب انا عمري33وما خطبت وﻻ اتزوجت لهﻻ
الموضوع عادي جدا واقل من عادي
18-09-2015 11:37 PM
رمز الحريه
ابعت اسمه الرباعي بجيب الك سيرته الذاتيه
19-09-2015 10:18 AM
الى رمز الحريه
صاير تحري يا ضرسان ههههههههه
مساك تويكس و سنكرز و كادبوري
رد بواسطة رمز الحريه
اه انا هيك هههه
رد بواسطة رمز الحريه
بس جد طريقه كويسه اقل ما فيها ببين انه من اصحاب السوابق او لا يعني بشجع انه تكمل بسوالها عنه او تنسى
19-09-2015 12:00 PM
تخلف
نفسي أفهم لماذا تعتقد أنك من يحق له إتخاذ القرار؟
ياأخي أترك قرار القبول أو الرفض لأختك،
19-09-2015 12:46 PM
سامح
انصح بعدم زواجها بسبب فارق السن ثم السكن بجانب الاهل حيث اختك وحيدة ثم هل هو مثقف ام لا وكمانهل دخله مستمر ام لا .هل يعاني من امراض صحية .
20-09-2015 02:01 PM
مش مهم
انت واحد معقد ، انا بعرف ناس تزوج على عمر 50 بس بلاش تعقد الأمور وتشك وتفكر بطريقه سلبية ، يمكن انت متردد من فارق السن
21-09-2015 09:55 AM
احمد الخالدي
انا عمري 33 سنه ولسا ما تزوجت الموضوع عادي جدا
21-09-2015 01:04 PM
ابن العرب
خذ اسمه بالكامل وروح على المحكمه الشرعيه بتعرف انه سبق له الزواج او متزوج وبعدين اسال عنه في الشغل وبس
21-09-2015 01:50 PM
عبادي
عليك بصاحب الخلق و الدين . بصلي كيف مع خواتوا و امو.
07-10-2015 12:03 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات