جراسا -

انا شخص عمري ٢٨ سنة بشتغل الحمدلله وشغلي تمام والدي الحمدلله وضعو المادي ممتاز جدا، لكن معودنا بالبيت إنو بيحسب كل قرش وين بروح ووين بييجي وانا كنت صغير بالعمر سجلت في الجامعة وبسبب نظرتي للطلاب الاحسن مني ماديا اهملت دراستي وركزت على شغلي لما شفت المصاري طمعت اضطريت بالاخر اترك الدراسة ومن فترة سنة رجعت ادرس حتى ارضي اهلي وبنفس الوقت وعيت على نفسي وبنفس الوقت رجعت اهتم بشغلي والحمدلله موفق بين الاثنين شغلي ودراستي.

ما بتطلع لورا بتطلع للمستقبل الحمدلله ماشي صح بحياتي بس عندي مشكلة بتخليني أفكر ابكي من قهري من فترة ٤ أشهر اتعرفت بالصدفة على بنت عمرها ٢٤ سنة مطلقة ٣ مرات بسبب عقلية اَهلها.

ويشهد الله علي ما شفت من هالبنت الا كل خير اتقدمو ناس لالها اكتر من مرة وهي رفضت لأنو بصراحة ما في شخص مناسب الها أتقدم وسبب رفضها منطقي وانا كل مرة بخاف أني اخسرها وتروح مني انا حبيتها من كل قلبي وهي متعلقة فيني بشكل كبير.

انا محتاج سنة لاجهز أموري لكن غلطتي أني من البداية ما خبرتها وصارحتها بموضوع دراستي وبصراحة ما بقدر اطلب الزواج من اهلي لأنو واثق مليون بالمية ما رح يوافقو إنو اتزوج بالوقت الحالي لاكتر من سبب ماديا عندي التزامات دراسة ومصاريف مكتب لسه ما وقف على رجليه.

والسبب التاني مش مستقل مية بالمية أني اقدر افرض رأيي على اهلي لاني صدقا غير جاهز ومن ناحية وضعها انها مطلقة ٣ مرات هاد شي بالنسبة لي شيء عادي وما بعيب البنت لأنو البنت هي الام وهي الأخت وممكن اي شخص تتعرض اختو لهيك أشياء بحياتها وتطلق هاد مو معناه إنو البنت سيئة لا سمح الله.

لكن مشكلتي كيف اصارحها بموضوع دراستي وأني محتاج سنة لاجهز أموري وبنفس الوقت ظروف البنت صعبة بسبب عقلية اهلها خايف اخسرها وبنفس الوقت خايف اتصرف اي تصرف يأثر علي مستقبلي او اخسر اهلي والبنت حرام ما الها اي ذنب حبتني من كل قلبها وانا يشهد الله علي صادق معها وبعمري ما فكرت اي تفكير سيء فيها او أني استغل ظروفها الله يخليكم ساعدوني شو اعمل ؟؟؟؟؟