صورتي على الفيس


جراسا -

من فتره تقدم لخطبتي شاب اكبر مني ب 8 سنوات عن طريق جارة ... اجى هو و اهله وشافوني و ردوا خبر للجاره انو كتير عجبناهم و بدنا نستخير.

ابوي استخار وما ارتاح للشب نهائيا وﻻ انا و بسبب فرق العمر ف رنت الجاره بتسال امي شو صار معكم امي قالتلها ما ارتاحت البنت بالاستخاره وراح الموضوع .

فمبارح امي شافت هاي الجاره و قالتلها بصراحة الشب بحث ع اسم بنتك عالفيسبوك ولقى انها حاطه صورتها( عاما انها صورة محتشمه ومحجبة فيها) و حكى انه ما بناسب بنت حاطه صورتها
انا كمان صار عندي فضول ابحث عنه ف لقيته وكل الفيس عنده صور بنات عاريات
شو رايكم باللي عمله الشب.



تعليقات القراء

عاشق فلسطين
الى صاحبة المشكله
طنجرة ولقت غطاها انت الاثنين سواء
رد بواسطة Crazy _demon
صباح الخير جميعا
نور
رشيقة
سوسنة
لورد

انا مش شايف انه صاحبة المشكلة عملت اي غلط انها حطت صورتها ع Facebook وبعدين الصورة محتشمة يعني محجبة بس المشكلة انه معظم الشباب بفكر حاله
انه هو بحقله
رد بواسطة Crazy _demon
يتبع
ويعمل شو ما بداله ويحكي ويحط صور بنات عاريات في
صفحته عFacebook اما البنت اذا بتحط صورتها بتصير
مش مناسبة لاله لانها خالفت التقاليد والله مسخرة
المصيبة انه بكون مفكر حاله شاطر وبدو يوخد و
رد بواسطة Crazy _demon
يتبع
انه بدو يوخد وحدة ما حد شافها وماحكت مع حدا
وبيجي ابو عنتر بوخد وحدة بفكر انها مؤدبة من طريقة
لبسها وبس يتزوجها بتفرجيه نجوم الضهر وبتاكله هوا
وبكوون مبسووط

صح ولا لا لانه هيك الواقع
رد بواسطة كريزي
روووووووووووح سافر البنت ازا بتحط صورتها عل فيس معناتو شو بئى بترضى ناس بيخصك بيحط صورنو جاوبني
رد بواسطة جميل جمال
لو كل واحد فتش جوى بيته وبين أهله للقى فضايح وبلاوي فلا تشمت بأخيك فلعل الله يستره ويبتليك
رد بواسطة رشيقة
مساء الخير
كريزي كيفك شو اخبارك ؟؟
04-07-2015 11:54 AM
الى صاحبة المشكله
بما انه القصه كلها عند الجاره والجاره هي اللي مستلميتها عشره بلدي وانتي عامله استخاره وما رضيتي فيه لشو كل هاللف والدوران خلص رفضيته من البدايه وقبل الفيس ما في لزوم للسؤال من اصله كل واحد راح بسبيله
04-07-2015 11:59 AM
الى صاحبه المشكله
عادي خديها بكل روح رياضيه و لا تهتمي و لا على بالك هو ما بدو وحده متحجبه هو بدو وحده هشك بشك
04-07-2015 12:11 PM
طووووووول بالك
هو حط صورته هي حطت صورتها مش هون المشكلة المشكلة اللي بده يحط صورته تكون صورة حلوة دافع ليرتين ونص حق الصورة وتكون مش حلوة لو اني انا بفقع ههههههه
رد بواسطة ابو الليث
سهل الصوره تصير حلوه شوية تغيرات وما ادراك وانتي بتعرفي اكثر مني
ولا شو رايك
04-07-2015 02:15 PM
طووووول بالك
بعدين هالايام الشاطر اللي بحط صورته على الفيس بدك اياه الناس يحكوا عنه رجعي ودقة قديمه مثل حكايتي هههههه
رد بواسطة ابو الليث
انتي مش رجعيه ولا دقه قديمه مثل ما بتقولي
ولكن نعم التصرف
ولا انصح اي بنت تحط صورها على الفيس
04-07-2015 02:18 PM
طوووووول بالك الي ابو الليث
ابو الليث حط صورك على الفيس زي ما بدك أنا اعطيتك ok خلي ايدك على الكاميرا وانت بتسوق وانت بتوكل وانت بتشتري اواعي لاولاد صور ولا تخلي صورة تفلت منك واذا تعبت خلي واحد يلحق ويصور واعطيه يوميته هههههههه
رد بواسطة ابو الليث
صباح الخير كيفك وشو اخبارك صدقيني تركت الفيس والسبب الصور
بعض الناس اذا اشترى بنطلون بصور نفسه والكل بعرف انه اشترى
والسيدات اذا طبخت طبخه حلوه بتصورها والكل بعرف شو طابخه
اذن اصبح الفيس مهزله
04-07-2015 02:22 PM
رشيقة
عزيزتي. .
بما انكوا رديتوا خبر انكوا ما ارتحتوا يعني ما فيه نصيب..ليش اللت والعجن..خلص....هااد الشب لانكوا رفضتوا حب ينتقم ويحكي عنكوا كلام هيك..وﻻ هو عارف عنك وعن الفيس قبل ما تردوا خبر..ما حدا بتقدم
04-07-2015 02:47 PM
رشيقة
ما حدا بتقدم لوحدة الا بكون سائل عنها وعارف كل شئ..بس لما رفضتوا ما عجبه...صار يحكي هيك....ﻻ تردي...بعدين انت وجميع البنات مش حلو تحطوا صوركوا على الفيس بوك. .. انسي الموضوع والله يبعث نصيبك بأفضل منه
رد بواسطة رشوقه
لايك
رد بواسطة ابو الليث
صباح الورد رشيقة
كلامك حكم
04-07-2015 02:50 PM
رشيقة
مساء الخير للجميع
رد بواسطة ابو الليث
هلا وغلا صباح الورد والياسمين
صباح الفل
04-07-2015 03:00 PM
مدام؟؟
8 سنين مو هالفرق بلى حكي فاضي
04-07-2015 05:37 PM
وووو
حبيبتي الشباب بدهم وحده تلف وتدور بس شرط مايعرفه عنها . هيك شبابنا مريضيين نفسي
رد بواسطة ابو الليث
صدقيني الي بلف وبدور ربنا ببعثله وحده بتلف وبدور والنتيجه زواج فاشل مهما طال
صباح الخير
04-07-2015 05:39 PM
السوسنة السوداء
البنت المحترمة مافي داعي تعرض صورها فرجة للشباب عالفيس

هاد رايي
رد بواسطة موسى ابو شعبان
السلام عليكم ابدي راي ولا الزم احد في اشي اكبر من موضوع الصوره ع الفيس لانه ممكن تكون الصوره مش حقيقيه الموضوع المهم هو الصداقات ع الفيس لما واحد بكون عنده اصدقاء من الجنسين وما ادراك شو الحكي
04-07-2015 07:00 PM
فااارس الجنوب
الطيور على اشكالها تقع . وافق شن طبقه .
04-07-2015 07:01 PM
السوسنة السوداء
ابوها استخار

ليش مش هي استخارت

بعدين القصة نصها مش موجود
هي بتحكي انها هي رفضت الشب وبالاخر بترجع تحكي انه هو رفضها
وانا بتوقع انه هو الي رفض
لانها بحثت عنه لتشوف اسمه عالفيس
04-07-2015 07:03 PM
ام طاقة ،، موفقة انشاءالله وانصحها ماتحط صورتها بفيس بوك او المواقع الصهيونية هذي المنحطة
انا من حيث المبدأ لاافضل وضع صور على فيس بوك لكن البنت المحتشمة مايهزها شي مهما حصل حتى لو حطت الصورة -انا شايفة البنت تصرفت التصرف السليم تماما وانصحها ماتكمل اي شيء يتعلق بهذا الموضوع خلاص انتهى
04-07-2015 09:19 PM
رومل
انا انصح كل شب وبنت عدم وضع صورهم على الفيس
رد بواسطة طووووووول بالك
الشاب لما يحط صورة على الفيس عشان البنات يحكوا عنه حلووووو ارضاء لغروره والبنت لما تحط صورها عالفيس بتكون بدها تبين قدام صاحباتها انها متحررره وهاي هاي والها بريستيجها وكله كله وتكايد صاحباتها بلبسها
04-07-2015 10:18 PM
واحد.
بالعكس ممكن البنت تحط صورها وتكون محترمه . وممكن تلف وتدور وماحدى عارف عنها وبدون ماتحط صورها. بس الشباب عنا معقدين والهم بالظاهر . وانا منهم ؟
05-07-2015 01:53 AM
اصيل الطراونه
انا زلمه مش مقتنع بالفيس كله لدرجة اني ما الي بروفايل اساسا .. بس انا منا فاهم شو مشكلتك ؟؟ عشان تكتبي على اريد حلا الزلمه طلب وانتوا رفضتوا اه وين المشكله كل بده يسوي حاله هو الي ما بده
05-07-2015 08:35 AM
رمز الحريه
احكي هو ما بدوا اياك لما عرف انك حاطه صورتك على الفسفوس
05-07-2015 12:21 PM
اموره
بدو يعمل حالة شريف مكه لأنك رفضتيه حركات الشباب الصايعه شو غبي. مو ضروري صور عالفيس بوك. بكره هالاشكال بتوقع على بوزها غز اسأليني انا رح يتجوز وحده تطلع شجر ورمان ومندلينا في راْسه ورأس جارتكم ههههههه
رد بواسطة رمز الحريه
لايك
05-07-2015 12:33 PM
طوووووووول بالك الي ابو الليث
ههههه خليك تضحك علي لئة رجعية ودقة قديمة لانه التكنولوجيا ما قربت صوبي لا الي واتس اب ولا صفحة فيس بوك ولا اي بريد الكتروني مع العلم اني مثقفة ومنهية تعليمي وطبيعة عملي تتطلب واتس اب او فيس بوك
رد بواسطة ابو الليث
ما شاء الله عنك بعرف جيدا انك متعلمه ومثقفه
ولكن ما في مانع انك تعملي واتس او فيس بما انه طبيعة عملك يلزمه ذالك
امنياتي لك بالتوفيق
رد بواسطة طووووووول بالك
وشوووو عرفك اني متعلمة او مثقفة اعترف ههههه وبعدين انا مش منزلة واتس اب او صفحة فيس عشان ما اضيع وقتي من دهب ههههه
رد بواسطة ابو الليث
مساء الخيرات طووووووول بالك
اللبيب بالاشارة يفهم
05-07-2015 02:03 PM
متـــزن
رشيقه صبااااااااح اااااااالخير
07-07-2015 09:48 AM
متزن
متابعي ومحرر جراسا صباح الخير
07-07-2015 09:49 AM
م. صهيب طه
وضع صورة البنت على الفيس,, وقااااااحة,,
واللي يكون حاطط صورتو مع زوجتو او خطيبتو بوضع منافي للاخلاق,, هذا ديوث.

احتشموا يا عرب.
08-07-2015 10:11 AM
ياسر
انتي متخلفه
12-07-2015 01:17 PM
مغتربون
سنحك
14-07-2015 10:20 AM
مها احمد
انتي استخرتي واسخارك في مكانه ظاهر هذاشاب مش مزبوط والله سبحانه وتعالى بعدك عنه بما انك رفضتي عريس في بدايه خلص انسي امره وهو حكي كلام صوره احتمال حس ان برفضك له كرامته انجرحت علشان هيك قال عن الصوره
30-07-2015 08:03 PM
مها احمد
بما انك رفضيته انسي امره وهو حس كرامته انجرحت حكى هذا كلام عن صوره بس نصيحه مني اختي لا تفكري تحطي صورتك على فيس ليش سبب احتمال في بعض قلوب مريضه بتلعب بصور بتشيل راس بتحطو في جسم فنانه وفهمك كفايه
30-07-2015 08:22 PM
ما عندي ثقة بحد
مرحب
08-08-2015 03:08 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات