مشكور هالحكومة ولو يعرفوا قديش بنفرح لما نسمع انهم بدهم يزوروا و زارو محافظه ولا لواء ولا بلده ولا مدينه والكل بلبس اللي عالحبل والمحافظ بنبه سلف ماحد يحكي الا اللي اخترناهم ..... وبصف النائب كالطاووس ينظر على الناس وكانه صحب الفرح .. ومدير الدائره على جنبه والشعب من بعيد بتطلع وبقول اجا الخلاص ظانا انه فعلا الخلاص وسرعان مايكتشف هالمسكين مثل تي تي تي تي زي مارحت زي ماجيت.... لكن تعودت الناس على مثل هذه الزيارات وصارت ماتفرق معهم... حتى ان البعض قال وشو بده يسوي مثل قبله ؟
مشكور ه ياحكومة ماقصرت بدنا نخبركم برساله عاجله وبتلخص همومنا بلاش نتعبكو وبلاش هالمصاريف وبتتركوا الوزارات وهموم وقضايا الناس بتروح مابتلقاكم وبنقول


يلحكومتنا أراضينا صارت ان ظل منها اشي للبيع.... كلانا ايدينا قلوبنا عيوننا للبيع للبيع.... حتىضمائرنا صارت للبيع .. جرايدنا للبيع للسفارات .. .. يا بلدنا على أونا .. على دوّي .. مين بدو يشتري يا أهل المروة ...صرنا للبيع وصرنا نستحي على حالنا... والكبار ماكلفو خاطرهم يوم يسالونا عن حالنا
حكومتنا بتتباهى انها استطاعت صرف روشيته البنك الدولي بامانه وانه ارسل لها كتاب شكر وقال ان الحال تمام هيك بدنا .... دون النظر للحال اللي لغى الطبقه الوسطى... ولا حال الفقرا والغلابى والمساكين حتى البنزين حسبه الحكومة فاقت التوقعات وتميزت بان حساباتها اضبط فالبترول بنزل وحكوماتنا مصممه عالميه دينار... يعني عنزة ولو طارت/ وعلق هالرقم ملعون عرضه وصارت الحكومة ترفع والشعب بدفع
والشعب بدفع والحكومة بتبلع
وصارت حكومتنا تعاملنا مثل الاشقاء الخليجين والمصريين والعراقيين ومثل السعوديين التنكه للجميع بسعر واحدلانهم اشقاء ياريت حكوماتهم تشعر معنا وتقدم لابنائها بس اللي عنا البترول بس بظوا منا وفينا وبظل بلد ابو جسن بسع الجميع

بلدنا المليونين اردني صارو ثمانية وقالوا عشرة ومياتنا على قد حالنا لافرات ولا نيل ولا نهر عظيم عنا الا رحمه ربنا وسقياه ... وتنك المي صار بخمس و عشرين..... والوافد صار يحتل البيت بفلوسه وقانون المالكين معه بدفع ثلاثمايه وخمسين وراتب الكبير بينا ميتين وصار لازم ندور عمصدر رزق انشاء الله رشوه اختلاس سرقه عباطه خاوه .... هيك بدهم بدهم يعودونا نمد ايدنا واحنا اردنيه كبار وبنظل كبار وراح نموت من البرد جوعانين ونظل كبار يا بلدنا مافي لا رز ولاطحين تجار بتخزن وافواه وعزايم للكبار بس للكبار والفقير اله الاكيدر ينبش فيه والوافد بوخذها بالكوبون المجاني التموين وبسعر اقل وارخص من المؤسسة اللي انشئت من اجلنا احنا الغلابى
... طفرانين يا بلدنا .... وبالحسرة صدورنا مليانين محتارين يا بلدنا ...ليش نشكي محتارين لمين نشكي محتارين

الضرائب بتزيد.. كم ونوع و ماعاد للخانات اسماء تملاها والحكومة نازله بالتشددالضريبي والكبار وجدوا مهرب اسمه التهرب الضريبي بس مغلق ووقعت براس الفقرا لاطبيب بتحاسب ولا محامي بتحاسب ولاصنايعي بتحاسب ماعندهم دفاتر ولا جداول ولا حسابات والتجار مضبطينها محامين مهرة وخريجي ضريبة الدخل مستعدين يملوا الفراغات

قالوا عنا سراقين وحكومتنا ماكلفت خاطرها بيوم تسالنا ليش بنسرق بياعين وليش بنبيع وليش بنموت واقفين وليش الرشوه والفساد والاختلاس وسرقه المال العام وسرقه الكهربا اللي ماخسرت فيها قرش لانهم وزعوا ماخذه الحراميه عفاتورة المواطنين تحت خانه قراءة محتسبه والغرامات توزعت باسم حصاله والمي والكرامه صارت كلمه والموت مطلب وليش .. ما سألونا .. بنسرق لأنه.... سرقتونا .. بنبيع لانه بعتونا و عطشانين لانكو بدكو تعطشونا بنهاجر لانه هيك بدكو منا ,وللمر تدفعونا
....سرقونا الكبار ... باعونا الكبار الحرامية الكبار والحكومةبتطلب منا نسدد حساباتهم .... من وين ياحسرة وليش قاعدين بتدفعونا للسرقة والاختلاس والرشوه.....
صنعوا منا الكبار حرامية صغار... بس قاعدين وحياتكو بنكبر وبنكبر ويمكن نصيرمثلهم كبار حيتان ومهرة وفنانين بالسرقه والهبش .... واسنانا بتصير اقطع احنا جوعانين ومساكين .. صغار .. صغار والله بعدنا صغار والصغير اسنانه لبن مابتنهش بعد... .بس راح تقسى وتنهش مثل الكبار وماحد احسن من حد
مش هيك بدكو ديوان مظاليم ديوان رقابه ديوان محاسبه ديوان تدقيق مباحث سريه ووووو وكلها ماوقفت قطار الكبار لهيك صرنا على هالحال
ياحكومة اسمعي الغربا بقولوا عنا شحادين بقولو نشالين... محتالين عطشانين مشحرين والحقيقة تتلخص بسطرين ... نحن شوية مساكين مظلومين يا بلدنا و حياتك مظلومين
صرنا ببلدنا غرباء.... وصار الضيف يقول عنا شحادين ....وصرنا نترك بيوت الاجار وندور عالبيت الايل للسقوط ماهيه تصبيره.... لحتى يلاقوا بيت المدرسه نص دوام لانه الجار بده يقرا نص النا ونص اله .... وصرنا نشتري خبز من الفرن عالطابور واحد اردني واحد وافد بالدور ياشباب في خبز ... الحكومه قالت انها اشترت قمح ماعاد عندنا قمح ولاطحين واحنا ارضنا كانت مستودعات للرومان وارض للخيرات وولادنا صارو الصبح يشتهو رغيف ساخن وكاس حليب طازه بعنا البقرة والخراف حتى الارانب والجاجات بدنا نعلم الاولاد ....وحبة الزيتون راحت البركه منها والببور ماعاد فيه كاز حتى صوته يغطي على هوشاتنا وصراخ الاولاد ... ولما نطفيه كانت امي تشاهد ونقول اشهد ان لااله الا الله وبنصير نسمع همساتنا وسناه برسم النا شوارب ولحى بس مبسوطين
ونسينا كلمة شمبر اللوكس احترق والنكاشة وكبريت ثلث نجوم ونسينا البيل اللي بضوي لنا الطرقات بالليل بعد السهرة وسراج وبنوره 4ياسين... ونسينا الضحك ونسينا الجوفية وحذر بذر وكمستير ونسيت الصبايا اني اه اني من يجديه سافر سا سافر عالبحرية ونسيت مسيكم بالخير ياعمار العماري ونسينا ونسينا كثير بس ياحكومة للامانه هذيك الايام اشرف واحلى من هالايام

ياضيوفنا...... لاتزعلوا مني زلا من الغلابى الجوع كافر والعطش كافر والحاجة كافرة وماعاد في مونه ولافزعة ولاعونه... ماعاد يقول لك جارك تفضل ياجار... ولا الصديق وين صار لي يوم ماشفتك ومامريت عالدار...... صرنا نسمع بالعسكر والحرامية وصارت فاتورة المي والكهربا والتلفون شحده والوظيفة شحدة والاكل شحدة والعلاج شحدة وطلع النا قانون المالكين غول بتهدد الملايين وكثرت الحرامية وانتشر الظلم والجرايم والسرقات

ليش يابلدنا.... ليش ياناسنا... ليش صرنا نشحد ونستجدي الخبزة والوظيفة والدوا والتوصيله
وحكومتنا الرشيده بتزورنا احنا مابننكر وبتسمع وبتضحك وبتتغذى وبتروح .... بعد ماتقول شو بدكم احسن من هالعيشة انتم كافرين وجاحدين بالنعمة هاي اللحوم والرز والقهوه والنشامى وكلها مبسوطه بتضحك ...... ومش داريين خليها بالقلب تجرح ولا تطلع وتفضح ...... يارب وين هي النعمة اكيد قلت من لايشكر لايستاهل النعمة بس وحياتك ماشفناها حتى نكفر فيها وانت اعلم
ملعونه العولمه... وملعونه التكنولوجيا.... وملعون المشتري والبايع وملعونين احنا لانا سكتنا عالضيم

تجارنا قاموا بكير الحافظ الله بتخزين كميات كبيرة من المواد الاستهلاكية والاخرين من المحروقات قبل حلول شهر رمضان من اليوم الله وكيل الاستنفار والجمع تقول نمل ..وقرب الشتا للاستفادة من فرق السعر عند صدور القرار المنتظر اعلانه برفع الاسعار واللي تعودنا على مثل هيك قرارات من نفس التجار.... بدون انذار تسبق التنفيذ لان حكوماتنا الاقتصادية والحافظ الله عجزت عن ترتيب الاولويات ومضطرة نتيجه لتخبط القرارات وفساد السياسات الاقتصادية انها تعوم الاسعار وكل مين على كيفه بس حط هالتسعيره وانشاء الله عمر ماحد حوش وحفنه من تجارنا بستغلوا الظرف وبشغلو الضمير الفاسد وقت العازة

واذا صرخت من الوجع او الجوع او العطش بيقلك انك كافر بالنعمه ولا مش منتمي و اصحابك بينقسموا
وا شي صار عبد للمال وناس مابتنحسد عا لحال
ياحكومة ليش بلدنا بتغلق ابواب الرزق بوجهنا وبوجه اولادنا اللي رجعولها بعد غياب بشهادات وامال واحلام ..... ودفعنا الغالي والرخيص حتى رجعوا..وتحولو لصفوف البطالة ....وصاروا بوقفوا بالطوابير على باب ديوان الخدمة وبالاخير( كش بره ودبر راسك ) واللي ماله واسطه الله مع دواليبه....
وصار الواحد منا عصبيته فوق فوق لابتحمل ابنه ولاجاره ولاصديقه والواحد منا صار لما بعتذر لشخص بالطريق بصير خروف ولا ارنب ولما بتحاول تاخد حقك فانت واحد مشراني ولما ما بعرف لوين رح اوصل لبكرا لوين وعيني مو نايمة ولا قلبي لما بتروح المحبة ، الاحساس

وبسرقوا حقك ووظيفتك ومهنتك ونظرك عينك عينك وبيصير العالم غربة والناس طايرة لما عيشتك ببلدك صارت اصعب من الهم نفسه ولما جامعة برا بتقول لابنك اهلا وسهلا انا جاي وتارك اهلي ابوي وامي واخوي والبيت والحاكورة والجيران جاي بعد ماسكرت جامعاتنا بوجهي وصارت الرسوم ضرب من المحال
والدستور ظل يقول التعليم الزامي للنسا والرجال واولاد الكبار مستثنيين مكارم وهبات ودعم والفقير اله الله وكرت المؤن بلكي بلاقي صدر احن
بس كلمه حق ياوطن..... ماراح نلاقي احن من صدرك ياوطن بلكي جهنم اللي رايحلها اولادنا بتكون احن عليهم
مابعرف كيف نسوي ولمين نشكي والحالة من سئ لاسوا ، وحكومتنا مطنشة وعامله حالها مش عارفة وانحصر همها بزيارات وعزايم وطبايخ واستقبالات ومواكب سيارات او حافلات بتلقاها المواطن اللي بعتقد وصل الحل ومادري انه حل ظهره
استقبال وتوديع وتوزيع لحمة الضحية قبل مايفلو الوظائف على مستحقيها والمكافات على اللي طبلو زمروا وبكره بتيجي حكومة بتلعن اللي قبلها وبتقول اللي قبلي واولادنا بكونو طلعوا وصرنا عالحديدة وبدور الكرسي وبتروح الحكومة وتيجي حكومة والهم بعده الهم يامنترى بنشوف يوم جديد وبنفرح احفادنا ...