زوجي عصبي


جراسا -

زوجي عصبي جدا وحاد المزاج .. يغضب لاتفه الامور يعني لو بده يصلح شغلة صغيرة بالبيت وما زبطت معه بعصب وبيكسرها.

مش عارفة كيف اخليه يخفف عصبية .. أد ما حاولت معه بيسكت شوي وبيرجع لنفس العادة.

على ازمة السير ولما حدا يمشي ببطء قدامه بيعصب واذا بنتي (عمرها 3 ونص) حكت وهوه بيتفرج على التلفزيون او صارت تبكي لاي سبب بعصب وبصير بده يضربها بس بيمسك حاله لما احكي معه او ابعدها.

وبصراحه خايفة انه بيوم من الايام من عصبيته يؤذيها من غير قصد لا سمح الله

أرشدوني أرجوكم.. كيف أخفف عصبيته؟



تعليقات القراء

الى صاحبة المشكله
يعني انا ما بفهم لشو هي الخطبه يعني بشو بتكونوا مشغولين لحتى اهم شي بشخصية كل واحد اللي مش ممكن تتخبى ما بتنتبهوا الها كله بكون مشغول مش عارف بشو ومش مصدق حاله وعند الجد بضرب اخماس في اسداس
رد بواسطة صاحبة المشكلة
لا ،كان واضح انه عصبي لكن الكل شو كان يحكي انه بكرا بتغير بعد الزواج .
رد بواسطة رشيقة
شو بده يغيره مع دوشة الأولاد والمصاريف ووو ...بزيد...إلا من رحم ربي..
09-03-2015 08:35 PM
الخبيثة
ما حكيت كم عمره ؟ بس برضة بدي اجاوبك يا اما في نهاية العشرينات بكون الرجل عصبي 26 الي 29 أأأأأو ههههههه بالخمسينات يعني متل المراهق عالحالتين ما تهتمي لعصبيته عاديه مش مشكلة تعتبر ........
رد بواسطة صاحبة المشكلة
عمره 32 سنه .
رد بواسطة صاحبة المشكلة
كيف يعني مش مشكله ؟؟؟
بالعكس هاي مصيبه
ومصيبه كبيره كمان .
رد بواسطة الخبيثة
اذا 32 عمره مصيبة وأكبر مصيبة لئه حبيبتي انتبهي أو بسرعة لمي اواعيك وعدار اهلك ههههههه ما بتحاكى هاد نهائي هههههههه
09-03-2015 08:45 PM
تنبيه الى الجميع
تعلن نقابة المنتحلون عند عدم مسؤولية النقابة عن احد اعضائها المفصولين وعن كتابته وانه لم يعد جزء من النقابة المنتحلين
رد بواسطة --Zaid--
الله يقويكو ويقويه .
يسعد مسائكم .
رد بواسطة عصام
عد للمشكلة السابقة واقرأ آخر التعليقات بعنوان عصام الى خبيثة لعلك تستفيد شيئاً بدلاً من وضع العصا في العجلة هنا.
رد بواسطة نقابة المنتحلين الى زيد
مساء النور
رد بواسطة نقابة المنتحلين الى عصام
لا بدنا نرجع ولا نشوف الامر مش مهم عندنا ولا نهتم لهذه السواليف
09-03-2015 08:47 PM
ابو الحلول:
انقعيله رجليه بطشت مي سخنه مع ملح و بمشي حالو ..

وشكرا
09-03-2015 09:18 PM
ابو الليث
كثرة الاستغفار ، التزام الصمت وكظم الغيظ ، قيام الليل يزيل العصبية ، ترك ما لا يعنيني ، ترديد أعوذ بالله من الشيطان الرجيم وقت الغضب ، الوضوء ، قول لا حول ولا قوة إلا بالله ، غسل الوجه ، تغيير المكان
رد بواسطة رشيقة
كلام سليم...
09-03-2015 09:19 PM
--Zaid--
السوسنة
يسعد مساكي .
رد بواسطة السوسنة الى زيد
مساء الخير زيد
09-03-2015 09:20 PM
طفشانة
الطبع غلب التطبع ، شو م رح تعملي فات الفوت ،،، الشق اكبر من الرقعه
رد بواسطة رشيقة
عجبني المثل...
09-03-2015 09:31 PM
ابو الليث
مساء الخير لجميع الاحبه وخاصة
رشيقة
السوسنه
ام ريان
الخبيثه
ورده
سالي
كوين
عاشق عصام
رد بواسطة عصام
مساء الخيرات ابو الليث
رد بواسطة رشيقة
مساء الخير
منور.....
رد بواسطة السوسنة السوداء
مسا الخير
رد بواسطة السوسنة السوداء
مسا الخير
رد بواسطة الخبيثة
والله انك نوارة مع هالربيع يسعد مساك اخي ابو الليث
09-03-2015 09:37 PM
--Zaid--
انتي صراحة ما بتقدري تساعديه
اذا هو ما بده يتغير ما رح يطلع بإيدك اشي
ادعيله الله يهديه .
رد بواسطة صاحبة المشكلة
الله يهدينا ويهديه
09-03-2015 09:37 PM
shams al sabah
عزيزتي اعانك الله على هيك رجل لانه بصراحة هاي صفة بحسها اذا كانت موجودة عند شخص صعب تروح منه...انا ما بحبطك بالعكس ربنا يهديه وتخف عصبيته مش ع فكرة هالصفة مش منيحة عشانه هاي بتعمل امراض لا سمح الله.
09-03-2015 09:39 PM
مدام؟؟
لهدرجه وصلت تفاهة النسوان . جوزي عصبي وجوزي بحب الاكل وجوزي بده يتسمم . في اشي اسمه خلع . اخلعيه من نيعه والله لايرده . بدل ماتظلي تلطمي طول عمرك وينقص عمرك . وشكلك يصيير مثل الاموات ؟؟
رد بواسطة الخبيثة
يا وررررردي شو تخلعه ما تخلعه لئه انا بحكي ما ترد عليه لما يعصب بتجلطه وبترتاح ههههههههه
09-03-2015 09:49 PM
السوسنة الى الجميع
اذا في حلول للعصبية بسعدني اعرفها لاني عصبية جدا
رد بواسطة صاحبة المشكلة
انت كمان عصبيه
الله يشفيك يا سوسنه
09-03-2015 09:49 PM
رشيقة
ﻻ حول ولا قوة الا بالله
أولاً يجب ان تتأكدي أن زوجك يريد التخلص من هذه المشكلة. .عليه بكثرة الوضوء والسجودلله لان الماء والتراب يطفئان الغضب ويفرغان الطاقة السلبية..ادعي له بالهدايةواكثري من الاستغفار
09-03-2015 09:53 PM
ابو مروان
طيب بلكي شايفلو شوفه ومنشان هيك بنكد عليكي والله يا خوفي شكلو شايفلو وحده شاميه وبحاول انو يخليكي تكرهيه حتى يطفشك عند اهلك حتى يجوز عليكي بس مع هيك لا تستسلمي
رد بواسطة صاحبة المشكلة
عن جد بتحكي انت ابو مروان !!!.؟.؟
09-03-2015 09:55 PM
السوسنة السوداء
الي قاهرني العربية الي لابسة ابيض
رد بواسطة رشيقة
ما فهمت...
09-03-2015 09:55 PM
نصيحه من اخت
اشكي عليه عند حماية الاسره بلكن بتربى
09-03-2015 09:56 PM
عصام'
انا بعتقادي ان تطلبي من زوجك الطلاق اذا استمر على هاذا الوضع ولكن اصبري بعض الوقت
09-03-2015 09:56 PM
التفاح الاخضر1
بصراحه ومن الاخر زوجك ناقصه حنيه يعني بس يقعد يتابع التلفزيون المفروض انك تتعطري وتزبطي حالك وحطي راسه بحضنك و صيري العبي بشعره وسويله مساج في منطقة الراس والصدر لانه هادي المناطق كتير الرجل بحس فيها
09-03-2015 10:01 PM
التفاح الاخضر 2
فيها بالحنان والهدوء ،غير المناطق التانيه الي بتحسس الرجل بالعاطفه والانجذاب المؤقت، لازم تحني عليه اشعري باهتمامك بالمداعبه والملاطفه مش كلشي جنس وبعديها بترجعو متل ما كنتو ،،لازم الاحاسيس اضلها مستم
09-03-2015 10:01 PM
التفاح الاخضر 3
اضلها مستمره
على طول ،لاتنسي انه زوجك بتعرض لضغوطات عمل ، بتعرض لمواقف خارج البيت يمكن ما بحب يحكيها ، ومتل ما حكيتي عنه حتى وهو بسووق مجرد اجى حدى قدامه بعصب انتي بهادي اللحظه افتحي موضوع اتغزلي فيه
09-03-2015 10:02 PM
التفاح الاخضر 3
او امسكي ايده بهدى،، وان شاء الله عصبيته بتخف والله يهدي النفوس.
09-03-2015 10:03 PM
عصام
التعليق رقم١ تعليق منطقي وعقلاني.
ماذا يفعل الطرفان ايام الخطبة.؟
هو يخبرها عن بعض المواقف السابقة وكيف كان شهماً او حنوناً او صادقاً وهي تلحس عقلاته بحركاتها وبأنها ست الستات، ويظنون انهم يتحابون
09-03-2015 10:06 PM

أكتب تعليقا

لا يمكن اضافة تعليق جديد

إقرأ أيضاً

رياضة وشباب

محليات