جراسا -

اشتكى طلاب الجامعة الهاشمية من المواصلات الى العاصمة عمان ، وناشد الطلاب عدة جهات لحل هذه المشكلة ولكن ما زالت كما هي  ، مشيرين في رسالة وصلت "جراسا" الى ان المواصلات كل فصل تصبح اسوء من قبل ، وتاليا نص الرسالة:

نحن طلاب الجامعة الهاشمية والله انه تعبنا و احنا نحكي و ما حد بعبرنا مشكلة المواصلات لـ عمان عنا اصبحت لا تحتمل و كل فصل اسوء من الي قبل و بنروح لـ رئيس الجامعة و بنطلب مقابلته او اي حد من رئاسة الجامعة بحكولنا صعب او ببعتولنا واحد يحكيلنا "لو شو ما تعملوا ما راح يتغير اشي هاي سياسة الجامعة و في عقود مع شركات النقل و من هالكلام " .

والله والله اني من الساعة 6 ونص او 7 الا ربع بكون بمجمع الشمال بطبربور مشان الحق محاضرةالساعة 9 !! و الله ما بلحقها رجاءا متوكلين ع الله ثم عليكم انو حد يساعدنا بهالمشكلة لو حتى بشكل جزئي ( يوفرولنا باصات الصبح فقط نلحق محاضراتنا .. بالترويحة مو مشكلة ما حيروح علينا مواد لكن الصبح صدقا المواصلات مصيبة ).