كيف انسى حبيبتي


جراسا -

انا شاب عمري 22سنه طالب جامعي تعرفت على زميله لي بنفس التخصص جميله مؤدبه ومن عائله وكنا على اتصال دائما مع بعضنا البعض عبر الموبايل والنت وحاولت اكثر من مره ان اعبر لها عن مدى اعجابي بها وبانني بعد ان انهي دراستي وبعد ان اجد وظيفه محترمه بان اتقدم لخطبنها وهي كانت متفهمه جدا

لكن لم يستمر الحال على ما هو عليه تقدم لها شاب يعمل بالخليج وضعه المادي ماشاءالله من عائله معروفه وما كان منها ومن اهلها الا ان وافقوا عليه وبدون ان تعطيني اي مقدمات انا الان متعب ومرهق نفسيا وجسديا امام اصدقائي واهلي لماذا تركتني بهذه السهوله لما نست او تناست الحب
اصبحت اكره كل البنات ساعدوني..



تعليقات القراء

الخبيثة
ما غدرت بك تزوجت على سنة الله ورسوله والمشوار انت مطول فيه ايهما افضل امام الله علاقه محرمه ام زواج
رد بواسطة رد من عبداللطيف /خبيثه
مساء الخير خبيثه وصح لسانك هذا الكلام الصح ما بدها تسنى واحد طفران
رد بواسطة ابو الفوارس الرياض
هذا هو الواقع الحقيقي
كم تحتاج من السنوات لتطلب يدها
وهل هي ستنتظرك لتكون نفسك
اصبر وانساها افضل لك
20-09-2014 12:58 PM
عاشق فلسطين
هاي الايام احقر من البنات عمري ما شقت لا بيستنو و لا على بالهم

بحبو و بس تيجيلهم فرصه بروحو
رد بواسطة ساااااااااالي
على اساس انه انتو المخلصين وما في منكم يا سيدي مش كل متل بعض وبلاش تجمع
رد بواسطة عاشق فلسطين
الى سالي

لو اجاكي شب و بحبك و بموت فيكي و بيعمل المستحيل لاجلك و خطبك لكن وضعو المادي سئ بتتركي
رد بواسطة سااااااااالي
لو واثقة محبته ايلي لو ما معاه قرش غير اضلني استناه طول عمري
رد بواسطة عاشق فلسطين
طيب و طلعتي واثقه و متاكده 100 %
و الناس لعبت براسك و صرتي بدك تتركي شو موقفك بهاي الحاله
رد بواسطة يا غبي
شو بدك في سالي و غيرها يعني فوق ما انت و غيرك بتضحكوا على البنات كمان بدك اياهن يضيعن عمرهن عشانكم ؟
20-09-2014 12:59 PM
اخي
انت مواليد 1992 صح خليك معي واقعي اذا هي بنفس عمرك يعني عمرها 22 سنه وانت لم تتوظف كم تتوقع كون عمرك
20-09-2014 01:07 PM
من عبداللطيف الى صاحب المشكله
اخي الي جابها بجيب غيرها وانسى وطنش واكسب صحتك لانه هذول البنات عندهن الي بدفع اكثر ما بده تستنى طفر
20-09-2014 01:11 PM
الى صاحب المشكله
اقتبس من تعليقك

وبانني بعد ان انهي دراستي
وبعد ان اجد وظيفه محترمه
بان اتقدم لخطبنها
وهي كانت متفهمه جدا

يعني بالله عليك انت لسه طالب وبتاخد مصروفك من اهلك اللي شاربين المر وابوك بتلاقيه مقطع حاله ليصرف عليك

وحتى لو كنت مبعوث على فرض

وانت بدك تخطب

لسه انت طالب وبدك ياها تستناك
لحد التخرج
وبعدين انتظار سنين التعيين الطويله
وبعدين تشتغل
ولما تشتغل سنين من تأمين تكاليف الزواج وبيت الزوجيه

بتكون صارت بنص التلاتين وكم سنه بتكون وصلت لسن اليأس

المفروض تفكر بشكل عقلاني

لا تكره البنت ولا البنات

من حق البنت تفكر بعقلانيه
وتفكر انه الحب لحاله ما بطعمي خبز
ولا بفتح بيت
ولا بخليها أم
ولا زوجه سعيده ومكتفيه ومستقره ماديا وجسديا ونفسيا

حقها تفكر بالاستقرار وتحسبها بعقلها
حقها انها تسعى انها تكون زوجه لاحدهم
بالحلال وتمارس حياتها بما يرضي الله بعيد عن الحرام وبعيد عن اوهام الحب
وحب الجامعات والدراسه اللي معظمه ما بدوم وبنتهي مع يوم التخرج

ادعيلها بالتوفيق انت لسه صغير على المسؤوليه
ولسه قدامك صعاب وتحديات بدك تتخطاها
بدك تكون نفسك وتعمل لحالك شان وشخصيه مستقله

اللي انت بتحس فيه عادي جدا وهو شعور الخيبه

بس الجنتلمان بحياته ما بكون الا جنتلمان
الله يستر عليها ويسعدها
والله يعطيك اللي بتتمناه واحسن منه كمان

الزواج مو اتنين بحبوا بعض وتبادلوا كلام الحب والغرام
الحب مسؤوليه جسيمه بدها تعب وبدها مجهود على كافة الصعد
الله يوفقك
رد بواسطة الى 1995
الم تكن تعرف وضعه؟لماذا خدعته واحبته؟عليها ان تكون واضحةمن الاول اما ان تتحمل ظروفه او تتركه وشأنه
20-09-2014 01:39 PM
انا بدي احكي شغله ببالي
أنا ما بحس انو الشباب بحبو عنجد بصراحه حد يحكيلي عنجد الشباب بحبو متل البنات
رد بواسطة scorpion
انا كنت احب باخلاص حتى اني ما كنت اشوف في الدنيا غير الي بحبها انا تزوجت وهي تزوجت ولا زالت في بالي
20-09-2014 02:34 PM
الى اخونا يلي كاتب الى صاحب المشكله
انت رائع الله يوفقك انت كمان رائع عجبتني وانا ما بيعجبني حدا الا اذا كان فعلا حدا كيف كتبت كل هاد اه
20-09-2014 02:48 PM
رشيقة
عزيزي يبدو انها لم تكن واعديتك بشئ ، وانا شايفة انها لم تكن تحبك،ابني مستقبلك ان شاءالله يبعثلك احسن
20-09-2014 03:56 PM
رشيقة الى عبداللطيف
شو يا عبدو صاير خبير في النسوان كم وحدة غدارة مرت عليك حتى تحكم هالحكم هذا
رد بواسطة ردعلى رشيقه//عبداللطيف
مساء الخير يا رشيقه وا لله انا خبير ليش مو عاجبك لف كثير بتشوف كثير وخبرتنا بالحياه علمتناكثير
20-09-2014 04:00 PM
رشيقة الى الخبيثة اول تعليق
صح لسانك هذا صايرة عاقلة ههههههههه
20-09-2014 04:02 PM
ام ظريف
باعتك بيعها اين كرامتك---هذه لا تستحقك لانها خائنةباعتك بالفلوس--المفروض ان يموت حبها من قلبك وتتعظ
20-09-2014 04:18 PM
من رشيقة الى عاشق فلسطين
بالعكس انا شايفة انو الشباب اااكثر حقارة بس بدون تعميم
رد بواسطة ام عمر ج
اكثر مع الايزوا ومحترفين نصب واحتيال هههههههههههههههههه
رد بواسطة ابو الليث
صدقيني مع احترامي الشديد انه البنات اكثر وما بعرفن الحب الا لمصلحه
20-09-2014 04:25 PM
رشيقة الى صاحب المشكلة
البنت بدها تنستر احسن ما تعنس ، وبعدين حتى لو ستنتك بجوز تتغير الظروف وتتركها انت هيك احسن دور غيرها
20-09-2014 04:36 PM
سااااااااالي
اخي عاشق فلسطين انا بنت الحمد لله واعية وما حد بالكون بقدر يلعب براسي ازا بدي شي ومصرا عليه
رد بواسطة عاشق فلسطين
اختي سالي

بطل في حد جاهل هالايام الكل واعي و فهمان بس يلي بفرط بانسان منيح شو اسمو بالمجتمع؟
رد بواسطة سااااااااالي
اخي عاشق فلسطين
باختصار بتكون بنت اصلا مش مكتوبة ايلك يعني مش من نصيبك لو بدها اياك كان ما بتفرط فيك مهما كان
20-09-2014 05:00 PM
جوري احمد
الي باعك لا تبيعه قدمه هديه لغيرك واكتب عليه من وراء هديه مستعمله تنهداء ولا تباع ورح ترجع ندمانه
20-09-2014 06:22 PM
رشيقة
رد من رشيقة الى عبداللطيف
مساء النور عبدو عاجبني لا تزعل
رد بواسطة ردمن عبداللطيف //رشيقه
صباح الورد والياسمن رشيقه بالعكس انا مابزعل منك انتي ست الكل والمعرفه
20-09-2014 06:32 PM
عصام
استودعكم الله واتمنى لكم التوفيق
إذا عادت التعليقات لسابق عهدها ربما أعود فالسيطرة والتحكم لا تعجبني
20-09-2014 06:53 PM
السوسنة الى صاحب المشكلة
نصيحة على قد الاحرف

الي باعك بيعه
20-09-2014 06:55 PM
احمد محمود ÷÷
لو حكينا رح تستناك خمس سنوات كم رح يكون عمرها و كم من بنت استننت شب و اخر شيء شب بروح يتزوج غيرها
رد بواسطة الى احمد محمود ورشيقة
اقرأا ردي على 1995
20-09-2014 07:11 PM
ام ريااااااااااااااااااان
يا 1995
بدك تعزرني فتنت للمحررر عنك!!
لانه 567 مره سالتك عن الطريقه وانت مطنشني
انا مو فتانه ابدا !
رد بواسطة ساااااااااالي
ام ريان الغالية

يسعد مساكي اكتبي تعليق بموقع الثاني واعمليه كوبي وتعال هون واعملي بيست
20-09-2014 07:49 PM
الزمن
خليها للزمن ... الزمن سيعالج مشكلتك ... ستكبر وتنسى واكيد سيبدلك الله خيرا لك مما مضى ...
20-09-2014 08:43 PM
من رشيقة الى 1995
يا عيني عليك حكيك كله صح
بس شو هالمجلد الي كاتبه اي جلطتونا احكولنا الطريقة
وﻻ شو راي ام رياااان ؟
رد بواسطة ام رياااااااااااااااااااان
مساء الفل رشيقه
خدي الطريقه من سالي الحلوه
مو بحاجته هداك المغرور هههههه
رد بواسطة ساااااااااالي
هههههه حبيبة قلبي ام ريان
20-09-2014 10:03 PM
kokoko
ايش هدا يا جماعة ما في اخلاص بالحياة
قال اجتها فرصة كانه الزواج فرصة لا هو اختيار الله اعطانا اياه
20-09-2014 11:03 PM
ام ريااااااااااااااااااااااااان
سالي عمري انتي شكرا كثير ع الطريقه والله يربحك اكثر واكثر بتجارتك
وتمسكي الخرده ترجع جديده بيدك هههه
رد بواسطة ساااااااااااالي
حبيبة قلبي ام ريان الغالية بزعل منك هوا في بينا شكر ؟؟؟
اللهم امين يارب هههههههه
21-09-2014 01:35 PM
ابو الليث
تحياتي الى الاخ صاحب المشكله انا بقول لا يوجد مشكله لانه نحن في زمن لا يوجد حب الا ما ندر يوجد مصالح فقط انظر اليها بسهوله تركتك بس اتقدم لها شاب يعمل بالخليج ولذالك بنصحك انسى الموضوع من جذوره لا تقل حبيبتي
21-09-2014 01:57 PM
ابو الليث
الحب الحقيقي عزيزي ايام عنتر وعبله وقيس وليلى بينما بهالايام لا يوجد حب حقيقي يوجد حب مصالح عند انتهاء المصلحه ينتهي الحب واكبر دليل على ذالك انه اول ما تتعرف على البنت ويصير تبادل للمشاعر مثل بحبك بموت عليك بس يا عمري تلفوني مجنني كل يوم معطل بروح الحبيب بحكيلها تكرم عينك حياتي وبروح اخينا بعمل المستحيل وبشتريلها تلفون واذا اتعرفت على واحد دسم حسب رأيك بعمل بالخليج رايحه تحكيلك باي اذن اين الحب عزيزي انسى الموضوع وفكر بمستقبلك وربنا برزقك بنت الحلال مع امنياتي لك بالتوفيق
21-09-2014 02:13 PM
الى ام ريان ورشيقه من ابو الليث
اكتبي التعليق مثلا على الفيس واعملي نسخ وادخلي على الصفحه واعملي لصق وانتهت السالفه هيك بتكتبي مجلد
رد بواسطة zeezoo
اعتقد انتهى زمن المجلدات :P
21-09-2014 02:26 PM
من رشيقة الى الحلوين
يسلمموو كثيير ام ريااان وابو الليث يخليكوووا وكمان سااالي الحلوة
رد بواسطة من ابو الليث الى رشيقه
تسلمي يا زووووووووووووء
21-09-2014 03:10 PM
غريب أمرك
و انت باقي حالف يمين لازم كل واحد من اهلك و من اصحابك يعرف عن علاقتك ؟ ليش كانوا اهلك قابلين بمسخرتك
21-09-2014 03:57 PM
الى صاحب المشكلة
مليح انك بتكره البنات عشان ما تخرب اخلاق غيرها لكن الزمن بنسي و من الطبيعي انك ترجع تتعرف و تخرب
رد بواسطة الى صاحب المشكلة
و لما تتعرف على وحدة ثانية رح تفهم مشاعر البنت الأولى و خوفها على مستقبلها
رد بواسطة الى صاحب المشكلة
لما تكون جاهز للزواج بكون مضى على علاقتك مع البنت أكثر من 7 سنوات يعني ممكن انت تكون زهقتها
رد بواسطة الى صاحب المشكلة
لما تكون جاهز للزواج بتروح تشوف بنت حلال
رد بواسطة الى صاحب المشكلة
أما اذا عملت علاقة زفت و انت مش جاهز للزواج إعرف انك يوما ما كنت رح تزهق من تسميها حبيبتك و ترميها
21-09-2014 04:23 PM
علاء الهبارنه
يا رجل انت في اول حياتك وكن على ثقه بان الله احبك واعطا لك فرصه حتى تكون في تفكير و اللجوء الى الله
21-09-2014 04:53 PM
علاء الهبارنه
نصيب لك بها وسوفه يكون نصيبك افضل بذن الله ولكن كن قريب من الله والله يسر لك مع الف سلامه
21-09-2014 04:57 PM
--Zaid--
من كل عقلك كنت مفكرها رح تستناك !!
والله لو انك قيس بن الملوح وطول نهارك تلوحلها ما استنتك .
21-09-2014 07:37 PM
محرووووووومه
كل شيء قسمه ونصيب وكل واحد يرضى بنصيبه اذا مافي داعي للحب لانه رب العالمين هو اعلم بذلك
22-09-2014 12:34 PM
احمد محمود
الى عاشق فلسطين تحياتنا لك والله يحل مشكلتك
22-09-2014 12:39 PM
ولي أمر
بما أن عمرك 22 سنة و هذه هي فلسفتك فى الحياة, فأنا أنصحك بالتالي:

- طخ حالك أشرف لك و لأمثالك
22-09-2014 02:24 PM
الى المحرر المحترم السلام عليكم
ما الحل ؟
رد من المحرر:
الرجاء التبيلغ عن هذه التعليقات
17-11-2014 06:25 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات