ااااااااااااااخ


جراسا -

مرحبا انا بنت عمري ٢٧ سنة ولهلا لسا ما اجا نصيبي بالرغم من انه تقدملي عرسان بس دائما كانت الامور ما تزبط يعني يصير مانع اما من طرفي او من طرف الشب او اهلي او اهله ، وانا دائما ماخدة الموضوع عادي بحكي كله بايد رب العالمين وبس الله يريد رح اتزوج ... وبعدين ملحقة على المسؤؤلية والبيت والولاد ، لكن هالحكي ما بعجب اهلي ودائما بحسهم بضغط وتوتر من انه ما تزوجت لهلا وكل ما يجي عريس بعملولي طواري وببلشوا يعملو معي نقاشات ومناورات وعن المستقبل وشو ممكن يصير بكرة ما حدا دايملك ومن هالحكي يعني بفتحولي موشح طويل عريض حفظتوا قد ما حكوه قدامي ، حتى صرت احس حالي كبيرة وتعديت ٣٥ سنة ... المهم مش هون المشكلة كل هاد ولا اشي ..المشكلة انه هلا متقدملي عريس اكبر مني ب ١٣ سنة وكاين متزوج وحدة لشهرين وما اتفقوا وطلقها انا بصراحة لما حكولي اهلي طار عقلي وعصبت كتير هالمرة وما قدرت اتحمل وحكيتلهم لهدرجة انا ثقيلة عليكوا لكن اهلي حكو مش هيك الموضوع بس العريس كويس وبشتغل مهندس ووضعه كويس ومحترم واقنعوني انه اوافق استقبلهم وبعدين بصير خير وفعلا اجوا لعندنا و شفتهم وشافوني هو بصراحة لما شفته مبين عليه عمره ٣٢ سنة مش اكتر بالرغم انه هو عمره ٤٠ سنة وكان هادي ورزين وكلامه مريح يعني بالاجمال كويس لكن انا مش قادرة اتقبل فكرة انه اتزوج واحد مطلق حتى لو ما عنده ولاد ويكون فرق كبير بالسن بيناتنا ... واهلي هلا ماسكيني حكي واقناع ليل نهار وبحكولي انهم شايفينو مناسب الي وانا بصراحة مش قادرة افكر من كتر ضغطهم
وشو الصح من الغلط ساعدوني مشان الله حايي راسي بده يفقع من كتر التفكير خايفة اوافق وخايفة من بكرا وخايفة من كلشي؟



تعليقات القراء

عنوسه
لا تكوني مفكره حالك لسه صغيره. البنت بعد عمر 24 بتدخل بترتيب العنوسه وببطل الها نكهخ زي البنات الصغار واسالي مدام بتحكيلك كلامي صح
رد بواسطة رد من عبداللطيف///عنوسه
لالالا يا عنوسه صدقيني انه النكهه عند الناضجه والناضجه 27--30--35--وهذا السن الحقيقي لزواج
رد بواسطة الى عبداللطيف
كلامك مش صحيحكلما كبرت الفتاة كلما قلت فرصتها للانجاب وحتى لو انجبت الا تريد ان تعيش كي تلحق وتزوج ابناءها وتفرح بهم
رد بواسطة رد على عنوسه/عبداللطيف
شكرآ عنوسه=== بس بحب اقلك انا بحكي عن خبره و تجربه ومشاركة امور كثيره مشابهه
19-08-2014 10:42 PM
شو هي مطالبك
إذا كنت ترين أن الفارق بالعمر كبير فأنا أؤيد ذلك.
عليك التنبه للمستقبل من ناحية فرق العمر فاعتباراً من السنة القادمة ستكون فرصتك بالحصول على فارق قليل بالعمر ضئيلة.
الأشخاص في عمر 35 فما دون سيبحثون عن فتيات في عمر أقل من 26
19-08-2014 10:55 PM
ابو الليث
مساء الخير اولا الزواج قسمه ونصيب بغض النظر عن العمر وثانيا كلمة مطلق مو حلوه منك لو كان العكس بتقبلي ينظروا الك نظرة مطلقهاكيد لا ثالثا انا شايف انه مو فرق كثير بالعمر واخيرا كونه عجبك ومهندس ومحترم حسب رأيك توكلي على الله وان شاء الله تسعدي بزواجك وبتعزمينا والف مبروووووووك سلفا
19-08-2014 10:58 PM
رشيقة
حبيبتي لسا ما اجا النصيب متى ما حكم النصيب بتتيسر امورك والله يبعث لك الزوج الصالح
19-08-2014 11:28 PM
ابو الليث
الي صديق قبل شهرين تقريبا عمره 52 تزوج بنت 23 وعايش معها بنعيم وهي كمان مبسوطه اذن وين المشكله الشباب شباب الروح وانتي مش صغيره توكلي على الله قبل ما يفوتك القطار وتندمي وحين لا ينفع الندم
رد بواسطة رشيقة
ابو ليث إسمح لي كأنه صاحبك كبير شوي
رد بواسطة الى ابو الليث
والله ما كنت بدي اعلق ولكن تعليقك جعلني اسحب الكيبورد واصابعي راحت عالاحرف لحالها
يا ابو الليث صديقك تزو ج قبل شهرين من امرأة تصغره بـ30 سنه وبتحكي عايشين بنعيم......
شو عرفك انهم عايشين بنعيم؟ يمكن صديقك عايش آه بفهم. أما زوجته عايشه معاه بنعيم،،، لأ اسمحلي هون...
الفارق في العمر كبير يا أخي والافكار والقناعات والخبرات الحياتية لا تنسجم مع بعضها عند الطرفين، وين رايح انت.؟
عمي اخو ابوي عمره 58 سنه وعمر زوجته 48 سنه وتعال شوف شو شكل المشاكل بينهم. يا ابو ليث عشرة سنوات في اول العمر ليس فرقاً،، ولكن عند نهايته يكون هناك فرق واضح في كل شيء ولا اريد ان اخوض في التفاصيل، والشيطان شاطر.
اختي الكريمة صاحبة المشكلة. لست من اسرتك ولست من اهلك ولا من عشيرتك ولكن انصحك ان تبتعدي عن هذا الزواج لأنه بإعتقادي لسي اكثر من صفقة تجارية الرابح فيها هو العريس لفترة زمنية والخاسر أنت بدون نقاش،،، الى ان يعقد صفقة اخرى في زمن آخر. أقول رأيي الشخصي هنا ولا اريد ان يتبعني احد. الرجل المقتدر ويؤيد تعدد الزوجات أو تبديل الزوجات هذا رجل لا يؤتمن له جانب بصرف النظر عن التشريعات الدينية والعقائدية وما الى ذلك ... هذه هي نصيحتي.
رد بواسطة الى ابو الليث
هذا فرق كبير حاليا لايوجد مشاكل ما زالوا في شهر العسل وبعد مدةيهرم وهي ما تزال شابة
رد بواسطة الى ابو الليث
والله ما كنت بدي اعلق ولكن تعليقك جعلني اسحب الكيبورد واصابعي راحت عالاحرف لحالها
يا ابو الليث صديقك تزو ج قبل شهرين من امرأة تصغره بـ30 سنه وبتحكي عايشين بنعيم......
شو عرفك انهم عايشين بنعيم؟ يمكن صديقك عايش آه بفهم. أما زوجته عايشه معاه بنعيم،،، لأ اسمحلي هون...
الفارق في العمر كبير يا أخي والافكار والقناعات والخبرات الحياتية لا تنسجم مع بعضها عند الطرفين، وين رايح انت.؟
عمي اخو ابوي عمره 58 سنه وعمر زوجته 48 سنه وتعال شوف شو شكل المشاكل بينهم. يا ابو ليث عشرة سنوات في اول العمر ليس فرقاً،، ولكن عند نهايته يكون هناك فرق واضح في كل شيء ولا اريد ان اخوض في التفاصيل، والشيطان شاطر.
اختي الكريمة صاحبة المشكلة. لست من اسرتك ولست من اهلك ولا من عشيرتك ولكن انصحك ان تبتعدي عن هذا الزواج لأنه بإعتقادي لسي اكثر من صفقة تجارية الرابح فيها هو العريس لفترة زمنية والخاسر أنت بدون نقاش،،، الى ان يعقد صفقة اخرى في زمن آخر. أقول رأيي الشخصي هنا ولا اريد ان يتبعني احد. الرجل المقتدر ويؤيد تعدد الزوجات أو تبديل الزوجات هذا رجل لا يؤتمن له جانب بصرف النظر عن التشريعات الدينية والعقائدية وما الى ذلك ... هذه هي نصيحتي.
رد بواسطة ردعلى رشيقه /من عبداللطيف
اخت رشيقه بعد التحيه والسلام==== ما تقولنه هو ثمانون بالمائه صحيح ولكن لاينطبق على كل الحالات ولكن ما يقوله ابو ليث ممكن حاله خاصه علمآ بان الحالات مثل هذي الحاله كثر ولا تستبعدي انها نازله على طمع ممكن انها يتيمه وممكن بدها الطبق المثل الي بقول شايب يدللني ولا شب يذللني وممكن الرجل هذا متعلم وله خبره في الحياه اكثر منها بكثير فا اعتقد بأن التعايش سيكون جيد بغض النضر عن العمر وبنهايه الاعمار بيد الله
رد بواسطة رشيقة
الى عبداللطيف:والله يا عزيزي كلامك فيه منه بس على الأغلب عندما يكون الفارق في العمر كبير يكون الزواج غير ناجج.
ﻻ تزعل مع وجود استثناءات
رد بواسطة ابو الليث
يسعد مساكي رشيقه اكيد كلامك صحيح صاحبي كبير وبضم صوتي الى المعلقين بانه مع تقدم العمر يكون الفرق كثير ولكن انا ضربت مثال من الواقع فقط وبالنسبه لصاحبة المشكله الفرق ليس ثلاثين مثل صاحبي ولكن الفرق 13 سنه فقط
رد بواسطة السوسنة
ابو الليث

حرام عليك صاحبك قد جدها للبنت وابصر شو ظرفها لرمت حالها هيك رمية مسكينة
بعد كم سنة بوقعوا اسنانه وبتقرف تشرب مي من كاسة هو شرب فيها
هي المراة مش نفس كمان هي شباب وبتحب زوجها يكون شباب متلها
رد بواسطة رد من رد على ابو اليث من عبداللطيف //على السوسنه
سوسنه صباح الخير=== انتي ليش اول اشي نضرتي لسنانه ممكن انه محافض على سنانه وسنانه لولو المضهر والسن لا علاقه له ب الصحه كثير من الرجال اعمارهم سبعين سنه وبتفكري عمره اربعين وبعدين لما اصير عمره سبعين وهي عمرها خمسين شو ضل فيها فائده علمآ باني مغرم بسن الخمسين اجد الامن والامان عند هذا السن طبعآ هذا برجع لأهتمام المرأه خمسين وبتفكري غمرها ثلاثين
19-08-2014 11:31 PM
عوده الحسبان
أتوكلي على الله وسلامتك من الآخ وإلي من الله حياه الله إلي كاتبوا ربك منيح إذا في نصيب يحكم بكون هيك مكتوبلك كل إشي مقسوم للبني آدم من أول ما يطلع من بطن أمو
20-08-2014 12:30 AM
ميمونة
عزيزتي الفتاة غالبا تنضج عقليا قبل الشاب، فلا تظني انك ان وافقت على شخص قريب من عمرك فانكما ستتفقان. على العكس، قد ترينه اقل نضجا في تصرفاته منك فلو خطبت مثلا لشاب في عمر 29 فقد تجدينه لا يزال متعلقا بالعاب البلاي ستيشن والعاب الكمبيوتر من سيارات و ما الى ذلك وقد تضيقين ذرعا بذلك خاصة الجيل الجديد الذي لم نشأ على دلال الأهل .
20-08-2014 08:36 AM
ابو عبد الله
اذا انتي مقتنعه فيه ليش لا.
بس بدي انصحك نصيحه لا تكتبي كتابك عليه خليها قراية فاتحه حتى تختبريه و تشوفي تصرفاته و اخلاقه ادرسيه اذا منيح او لا لانه الو تجربه سابقه و فاشله كمان, مع اني مش متقبل فكرة انه عمره 40 و انتي 27 وانا شايف لسا بكير بس اهلك مزودينها حبتين.
رد بواسطة رد من عبداللطيف/// ابو عبدالله
يا اخوي يا ابو عبدالله الله يصبحك بالخير يا رجل بتعرف انه الرجل يكتمل عقله في سن الاربعين واحيانآ يراهق من اول لجديد وبعدين تعيشلها معه عشرين ثلاثين سنه بكفي طبعآ الاعمار بيد الله وبعدين فيه اعمارهم ستين وسبعين سنه بتفكر عمره اربعين والصحه من الله فا دائمآ الانسان يتوكل على الله اولآ ومن ثم على ذراعه ثانيآ
20-08-2014 08:41 AM
نانو
على شو مستعجله الزواج مقرف ورح تندمي خليكي هيك احلالك
رد بواسطة naw
الزواج مقرف بالنسبة ألك وحرام هذا الكلام الزواج تفاهم واستقرار وبعد عن الحرام للطرفين لمن يصون بيتة وعرضة ...
رد بواسطة ردمن عبداللطيف * الى نا نو
نانو صباح الخير ==== الزواج اذا كان من واحد رجل وقد حاله وبقدر الحياه الزوجيه صح ولا احلا منه وبغض النضر عن العمر الزواج استقرار للانسان سوء رجل او بنت اما اذا واحد اي كلام بلا منه زي بعض البنات بحبن وما بعرفن مين بحبن مع احترامي لكل بنت ومتزوجه
20-08-2014 08:46 AM
الى صاحبة المشكله ///من عبداللطيف
شوفي احكيلك العمر ما فيه مشكله ومتزوج ومطلق ما فيه مشكله المهم القناعه في هذا الرجل المحترم فأذا ما فيه قناعه عندك فيه الي اوله اهونه لويش الندم بعدين وبتمنالك التوفيق
20-08-2014 09:38 AM
الاحول
صلي صلاة الاستخاره وربنا بفرجها
20-08-2014 09:46 AM
الاحول
مو شرط العمر في ناس عمره 20 سنه وبس تشوفيه بتقولي عمره 50 لازم انت تفكري لحالك وبمنطق وحاولي تقعدي معاه وتتعمق بشخصه بلكي كان من نصيبك وانت واعيه
20-08-2014 09:48 AM
هههههههههههههه
القطار السريع
20-08-2014 09:55 AM
مسافر لوحدي
اذا انتِ مقتنعه فيه وافقي؟
موضوع انه مطلق ما فيها شي ممكن ما اتفقو .
العمر لا هو صغير ولا انت صغيره يعني في تقارب بعض الشيء اذا حطينا في الحسبان انه البنت بتكبر قبل الرجل لعوامل الولاده ... الله يستر عليكِ وما التوفيق إلا من الله .
رد بواسطة حـــــره اناااااااااا
صح لسانك يا مسافر
:)
رد بواسطة @ أبــو @ عويــس @
اصابتني شعرريرة وتغرغرت عيناي بالدموع
20-08-2014 10:14 AM
ام فوفو
عليك ان تعرفي سبب طلاقه الحقيقي كي لا يتكرر الامر معك فان كان الطلاق لطبع فيها وقد يكون بك فلا توافقي اما اذا كان لطبع بهالاتقبلي هذا الطبع لنفسك فوافقي -يبقى فارق السن انا اتردد بقبوله لي
رد بواسطة رد من عبداللطيف /// ام فوفو
اكيد يا ام فوفو بتلاقيها قويه اكثير وهو طيب ومسكين وهذا سبب الطلاق واكثر حالات الطلاق انه شخصية المرءه اقوى من الرجل والعكس صدقيني
20-08-2014 10:31 AM
عاشق فلسطين
لك احمدو الله انو بهادي الايام في حد قادر يتزوج

من الغلا يلي عايشينو و الاجارات الغاليه و الاوضاع اتوكلي على الله و اتزوجي و ارضي و ان شاءالله يطلع ابن حلال
20-08-2014 10:32 AM
ابو السوس
صدقيني يا خالتو انا متزوج وعمري 43 لو لساتني اعزب وبفكر اتزوج ما اخدتك لانك كبيره علي
ال كبير ال يعني انتي السنفوره اختصري خالتو
20-08-2014 10:46 AM
تعبان
شوبدك في وجعة راس الي بفهم ما بتزوج راح اتجربي وتشوفي وسعيد بضحك في الاخر
رد بواسطة رشيقة
يا حسرتي عليك مبين ماكل هوا الله يكون بالعون.
20-08-2014 10:54 AM
mamm
تقبلك النفسي للموضوع مهم... بصراحة معظم البنات اللي ما جربوا الزواج بيفكروا زيك وبحبوش ياخدو واحد اله تجربة زواج سابقة... بس لما الوحدة بتتزوج بتتغير طريقة تفكيرها لانه بغض النظر عن كل التفاصيل المهم يطلع الزلمة منيح.. وانا وحدة متلك كنت افكر وهلا اتغيرت.. يعني زلمة كبير شوي او مطلق بس محترم وكريم ويدير باله علي احسن من عزابي صغير وصايع ويعيشني بالهم... ف فكري منيح وبالنهاية الرفض حقك وما حد اله عليكي.. وكلنا اهالينا عملو فينا نفس المواويل والموشحات هاي.. هلا صارت ذكرى
رد بواسطة الختيار
والله انك رائعة.
رد بواسطة عصام/mamm
لا بد ان زوجك يفتخر بك اختي العزيزة
اقول هذا رداً على ما قرأته من الكلمات الراقية الموزونة التي تدل على انك بمستوى عال من الوعي ومستنيرة وواقعية
أشكرك سيدتي وكوني بخير.
20-08-2014 11:11 AM
مستغرب
انا نصيحتي انك تستخيري الله وريحي راسك انا بالتجربه استخرت والله وفقني بزوجه واولاد ورزق الحمد لله هذا الدعاء في موقع
http://kulalsalafiyeen.com/vb/showthread.php?t=9109
20-08-2014 11:46 AM
الى صاحبة المشكله
انا عمري 33 سنه مهندس ديكور وضعي المادي ممتاز والحمد لله املك بيت مستقل ارغب بزوجه وجميله وعلى خلق ودين
20-08-2014 12:00 PM
حــــــــــره اناااااااااااا !!
يا بطه 40 سنه مو كبير عليك يعني مناسب..بعدين ازا اخلاقه منيحه وافقي ع طويل وصدقيني لو بدك تتزوجي واحد من سنك رح تكثر بينكم المشاكل اما هيك بكون راكز وناضج ومستوي هههههه..وبضل يدللك ويغنجك ورح تنبسطي كثييييير
اليوم بتصلي استخاره وازا ارتحتي عشان نكد الجاهه بكره..وبالرفاه والبنين
رد بواسطة @ أبــو @ عويــس @
حكيمة
رد بواسطة حــــــــره اناااااااااااا
من يومي ابو عويس
!!
رد بواسطة @ أبــو @ عويــس @
هههههههههه

اكيد ^_*
رد بواسطة so!
كأني عرفتك ..:)
20-08-2014 01:06 PM
الى صاحبة المشكله
الزواج من مطلق مو مشكله ابدا

المشكله هو شو سبب الطلاق وخصوصا بعد شهرين

ولو ما كانت الاسباب مهمه جدا وغير قابله للاصلاح او اعطاء مهله مناسبه للزواج لينجح ما كان صار الطلاق

وخصوصا انه شهرين وما في وحده بتطلق بعد شهرين الا للشديد القوي وبتكون ما قدرت تتحمل وما همها كلام الناس

تأكدي انه ما عنده مشاكل بتتعلق برجولته
او انه يكون بتعاطى مخرات
او انه اله ميول جنسيه مثليه

لانه حصلت وصارت انه العروس تكتشف انه هالرجل الرائع اللي هي ارتبطت فيه

عكس الصوره اللي عرض نفسه فيها
وبكون اما شاذ او مدمن مخدرات او ما عنده القدره الجنسيه للزواج وهاي حوادث حصلت كتير في المجتمع

يعني واحد بالاربعين لما قرر يتزوج مطلقته حاليا
هو راجل ناضج وفكر كويس واختار بعنايه عن تفكير

فمش معقول يكون سبب الطلاق عادي

اذا تم التأكد من انه الطلاق وقع لاسباب منطقيه

هو مش كبير عليكي فكري كويس
والزواج قرار بياخده الانسان بعد تفكير عميق وبعد تروي وبعد الابتعاد عن اي ضغوط نفسيه وبعد الاتكال على الله
ويا ستي الزواج شراكه بيعمل الانسان جهده لتنجح شراكته ما نفعت بتنفض هالشراكه

الزواج مش عقوبه والطلاق بالنسبه للست حق بتاخده هي اذا حست انه حياتها غير قابله للاصلاح مع هالشريك

ومش نهاية العالم
رد بواسطة رشيقة
يعطيك العافية
20-08-2014 01:28 PM
مسافر لوحدي
انت حطيت أحتمالية انه الزوج فيه مشكله ؟
طيب ليش ما حطيت إحتمال المشكله فيها ؟
رد بواسطة رشيقة
ممكن!!!!
20-08-2014 01:49 PM
لالالالا
بلا زواج ولا هم
رد بواسطة رد ///على لالالا
احلا من الزواج ما فيه
رد بواسطة رشيقة
صدقت على الاقل بتلاقي ناس تتهاوش معه وترجعوا تتراضوا سنة الحياة ههههههههه
20-08-2014 01:54 PM
مسافر لوحدي
حره انااا وبعدين معك لخمتيني اثبتي يا بنت ههههههههههه
ابو عويس
طول بالك يا زلمه لا تعيط لانه واقف على دقره بعيط معك هههههههههه
رد بواسطة @ أبــو @ عويــس @
ههههههههههه

يا اخي العدس مع الشوب صار مثل ال ...... هههههههه
20-08-2014 01:58 PM
عوني غرايبه
وضعك طبيعي وعادي وصارت مع عديل ابو عوض برغم انه صاحب خبره عدت الخمسين
20-08-2014 02:25 PM
عوني غرايبه
اتاكدي انه معه اعفاء جمركي ضروري عشان البيبي ههههه
رد بواسطة رشيقة
ما فهمت؟؟؟؟؟؟
20-08-2014 02:32 PM
لا انتي صغيرة ولا هو كبير!
اتجوزي واستري حالك اهلك بعرفه مصلحتك اكثر منك بعدين يا ستي منيح لقيتيلك عريس هالايام لانه ما حدا قادر يتجوز من الغلاء الفاحش اتجوزيه احسن لتعنسيه
20-08-2014 02:43 PM
ابو المفهومية
ﺃﻥْ ﺗﺨﺴــَـﺮْ ﺑـﺎﻟﺒــﺪﺁيـﺔ •~• ﻭ
وﺗﺘﻌــﻠﻢْ
ﺃﻓﻀــﻞ ﻣـﻦ ﺃﻥ ﺗﺨﺴـﺮ ﺑﺎﻟﻨﻬـِﺂﻳﺔ •~•
ﻭ ﺗﺘـﺄﻟﻢْ
رد بواسطة رشيقة
يسلم لي شو هالسجع وحسن القوافي
20-08-2014 02:57 PM
غرااام
كل ما كان الفرق بالعمر اكثر بيكون احلى ...
طبعا موضوع اخلاقه والتزامه وكل هالاشياء اذا كانت تمام خلص ما في اي مشكله وحتى لوعمره فوق 45 كمان احلى واحلى .....
رد بواسطة رشيقة
حكي غير منطقي ولا ينطبق على الكل
20-08-2014 07:00 PM
اسوووول
وين المشكلة ؟ والله انه انا بشوف انه مناسب لانه متل ما بتحكي انه فهمان وهاد اهم اشي .والله يوفقك
20-08-2014 07:04 PM
غرااام
صاااانع الفرح
مسااء الخير
لو سمحت ممكن اطلب منك طلب من فترة قرات الك وصفات بالاعشاب لكثير من الامراض حضرتك دكتور عندك عياده او مركز للتداوي بالاعشاب لو ما فيها غلبه ممكن تعطيني العنوان ضروري جدا .......
20-08-2014 07:48 PM
البريء
اهم شي بشتغل مهندس ههههههههههههه وعلى شو محتاره يختي لا عنسي احسنلك
رد بواسطة السوسنة الى البريء
برايي التعنيس افضل من انها تاخذ واحد اله تجربة وقد ابوها

حسب المثل صامت وافطرت على بصلة
رد بواسطة فلان
ليش ماله المهندس يا دكتور ؟!!!!
20-08-2014 08:35 PM
صايع
صلي استخاره احسن
20-08-2014 10:55 PM
لصاحبة المشكلة
تقبلي متزوج بالخمسيين
20-08-2014 11:19 PM
2020
سؤال للمحرر : كيف ممكن انشر مشكلتي على موقعكم ....مع الشكر...
رد من المحرر:
على ارسل لنا
20-08-2014 11:37 PM
السوسنة
شو جابرك تاخدي واحد كمان كم سنة بصير قد ابوك وكمان اله تجربة
مطلق يمكن قرفها حالها لبنت الناس عشان يجدد وياخذ اصغر
اصلا معظم الشباب العرب عندهم عقدة نقص بفكروا المراة اثاث لازم يتغير كل فترة
رد بواسطة عنجد
ليه هو بكبر وهي بترجع 18 سنه
21-08-2014 01:41 AM
abrahem bayer
اختي العزيزة اكرمكي الله وشرح الله قلبي

وسدد خطاكي واعانك الله على حسن الاختيار

يعني انا شايف انو فارق العمر ليس بالفارق الكبير لكن الاهم من ذلك ان يكون الشاب على قدر من الاخلاق والدين

مش غلط انك تسألي عنةواهلك يسالو عنه

واجلسي معاه مرة وعشرة حتى تتيقني

انه مناسب الك وبعدين اذا ارتحتي اله توكلي على الله وكل اشي بالتفاهم بصير وبعدين تحري عن سبب الطلاق اللي حصل معة واعرفي منه السبب0 وربنا يوفقك في حسن الاختيار00
21-08-2014 10:58 AM
زيد وعمر
انا متجوز وعندي اولاد ولو بدي اتجوز باخذ اصغر منك

روحي استخيري وتوكلي ع الله

جارتنا بتجنن ضلت تحكي بدي وبديش وهسه عمرها 50 سنه
21-08-2014 11:52 AM
ساره
التفكير بكل اشي مثل عمري 27 سنة تزوجت وكنت ارفض الزواج وبعدها تزوجت وانا قرفانة هيك زواج اكبر مني 5 سنوات اهلك بحيكو بس مابيعرفو بكره شو هو الزوج انا ندمانه وعندي ولد كل مابفكر اني انفصل بتذكر ابني انا مش مرتاحه نصيحتي اني بموت كل يوم وانا عايشه لاتفكري انه الزواج راحت بال لا اهلك مثل اهلي هلا اهلي بشجعوني انفصل مع انه اختيارهم مش اختياري مجتمعنا بفكر بس بحكي الناس
21-08-2014 12:21 PM
1999
شووووووو رايك اجي بخطبك وخلصك من كل هسولفه عمري 29
21-08-2014 12:30 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات