إحكولي شو أعمل ؟


جراسا -

انا عمري 25 سنة متزوجة من سنتين بعد الزواج اكتشفت شي غريب بزوجي . كل ما احكي معه بأمور الدين بكون دائم التشكيك . (يا رب اغفرله) .وعنده قناعاته الخاصة وهذا الموضوع بدأ يضايقني لأني مسلمة بصلي وبصوم وبأدي كل الفروض ، وهو لأ . بس بنفس الوقت زوجي مقتنع انه الامم اخلاق ، والصدق اقول ان اخلاقه رائعة . بعاملني وبعامل الناس كتير منيح ما بسرق , ما يخون ,ما يكزب , امين لأيعد الحدود بحب يساعد كل محتاج ، وغيره من الاخلاق المنيحة . مشكلته التشكيك بالدين والطقوس الدينية . حكيت معه كتير قناعته ما بتتغير . شو الحل هل هو الطلاق ؟؟ ابغض الحلال عند الله تعالى الطلاق وانا ما بدي اخرب بيتي وخاصة انه عندي طفل .يا ترى بكون اثمة هيك اذا ما بطلب الطلاق .؟ الرجاء المساعدة ، شو أعمل؟؟؟



تعليقات القراء

هاله
اختي اتصلي بدائرة الافتاءاو بمكتب الكتور محمد نوح القضاة
رد بواسطة لجنة المتابعة
كلااام سليم 100/100
رد بواسطة رشيقة
نعم الله يوفقك
رد بواسطة @ أبــو @ عويــس @
ونعم الرأي
رد بواسطة ابو ابو محمد
محمد نوح القضاه مو بدائره الافتاء ولكن لديه شقيق هناك و هو ممتاز ولا ازكيه على الله
31-07-2014 01:30 PM
اسوووول
اتركيه بقناعاتة وسيبك من هاد الحكي .لانه و متل ما هوه مكتوب انه منيح وفيه كل الخصال الطيبة .اه وشو بدك احسن من هيك والله انه بتحيرو الواحد
رد بواسطة الى اسوووول
كلامك على راسي وعيني
بما انه قايم بكل واجباته تجاهك وتجاه العائلة والاولاد والناس واطباعه كويسه وما عم بئزيكي خلص حسابه عند ربه مش انتي الي رح تحاسبي
والله ما رح يحاسبك انتي على عدم صلاته وتشكيكه
رد بواسطة هديل
هل نسيت انت والتي ردت عليك انه لايجوز للمسلمة ان تتزوج من غير المسلم؟وهذا غير مسلم
رد بواسطة الى هديل
من الذي اخبرك انه غير مسلم؟
كيف يمكنك اخراج رجل من الملة؟؟
لماذا ترتكبين المعاصي وتكففرين مسلم؟؟؟
رد بواسطة اسووووول
ما حدش بيطلع اله انه يكفر التاني .....
رد بواسطة هديل
من يشكك في الدين كافر
رد بواسطة انتبهوا
قال تعالى
لا يؤاخذكم الله باللغو في أيمانكم ولكن يؤاخذكم بما عقدتم الأيمان
صدق الله العظيم
31-07-2014 01:31 PM
ابو مصطفى
اذا كان استهزائه بالدين الحاد وكفر بوجود الله فيكون هذا الرجل خارج من المله الاسلاميه وانصحكي بالاتصال بدار الافتاء لاخذ رايهم لان الموضوع مهم او ان تبلغي احد من اقاربك الثقاه لاخذ رايه والتدخل مع الزوج لنصحه وارشاده للحق
رد بواسطة يا ابو مصطفى
اخوي رمى على مرته الطلاق وحكولو لازم تكمل في دائرة الافتاء ولما راح حكولو بدك تعمل فتوى او بدك تقطع فتوى وسعر الفتوى 50دينار ورجع عالدار وهو مش عارف ليش بدو يدفع 50 دينار للفتوى
أي مهو بدو يطلق ليش فتوى بخمسين دينار
هو معو اصلا 50 زفت مغلي
رد بواسطة لجنة المتابعة
احكيله يبطل يطلق جكر فيهم
واحسنله يوفر حاله ال 50 دينار بستاهلوهاااااااش لو ليرة ونص
معقووووووووله
31-07-2014 01:32 PM
الى صاحبة المشكله
طيب وين المشكله
كل الصفات الطيبه فيه هي من الايمان ومن الاسلام الحقيقي

ياما في شيوخ وما عندهم ذرة اخلاق
وياما بصلوا وبصوموا وعاملين الفظائع بحياتهم
ظالمين منافقين مرتشين ضلاليه

النبي عليه الصلاة والسلام قال
انما بعثت لاتمم مكارم الاخلاق

والله قال وانك لعلى خلق عظيم

يعني الاخلاق هي المحك
وهي الفيصل

واللي عنده اخلاق عنده دين

وما في خوف عليه وبذرته طيبه
ويا ستي بصلي مع الوقت ومع هداية ربنا اله

لو كل اللي الملايين بصلوا وبصوموا وبحجوا صادقين مع ربهم

ما كنا شفنا هالخراب ببلادنا
ولا التخلف
ولا الهمجيه
ولا التخلف
ولا الفساد
ولا الظلم
ولا العقوق
ولا هضم حقوق الناس
ولا الكذب
ولا النفاق
ولا كل هالموبقات اللي بترتكب

ومليان ناس ما بتشوفيها الا قال الله وقال رسول الله
وهم من الكاذبين ومن المرائين ومن الدجالين

يعني بالاخير اتركي الرجال بصلي لحاله

والله مليان شباب وبنات شيوخ ومفتيين ومدعيين دين هججوهم من الدين وكرهوهم فيه
من نفاقهم ومن افعالهم القذره
ومن تفسيراتهم البدائيه لدين الله
لدين الاسلام اللي كله رحمه وجمال وحب وعمل وصدق وجوهر جميل
رد بواسطة اشجان
من قال لااله الا الله وارتكب المعاصي يختلف عن الملحد
رد بواسطة مثقاااال
كلامك صحيح مالم يكن قصد صاحبة المشكله ان زوجها ملحد ويشكك بوجود الله !
31-07-2014 01:38 PM
اميير نوررة
مسالفل للكل
رد بواسطة سوق الجمعة
ما في حدا كلهم راحو على سوق الجمعة
من اول يوم العيد سوق الجمعة فاتح والعالم مثل النمل
31-07-2014 02:25 PM
رشيقة
مش فاهمة شو نوع التشكيك .هل منكر لوجودالله والعياذ بالله . هذا كفر والطلاق فورا هو الحل .امااذا بتعاجز يأدي العبادات اسهل والحل الحوار والترغيب اأن شاء الله الله يهديه.
رد بواسطة لجنة المتابعة
ونعم الرأي يا رشيئة
رد بواسطة @ أبــو @ عويــس @
كلاااام صحيح وجميل
رد بواسطة ابو الليث
طبعا البنت مو راضيه توضح اكثر من هيك اكيد الرجل ملحد ومنكر لوجود الله وهذه مشكله كبيره لا يمكن السكوت عنها واقول للاخت الفاضله حاولي تهديه لعل وعسى مع هجر فراشه لانه حرام واذا ما استجاب اطلبي الطلاق دون تردد وكان الله لك معين
31-07-2014 02:29 PM
لجنة المتابعة

قال الله تعالى في كتابه العزيز

{مَنْ عَمِلَ صَالِحًا فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلَّامٍ لِّلْعَبِيدِ} (46) سورة فصلت

فما عليك الا النصيحه والوعظ والدعاء له بالهدايه
وان شاء الله ربنا يهديه عيدك وتكسبي
اجر هدايته واجر صبرك وتحملك اله
رد بواسطة @ أبــو @ عويــس @
تريلاااااا لااايكات
رد بواسطة لجنة المتابعة

سفينة تحيااااااااااات
31-07-2014 02:41 PM
ام طاقة
شوفي بدايتها اتوقع اذا الامور زينة وكويسة مافيه مشكلة لكن لا الخطر المستقبلي وارد - بالعكس انتي لازم تحاولي تفهمي سبب التشكيك بالامور الدينية حتى ماتكون بداية الحاد خفي -- مااتوقع زوجك يصلي حتى لو يصلي لازم تعرفين مين اصحابو الي يكلمهم هذا يدل انو فيه حد متاثر فيه سابقا او يتاثر فيه بشكل يومي او شبه يومي - الحل تظلي تجيبي لو كتب اذا يحب القراءة والافضل تراويه افلا يوتيوب دينية وتخليه يجالس ناس عندهم قوةايمانية - مااوافق الي يقول خليه براحتو بل لازم تدريجيا تفهمي ومن ثم تعرفي كيف تعالجي بالاقناع لانو احتمال كبير يكون فيه حد يتكلم معو بالعمل من ديانة اخرى ويتاثر فيه لانو مستقبلا هذا ممكن يصير عصبي جدا وبتخبط ديني ونفسي
رد بواسطة لجنة المتابعة
بس اول 100 سنة صعبات ..
31-07-2014 02:41 PM
الى صاحبة المشكله
لا تخربي حياتك ارجوك

الدكتور مصطفىمحمود رحمه الله

كان من اكبر الملحدين وهو عالم

وسنين قضاها في الالحاد في انكار كل شيء بمت للخالق بصله

بفضل الله وبساعة تجلي الله دله على طريق الهدايه

لانه فكر بشكل منطقي وبشكل علمي
مع نفحه ربانيه واراده خارج قدرة البشر ارشدته الى الله ووجده

فلا تخافي زوجك عنده اخلاق وصاحب الاخلاق ما في خوف عليه ولا منه

لا تدخلي في متاهات وتنغصي حياتك

واوعك تسأل مفتيين اسألي ربك بس

لانهم بدخلوكي بالحيط
رد بواسطة ابراهيم الكرك
لا يا أخي الكريم نصيحتك ليس في محلها ألم تسمع قوله عزوجل :

فاسألوا أهل الذكر إن كنتم لا تعلمون
رد بواسطة الى ابراهيم
كان زمان اهل الذكر

وكثرة لسؤال ويا شيخ ويا شيخ ويا شيخ
ورامج فتاوي بتتعرقل فيهم ومشايخ بتفتي بالكليو بالثانيه الواحده

(يَا أَيُّهَا الَّذِينَ آمَنُوا لا تَسْأَلوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلوا عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حَلِيمٌ)

بني إسرائيل حين أمروا أن يذبحوا بقرة، فلو عمدوا إلى أي بقرة فذبحوها لأجزأتهم، لكنهم تنطعوا وتشدقوا وأكثروا الأسئلة حتى شُدِّد عليهم.


قال رسول الله: " ذروني ما تركتكم، فإنما أهلك من كان قبلكم كثرة سؤالهم واختلافهم على أنبيائهم، فإذا أمرتكم بشيء فأتوا منه ما استطعتم وإذا نهيتكم عن شيء فدعوه".



سألوا النبي صلى الله عليه وسلم حتى أحفوه بالمسألة – أي أضجروه وأحرجوه بكثرة المساءلة – فصعد النبي صلى الله عليه وسلم ذات يوم المنبر فقال: "لا تسألوني عن شيءٍ إلا بينت لكم". فجعلت أنظر يمينا وشمالا فإذا كل رجل رأسه في ثوبه يبكي. يعني خوفا من غضب رسول الله صلى الله عليه وسلم.
رد بواسطة الاخ ابراهيم الكرك
سبب نزول هذه الآية: أن مشركي مكة أنكروا على النبي صلى الله عليه وسلم أن يكون الله تعلى أرسل بشرا، فأنزل الله تعالى: وَمَا أَرْسَلْنَا قَبْلَكَ إِلَّا رِجَالاً نُوحِي إِلَيْهِمْ فَاسْأَلُوا أَهْلَ الذِّكْرِ إِنْ كُنْتُمْ لا تَعْلَمُونَ [الانبياء:7].
وأهل الذكر هنا هم: أهل الكتاب من الأمم السابقة الذين بعث الله إليهم الرسل، ولكن العبرة بعموم اللفظ لا بخصوص السبب، كما هو مقرر في أصول الفقه، ولهذا قال ابن عطية: وأهل الذكر عام في كل من يعزى إليه علم. فأهل الذكر هم أهل الاختصاص في كل فن.

وأما الحديث، فقد رواه الإمام أحمد في المسند، ولفظه: عن وابصة بن معبد قال: أتيت رسول الله صلى الله عليه وسلم فقال: جئت تسأل عن البر والإثم؟ قلت: نعم، قال: استفت قلبك، البر ما اطمأنت إليه النفس واطمأن إليه القلب، والإثم ما حاك في النفس وتردد في الصدر، وإن أفتاك الناس وأفتوك.
رد بواسطة تمارة
يا اخي الملحد عندما يؤمن ويهديه الله يجوز له ان يتزوج من مسلمة-- وزوجها ملحد ولم يسلم حتى الان
31-07-2014 02:57 PM
@ أبــو @ عويــس @
انا مع كل رأي بحكي (( فاسألوا أهل الذكر إن كنتم لا تعلمون ))

غير هيك انسي

والله ولي التوفيق احترااامي
رد بواسطة لجنة المتابعة
خير الكلام .. ما قل ودل
31-07-2014 03:38 PM
ام خليل
انا ايضا اقول لك اسألي اهل الذكر وعلى ما اظن سيطلبون منك محاولة اقناعه ما استطعت ثم ان يئست فالانفصال ولا تاخذي رأيي نهائيابل الرأي لرجال الدين
31-07-2014 04:59 PM
المغاريز
لا تدمري بيتك لا بد ما يصل الى الحقيقه يوما ما , فلا قناعه فوق قناعه الايمان بالله ثقي تماما سيقتنع الاسلام دينا ولو بعد حين والصبر طيب
31-07-2014 05:02 PM
نادين
زوجك ملحد
واذا لم يؤمن بالله وباليوم الاخر فهو اكيد ملحد والزواج منه باطل
تأكدي من هذا الكلام
رد بواسطة ابو ابو محمد
خليكي محضر خير يا خيتي
31-07-2014 05:03 PM
ابو ابو محمد
اتصلي بدائره الافتاء العام ولا تسألي شيوخ المساجد (نصيحه)
31-07-2014 05:33 PM
صانع الفرح *
قال عليه الصلاة والسلام:" المرء على دين خليله فلينظر أحدكم من يُخَالِل"

اصبري ولابد ان تعدلي في سلوكياته بما انكِ على الحق
31-07-2014 05:36 PM
خلص
خلص عملتوا الزلمه ملحده
وبدكم اطلقوها منه
وبدكم ادخلوه جهنم
اي اسكتوا قديش بنعرف ناس كانت ادعر منها ما في وسكرجيه وهمل وسرسيه
وبعرفوش الله والله هداهم

وفي بنات كانوا ليل نهار قاعدات بالمايوه على المسابح وعلاقات وصحوبيات
وبعرفوش من دينهم كلمه
والله هداهم

الله اكبر شو شعب مفزلك وشو بتحبوا تلتوا وتعجنوا
رد بواسطة مسئول فرز التخبيص
شايف بالله
احكيلهم خليهم يفهمو
شو هالشعب هاد
31-07-2014 06:09 PM
السوسنة السوداء
صاحبة المشكلة

==============

ما اصعب انك تشوف انسان عم بضل الطريق وانه ممكن يصير حطب لجهنم ويخلد بالنار اكيد بتحاول تساعده ليرجع للطريق الصح وتبعده عن النار
وكيف لو كان هاد الشخص من احب الناس الك وهو الزوج الي الك معاه عمر وفي ابناء بينكم

حاولي ساعدي زوجك لاتتركيه المرأة الها دور في التأثير على زوجها

صل صلاة الحاجة واستغفري ربنا بهدف انه يهدي زوجك
الاستغفار كتير ممكن يفتح ابواب كانت مغلقة
رد بواسطة ابو سمره
حياتك كلها صعبه هههههههههههههه
31-07-2014 06:39 PM
السوسنة السوداء


مابعرف كيف الكل بحكي عنه ملحد
هل انكر وجود الله

برأيي بدل ماتتركه تحاول معاه ممكن ربنا يهديه
31-07-2014 06:41 PM
الخبيثة الي أحكولي شو أعمل
خليه يوقف على أجر وحده ووجهه على الحيط وأيديه على رقبته ........وأذا نزل أجره من التعب أسلخيه بالعصايه ...........
رد بواسطة الى الخبيثة
قصدك مطرق رمان؟؟؟؟
رد بواسطة تصحيح
خليه يوقف عرجل وحده ووجهه عالحيط ويرفع ايديه فوق ... وإذا نزل رجله اسلخيه في المطرق على قفاه.
رد بواسطة السوسنة
الخبيثة

=============

نابصير ناخذ قصص الناس بالاستهزاء
هاد تصرف غير مسؤول
31-07-2014 06:57 PM
الخبيثة الي المعلقين
يا هل ترى لو صاحبة المشكلة مسكت جوزها مع وحدة أو بحكي معها على الفيس للصبح رايحه تشرحلنا برضه أخلاق جوزها بهاي الطريقة .......وما أنا حالفه كذب غير تشل أمله وكل الصفات المنيحه اللي فيه رايحه تعكسها ههههههههه شووووو عرفك بنيته ونفسيته أنا كنت أخذه فكرة عن واحد أنه ما بقطع فرض صلاة على سمعي بس يعني رايح أصلي كنت بصلي رايح على المسجد جاي من المسجد وطلع بالاخر سلامة تسلمكم .........سلامة أشرررررررررف منه بمليون مرة ...........هههههههه
31-07-2014 07:04 PM
*Lamar*
ما الك إلا انك تدعيلوو لانو ما بتعرفي يمكن يرتد عن دينو ويصير زواجك محموم بعيد الشر وكمان لاوم تتصلي بدائرة الافتاء يمكن تفيدك اكتر وتلاقيلك حل.
رد بواسطة مسئول فرز التخبيص
*Lamar*
كملي المسلسل
بعد 20 سنه لما يكتشف ابنه ان والده ملحداً (بعيد الشر)
31-07-2014 07:13 PM
مسئول فرز التخبيص
لا يحق لأي فرد منكم ان ينعته بالملحد
هذه كبيرة من الكبائر
31-07-2014 07:25 PM
مدام؟؟
مش فاهمه بدك يصلي ويكذب ويضربك ؟ سنحك
31-07-2014 07:38 PM
السوسنة
ماهو الالحاد ؟؟؟

ممكن تعريف دقيق لو سمحتوا قبل مانتهم الشخص بالالحاد
31-07-2014 07:41 PM
البيوت اسرار
سلام الله عليك اختي الفاضلة ..فرج الله همك..
اولا:
لا اعلم ماذا تقصدين بكلمة الطقوس الدينية ..هل تقصدين العبادات... صلاة ..صيام ..حج..وزكاة..
ثانيا:
اختي الفاضله..
التقصير في العبادة مع الاقتناع بفرضيتها شيء..
وانكارها وجحودها و العياذ بالله شيء خطير..
مثلا..
شخص لا يصلي ..تكاسلا..لكنه مقتنع بان الصلاة فرض..هذا شخص عنده ايمان لكنه ضعيف.. ويكون تواب و يحاول ان يواظب على الصلاة..
لكن شخص لا يعتقد و لا يؤمن بان الصلاة او غيرهامن العبادات المفروضة انها فرض من الله ..و ينكر ذلك و يجحدها هنا مصيبة ..لان انكار امر معلوم من الدين بالضرورة له حكم عند اهل العلم و الاحاديث وردت في ذلك..
ثالثا:
الكارثة ..ان يكون زوجك ملحدا لا يؤمن بالله تعالى ..و من اساسيات الالحاد انكار الفروض و العبادات و التشكيك بها و بان هنا ربا نعبده سبحانه و تعالى قد فرضها علينا ..
ان كان زوجك كذلك ..يجب عليك ان تتصلي بدائرة الافتاء في اقرب و قت ..سوف يستفسرون منك عن امور ليروا درجة الالحاد عنده ام هو مجرد ...شكوك بالعبادات..
رابعا:
انا لم افهم من كلامك انه مقصر في العبادات لو كان كذلك لما شكك بها لان المقصر او المتكاسل ..لا يشكك بالعبتدات بل هو انسان عنده ايمان و حب لله تعالى لكن مفاتن الدنيا او الصحبة السيئة او اسباب اخرى وراء تقصيره ..
واخيرا..
لا نستطيع ان نقول لك ان تطلبي الطلاق او لا ..لكن كما قال لك الاخوة راجعي دائرة الافتاء ..لكن اقول لك امرا..
الالحاد او جحود الفرائض قد تخرج ما الملة كما ورد في الاحاديث الشريفة و هذا يعتمد على درجة الانكار ..ولكن يناقش الانسان الملحد و يبين له الطريق ..ان قدر الله و طلب منك الافتراق عنه..الطلاق اخف من العيش مع شخص ملحد ..
وكما قلت سياق قصتك جعلني اعتقد ان عنده الحاد ..اما ان قصدت انه مقصر و لكن لم تستطيع التعبير ..فعامليه بالتحبيب و الحسنى ليزداد خيرا فوق اخلاقه الطيبة التي ذكرتيها ..اتمنى لك الخير
31-07-2014 08:52 PM
متزنه الى صاااحبة المشكله
سيدتي انك ﻻ تهدي من احببت ولكن الله يهدي من يشاء .. ت مشكلتك اطرحيها ع شيخ تقي احنا بشر يمكن ننصحك واحنا نعمل العكس ﻻنه نحب نبين انه احنا مثقفين وفي منا بكتب بعطيكي مواعظ وحكم يسمع فيها سمع فﻻ تخربي بيتك اسألي شيوخ عندهم تقوى الله
31-07-2014 08:55 PM
الخبيثة الي السوسنة
كل أحترامي وتقديري لكي أختي السوسنة عمري ما أخذت أو تعاملت مع تصرفات الناس بالأستهزاء ولكن مشكلة هذه السيدة أنا بعتبرها عامة وليست خاصة وموجودة بمجتمعنا كل تصرف أجتماعي يمكن تقييمه من عدة أشخاص ووجهات نظر مختلفة ولكن بالعبادة لا نستطيع أن نقيم أي أنسان لأن العبادة ما بين المرء والله سبحانه وتعالى ........أنا شخصيا أتعرض لسؤال من الناس بأستغراب عندما يطلب مني شيئا أو خروج من المنزل لقضاء حاجة ما وأقول أمهلوني الوقت للصلاة كم وكم أناس يستهجنون بأنني أصلي أتساءل لماذا تحكمون علي بأنني لا أصلي هل هي مفاجأة لكم يجيبون نعم وللعلم أختي طالما أنا تأخرت بصلاة أشعر بأنني خسرت كل شيء جميل بدنيايي تصبح الدنيا لا تعني لي شيئا عبادتي بيني وبين الله سبحانه وتعالى .
رد بواسطة السوسنة السوداء
الخبيثة
==============


شكرا لردك
31-07-2014 10:31 PM
وين وين
امرات فرعون كانت مسلمة وهو كافر واتحملت كل شى منة والم تطلب منة الطلاق فانتي كزابة التي تطرحي مشكلت على على ناس لايعرفو شىء بدين عليك مراجعت الاوفاف
01-08-2014 09:10 AM
اخ بالله
أعجبني رد شجن غأعملي به
النبي عليه الصلاة والسلام قال
انما بعثت لاتمم مكارم الاخلاق
والله قال وانك لعلى خلق عظيم
يعني الاخلاق هي المحك
وهي الفيصل
واللي عنده اخلاق عنده دين
وما في خوف عليه وبذرته طيبه
اختي ان وصلتي اهل الذكر ستصبح حياتك تعيسى يقولون مالا يفعلون تحياتي....
01-08-2014 10:56 AM
عاصم
خليكي عايشه معاه ، ولا توخذي قرار متسرع، ما بنفع الندم .
01-08-2014 11:21 AM
فواز
عيش حياتك معه وادي واجباتك الزوجيه والدينية ولا تخوضي معه بدين وحاولي حببيه بنفسك اكثر (العجز عن الادراك ادراك والبحث في ذات الله اشراك )ولو كنت فضأ غليض القلب لنفضو من حولك .
01-08-2014 11:58 PM
اميرة الاحزان
هوي طبعا ربنا بحاسبك لانو جوزك وانتي شوفيه واحكي معو واعطيه فترة محددة وازا ما التزم بدينو احكيلو انا رح اطلق وشوفي شو رح يعمل
02-08-2014 03:33 AM
يا شيخ عادي
الدين المعاملة .. بعدين نص شباب الاردن ملحدة هسا يعني على السولافة هاي لازم نص بناتنا تتطلق .. طالما الشب مليح شو بدك بفكره؟ وبعدين الفكر يتغير مع مرور الوقت ..
02-08-2014 05:05 AM
مدام كم عمر زوجك ؟.
كم عمر زوجك ؟.
02-08-2014 09:38 AM
عودو الى الحديث الشريف
قال الرسول (ص):" من اكثر ما يدخل الناس الجنة تقوى الله وحسن الخلق" وقال ايظا:"ليس شئ في الميزان اثقل من الخلق"
02-08-2014 01:55 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات