جراسا -

روح يا أمـــه حبيـبـي قاتــــل
وما تلتفـــت لساقــــط أو هامـــــل
هــاظ يا أمــه إبــــن رقاصــه
ومهمــا صــار بظــــل فاشــــــــل
عايــش علـى فتــات الحكــــام
وفيـروس النذالــة دايمـا حامـــل.

أنــا يا أمــــه والله نــذرتـكــم
إنـت ومحمــود وعبــــد وصايــــل
شـهـــداء من أجـــل فلسطيــــن
والشهيــــد يا أمـــه ما لــه مثايــــل
شـفـــت شـــو عملـوا الصهاينــة
هتلــر مثلهـم ما عمل هيـك عمايـل.

يا أمــه ما تستنـى فزعــة العـرب
بلادهـــم صارت دويــلات وقبائـل
شاطريـــن بــس يقاتلــوا بعــض
وبتبيـــن صواريخهــــم والقنابــــل
ولو اللي راح منهم في حروبهــم
بنشوفهــم معنا في غـــزة بتـقاتــــل
كان يا أمـه ما ظـــل صهيونـــي
وصــــارت الأرض تحتهـــم زلازل.

يا أمــه نساء فلسطيــن وغــــزة
بتظــــل في الأبطـــــال حــوامـــل
ما يهمـــك إحنـــا مــن نفسـكــــم
مـا بنحتــاج مــن أحــــد جمـايـــــل
مـا دام يا أمـــه عندنـا الكرامـــه
بنظـل صامدين وفي العــدو نقـاتــل.

يا أمـه إخوتــك اللي في الضفــة
وصلنــي منهـــم كثيــــر رسائــــــل
فتـــح بتقـــول إحنــــا مـعاكـــــم
وأرواحنـا علشانكـم نــور ومشـاعــل
إخوتكـم في كتائب شهداء الأقصى
ما ببعدهــا عنكـم خلافــات ومشاكــل
وصواريخهم في غـــزة بتشهـــد
الأصيـــل ما بخلـــف الا الأصايــــل
ونفس الكــلام والتأكيـــد أجانـا
يا أمـه من كل المنظمات والفصايـــل.